Wuslědk kaž na třělnišću docpěli

wutora, 31. meje 2016
artikl hódnoćić
(0 )
Zamołwići Zapadołužiskeho koparskeho zwjazka su njedźelu koparjam prěnjeho mustwa Chróšćanskeje sportoweje jednotki pokal za wokrjesne mišterstwo přepodali. Po hrě Chróšćenjo triumf ze swojimi fanami woswjećichu. Wot noweje sezony budu woni potom w krajnej klasy hrać.  Foto: Clemens Šmit Zamołwići Zapadołužiskeho koparskeho zwjazka su njedźelu koparjam prěnjeho mustwa Chróšćanskeje sportoweje jednotki pokal za wokrjesne mišterstwo přepodali. Po hrě Chróšćenjo triumf ze swojimi fanami woswjećichu. Wot noweje sezony budu woni potom w krajnej klasy hrać. Foto: Clemens Šmit

SJ Chrósćicy

– FSV Łuty 9:0 (4:0)

Zestawa domjacych: Králíček – Schulze, Teichmann, Šafář (46. Zahrodnik), Bětnar, Žur, Runt, Domaška, Dórnik, Věchet (62. Latkolik), Šmit (46. Młynk)

Njedźelu drje njebě kermuša w Chrósćicach, wrota pak padachu na tamnišim sportnišću kaž na třělnišću. Při horcych temperaturach a smalatym słóncu pokazachu Chróšćanscy koparjo wšu swoju radosć při honjenju za bulom. Hnydom w 2. min. dobra přihrawka Dórnika na Věcheta, tón pak dołhi kut snadnje misny. Krótko na to šmórny pospyt hosći tež wo centimetry nimo wrotow Králíčeka. Wotnětka pak so hra nimale jenož we Łutowskej połojcy wotměwaše. Wólny kop, kotryž bě Domaška wysoko do šěsnatki přinjesł, zhłójčkowa samlutki stejacy Věchet­ bjez problema k 1:0 do saka (13.). Jenož mjeńšiny na to sej „Rudi“ Věchet štyrjoch škitarjow do rejki prošeše, zarejowa jim suk do nohow a k tomu hišće kulowatu kožu w klětce zaměstni (19.). A dokelž so jemu runje derje hraješe, sčini jeno sekundy na to hattrick perfektny. Runt bě Věcheta wulkotnje posłužił, a tón na 3:0 zwyši (21.). Krótko do połčasa postara so Žur z niskej trělwu do dołheho kuta wo štwórte wrota (43.).

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND