×

Powěsć

Failed loading XML...

Poslednja zhromadna hra Schweinsteiger – Podolski

srjeda, 29. junija 2016
artikl hódnoćić
(0 )
Po wčerawšim wólnym dnju su koparjo němskeje wubranki, mjez nimi Bastian Schweinsteiger (2. wotlěwa), dźensa zaso trenowali.  Foto: dpa/Marvin Güngör Po wčerawšim wólnym dnju su koparjo němskeje wubranki, mjez nimi Bastian Schweinsteiger (2. wotlěwa), dźensa zaso trenowali. Foto: dpa/Marvin Güngör

Lille. Stadion Stade Pierre-Mauroy w francoskim měsće Lille běše minjenu njedźelu kruće w rukach němskeje koparskeje wubranki. 44 312 přihladowarjow móžeše tam dožiwić, zo trenar Joachim Löw štyri mjeńšiny po tym zo bě Lukasa Podolskeho zaměnił, tež Bastiana Schweinsteigera na hrajnišćo pósła (76.). Tak steještaj wonaj hač do kónca hry bok poboku na trawniku.

To wšak dyrbješe posledni zhromadny wustup w narodnym mustwje Němskeje być. Snano dóstanjetaj hišće raz wotchadnu partiju, we winowatostnej pak za Němsku cyle wěsće wjace zhromadnje hrać njebudźetaj. Schweinsteiger drje móže so hišće zasadźenja w štwórćfinalu přećiwo Italskej nadźijeć, Podolski pak žane wuhlady wjace nima. „Jogi“ Löw ma na lěwym boku z Götzu a Draxlerom lěpšej­ alternatiwje. Zo pak bě Löw Podolskemu k dwanatej hrě europskich mišterstwow (EM) dopomhał, dopokazuje, kak wulce sej zasłužby rodźeneho Polaka česći. Bě to wosebity dźak za dwanaće zhromadnych lět, w kotrychž dožiwištaj wobaj wjeršk z dobyćom swětowych mišterstwow 2014 w Brazilskej.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND