Prěnju poražku poćerpjeł

póndźela, 01. awgusta 2016
artikl hódnoćić
(0 )
Byrnjež mocy beachvolleyballoweje dwójki Šěn/Mět popušćeli njemóžeše so duwo Wallicht/Šołta w třěćej hrě dnja přesadźić. Tule zamóh Sefan Mět (nalěwo) z dobrej akciju blok Metoda Šołty přewinyć.  Foto: Jurij Bjeńš Byrnjež mocy beachvolleyballoweje dwójki Šěn/Mět popušćeli njemóžeše so duwo Wallicht/Šołta w třěćej hrě dnja přesadźić. Tule zamóh Sefan Mět (nalěwo) z dobrej akciju blok Metoda Šołty přewinyć. Foto: Jurij Bjeńš

Jedyn z najsnadnišich a najnapjećišich hrajnych dnjow hišće młodych stawi­znow serbskeje beachvolleyballoweje ligi je nimo. W Róžeńće zetkachu so minjeny štwórtk načolne mustwo Smoła/Bjeńš, w tučasnje wurjadnej formje dwójka Šěn/Mět a duwo Wahlicht/Šołta, kotrajž hišće dypkować njemóžeštaj.

W prěnjej hrě wočakowaše načolnik Norberta Wahlichta a Metoda Šołtu. Prěnja sadźba bě cyły čas wurunana. Žane z dweju mustwow njezamó so tak prawje wotsadźić a tak steješe 20:20. Kóždy dypk bě nětko wažny – na kóncu přesadźištaj so Benedikt Smoła/Jurij Bjeńš ze zbožom z 25:23. Druha sadźba bě kopija prěnjeje. Hakle při stawje 17:17 pak so dotalny načolnik ze štyrjomi dypkami wotsadźi a 21:17 doby. Dźewjate dobyće to w dźewjatej hrě.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND