Kolesowali a běhali

wutora, 01. nowembera 2016
artikl hódnoćić
(0 )
Bronjan Lutz Baumgärtel sej pod pohonjacym přikleskom Radworčanow 7. městno we wubědźowanju elity wuwojowa.  Foto: Michał Nuk Bronjan Lutz Baumgärtel sej pod pohonjacym přikleskom Radworčanow 7. městno we wubědźowanju elity wuwojowa. Foto: Michał Nuk

Dwanaty raz bě minjenu njedźelu Budyske kolesowarske towarstwo (RSV) zhromadnje z Radworskim kupowym towarstwom přeprosyło na kolesowanje a běhanje w haju mjez Młynskimi chěžemi a sportnišćom. Tež słónčne wjedro so wo to postara, zo bě nimale 250 sportowcow z cyłeje srjedźneje Němskeje kaž tež Pólskeje a Čěskeje do Ra­dworja přijěło.

Technisce wotměnjawa a zdźěla spektakularna čara bě zaso derje spřihotowana, tak zo móžachu ju jako prěnje dźěći starobow U 11 a U 13 pod póduše brać. Kaž kóžde lěto běštej zaso Radworskej šuli derje zastupjenej – pokal za šulu z najwjace wobdźělnikami dźěše na zakładnu šulu. Tola tež wukony móžachu so widźeć dać. Pola mjeńšich dźěći, kotrež dyrbjachu něhdźe 2 km dołhe koło běžeć, móžeše so Leandra Bohotec ze zakładneje šule nad dobyćom pola holcow wjeselić. Tež 4., 5. a 6. městno wobsadźichu Radworske šulerki Charlott Paškec, Isabella Grubertec a Sarah Tietzec.

wozjewjene w: Sport
Prošu přizjewće so, chceće-li komentar podać

Serbska debata

nowostki LND