Kondicija pobrachowała

srjeda, 02. nowembera 2016
artikl hódnoćić
(0 )
Marijine hwězdźički móžachu so na prěnim domjacym hrajnym dnju jenož w prěnjej sadźbje dnja wjeselić. Wšitke tamne přechody Pančičanske volleyballistki přěhrachu.  Foto: Jörg Stephan Marijine hwězdźički móžachu so na prěnim domjacym hrajnym dnju jenož w prěnjej sadźbje dnja wjeselić. Wšitke tamne přechody Pančičanske volleyballistki přěhrachu. Foto: Jörg Stephan

Na prěnim domjacym hrajnym dnju Marijnych hwězdźičkow móžachu so přihladowarjo na napjatej hrě wjeselić. Hižo prěni duel přećiwo načolnikej bě wosebity wjeršk. Na wukony předchadźaceje sezony pak hosćićelki bohužel nawjazać njemóžachu.

ST Marijina hwězda – Koblicy 1:3

(25:10, 16:25, 25:27, 16:25)

W prěnjej sadźbje zdeklasowachu Marijine hwězdźički znateho přećiwnika z Koblic. Na wysokim niwowje wone jemu pokazachu, što w nich tči. Za nje wšitko derje běžeše, a nowopřichad Jana Kralec so derje integrowaše. W jeno 13 mjeńšinach bě dobyće sadźby jasne. Přihladowarjam skićeše so wulkotny sport. Ko­bličanki pak so zhrabachu a w druhim přechodźe konterowachu. Při stawje 9:14 wuměni trenar Ralf Wachsmann Christin Opicec. Z nowej nadběhowarku Constancu Gühmann nastaštej tróšku lěpši blok a nadběh. Woboje pak ničo ličomneho njewunjese. Hrajerki z Koblic běchu jasnje lěpše a wědźachu njewěstosće domjacych wužiwać. W třećim a tež w štwórtym přechodźe so swójske zmylki pola Marijnych hwězdźičkow kopjachu. Dale a wjac nadaćow njedocpěwaše polo přećiwnika, tež blok njebě wuspěšny.

wozjewjene w: Sport
Prošu přizjewće so, chceće-li komentar podać

Serbska debata

nowostki LND