Pěskecy (Sakska)
– Sulšecy (Pruska) 3:6 (2:1)
Horco wočakowany koparski duel mjez Sakskej a Pruskej w Pěskecach je nětko hižo z tradiciju, wšako stej tam sylnej wjesnej cyłkaj z Pěskec (Sakska) a delnich Sulšec (Pruska) šesty raz na trawniku stadiona „K dźiwjej rancy“ mocy měriłoj. Hišće ženje hósć ze Sulšec jako jasny dobyćer hrajnišćo wopušćił njebě. Jenož jónu so po njerozsudnym wuslědku w třělenju jědnatkow přesadźi. Tež lětsa běchu Pěskečenjo zaso faworit, wšako mějachu w swójskich rjadach sylnych koparjow. Mjez druhim běchu to Křesćan Bejmak, Fabian Korjeńk, Bosćij Lulak, Křesćan a Jurij Matka. Sulšečenjo pak móžachu jim z hrajerjemi kaž Patrikom Wokom, Andreasom Schultzom abo Frankom Popjelu paroli skićić.