Serbske koparki wuspěšne

wutora, 13. decembera 2016
artikl hódnoćić
(0 )
Marie-Luise Pjetašec z Chrósćic (druha wotprawa) hraje w sakskej krajnej koparskej lize žonow w Biskopičanskim KT 08. Srjedźopólna hrajerka je w aktualnej sezonje hižo dwójce za Biskopicy trjechiła. Foto: Konstantin Hrjehor Marie-Luise Pjetašec z Chrósćic (druha wotprawa) hraje w sakskej krajnej koparskej lize žonow w Biskopičanskim KT 08. Srjedźopólna hrajerka je w aktualnej sezonje hižo dwójce za Biskopicy trjechiła. Foto: Konstantin Hrjehor

Z Marie-Luisu Pjetašec (Chrósćicy), Sofiju Bejmakec (Stare Ratarjecy), Annu Richterec (Budyšin), Leju Krječmarjec (Wulki Wjelkow), Nadju Zamora-Gonzales (Budyšin), Laru Brücknerec (Kulowc) a Claru Hellerec (Praskow) mamy na kopanišćach Sakskeje tuchwilu tójšto serbskich hrajerkow, kotrež móhli přichodne lěta krute žro Serbskeje koparskeje wubranki tworić. Wone wšitke w Biskopičanskim KT 08 za bulom honja, a to na krajnej runinje. Marie-Luise a Sofija stej w kadrje krajneho ligista stajnej hrajerce. Anna a Lea dóstaštej w aktualnej sezonje tež hižo wjacore zasadźenske mjeńšiny w sakskej lize, hdźež stej swoju klasu pokazałoj. W minjenej hrě přećiwo cyłkej Lipšćanskich wobchadnych zawodow je Wulkowjelkowčanka samo swoje prěnje wrota na tutej runinje docpěła. Chróšćanka ma jako srjedźopólna hrajerka a přihotowarka tuchwilu dwoje wrota na konće a škitarka Sofija Bejmakec jedne.

wozjewjene w: Sport
Prošu přizjewće so, chceće-li komentar podać

Serbska debata

nowostki LND