Volleyballisća SGB najlěpši we wuchodnej Sakskej

póndźela, 30. januara 2017
artikl hódnoćić
(0 )
W regionalnym volleyballowym finalu wubědźichu sej holcy 6. lětnika Serbskeho gymnazija Budyšin w Kamjencu štwórte městno. Stejo wotprawa: kapitanka Linna  Kern, Mara Krječmarjec, Ronya Ulrich, Constanze Senst a Salomé Bjeńšec. W cyłkownym hódnoćenju wšěch startowacych šulow wuchodneje Sakskeje za ruči sej SGB znowa prěnje městno. Sportowa wučerka Gabriela Jendrewscyna (nalěwo)  dósta za to čestne wopismo a bul.  Foto: Gabriela Jendrewscyna W regionalnym volleyballowym finalu wubědźichu sej holcy 6. lětnika Serbskeho gymnazija Budyšin w Kamjencu štwórte městno. Stejo wotprawa: kapitanka Linna Kern, Mara Krječmarjec, Ronya Ulrich, Constanze Senst a Salomé Bjeńšec. W cyłkownym hódnoćenju wšěch startowacych šulow wuchodneje Sakskeje za ruči sej SGB znowa prěnje městno. Sportowa wučerka Gabriela Jendrewscyna (nalěwo) dósta za to čestne wopismo a bul. Foto: Gabriela Jendrewscyna

Mjez 16 startowacymi šulemi z wuchodneje Sakskeje na wubědźowanju „Młodźina trenuje za olympiju“, a to w štyrjoch starobnych skupinach, zaruči sej Serbski gymnazij Budyšin (SGB) w sportowej družinje volleyball k třećemu razej wurjadne prěnje městno.

Kajki to zwjeselacy wukónc regionalneho wubědźowanja!? SGB wudoby sej po lětomaj 2014 a 2016 znowa čestne wopismo najlěpšeje šule wuchodneje Sakskeje w bulosportowej družinje volleyball. Z dwěmaj złotymaj, jednej slěbornej, jednej bronzowej medalju a jednym štwórtym městnom wobsadźi SGB cyle snadnje před Christiana Weisowym gymnazijom Žitawa prěnje městno. Wobě šuli matej ze 14 dypkami samsny kónčny rezultat, ale dźakowano jednomu druhemu městnu (Žitawa ma jenož třeće městno) počesćichu serbske kubłanišćo z přidatnym wopismom a dalšim hrajnym bulom jako myto. Wutrobnu gratulaciju wšitkim holcam a hólcam za wo­spjetny grandiozny wuspěch!

wozjewjene w: Sport
Prošu přizjewće so, chceće-li komentar podać

Serbska debata

nowostki LND