Jónu přěhrali, jónu dobyli

wutora, 07. februara 2017
artikl hódnoćić
(0 )
We volleyballowej wobwodnej lize su Marijine hwězdźički zašły hrajny dźeń hnydom dwójce doma nastupili. Jednu partiju su přěhrali, tamnu móžachu dobyć.  Foto: Jörg Stephan We volleyballowej wobwodnej lize su Marijine hwězdźički zašły hrajny dźeń hnydom dwójce doma nastupili. Jednu partiju su přěhrali, tamnu móžachu dobyć. Foto: Jörg Stephan

Z probowym alarmom wohnjowych woborow zarjadniskeho zwjazka započa so zašły hrajny dźeń wobwodneje volleyballoweje ligi w Pančičanskej sportowni. Nimo toho dyrbjachu hišće něšto we wotběhu změnić, dokelž běchu Ochranowske volleyfantki hakle wutoru wo přepołoženje dypkoweju hrow prosyli. Na zbožo wšitke hrajerki ST Marijineje hwězdy kaž tež Zhorjelčanki tomu přihłosowachu, štož scyła tak samozrozumliwe njeje.

ST Marijina hwězda

– Ochranowske volleyfantki 0:3

(12:25, 15:25, 24:26)

Kotry cil běchu sej chowanče trenarja Ralfa Wachsmanna stajili? Znajmjeńša dypk chcychu sej wuwojować. K tomu pak njedóńdźe. Hakle w třećej sadźbje so Marijine hwězdźički do hry namakachu, přepozdźe. Hač bě zažny start připołdnju w dwanaćich špatna ideja była? Zmylki hwězdźičkow so wot sekundy k sekundźe kopjachu: Špatne přiwzaća bula a słaby blok běchu wosebje w prěnimaj sadźbomaj wulke manko.

Po hórkej poražce bě nětko wažne přećiwo žonam ze Zhorjelca dobyć, a to hladajo na zaměstnjenje w tabulce a zdruha za swójske sebjewědomje kaž tež za wjeselo nad sportom.

wozjewjene w: Sport

Galerija

dalši wobraz (1) Hrajna scena w Pančičanskej hali. Anne Šołćic runje bul k nadběhu přistaji.
Prošu přizjewće so, chceće-li komentar podać

Serbska debata

nowostki LND