Prěni raz koparski pokal sej wuwojowali

srjeda, 08. februara 2017
artikl hódnoćić
(0 )
Worklečanscy koparjo su w Biskopicach fanowy turněr dobyli a sej w mjenowanej zestawje prěni raz prěnje městno zawěsćili. Zady wotlěwa su to Handrij Bjedrich, Florian Šołta a Pawl Rynč; prědku wotlěwa: Bosćij Šołta, David Matik a Tobias Hejduška. Foto: David Matik Worklečanscy koparjo su w Biskopicach fanowy turněr dobyli a sej w mjenowanej zestawje prěni raz prěnje městno zawěsćili. Zady wotlěwa su to Handrij Bjedrich, Florian Šołta a Pawl Rynč; prědku wotlěwa: Bosćij Šołta, David Matik a Tobias Hejduška. Foto: David Matik

K 22lětnemu wobstaću fanoweho kluba Biskopičanskeho koparskeho towarstwa 08 přeprosychu sej ,,Ći swěrni“ mjez druhim Worklečanskich koparskich přećelow na ha­lowy turněr. Worklečenjo nastupichu hnydom z dwěmaj teamomaj.

Prěnje Worklečanske zastupnistwo nastupi hnydom w prěnjej hrě dnja a přesadźi so ze 4:0 přećiwo teamej „Přeco lačni“. Damian Pěčka a Richard Kmjeć trjechištaj jónu, Tomaš Čornak dwójce. Bohužel pak zazběhowy wuspěch ze zranjenjemi Bosćija Lukaša a Roberta Wagnera droho zapłaćichu. Wobaj njemóžeštaj hižo sobu hrać. W druhim duelu podležachu ,,Drjewjanym noham“ 0:5 a w třećim 0:1 ,,Rynje­-juh“. Poslednju partiju předkoła přećiwo cyłkej „Ruß-Chantz-Blaublüter“ pak 5:2 dobychu. Pěčka třěli štwore wrota, Enrico Schulz jedne. W finalnych hrach kopaše Worklečanske prěnje zastupnistwo přećiwo „Cottauskim hólcam“ a jich po wrotach Pěčki a Schulza z 2:1 přewiny.

wozjewjene w: Sport
Prošu přizjewće so, chceće-li komentar podać

Serbska debata

nowostki LND