Přećiwnikej so cyle podali

wutora, 16. meje 2017
artikl hódnoćić
(0 )
Marko Žuljević (naprawo, Budissa) dyrbi tule z Tinom Schmuckom (nalěwo, Berlin) wo bul wojować. Foto: Torsten Zettl Marko Žuljević (naprawo, Budissa) dyrbi tule z Tinom Schmuckom (nalěwo, Berlin) wo bul wojować. Foto: Torsten Zettl

FSV Budissa Budyšin

–BFC Dynamo 0:4 (0:0)

Zestawa domjacych: Große – Heppner, Hoßmang, Hausdorf, Hänsch, Hermann (65. Müller), Kolan (61. Šisler), Kloß, Salewski (83. Barnickel), Rosendo, Žuljević

Do hry buchu wjacori koparjo Budissy Budyšin rozžohnowani: Maik Salewski, kapitan Martin Kolan, Patrick Baudis, Daniel Barth, Theocharis Iliadis a Norman Wohlfeld. Po tym drje chcyše so Budissa swojim swěrnym fanam porjadnje prezentować, štož pak so jej scyła njeporadźi. Hosćo hru wot spočatka postajachu, a Budyšenjo móžachu wjeseli być, zo so přećiwnikej w prěnim połčasu žane wrota njezešlachćichu.

Krótko po połčasu BFC nawjedowaše (47.). A we 58. min. rěkaše třělc wrotow znowa Kai Pröger. BFC nětko žane štomy zwutorhać njetrjebaše, dokelž so hosćićel cyle jednorje poda. To njebě žana kopańca za regionalnu ligu. Přez dwójny dyr Dennisa Srbenyja (77., 85.) bě hra doskónčnje rozsudźena. Šansu na čestne wrota měješe hišće Maik Salewski, ale Berlinski wrotar třělwu wotwobara.

wozjewjene w: Sport
Prošu přizjewće so, chceće-li komentar podać

Serbska debata

nowostki LND