×

Powěsć

Failed loading XML...

Wulkotnu sezonu z dobyćom krónowali

wutora, 27. junija 2017
artikl hódnoćić
(0 )
Tomašej Henčlej su Sokoljo jara dźakowni. Z mustwom Sokoła Ralbicy/Hórki swjećeše wón nětko wicemišterstwo a tydźeń do toho pokalny triumf.  Foto: Jörg Stephan Tomašej Henčlej su Sokoljo jara dźakowni. Z mustwom Sokoła Ralbicy/Hórki swjećeše wón nětko wicemišterstwo a tydźeń do toho pokalny triumf. Foto: Jörg Stephan

ST Hnašecy/Dobruša

– Sokoł Ralbicy/Hórki 0:1 (0:0)

Zestawa hosći: J. Bjeńš – B. Bjeńš, Zynda, Korjeńk, Rawš, Šewc, Gloxyn, Kurjat (76. Lulak), Šěn (46. M. Matka), S. Bjeńš (46. K. Matka), Domaška

Byrnjež koparjo Sokoła Ralbicy/Hórki hižo pokal dobyli a w lize druhe městno wěste měli, chcyše Tomaš Henčl swoju poslednju hru jako jich trenar na kóždy pad dobyć. W kabinje wón hišće raz naspomni, zo pokaza so při tajkich partijach woprawdźity charakter jednoho mustwa. Sokoljo spytachu sej tuž wot wšeho spočatka znowa ze sylnym pressingom bul wuwojować. To pak so jim tak prawje njeporadźi. Hakle po 20 mjeńšinach woni hru postajachu a spytachu přez křidła do šěsnatki flankować abo pasować. Najčasćišo pak njeń­dźeše poslednja přihrawka tam, hdźež by poprawom strašna była. Tři wulke móžnosće hosćo tuž w prěnim połčasu wuwostajichu. Najprjedy dźeržeše přećiwniski wrotar nisku třělwu Dennyja Gloxyna, po tym zhłójčkowa přećiwniski škitar bul na swójsku žerdź a skónčnje njezamó Pětr Domaška mjeńšinu do přestawki samlutki bul do wrotow zhłójčkować.

wozjewjene w: Sport
Prošu přizjewće so, chceće-li komentar podać

Serbska debata

nowostki LND