Jasna naležnosć za hosći

póndźela, 31. julija 2017
artikl hódnoćić
(0 )
Njebjelčanska ofensiwa, na wobrazu z Pawlom Hrjehorjom (nalěwo) a Gabrielom Čornakom (srjedźa), je so w testowej hrě přećiwo Módro-běłym Kulow jeno zrědka přesadźić móhła. Tu poradźi so to Njebjelčanskej dwójce přećiwo Kulowčanej Clemensej Matikej (naprawo). Foto: Jörg Stephan Njebjelčanska ofensiwa, na wobrazu z Pawlom Hrjehorjom (nalěwo) a Gabrielom Čornakom (srjedźa), je so w testowej hrě přećiwo Módro-běłym Kulow jeno zrědka přesadźić móhła. Tu poradźi so to Njebjelčanskej dwójce přećiwo Kulowčanej Clemensej Matikej (naprawo). Foto: Jörg Stephan

SJ Njebjelčicy

– Módro-běli Kulow 0:10 (0:6)

Zestawa domjacych: Hahn, Ričel – Kral, Haška, Šram, Hanuza, Zeller, Lejnart, Čornak, Hrjehor, Pawlik, Korjeńk, Rudolf

We wokrjesnych koparskich ligach a klasach so nowa sezona bórze započnje. Mustwa so tuž z testowymi hrami přihotuja. Tak činještej to minjeny pjatk tež Njebjelčanske prěnje mustwo, kotrež hraje we wokrjesnej lize, a prěnje mustwo z Kulowa, kiž nastupi klasu wyše we wokrjesnej wyšej lize. Hižo zahe so pokaza, štó duel za sebje rozsudźi. Kulowčenjo sylnje započachu, wudobychu sej tójšto bulow a běchu tež před wrotami wuspěšni. Domjacy mějachu wulke ćeže jich škit, kotryž bu wot Bjarnata Korcha organizowany, přewinyć. Někotre razy drje so Njebjelčanam składnosć skićeše, akcije nadběhowarjow pak běchu přesłabe. Na tamnym boku wuhrachu sej hosćo wjacore šansy a trjechichu do połčasa šěsć razow. Trójce bě Marcus Thomas (6., 17., 29.), dwójce Paul Graf (22., 31.) a jónu Bjarnat Korch (42.), kiž wólny kop před šěsnatku direktnje přetwori.

wozjewjene w: Sport
Prošu přizjewće so, chceće-li komentar podać

Serbska debata

nowostki LND