Wšudźe, hdźež sy, diskutuja wo zmysle a njezmysle wšelakich postajenjow wokoło škita před konorawirusom. Wosebje nětko, hdyž wšelake wobłuki chětro rozdźělnje wolóžeja, dwěle w ludnosći přiběraja. Kak wjeseli běchu přiwisnicy kopańcy, jako před tydźenjemi dowolichu, zo smědźa profijojo zaso za bulom honić. Němska je w tym nastupanju prěnje kroki činiła. W druhich krajach chwilku wočaknychu, w mnohich najwyšich ligach kulowata koža samo hišće wotpočuje. Němske knježerstwo bě tudyšu koparsku ligu na dźiwne wašnje samu rozsudźić dało.
A kak wjesoły běch ja, jako z naprašowanja mojeho rozhłosoweho kolegi Měrćina Wjenka na serbskich wjeskach zhonich, zo mamy runje tam rozumnych ludźi, kotřiž so prašeja, hač dyrbi to woprawdźe być, ... a měnja, zo su wažniše wěcy hač kopańca. To runje tak widźu.
Tale powěsć so jara derje do dźensa chwatniweho koparskeho časa hodźi. Wuwostanje-li wuspěch, je nimale přeco trenar tón, kiž je na tym wina.
Tak su zamołwići 1. FC Magdeburga tydźenja po jara snadnym wunošku dypkow po znowazapočatku w třećej lize šeftrenarja Clausa-Dietera Wollitza a kotrenarja Reneja Renna wot jeju nadawkow wuwjazali. W jědnaće hrach w lěće 2020 docpě koparski cyłk z dwójku Wollitz/Renno jeničce dwě dobyći. Tohodla maja Magdeburgčenjo nětko wulke zestupne starosće.
Jutře by tak daloko było – połna Mnichowska Allianz-arena a miliony ludźi před wobrazowkami bychu sćěhowali, kak swětowej mištraj lětow 2014 a 2018, Němska a Francoska, do najwjetšeho europskeho koparskeho turněra startujetej. A sam bych so hižo wjeselił na swój dowol přichodny tydźeń w Korutanskej. Tu chcych sej hry serbskeje wubranki na europeadźe wobhladać a zdobom składnosć wužić, ze swojim najlubšim sportowym nastrojom, kolesom, sej wuchodne Alpy w Korutanskej a Słowjenskej wotkryć. Konjunktiw „bych“ a „chcych“ tele dny jara husto w zwisku ze sportowymi zarjadowanjemi wužiwamy. Fleksibelnosć je tuchwilu bjezdwěla jedna z najbóle prašanych kajkosćow pola sportowcow a organizatorow. Za mjezynarodny koparski wulkowjeršk – kaž je to za mnje jako Serba europeada – wopokaza so nětko jako lěpšina, zo přewjeduja ju jenož kóžde štyri lěta. Tak je poměrnje lochko móžno ju wo cyłe lěto přesunyć.
Probowy trening za dźěći
Sportowcy z Halštrowa a z Hlinowca poskićeja kóždu wutoru wot 16.30 do 18 hodź. w Halštrowje a kóždy štwórtk wot 16.30 do 18 hodź. w Hlinowcu tak mjenowany probowy trening. Na nim smědźa so holcy a hólcy w starobje štyrjoch do dźewjeć lět wobdźělić. Dalše informacije dóstanjeće wot trenarjow Dirka Simmanka (0162 / 1 37 57 04), Raika Zschuppana (0172 / 3 41 87 30) a Sebastiana Hauffy (0172 / 9 47 89 85). Nadrobnosće pod www.sportclub-thonberg.de abo www.sport-elstra.de
Wirtuelny běhanski cup
Zamołwići Zapadołužiskeho koparskeho zwjazka (WFV) skedźbnjeja, zo je so § 43 hrajneho porjad změnił. Za hrajnu dobu 2020/2021 płaći:
Sportowe towarstwa z koparskimi mustwami, kotrež bychu rady móžnosć postupa do přichodneje wyšeje klasy wužili abo hižo w aktualnej klasy hrać nochcedźa, dyrbja hač do 15. junija 2020 wotpowědnu a doskónčnu próstwu jednaćelni zamołwiteho zwjazka wotedać. Za zapozdźenu próstwu, jeli so mustwo na přikład postupa wzda a rozsud pozdźišo zaso cofnje, ma sportowe towarstwo po § 40 prawniskeho porjada na wokrjesnej runinje z pjenježnym chłostanjom hač do 1 500 eurow ličić. Sportowe sudnistwo smě w tajkich padach wotpowědnemu mustwu w přichodnej hrajnej dobje dypki wotćahnyć a prawo postupa sćazać.
Štóž ma prašenja, njech wobroći so na zamołwitych wuběrkow WFV Ingolfa Horna, Andreasa Lischke abo tež Enrica Paulu. Jurij Bjeńš
Kónc sezony w dorostowej kopańcy
Młodźina E
wokrjesna wyša liga
1. FC HŁ Neugersdorf 9 24 : 20 15
2. FSV Wódrjeńca 02 9 31 : 19 14
3. SV Holtendorf 9 19 : 30 13
4. SV Königshain 8 21 : 19 11
5. ESV Lok Žitawa 9 20 : 27 8
wokrjesna liga, stafla 1
1. SZ Chrjebja-Nowa Wjes 7 35 : 23 16
2. Čerwj.-běli Mužakow 7 33 : 27 15
3. FC Wocl Rěčicy-Jězor 7 42 : 28 13
4. VfB Běła Woda 1909 7 29 : 21 10
5. HZ Klětno/Hamor 7 26 : 34 10
6. ST Lok Slepo 7 42 : 39 9
7. ST Hbjelsk 1923 7 21 : 35 7
8. HZ Fortuna Trjebin 7 15 : 36 1
wokrjesna liga, stafla 2
1. SV Deutsch Ossig 7 102 : 18 21
2. KT Přezjednota Niska II 7 45 : 33 15
3. HZ Rózbork 7 48 : 29 12
4. LSV Friedersdorf 7 33 : 27 12
5. HZ TSV Kunnersdorf 7 41 : 42 12
6. HZ Arnsd.-Hilbersdorf 7 30 : 30 9
7. HZ ST Rychbach 7 19 : 66 3
8. SV Ludwigsdorf 48 7 10 : 83 0
wokrjesna liga, stafla 3
1. SV Arnsdorf-Hilbersdorf 6 47 : 20 18
2. KT Přezjednota Niska 5 37 : 20 12
3. NFV Žołto-běli Zhorjelc 5 33 : 26 9
4. Wostrowski BC 6 36 : 41 6
5. ST Ochranow 6 29 : 40 6
6. SV Deutsch Ossig II 6 26 : 39 6
7. Zeleno-běli Gersdorf 6 20 : 42 3
8. Žołto-běli Zhorjelc II 0 0 : 0 0
wokrjesna liga, stafla 4
1. FSV Kemnitz 7 94 : 6 21
2. TSV Herwigsdorf 1891 7 40 : 16 18
3. SV Holtendorf II 7 39 : 26 13
4. SC Swóńca-Lubij 7 23 : 41 9
5. GFC Rauschwalde 6 15 : 36 6
6. ST Ochranow II 6 19 : 45 6
7. SSV Germania Zhorjelc 7 11 : 40 5
8. EFV Bernst./Dittersbach 7 14 : 45 1
wokrjesna liga, stafla 5
1. SV Mittelherwigsdorf 7 46 : 21 16
2. HZ TSV Wulki Šunow 8 61 : 43 18
3. SV Bertsdorf 8 55 : 35 17
4. HZ Nowosólc-Hródk 8 70 : 35 15
5. HZ Habrachćicy 8 46 : 40 13
6. SV Leutersdorf 8 43 : 57 9
7. HZ Habrachćicy 8 33 : 35 7
8. FC HŁ Neugersdorf II 8 26 : 64 6
9. Čerwj.-běli Olbersdorf 7 13: 63 0
Šunowčan Stefan Möller je nětko hižo dwě lěće jako sportowy wučer a trenar w Choćebuskim olympiskim centrumje přistajeny. Tam wšak njejsu sportowcy dołhi čas prawidłownje trenować móhli. Tójšto z nich by so lětsa tež na olympiskich hrach wobdźěliło, njebychu-li wupadnyli. Nětko pak treningowe jednotki nimale zaso normalnje přewjeduja. Wo tučasnym stawje a wo planach za přichod je so Tadej Cyž-Njebjelčanski ze Šunowčanom rozmołwjał.
Witaj, Stefano. Sy runje z kolesom po puću był. Zwotkel jědźeš a što je noweho w Choćebuzu?
S. Möller: Přijědu runje z Choćebuza. Hdyž mój dźěłowy plan dowola a wjedro přešpatne njeje, jědu hdys a hdys z kolesom domoj do Šunowa. Po tym zo smy dołhi čas jenož indiwiduelnje trenowali a kóždy sam za sebje, je nětko normalny trening z wotpowědnymi naprawami zaso móžny.
Kajki bě fitnesowy staw twojich sportowcow, jako su so zaso na olympiske zepěranišćo wróćili?
Před pjeć lětami je so rodźeny Smječkečan Clemens Eckert jako fitnesowy trenar zesamostatnił. Dźensa bydli 34lětny ze swójbu w Markkleebergu pola Lipska. Wosebje samostatnych wšěch branšow su sćěhi koronawirusa jara wobćežowali. Njewočakowano pak je Clemens Eckert čas korony dosć derje přetrał. Kak zamó kritiski čas zmištrować, je wón Clemensej Šmitej powědał.
Wy sće mi rjekł, zo je Waš terminowy kalender tuchwilu derje pjelnjeny. Tež za čas korony běše to tak. A to, hačrunjež je wirus tež fitnesowu branšu ćežko trjechił. Kak so to hromadźe hodźi?
Hižo dlěši čas su zamołwići FC Energije Choćebuz spóznali, zo so hrajna doba 2019/2020 w regionalnej lize, stafla sewjerowuchod, njefairnje skónči.
Minjeny pjatk mějachu potom wšitcy wěstosć. Prezidij Sewjerowuchodneho koparskeho zwjazka (NOFV) rozsudźi so za kwocientowe rjadowanje a tuž za mištra za zelenym blidom. Tak sta so druhi tabulki Lok Lipsk z mištrom regionalneje ligi-sewjerowuchod. Bjez móžnosće na postup do třećeje ligi wosta nimo načolnika tabulki VSG Altglienicke tež třeći FC Energija Choćebuz. Pola FC Energije běchu so wšitcy za turněr ze štyrjomi mustwami zasadźili, kotrež běchu próstwu wo přizwolenje licency za třeću ligu stajili. Namjet pak bu ignorowany. To zbudźi wulke přesłapjenje a hněw w Choćebuzu a runje tak pola prěnjeho tabulki Altglienicke.
Wobě towarstwje, VSG Altglienicke a FC Energija Choćebuz, so swojemu wosudej kłonitej a hódnoćenju mišterstwa přez NOFV njeznapřećiwitej. Přiwšěm wobě měnitej, zo bě rozsud njesprawny. Georg Zielonkowski