Widźał, słyšał, napisał (06.04.20)
Korona! Tele słowo tele dny a tydźenje wo wjele bóle prezentniše hač wšo druhe. Tučasnje je naš wšědny dźeń hinaši, snano tež komplikowaniši. Kóždy z nas ma swoje ćeže z koronu a z njej zwisowacymi wobmjezowanjemi. Sportowe zarjadowanja su wotprajene. Nichtó njezamóže rjec, hdy so zaso normalita započnje, hdy budźe na zjawnych kopanišćach zaso za bulom honjene, hdy zaso při wysokim saku wojowane, hdy so wubědźowanja wotměja a hdy změja fitnesowe centery zaso wočinjene.
W tajkej wosebitej situaciji je ćim wažniše, zo sy wurunany, a zo maš hłowu swobodnu. Ale kak to docpěć? Ja mam so lochko, ja jogguju. Běham sama po Łazkowskim lěsu a po delanskich pólnych pućikach. Žadyn zakaz mje wot toho njewotdźerži. Nawopak, čerstwy powětr mi, mojemu ćěłu a mojej duši tyje. Běhanje sylni imunostny system, zahnawa depresiwne mysle a će zwjesela. W socialnych medijach wuhladaš dale a wjac ludźi, kotřiž móžnosć běhanja wužiwaja a so energije a motiwacije za wšědny dźeń nasrěbaja. Tak je Instagram połny wobrazow běharjow a wšelakorych hashtagow.
Wuslědki (06.04.20)
Regionalna liga muži po 24. hrajnym dnju sezony 2019/2020
1. VSG Altglienicke 24 59 : 31 47
2. Lok Lipsk 24 43 : 24 47
3. FC Energija Choćebuz 24 53 : 32 45
4. Union Fürstenwalde 25 45 : 32 40
5. Hertha BSC II 24 59 : 42 38
6. BFC Dynamo 24 35 : 29 37
7. Berlinski AK 23 47 : 35 33
8. FC Viktoria Berlin 23 20 : 17 29
9. VfB Auerbach 23 37 : 46 29
10. ZFC Meuselwitz 23 33 : 39 25
11. SV Lichtenberg 47 23 27 : 36 25
12. BSG Chemija Lipsk 24 20 : 26 23
13. Optik Rathenow 24 20 : 48 20
14. Wacker Nordhausen 21 44 : 36 19
15. Germania Halberstadt 24 24 : 40 19
16. SV Babelsberg 23 22 : 38 17
17. Biskopičanske KT 21 16 : 53 11
18. Čerwjeno-běli Erfurt 19 0 : 0 0
Sport (03.04.20)
Planowane koparske terminy
Tež Zapadołužiski koparski zwjazk móže jeno sportowe terminy wozjewić, kotrež leža w časowej dobje po 20. aprylu:
22.04. krótke dalekubłanje w Budyšinje
23.04. Dźeń dalekubłanja w Budestecach
27.04. Trening holčeje dorostoweje wubranki w Biskopicach
27.04. Hrajne koło zepěranišćow DFB wuchodneje a srjedźneje Sakskeje w Drježdźanach
Młodźinska spartakiada 2020
Tež hdyž zhromadny koparski trening tučasnje móžny njeje, planuja lětušu wokrjesnu dźěćacu a młodźinsku spartakiadu. Slědowace koparske turněry su předwidźane:
20.06. młodźina D, w Małym Wjelkowje
20.06. młodźina E, w Lomnitzu
21.06. młodźina F, pola SV Bischheima-Häslicha
20.06. młodźina G, pola ST 1896 Wulkeje Dubrawy
Młodźinski wuběrk Zapadołužiskeho koparskeho zwjazka je přizjewjenski čas hač do 15. apryla podlěšił. Wupisanje steji w online-časopisu „Anpfiff-Online“.
Internetne dalekubłanje
Wosebite treningowe plany hrajerjo Jednoty Kamjenc njetrjebaja
Aktualna tabulka krajneje ligi
1. Jednota Kamjenc 17 41 : 9 41
2. FC 1910 Lößnitz 18 33 : 21 30
3. VfL Pirna-Copitz 07 17 24 : 14 30
4. Budissa Budyšin 18 37 : 25 29
5. FSV Nowosólc-Hródk 16 33 : 21 29
6. Germania Mittweida 18 25 : 26 29
7. Großenhainski FV 90 17 29 : 28 25
8. LSV Nowe Město 18 37 : 32 23
9. SG Taucha 99 18 23 : 18 23
10. FV Přezjednota Niska 18 27 : 42 20
11. FC Módro-běli Lipsk 17 14 : 22 19
12. Radebeulski BC 08 18 25 : 35 19
13. Kickers Markkleeberg 18 28 : 35 18
14. Rjemjesło Rabenstein 18 26 : 39 18
15. SG Motor Wilsdruff 18 13 : 37 10
16. BSG Wocl Riesa 16 20 : 31 6
Serbski kopar Jonas Krawčik, kiž je hižo z młodźinu A Dynama Drježdźany w zwjazkowej koparskej lize a z Budissu Budyšin w regionalnej lize hrał, steji tučasnje z Jednotu Kamjenc w krajnej lize bjez poražki na prěnim městnje tabulki. Jeli tuchwilna hrajna doba njepłaći, móhło so stać, zo koparjo z Lessingoweho města do wyšeje ligi postupić njesmědźa. Tadej Cyž-Njebjelčanski je so z wjesnjanom Jonasom Krawčikom rozmołwjał.
Witaj Jonaso, kak so ći wjedźe a hdźe runje sy?
J. Krawčik: Mi so w tučasnej situaciji wotpowědnje derje dźe. Sym doma w Njebjelčicach, wšako je uniwersita w Drježdźanach runja dalšim zawrjena.
Zjawne žiwjenje tuchwilu wotpočuje, tež kopańca. Cyłe sportowe žiwjenje ma runje dołhu přestawku. Kak to začuwaš?
Jěcharki a jěcharjo dale trenuja a so na sezonu přihotuja
W Kulowje bě za jěcharki a jěcharjow po jutrach start do zeleneje sezony planowany. Z toho pak ničo njebudźe. Tež dalše za meju a za junij předwidźane jěchanske turněry su wotprajene respektiwnje přestorčene. Ze serbskim dorostowym jěcharjom Jakubom Bobku z Worklec je so Kilian Hrjehor rozmołwjał.
Witaj, Jakubje, trjechi to, zo dyrbja tež mnohostronscy jěcharjo treningowu přestawku koronapandemije dla zapołožić?
J. Bobka: Ně, to njetrjechi. Jěcharjo smědźa dale trenować. Wšako dyrbja konje tež zastarane być, a za to dyrbiš swoju ležownosć wopušćić. A nimo toho dyrbja jěchane być. Němske jěcharske zjednoćenstwo spyta z wliwom na politiku zmóžnić, zo smě so kóždy dale wo swojeho konja starać.
Trenujeće potajkim dale. Kak tajki trening wotběži, a je někajkich rozdźělow porno časej bjez koronawirusa?
Test wuspěšny był, ale dypkowu hru njepřewjedli
ST Hnašecy-Dobruša
– Sokoł Ralbicy/Hórki 1:8 (1:2)
Zestawa hosći: Pilc – Rychtar, Zynda, Matka, M. Žur, Šołta, Obst (60. Brězan), Lulak, Čornak, Serbin, Brückner
Spočatk měrca běše koparski swět hišće w porjadku a koparjo Sokoła Ralbicy/Hórki wuchadźachu z toho, zo so winowatostne hry starych knjezow 14. měrca z pokalnej hru zahaja. Zo bychu prawje přihotowani byli, zorganizowachu sej partiju na kumštnym trawniku w Dobruši. Mustwje njeběštej do toho ženje přećiwo sebi nastupiłoj.
Pola Sokołow bul k zadźiwanju jara derje běžeše. Nowy trawnik a dobra motiwacija k tomu přinošowaštej. Tak wuhrachu sej prěnje składnosće, kotrež pak wrotar hosćićela znješkódni. W 20 min. pak běše bjezmócny, jako Daniel Brückner nawjedowanje docpě. Druhe wrota běchu kuriozne. Bosćij Lulak, znaty za daloke zamjety, ćisny bul hłuboko do šěsnatki, wrotar chwataše hrajnemu nastrojej napřemo, so jeho hišće z rukomaj dótkny, tola bul kuleše so do wrotow. Do połčasa zawinowachu Sokoljo jědnatku, kotruž domjacy wěsće přetworichu.
Krajne finale Sakskeje
Wolejbulisća Serbskeho gymnazija Budyšin (SGB) běchu so spočatk januara wuspěšnje na regionalnym finalu šulerskeho wubědźowanja „Młodźina trenuje za olympiju“ wobdźělili. Tak zastupowachu woni SGB srjedź nalětnika na sakskim krajnym finalu starobneje klasy II w Dippoldiswaldźe.
Wubědźowanje, na kotrymž so šěsć mustwow wobdźěli, přewjedźechu w dwěmaj staflomaj. W skupinje SGB běštej hišće wyšej šuli z Kamjenicy-Šunowa a z Třělanow (Strehla).
Serbski gymnazij Budyšin – Wyša šula Kamjenica-Šunow 2:1 (20:25, 25:20, 15:10)
W prěnjej hrě přećiwo Kamjeničanam namakachu so serbscy gymnaziasća jeno ćežko do trěbneho hrajneho rytmusa. Tak přěhrachu prěnju sadźbu 20:25. W dalšimaj sadźbomaj pak přesadźichu so z 25:20 a 15:10.
Serbski gymnazij Budyšin – Wyša šula Třělany 2:0 (25:16, 25:23)
Tež hdyž su zamołwići FUEN a Koroški europeadu na klětu ...
Do pandemije hišće treningowe lěhwo na kupje Mallorca přewjedli
W socialnych syćach běchu minjene tydźenje wobrazy serbskeju triatletow a dalšich triatletow widźeć, kotřiž trenuja we wukraju. Mjez nimi bě tež Marian Žur z Lejna. Kilian Hrjehor je so z nim rozmołwjał.
Knježe Žuro, mjez wjacorymi triatletami w treningowej skupinje sće tež Wy na wobrazach w Facebooku, na Instagramje abo we WhatsApp-statusach widźeć był. Što bě to do skupiny?
M. Žur: Běchmy skupina sportowcow z Riesy, Budyšina a Lejna. Treningowe lěhwo přewjedźechmy hišće do zakaza treninga w skupinach.
Hdźe sće trenowali a kak dołho sće tam byli?
M. Žur: Přebywachmy cyłkownje tydźeń na španiskej kupje Mallorca. Mějachmy tam jara dobre wuměnjenja za treningowe lěhwo, běchmy płuwać a z kolesami po puću. Tež wutrajnostny běh steješe na dnjowym porjedźe.
Kajka bě tam situacija koronawirus nastupajo?
M. Žur: Tež tam bě wirus dźeń a bóle tema. Policija je samo k nam do hotela přišła a rjekła, zo hotel zawru, nichtó njesmě wjac hotel wopušćić kaž tež do kupjele płuwać hić. Tež kolesowanje běše zakazane, kompletnje wšitko su zawrěli.
Wostuda a wjeselo při dobyćomaj
Tabulka wolejbuloweje wokrjesneje klasy muži Budyšin-wuchod:
1. ST Marijina hwězda 12 10 20
2. ST Sokolnik 8 8 16
3. MSV Budyšin IV 10 7 14
4. Schönbachske VT 12 5 10
5. ST Hnašecy-Dobruša 10 4 8
6. Budyšin-sewjer 11 4 8
7. ST Chróstawa 12 3 6
8. Sokoł Budyšin 9 1 2
Na předposledni hrajny dźeń, kotryž je nětko po zdaću posledni w hrajnej dobje 2019/2020, smědźachu wolejbulisća ST Marijineje hwězdy nowačka sezony znowa doma witać. Po wuspěšnej premjerje chcychu woni tež druhi duel za sebje rozsudźić, zo bychu swoje prěnje městno w tabulce dale skrućili. Mužojo ze Schönbacha pak nastupichu w tróšku hinašej, womłodźenej formaciji. Tak njebě wuslědk zwoprědka tak jasnje wotwidźomny.
ST Marijina hwězda – Schönbachske VV 2:0 (25:16, 25:18)
