Europske mišterstwa so nimale měrnje zahajili

póndźela, 13. junija 2016 spisane wot:

Lille. Němska wubranka je swoju za­zběhowu hru na 15. koparskich europskich mišterstwach wčera wječor w Lille přećiwo Ukrainje 2:0 (1:0) dobyła. Po 1:0 (18.) přez hłójčkowany bul Shkodrana Mustafija pokazowaše wšitko na to, zo so tež třeća njedźelna hra z 1:0 skónči. W 90. min. pak bu dołho zranjeny kapitan Bastian Schweinsteiger zaměnjeny, mjeńšinje pozdźišo třěli wón 2:0.

15. europske koparske mišterstwa w Francoskej traja hač do 10. julija. W za­zběhowej partiji porazychu hosćićeljo Rumunsku pjatk wječor w stadionje Stade de France 2:1. Rumunojo, kotřiž móžachu zastatk z prěnjeho połčasa wurunać, bychu sej na kóždy pad dypk za­słužili. Minutu do kónca pak postara so Dimitri Payet z kasnymi wrotami wo 2:1 (89.). Wša Francoska bě po hrě zawěsće dwójce wolóžena.

Wo njetrjebawši njeměr postarachu so na druhim hrajnym dnju ruscy fanojo do hry, srjedź partije kaž tež po hrě Jendźelska–Ruska 1:1 (0:0). Před duelom je k wulkim krawalam dóšło, při kotrychž bu 35 ludźi zranjenych. Jedyn Jendźelčan bě so tak jara zranił, zo je přeco hišće w žiwjenskim straše.

Wuslědki (13.06.16)

póndźela, 13. junija 2016 spisane wot:

Wokrjesna koparska liga, stafla II

Wětnica/Hola – Rakecy II 2:4 (1:4)

Lubuš – Ralbicy/Hórki II 1:2 (0:0)

Bluń – Hórnikecy0:4 (0:3)

Nowe Město II – Hory II 1:2 (0:1)

HZ Łaz – Ćisk II2:2 (1:0)

Wojerecy 1919 – Njeswačidło 6:0 (2:0)

N. Hrabowka – Šćeńca 12:2 (8:2)

1. Wojerecy 1919 27 91  : 19 64

2. Rakecy II 27 68  : 30 54

3. HZ Łaz 27 47  : 26 47

4. N. Hrabowka 27 71  : 44 46

5. FC Łužica 27 57  : 44 44

6. Hórnikecy 27 53  : 44 44

7. Lubuš 27 59  : 61 42

8. Njeswačidło 27 58  : 59 38

9. Nowe Město II 27 84  : 50 37

10. Bluń 27 52  : 61 37

11. Hory II 27 50  : 46 35

12. Ralbicy/Hórki II 27 55  : 57 34

13. Ćisk II 27 53  : 75 33

14. Wětnica/Hola 28 37  : 10317

15. Šćeńca 27 33  : 1497

Na Europeadu přihotowane

póndźela, 13. junija 2016 spisane wot:

 

Serbska koparska wubranka žonow

– ST Großnaundorf žony 1:1 (1:0)

Za SKWž hrajachu: Tereza Wićazec, Jadwiga Richterowa – Franciska Hellnerowa, Jana Mejglowa, Julia Młynkec, Helena Bětnarjec, Anna Richterec, Chrystina Paš­cyna, Marija Škodźina, Lara Brücknerec, Klawdija Hejdušcyna, Lenka Fryčec, Lubina Mičkec, Michaela Młynkec, Michaela Domaškec

Trenarjomaj Serbskeje koparskeje wubranki žonow (SKWž) Pětrej Bejmakej a Handrijej Racheli njestejachu před poslednim testom do Europeady wšitke koparki wubranki k dispoziciji. Při zakónčacym treningu pjatk wječor w Radworju bě so Elisabeth Škodźic zraniła a k tomu wupadnychu hišće Biskopičanske koparki Marie-Luise Pjetašec, Sofija Bejmakec a kapitanka Janika Bětnarjec, dokelž hrajachu wone w Babelsbergu wo postup do regionalneje ligi. Za to pak wupomha serbskim holcam zaso raz Michaela Domaškec z Hórkow, kotraž na Europeadu z powołanskich přičin njepojědźe.

Sport (10.06.16)

pjatk, 10. junija 2016 spisane wot:

Posledni test wubranki

Njedźelu, 12. junija, wot 11 hodź. nastupja holcy a žony Serbskeje koparskeje wubranki w Pančicach přećiwo žónskemu mustwu SV Großnaundorf. Sudnica hry budźe Lea Krječmarjec z Wulkeho Wjelkowa, asistentaj Kilian Hrjehor z Róžanta a Dominik Wjeńka z Pančic-Kukowa. Je to zdobom posledni test wubranki do europeady.

EVSE wuhotuje turněr

Energijowy zastaraćel Čorny Halštrow (EVSE) wuhotuje zajutřišim, njedźelu, w Kulowje štwórty koparski turněr za dorost. Na nim wobdźěla so mjez druhim koparki a koparjo z Horow, Rakec, Njebjelčic, Ralbic, Kulowa a Ćiska. Přeprošene je pjeć cyłkow młodźiny F a pjeć młodźiny D. Turněr započnje so w 14 hodź., z mytowanjom liča wokoło 17 hodź.

Sportowy swjedźeń

W Rakecach přewjeduja wot dźensnišeho hač do 12. junija sportowy swjedźeń. W poskitku maja tam dźensa, jutře a njedźelu najwšelakoriše sportowe zarjadowanja a turněry. Zajutřišim hraje mjez druhim młodźina B Dynama Drježdźany přećiwo młodźinje A z Rakec. Zakop je w 14. hodź.

Streetsoccer-wubědźowanje

Šram najrjeńše wrota docpěł

štwórtk, 09. junija 2016 spisane wot:

ST 1922 Radwor

– ST Wóspork/Hodźij 9:1 (5:1)

Zestawa domjacych: Wróbl – Sćapan, Henke, Bauer, Nuk, Šram, Zähr, Buša (83. Wünderlich), Šěrak, Omran, Schulze (86. Bischof)

Najstarša šulerska starobna skupina w beachvolleyballu (9. do 11. lětnik) je při Olbersdorfskim jězoru pola Žitawy wuchodosakske wubědźowanja „Młodźina trenuje za olympiju“ zakónčiła.

Znowa dobyli

srjeda, 08. junija 2016 spisane wot:

Sokoł Ralbicy/Hórki II

– Wětnica/Hola 4:0 (3:0)

Zestawa domjacych: Bjeńš – Materna, M. Matka, Zynda, Čornak, Bogusz, Rawš, Kurjat (81. Cyž), Serbin (65. Serbin), J. Matka, Šmit

Po dobytej hrě přećiwo koparjam Łužicy Wojerecy chcychu Sokoljo wězo tež partiju přećiwo předposlednjemu tabulki z třomi dypkami zakónčić. Tuž derje započachu a dachu bul běžeć. Dwójce kombinowachu so do šěsnatki přećiwnika, tola poslednja preciznosć pobrachowaše. Kurjat so w 24. min. tróšku zaměri, jako wólny kop z połlěweje strony na žerdź sadźi. Dwě mjeńšinje po tym skónčnje klinkaše. Čornak sflankowa z praweje strony do šěsnatki, a Jurij Matka běše spěšniši hač wrotar a bul do klětki suny. Druhe wrota padnychu po dwójnej kombinaciji Šmit–Čornak–Šmit, kiž zymnokrejnje přetwori (38.) Nimale z wothwizdanjom prěnjeho połčasa poradźi so Šmitej 3:0 (45.).

Ze změrowacym předskokom móžachu domjacy druhi połčas tróšku měrnišo nastupić. Wo štwórte wrota postara so Jurij Matka, jako bu znowa rjenje swobodnje hraty a wrotarja Wětnicy/Hole přewiny. Zasłužbnje zawěsćichu sej So­kol­jo tři dypki.

Šulerjo Serbskeho gymnazija Budyšin (SGB) dobychu w tudyšej Sprjewinej kupjeli wšitke hry a dóstachu za to złotu medalju. Jutře, 9. junija, pojědu ći ze starobneje skupiny IV (5. do 7. lětnik) na krajne finale do Drježdźan.

Maturantki a wučerjo dobyli

wutora, 07. junija 2016 spisane wot:

Rjana tradicija na Serbskim gymnaziju Budyšin (SGB) je, zo wučerjo a rozžoh­nowacy so abiturienća na kóncu šulskeho lěta hišće raz při wysokim saku mocy měrja. Volleyball je na serbskim kubłanišću nade wšo woblubowany.

Wčera tydźenja dóńdźe k sportowemu duelej muskeje generacije. Mnozy šulerjo widźachu w sportowej hali Serbskeho šulskeho a zetkawanskeho centruma optimalny­ start swojich dwanatkarjow. Woni jich mócnje pohonjowachu, štož wjedźeše k jasnemu předskokej 20:15. Wučerjo dyrbjachu so najprjedy na hrajnišću namakać, dokelž běštaj sylnaj nadběhowarjej Maćij Čižank a Roman Grzyb krótkodobnje wupadnyłoj. Tak zwosta jich pjeć pedagogow, kotřiž dźakowano wjetšej rutinje sadźbu hišće z 25:22 za sebje­ rozsudźichu. Wuspěšny kónc přinjese aktualnemu wo­krjesnemu mištrej wučerskeje ligi wjac měra a stability do hrajnych akcijow. Tak přesadźichu so woni tež w přichodnymaj přechodomaj z 25:19 a 25:16.

Srjedźoněmski mišter we volleyballu

wutora, 07. junija 2016 spisane wot:

Štyrjo volleyballisća Budyskeje FSG a třo hrajerjo ST Marijineje hwězdy dobychu­ zhromadnje w Dessauwje Srjedźoněmski cup seniorow w starobnej klasy muži nad 50 lětami. Šěsć cyłkow – stajnje po dwěmaj z Durinskeje, Saksko­-Anhaltskeje a Sakskeje – wojowaše­ w turněrowej formje wo medalje­ a rjany pokal.

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND