Wjesłowarjo złoto zdobyli

pjatk, 12. awgusta 2016 spisane wot:
Přewšo zbožowne wjesłowarki němskeje dwójneje štyrki smědźa tule hordźe swoje złote medalje prezentować. Mustwo Annekatrin Thiele, Carina Bär, Julia Lier a Lisa­ Schmidla je so wčera na olympiskich hrach w brazilskim Rio de Janeiru w kónčnym spurće přećiwo Nižozemskej a Pólskej přesadźiło. Jenož někotre mjeńšiny do toho běchu němscy mužojo w samsnej klasy wuspěšni. Tež woni zawěsćichu sej olympiske złoto. (Hlej tež na 2. stronje.) Foto: dpa/Anke Waelischmiller

Gries hosćom wupomhał

štwórtk, 11. awgusta 2016 spisane wot:

SV Wesenitztal

– SJ Chrósćicy 2:2 (1:1)

Zestawa hosći: Matješk – Bětnar, Sentivan, Šafář, Gries, Młynk (69. Dehn), Zahrodnik, Runt, Šmit, Žur, Věchet

Hižo w 11 hodź. su koparsku hru we Wesenitztalu při přijomnych temperaturach a rjanym wjedrje zahwizdali. Tamniše prěnje mustwo hraje­ hižo někotre lěta w krajnej klasy, nic pak kaž nowačk z Chrósćic we wuchodnej stafli, ale w srjedźnej. Wone tež impulsiwnje započa, Chróšćenjo pak dołho­ njetrjebachu, zo bychu so na to nastajili. Po 20 mjeńšinach dósta Věchet wot defensiwy přećiwnika darik w formje špatneje přihrawki, kotruž k 1:0 přetwori. Hišće do přestawki Wesenitztal wuruna.

Test přěhrali

štwórtk, 11. awgusta 2016 spisane wot:

HZ Hórnikecy – SJ Njebjelčicy 2:1 (0:0)

Za hosći zasadźeni: Wićaz – Pawlik, Reinecke, Hübenthal (G. Čornak), Haška, Šołta, Janca, Kubaš, Hrjehor, Ričel, Šram.

Swój posledni test do spočatka hrajneje doby 2016/2017 wotměchu koparjo Njebjelčanskeje SJ we Wulkich Ždźarach. Trenarjej Panic a Krawčik žadaštaj sej koncentrowane a koordinowane wustupowanje swojich chowancow. W prěnim połčasu je škit wokoło Reinecki derje a měrnje hru natwarjał. Tak dóńdźe k móžnosćam přez Hrjehorja a Ričela, wšitke pak wostachu bjez wrotow. Přećiwnik so hrě Njebjelčanow podrjado­waše a zamó jenož někotre akcenty přez boki sadźeć. Hakle po přestawce wuwi so bojow­niski charakter hry, cyłkowny porjadk hosći pak woteběraše. To je defensiwny hrajer přećiwnika z wušiknym solom přez centrum hnydom dwójce wužił a hru na kóncu tež rozsudźił. Tež hdyž so Hrjehorjej po róžku nachwilne wurunanje poradźi, Njebjelčenjo 1:2 přěhrachu. Wot přichodneho tydźenja wojuja potom zaso wo dypki. Jurij Haška

Dwójna nula w Smjerdźacej dobyła

štwórtk, 11. awgusta 2016 spisane wot:
Dźewjeć wólnočasnych volleyballowych cyłkow je minjenu sobotu w Smjerdźacej wo pokal tamnišeje dobrowólneje wohnjoweje wobory wojowało. Na dwěmaj polomaj wuhrachu mustwa najprjedy skupinsku fazu. Na woběmaj hranišćomaj zahajichu a skónčichu so hry w samsnym času. W k.o.-kole njeńdźeše hižo wo čas, ale wo dypki­, a to hač do 15. W padźe njerozsudneho 1:1 po sadźbach dyrbješe třeći přechod hru rozsudźić. Po něhdźe pjeć hodźinach wuhraštej zastupnistwje Hinten­rainer a team Dwójna nula z Pančic-Kukowa finale. Wobě mustwje běštej hižo w skupinskej fazy přećiwo sebi nastupiłoj a tam 1:1 hrałoj. W kónčnym spurće pak so klóšterscy volleyballisća přesadźichu a dobychu duel z 2:0. Pućowanski pokal mó­žachu sej tuž druhi raz sobu wzać. Foto: Jörg Stephan

Woda skakanskeho basenka so přebarbiła

štwórtk, 11. awgusta 2016 spisane wot:

Rio de Janeiro. Tróšku kuriozny napohlad skićeše so atletam skakanskich wubědźowanjow z wěže při rańšim treningu. Woda skakanskeho basenka bě so wot zwučeneje módreje na zelenu barbu přeměniła. Přičina malheura běše najskerje defektna přewróćowanska připrawa (Umwälzanlage). Tež w synchronowym finalu muži z třimetrowskeje deski błyšćeše so woda přeco hišće we hłownej narodnej barbje Brazilskeje. To drje je faworitow z Chiny nimoměry iritěrowało. Dwójka Cao/Quin wobsadźi jeničce třeće městno. Němski njezbožownik Patrick Hausding a jeho nowy partner Stephan Feck dyrbještaj jenož z njeluboznym 4. městnom spokojić.

Wulke wolóženje z němskeho wida knježeše mjeztym w Carioca-arenje, hdźež wotměwaja so wubědźowanja juda. Tam wuwojowa sej Laura Vargas-Koch w klasy hač do 70 kg bronzu. Zludanaj pak běštaj hrudźny płuwar Marco Koch a slalomowy kanuta Hannes Aigner, kiž skomdźi podestne městno wo 0,03 sekundy. Swětowy mišter Koch bu na 200 metrow w hrudźnym stilu jeničce sedmy.

Sokołski volleyball

srjeda, 10. awgusta 2016 spisane wot:
35. sokołski volleyballowy turněr wo pokal Domowiny budźe klětu 25. měrca. To zdźěli Serbski Sokoł, třěšny zwjazk serbskich sportowcow. Poprawom wšak wotměwa so turněr stajnje spočatk měrca, klětu pak je sportowa hala na Budyskim Třělnišću w tym času hižo wobsadźena. SN

Znowa jenož njerozsudnje hrali

srjeda, 10. awgusta 2016 spisane wot:

FC Energija Choćebuz – RB Lipsk II 0:0

Zestawa domjacych: Meyer – Karbstein, Knechtel, Stein, Baude, Putze (73. Ziegenbein), Kruse, Viteritti, Gehrmann, Weidlich, Mamba

Po remisu w prěnjej hrě w nowej wokolinje štwórteje ligi pola Lok Lipska su Choćebuscy koparjo doma přećiwo RB Lipskej II tež jenož remis hrali. Pjeć móžnosćow za nowopřichad Energije Mambu słušeše do kategorije wulkošansy. Žanu z nich pak njezamó wón přetworić. Prima wustupowanje młodych Choćebuskich akterow njebu tuž mytowane.

Wo dospołnje skepsanym starće po dwěmaj njerozsudnymaj wuslědkomaj wšak nochce trenar FC Energije Choćebuz Claus-Dieter Wollitz rěčeć. Wězo bě sej za 6 000 zahoritych přiwisnikow wjace přał. „We woběmaj partijomaj smy wšo za lěpši dypkowy wunošk dali. Přiwšěm pobrachowaštej w srjedźnym polu měr a hrajna kontrola. Tež při wrotowych akcijach njejsmy konsekwentni dosć byli. Ale što dyrbimy wot 20lětneho Mamby wočakować, kiž z brěmjenjom dypkowych hrow hišće tak prawje wobchadźeć njemóže? Smy sćerpni a z nim wob­stajnje dale dźěłamy“, zhladuje Wollitz do přichoda. Georg Zielonkowski

Sokoł Ralbicy/Hórki

– ST Horni kraj Sprjewja 1:5 (1:0)

Zestawa domjacych: Ch. Gloxyn – von Köding (75. Matka), B. Bjeńš, Schultz, Lulak, Šewc, S. Bjeńš, Korjeńk, D. Gloxyn, Wałda, Domaška

Rio de Janeiro. Kotre zhromadnosće wobsteja mjez sankowanjom a jěchanjom? Wotmołwa na tróšku njewšědne prašenje je poprawom cyle jednora, wobhladaš-li sej wukony němskich atletow­ na olympiskich hrach. We wo­běmaj sportowymaj družinomaj móža fanojo němskeho sporta z wulkej wěstotu hnydom wjacore medalje zaplanować. Tale­ teza je so na štwórtym wubědźo­wanskim dnju w brazilskim Rio de Janeiru skónčnje wobkrućiła.

Generalku doma přěhrali

wutora, 09. awgusta 2016 spisane wot:

ST Marijina hwězda

– Póst Germania Budyšin 0:2 (0:0)

Zestawa domjacych: O. Schmidt – Wróbl (46. Smoła), Škoda (46. Lipič), Łušćanski, R. Hawš (46. Bejmak), Peschmann (46. Hübner), T. Jurš, O. Hawš, P. Schmidt, Pakoßnick­ (46. Czapik), D. Jurš

Do starta noweje serije we wokrjesnej lize testowachu koparjo ST Marijineje hwězdy doma přećiwo wokrjesnemu wyšemu­ ligistej Póst Germania Budyšin. W prěnim połčasu bě hosćićel runo­hódny přećiwnik, tak zo klasowy rozdźěl widźeć njebě. Prěnje wrota hosći so nimohry dla njepřipóznachu (10.), a wulkošansa Dawida Jurša njebě tohorunja wuspěšna (21.). Přećiwniski wrotar Gün­ther bě wuběrnje reagował a kop wotwobarał. Wobaj cyłkaj pospytaštej so nětko z wólnymi kopami. Wšitkim pak pobrachowaše trěbna preciznosć. 0:0 k połčasej bě sprawne.

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND