Beata Čórlichec zaso trenuje

póndźela, 16. nowembera 2015 spisane wot:

Jako prěnja Serbowka je z Němcow pochadźaca a w Kölnje bydlaca triatletka Beata Čórlichec loni w oktobrje na swětowych mišterstwach w triatlonje na Hawaii Ironman-distancu wuspěšnje zmištrowała, za kotruž je so w Zürichu njewočakowano kwalifikowała. W Pacifiskim oceanje je 3,8 km płuwała, na kupje 180 km kolesowała a 42,195 km marathon běžała, a to w 11:30:26 hodź. Hač do kónc meje je so Beata zaměrnje za wotpowědne trěbne kwalifikacije za lěto 2015 přihotowała a trenowała, zo by hišće raz startować móhła. Jako pak někotre dny doma w Němcach přebywaše, je so na noze tak zraniła, zo dalše přihoty za tutón zaměr móžne njeběchu. Mjeztym pak zaso we wšěch třoch disciplinach triatlona cyle zaměrnje trenuje a so za přichodne lěto za wotpowědne kwalifikaciske wurisanja přihotuje.

Widźał, słyšał, napisał (16.11.15)

póndźela, 16. nowembera 2015 spisane wot:

Awtor dźensa

Jan Macka

Lubi sportowcy, aktualne połoženje w politice a sporće njeje hižo róžojte. Wěsta woršta ludźi steji w fokusu medijow a dyrbi so přiběracemu ćišćej wusprawnić a wuwinyć.

Wuslědki (16.11.15)

póndźela, 16. nowembera 2015 spisane wot:

Wokrjesna wyša koparska liga

Póst Budyšin – Großröhrsdorf 3:3 (1:2)

ST Ćisk – Hnašecy0:2 (0:0)

Wachau – Połčnica2:1 (1:1)

Hory – Ralbicy/Hórki 1:0 (1:0)

Wjelećin – Kulow0:2 (0:1)

Chrósćicy – Bukecy5:0 (3:0)

Kinspork – Łuty3:1 (3:0)

1. Chrósćicy 13 34  :  6 35

2. Hory 12 38  :  8 29

3. Kumwałd 11 32  :  14 23

4. Hnašecy 12 29  :  13 23

5. Großröhrsdorf 13 23  :  27 20

6. Ralbicy/Hórki 12 25  :  12 19

7. Rakecy 12 23  :  17 19

8. ST Ćisk 12 25  :  24 19

9. Póst Budyšin 13 31  :  30 17

10. Ramnow 12 25  :  25 16

11. Kinspork 13 22  :  27 15

12. Połčnica 13 21  :  21 13

13. Kulow 12 18  :  20 12

14. Bukecy 12 12  :  32 8

15. Wjelećin 12 16  :  39 7

16. Wachau 12 17  :  44 7

17. Łuty 12 11  :  43 7

Wokrjesna koparska liga, stafla I

HZ Budestecy – Radwor 3:1 (1:0)

Załom – Mały Wjelkow 6:0 (1:0)

ST Budyšin – Kubšicy1:1 (1:1)

Wóspork – Hnašecy II 1:2 (0:1)

Wjernarjecy – Wjazońca 1:1 (1:0)

Póst Budyšin II – Hodźij 2:3 (1:1)

Porchow – Wulka Dubrawa3:3 (1:3)

Sport (13.11.15)

pjatk, 13. nowembera 2015 spisane wot:

Blidotenisća mocy měrja

We wobwodnej blidotenisowej lize muži prěnje mustwo Viktorije Worklecy sobotu a njedźelu hnydom dwójce doma hraje. Sobotu wočakuje TTF Běłu Wodu (9. tabulki) a njedźelu w 11 hodź. ST Wocl Krušwicu (7. tabulki). Hižo dźensa w 19 hodź. hraja we Wojerecach TTC Wojerecy III – DJK Konjecy.

Mjezynarodna koparska hra

19. nowembra hraje narodne koparske mustwo U 16 w Budyšinje přećiwo wubrance Čěskeje republiki. Zakop na Młynkec łuce budźe we 18 hodź. „Wje­selimy so na prěnju domjacu hry sezony a nadźijamy so, zo nas přihladowarjo we wulkej ličbje podpěraja“, rjekny trenar mustwa U 16 Christian Wück.

Kónctydźenska kopańca

14.11. 14:00 HZ Budestecy – Radwor

15.11. 10:30 LSV Hory – Ralbicy/Hórki

15.11. 14:00 Wjelećin – Kulow

15.11. 14:00 Chrósćicy – Bukecy

15.11. 14:00 Marijina hwězda – Arnsdorf

15.11. 14:00 Sepicy – Njebjelčicy

Koparske pokalne hry

Njedźelu přewjedźe Sakski koparski zwjazk pokalne hry wo zaćah do połfinalneju hrow. Tež Jednota Kamjenc a Biskopičanske KT 08 stej hišće w štwórćfinalu. Mustwje nastupitej njedźelu w Kamjencu napřećo sebi.

15.11. 13:00 Kamjenc – Biskopicy

15.11. 13:00 Taucha 99 – Rudne horiny

15.11. 13:00 Zwickau – Neugersdorf

Koparjo U 16 Dynama přijědu

štwórtk, 12. nowembera 2015 spisane wot:
Koparjo Dynama Drježdźany starobneje klasy U 16 nastupja srjedu, 18. nowembra, w 11 hodź. w Němskopazličanskim sportowym centrumje we wosmifinalu wo krajny pokal přećiwo młodźinje B Natwara Němske Pazlicy. Za hrajerjow wokoło kapitana Maurica Hoffmanna je to po dobyćach přećiwo Drježdźanam-Goppeln, Drježdźanam-Laubegast a SC Weixdorfej wulka překwapjenka, zo su mjez 16 najlěpšimi mustwami. Trenarjo Philip Heimburger, Günter Neubauer a Philipp Neubauer koparjow krajneje klasy na hrajersce a bojownisce sylneho wyšoklasoweho přećiwnika přihotuja. Z Dy­namom Drježdźany U 16 přijědźe cyłk z regionalneje ligi-sewjerowuchod do Němskich Pazlic. Samsny dźeń budu tež hry SSV Markranstädt – FC Rudne horiny Aue, Lipšćanski SC 1901 – Kamjeničanski FC a VFC Plauen – RB Lipsk U17. Wojerowske mustwo hraje hakle 19. decembra we Wojerecach. Norbert Adler

Derby jenož dypk wunjesł

štwórtk, 12. nowembera 2015 spisane wot:

SJ Njebjelčicy

– ST Hlinowc 1:1 (1:1)

Zestawa domjacych: Hahn – Šołta (86. Mjechela), Haška, Kral, Hrjehor, Dubaw, Cyž, Hommel, Hanuza, Lejnart, Čornak (68. Hoelzel)

W derbyju susodow zetkaštej so koparskej mustwje z Njebjelčic a Hlinowca po wjace hač 27 lětach, a to zaso jónu k dypkowej hrě. Zdalenosć mjez wsomaj wšak wučinja jeničce něhdźe dwaj kilometraj. Domjacy započachu z połnej paru. Hižo w 9. min. poradźi so Lejnartej nawjedowanje. Daloku třělwu wón derje přiwza a zběhny bul wušiknje přez napřemo spěchaceho wrotarja. Nětko kopjachu so dalše šansy přez Cyža, Hanuzu a Hommela. W 20. min. startowaše Lejnart rjany soloběh hač do šěsnatki hosći, bě pak zaso raz přezalubowany do bula. Znowa wón w prawym wokomiku njewothra a šansa bě fuk. Krótko po tym Hlinowski agilny nadběhowar Porva nisko do kuta wrotow wuruna. Do přestawki zwrěšćichu hišće Šołta z niskej třělwu (32.), Hanuza po wólnym kopje Cyža (38.) a Dubaw z hłójčku (41.).

Wuslědki (12.11.15)

štwórtk, 12. nowembera 2015 spisane wot:

Wokrjesna koparska liga, stafla II

Njeswačidło – FC Łužica 0:4 (0:1)

Šćeńca – Wětnica/Hola 4:5 (1:3)

Nowe Město II – Wojerecy 1919 2:2 (0:2)

Hory II – Lubuš1:1 (0:1)

Ralbicy/Hórki II – Rakecy II 1:3 (0:1)

HZ Łaz – Bluń2:1 (1:0)

N. Hrabowka – Ćisk II 5:1 (2:1)

1. FC Łužica 9 21  :  10 21

2. Rakecy II 9 25  :  6 20

3. Wojerecy 1919 9 24  :  10 20

4. Hory II 9 22  :  15 15

5. HZ Łaz 8 12  :  6 15

6. Nowe Město II 9 28  :  17 14

7. N. Hrabowka 9 22  :  16 12

8. Bluń 9 17  :  13 12

9. Lubuš 9 13  :  20 12

10. Wětnica/Hola 10 20  :  39 11

11. Ralbicy/Hórki II 10 16  :  23 10

12. Njeswačidło 7 17  :  18 9

13. Hórnikecy 9 14  :  23 8

14. Ćisk II 10 19  :  35 7

15. Šćeńca 8 16  :  35 4

Přećiwnikej wrota darili

srjeda, 11. nowembera 2015 spisane wot:

Sokoł Ralbicy/Hórki II

– Rakečanske ST II 1:3 (0:1)

Zestawa domjacych: J. Matka – K. Matka (78. Serbin), Bogusz, Róbl, Bernard, Bejmak, Čórlich, Kobalc, Materne, Kurjat (46. Mě. Matka), Mi. Matka (46. Šěn)

Ralbičanska koparska rezerwa měrješe mocy w derbyju z druhim zastupnistwom z Rakec. W jeho rjadach wuhladachmy tež stareho znateho, Markusa Šołtu, bratra Dirka Šołty, hrajerja w prěnim mustwje Sokoła. Markus bě hišće před lětomaj tež tam zasadźeny, strowotnych přičin pak wón chwilu wusadźi.

Nowy trikot – prawa debjenka

srjeda, 11. nowembera 2015 spisane wot:
Dźesać lět je dosć! To prajichu sej volleyballisća Sokoła Budyšin a hraja nětko w nowych trikotach. Dołhe wuradźowanja su so wudanili. Zakładna módra barba trikota, čerwjena ličba a płat naboku kaž tež běłe pismo dopominaja na serbsku trikoloru. Wosebje hordźi su sportowcy na aplikaciju staroznateho loga Serbskeho Sokoła na městnje wutroby. Hrajer a sobustaw předsydstwa Serbskeho Sokoła Tomaš Suchy praji: ,,Dźakujemy so swěrnym sponsoram. Ćišć zmóžnił je serbski zawod Joachima Lipiča D+D-wabjenje ze Žuric.“ Budyscy volleyballisća so nětko wězo nadźijeja, zo dynamika­ trikota tež na „křidle“ Sokoła wuprudźa. Foto: Florian Kaulfürst

Volleyballisća druheho mustwa Viktorije Worklecy Maćij Šěn, Julian Bulank, Jonas Roth, Michał Vacek, Jonas Budar a Daniel Wałda (wotlěwa) njejsu so we Wojerecach we wobłuku prěnjeho hrajneho dnja we wokrjesnej klasy, stafla sewjer jara wjeselić móhli. Wšako poćerpjechu tam we wšěch třoch hrach poražku. Foto: Jörg Stephan

nawěšk

  • 21. jolka-swjedźeń w Nuknicy je nimo. Štož zwostanje su dopomnjenki na rjany žortny a zabawny wječor w Nukničanskej Brězanec bróžni. Někotre impresije serbskeho wječora w Nuknicy, kotrež je naša fotografowka-wolontarka Hanka Šěnec zhotowiła, wam tule
  • Serbske Nowiny-LND-Tuchmacherstr. 27 02625 Bautzen: Jolka 12.01.2019
  • Serbske Nowiny-LND-Tuchmacherstr. 27 02625 Bautzen: Jolka 12.01.2019

nowostki LND