3. Wuchodoněmska Kart-Challenge

wutora, 05. julija 2016 spisane wot:
Po pjatnaće lětach je wubědźowanska serija Wuchodoněmska kartchallenge zaso raz we Łazu zastała a tam lětuši třeći běh přewjedła. 42 kartsportowcow je w sydom wubědźowanskich klasach startowało. Štwórty běh přewjedu motorsportowcy 10. julija w Templinje. Foto: Werner Müller

Na minjenu hrajnu dobu zhladowane

wutora, 05. julija 2016 spisane wot:

Cil do sezony 2015/2016 za koparjow a zamołwitych ST Marijineje hwězdy rěkaše, zo so mjez prěnimi pjeć cyłkami w tabulce zaměstnja. A z wurjadnym 4. městnom so jim to na kóncu tež poradźi. Po 26 dypkowych hrach mějachu na konće 14 dobyćow, tři remisy a dźewjeć poražkow. Z 45 dypkami a poměrom 31 plusowych wrotow (79:48) móža Pančičenjo jara spokojom być. 79 docpětych wrotow je najlěpša ličba we wokrjesnej lize, stafli III. Ličba přećiwnych wrotow pak je tež chětro wulka.

Z Dawidom Juršom mějachu klóšterscy hrajerjo znowa najlěpšeho třělca w swojich rjadach. Dohromady 41 razow je Wotrowčan do čorneho trjechił, hladajo na wonkowne dobyće 7:3 přećiwo Sepicam hnydom šěsć króć. W třoch dalšich hrach trjechi kral třělcow stafle III pjeć razow. Na městnomaj dwaj a tři stejitaj na internej lisćinje třělcow Jakob Pakoßnick (10 wrotow) a Křesćan Bělk (6).

Nochcedźa postupić?

póndźela, 04. julija 2016 spisane wot:

Koparske cyłki na wokrjesnych a krajnych runinach su tuchwilu w lětnjej přestawce. Helena Bětnarjec je so tuž z Mariju-Luisu Pjetašec k rozmołwje zetkała. Chróšćanka, koparka serbskeje wubranki, je mjenujcy tež aktiwna hrajerka w rjadach Koparskeho towarstwa 08 Biskopicy.

Wšo rozsudźacu hru wo waš postup do regionalneje ligi njejsće same wobwliwować móhli. Kak je wona poprawom wušła, a što to za was nětko rěka?

M.-L. Pjetašec: Móžachmy so woprawdźe jenož na prawy wuslědk duela Gera– Babelsberg nadźijeć. Geraske žony bychu přećiwo Babelsbergej dobyć dyrbjeli, a to nic wyše hač 2:1. Nimo toho njebě wěste, hač jedne abo dwě mustwje postupitej. Dobyli pak běchu Babelsbergske koparki ze 4:0. Krótko po hrě je Sakski koparski zwjazk wozjewił, zo jenož prěni postupi. Naš són je so puknył.

W zašłych dnjach je so powědało, zo maće nětko tola hišće šansu w regionalnej lize hrać. Kajke da su měnjenja w mustwje a jeho wjednistwje?

Mišterstwa překwapjenkow w Francoskej dale du

póndźela, 04. julija 2016 spisane wot:

Lille. Telewizijne wobrazy pokazowachu mjezwoča Walizičanow, kotřiž njemóžachu sami tak prawje wěrić, što běchu docpěli. ,,Njemóžeš to scyła wopisać“, praji wurjadny Aron Ramsey, „smy tak ćežko za to dźěłali. Nětko chcemy hišće dale přińć“. Na najwjetšim dnju w koparskich stawiznach swojeho kraja njemějachu Walizičenjo žadyn strach. Při sylnym dešću před 45 936 přihladowarjemi w Lille su woni hru zwjertnyli, byrnjež jim strach hrozył pod koparske kolesa zjěć. Radja Nainggolan bě Belgičanow hižo w 13. min. na dobyćerski puć přinjesł. Ze zdalenosće 28 metrow třěli wón bul pod łatu. Po tym pak da mustwo trenarja Marca Wilmotsa hru z ruki, a mužojo z kupy wojowachu a wojowachu. Najprjedy trjechi kapitan Ashley Williams (31.). W 55. min. Hal Robson-Kanu samo na 2:1 zwyši. Nimale hač do kónca dyrbjachu Walizičenjo hišće třepotać, ale skónčnje jich Sam Vokes ke kónčnemu 3:1 (85.) wumóži.

Wjesny swjedźeń z volleyballom

póndźela, 04. julija 2016 spisane wot:
Wjesne towarstwo Nowa Wjeska bě sej tež lětsa zaso někotre wjesne volleyballowe mustwa na turněr přeprosyło, kotryž na wjesnym swjedźenju přewjedźechu. Přichwatali běchu cyłki z Hrańcy, Chrósćic, Serbskich Pazlic, Noweje Wjeski a měšane mustwo Känguru terror squad. Prěnje duele wotměchu so hišće w suchim. Swjaty Pětr pak najskerje měnješe, zo je zajimawše w dešću hrać. Tak dyrbjachu so hrajerjo při wysokim saku z ćežkim bulom a hładkej trawu bědźić. Wottrašić pak so nichtó njeda a tak běchu hry wosebje napjate. Volleyballisća z wyšich runin njemóžachu swoju klasu pokazać, štož bě za ludowe wašnje hraća spomóžne. Pokaza so tež, zo njeje přeco trjeba šěsć hrajerjow w mustwje měć. Partije skónčichu so z wuslědkom, zo běchu Chróšćenjo prěni před Känguru Terror squadom. Slědowachu Serbskopazličenjo. Cyłkaj z Noweje Wjeski a Hrańcy měještej jenož jedyn dypk. Tuž dyrbješe ličba małych dypkow rozsudźić. Tu běše mustwo z Hrańcy lěpše a zawěsći sej 4. městno. Klětu swjeći Nowa Wjeska 400lětne wobstaće, a to zaso z volleyballowym turněrom. Měrko Korjeńk

Sezonu na 12. městnje zakónčili

póndźela, 04. julija 2016 spisane wot:

Sokoł Ralbicy/Hórki II

– LSV Bluń 74 1:1(1:1)

Zestawa domjacych: J. Matka – M. Matka, Zynda, Młynk, Čornak (58. K. Matka), Bogusz, Rawš, Jakubaš, Šołta, Kobalc (46. Šwejda), Šmit

K zakónčenju sezony su koparjo Sokoła Ralbicy/Hórki II mału seriju nakopali. W štwórtej hrě pospochi woni njepodležachu. Z dobyćom bychu Bluń w tabulce samo přesćahnyli. Tola to njebě tak wažne. Polěpšenje hrajneho wukona budźe tež k sezonje 2017/2018 wažne, wšako potom z třoch staflow jenož dwě zwostanjetej. To rěka, zo móhli klětu dźesate městno docpěć.

Widźał, słyšał, napisał (04.07.16)

póndźela, 04. julija 2016 spisane wot:

Awtor dźensa

Jan Hrjehor

Wuslědki (04.07.16)

póndźela, 04. julija 2016 spisane wot:

Wokrjesna koparska liga, stafla III

Němske Pazlicy – Mar. hwězda 1:2 (0:1)

1. Ottendorf/Liegau 26 67  : 24 65

2. Frankenthal 26 75  : 35 61

3. Großnaundorf 26 75  : 34 55

4. Marijina hwězda 26 79  : 48 45

5. Arnsdorf 26 61  : 31 45

6. Njebjelčicy 26 54  : 36 44

7. Großröhrsdorf II 26 44  : 34 43

8. Haselbachtal 26 53  : 61 38

9. Sepicy 26 70  : 67 36

10. Němske Pazlicy 26 47  : 53 33

11. Hlinowc 26 36  : 67 18

12. Großharthau 26 29  : 79 16

13. Wóslink/Skaskow 26 27  : 72 12

14. Großdrebnitz 26 29  : 105  11

wokrjesna klasa, stafla II

Njebjelčicy II – Bretnig/Haus. II 5:0 (2:0)

Hórnikecy II – Chrósćicy II 2:1 (1:0)

Něm. Pazlicy II – Mar. hwězda II 9:2 (4:0)

1. Hermsdorf 30 163  : 24 81

2. Łaz II 30 107  : 44 69

3. Kulow II 30 62  : 42 53

4. Mały Wosyk 30 71  : 53 53

5. Njebjelčicy II 30 71  : 54 52

6. Łuty II 30 99  : 60 51

7. FC Łužica II 30 87  : 58 48

Sport (01.07.16)

pjatk, 01. julija 2016 spisane wot:

Zwjazuja swjedźeń ze sportom

Wjesne volleyballowe mustwa přewjedu jutře w Nowej Wjesce mały wólno­časny volleyballowy turněr na trawnišću při swjedźenskej łuce, a to wot 14 hodź. we wobłuku wjesneho swjedźenja. Wjesne cyłki su hižo přeprošene, přihladowarjo su lubje witani.

Testowe koparske hry

03.07. 14:30 Biskopicy

 – čěska wubranka Synot

10.07. 15:00 SKWm – U 23 Neugersdorf

10.07. 17:00 Nowosólc-Hródk

 – Budissa Budyšin

13.07. 18:00 Budissa Budyšin

 – FSV Zwickau

16.07. 18:00 International Lipsk

 – Budissa

16.07. 15:00 Kulow – Lubuš

23.07. 14:00 Budissa Budyšin

 – Rudolstadt

23.07. 15:00 Chrósćicy – Ćisk

23.07. 15:00 Běła Woda – Kulow

30.07. 15:00 Kulow – Lok Slepo

05.08. 15:00 FSV Łuty – Kulow

Měšeja kopańcu a tenis

Sportowa młodźina Budyšin přewjedźe jutře, 2. julija, při Kulowskim měšćanskim haće 1. tenisowy turněr z koparskim bulom. Sportowe zjednoćenstwa a młodźinske kluby su přeprošene so sobu wobdźělić. W kóždym mustwje smědźa maksimalnje štyrjo na hrajnišću a štyrjo za wuměnu k dispoziciji być. Hry traja wokoło dźesać do 15 mjeńšin. Na­drobnišo wobhonić móža so zajimcy pod . Tež přizjewić so pod mjenowanej mejlowej adresu hišće móža.

Marseille. Němski sudniski kolektiw wokoło dr. Felixa Brycha nawjedowaše wčera prěnje štwórćfinale europskich koparskich mišterstwow w Francoskej, a to mjez Portugalskej a Pólskej. Po 120 sekundach zrumowa superstar FC Bayerna Mnichow Robert Lewandowski wšitke dwěle, kotrež po­ćahowachu so w zašłymaj tydźenjomaj na jeho formu. Kamil Grosicki bě so derje na prawym boku přesadźił a jemu bul do centruma šěsnatki sflankował. Nadběhowar steješe tam, hdźež dyrbi stać, a přetwori k 1:0. Poł hodźiny pozdźišo trjechi dalši star FCB. 18lětny nowopřichad Renato­ Sanches wuruna po dwójnym pasu­ z Nanijom z krasnymi wrotami. Druhi połčas běše bohužel wostu­dły, znajmjeńša z mojeho wida. Wobaj cyłkaj sej zaćah do koła najlěpšich štyrjoch poprawom zasłužiłoj njejstej. W podlěšenskim času měješe jenož hišće portu­galski superstar Cristiano Ronaldo naspomnjenjahódnu šansu. Štyri mjeńšiny do kónca móhł wón wšitko rozsudźić. Po perfektnej­ přihrawce João Moutinha steješe­ sam před wuběrnym wrotarjom Łuka­szom Fabiańskim, kiž dźeržeše.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND