Widźał,słyšał, napisał (28.11.16)

póndźela, 28. nowembera 2016 spisane wot:

Awtorka dźensa

Halena Jancyna

„Kotry formular mam wužiwać?“ – „Prašej so našeho prezidenta!“ „Kelko přinoška mam scyła płaćić abo sym jón hižo płaćił?“ – „Prašej so našeho prezidenta!“ „Kotre terminy su za nas čłonow wažne?“ – „Prašej so našeho prezi­denta!“

Tajkich a hinašich prašenjow je w sportowych zjednoćenstwach přeco dosć a nadosć, ale často je wotmołwa: Prašej so prezidenta, wón tla wšitko wě. Kotry wuznam a kotre konsekwency tale wotmołwa ma, je Sportowe towarstwo Marijina hwězda dožiwiło. Přeco, hdyž njeje dale šło abo hdyž dyrbješe so něšto wažne organizować, steješe Smječkečan Pětr Batr na prěnim městnje a je kóždy nadawk zmištrował. Z jeho smjerću bě towarstwo bjez prezidenta. Kotre wužadanje to za předsydstwo!

Poslednim tabulki podleželi

póndźela, 28. nowembera 2016 spisane wot:
We wobwodnej klasy wuchodneje Sakskeje su volleyballistki Viktorije Worklecy před tydźenjom njetrjebawšu poražku poćerpjeli. Přećiwo dotal bjez dypka na poslednim městnje stejacym holcam MSV Budyšina 04 II Dźiwje micki 2:3 (24:26, 27:25, 25:16, 17:25, 10:15) podležachu. Po prěnjej połseriji pak su Worklečanki jako nowačk we wobwodnej volleyballowej klasy tři ze šěsć hrow dobyli a sej tak městno w srjedźnym polu tabulku zawěsćili. Foto: Konstantin Hrjehor

Wuslědki (28.11.16)

póndźela, 28. nowembera 2016 spisane wot:

Wobwodna volleyballowa klasa, wuchodna Sakska – žony

1. SV Haselbachtal 6  15 : 6 14

2. CVJM Zhorjelc 5 14 : 4 13

3. VF BW Wojerecy 4 12 : 1 12

4. ST Viktoria Worklecy  6 11  : 12 9

5. VV Žitawa 09 III 5 7 : 10 6

6. MSV Budyšin 04 II  5 7 : 14 2

7. TSG Hamor-Běła Woda 7 2 : 21 1

– mužojo

1. TSV Niederoderwitz 7 21 : 5 19

2. CVJM Zhorjelc 7 18 : 5 18

3. SZ Wulka Dubrawa 7 13 : 14 10

4. VV Žitawa 09 II 6 12 : 12 9

5. SZ Hnašecy-Dobruša 7 9 : 13 9

6. SZ Kupoj-Nowa Łuka II 7 12 : 14 8

7. OSV Kamjenc  6 11 : 13 8

8. TuS Niska 7 11 : 16 8

9. MSV Budyšin 04 III  6 3 : 18 1

wobwodna liga, wuchodosakska

– mužojo

1. Fitnes Koblicy 8 23 : 10 20

2. OSC Lubij 8 22 : 10 18

3. Viktoria Worklecy  8 18 : 12 15

4. VfB Zhorjelc  8 20 : 14 15

5. TSV Kundraćicy 8 17 : 15 13

6. MSV Budyšin 04 II 8 15 : 18 10

7. Módro-běli Wojerecy II 8 11 : 18 9

8. Mittelherwigsdorf 8 10 : 20 6

9. TSG Hamor Běła Woda 8 5 : 24 2

Sport (25.11.16)

pjatk, 25. nowembera 2016 spisane wot:

Pjasćowanske boje

Třeću Budysku pjasćowansku nóc přewjedu pjasćowarki a pjasćowarjo Pósta Germanije Budyšin jutře w sportowej hali na Třělnišću. Pjasćowanske boje budu tam wot 18.30 do 24 hodź.

Mikławšowy turněr

Póndźelu, 5. decembra, wuhotuja wólnočasni volleyballisća SJ Chrósćicy tak mjenowany Mikławšowy turněr za mustwa, kotrež hraja na ludosportowym niwowje. Přeprosyli su sej Chróšćenjo pjeć volleyballowych cyłkow z Budyšina, Kulowa, Radworja, Worklec a měšane mustwo abiturneho lětnika 1996.

Jubilejne silwesterske běhi

Posledni dźeń lěta 2016 chcedźa w Budyskim Humboldtowym haju zaso běhi přewjesć. Lochkoatletiske towarstwo Čerwjeno-běli Budyšin 90 zarjaduje sobotu, 31. decembra, jubilejne 50. silwesterske běhi. Hłownej běhaj na distancy 5,3 a 10,6 km startuja w 9.30 hodź., krótku čaru 2,5 km w 9.40 hodź. Přizjewjenja su hižo nětko móžne, a to pod www.baer-service.de.

Showprogram Jednoty Kamjenc

Njedźelu, 4. decembra, pokazaja ćěło­zwučowarki Jednoty Kamjenc w sportowej hali při lětanišću hodowny showprogram. Wón započnje so w 15 hodź. a ma něhdźe dwě hodźinje trać.

Sportowa redakcija Serbskich Nowin je so wčera w Róžeńće zetkała. W srjedźišću wječora steješe rozmyslowanje, kak sportowe rozprawnistwo we wječorniku dale polěpšić a nowych dopisowarjow kaž tež fotografow nawabić. Šefredaktor SN Janek Wowčer dźakowaše so přitomnym za swěrne dopisowanje a dźěło, předewšěm zamołwitemu Janej Hrjehorjej, pola kotrehož wšitke nitki sportoweho rozprawnistwa hromadu běža. Dopisowarjo kaž tež redakcija wužichu w rozmołwje składnosć, swoje wočakowanja na redakciju SN respektiwnje na rozprawnistwo rozłožić. Foto: SN/Maćij Bulank

Wjele šansow njewužiwali

štwórtk, 24. nowembera 2016 spisane wot:

ST Marijina hwězda

– SV Haselbachtal 1:2 (0:1)

Zestawa domjacych: O. Schmidt – Rab, Łušćanski, Jurš, Lipič, P. Schmidt, Hawš, Bělk, Smoła, Pakoßnick (65. Škoda), Peschmann­

Na kóncu 1. połserije we wokrjesnej lize, stafla III pohosćichu koparjo ST Marijineje hwězdy mustwo z Haselbachtala.

Pokalny krimi na Młynkec łuce

štwórtk, 24. nowembera 2016 spisane wot:

FSV Budissa Budyšin

– Kamjeničanski FC 5:7 (3:3, 0:2) po třělenju jědnatkow

Zestawa domjacych: Große – Kolan, Klippel, Patka, Heppner (64. Hänsch), Hoßmang, Pfanne, Milde, Müller (80. Baudis), Salewski (73. Hermann), Němec

Profijowy team z Kamjenicy dźěše jako jasny faworit do pokalneje hry a přewza tež hnydom iniciatiwu. Hosćićel měješe w škitnym pasmje w prěnim połčasu wjele dźěła. 0:1 (15.) nasta po zmylku. Wulku móžnosć k wurunanju měješe Franz Pfanne. Wrotar hosći bě swoju klětku wopušćił, Pfanne pak třěli bul ze zdalenosće 30 metrow nimo wrotow (34.). Snadny zastatk skićeše Budyšanam hišće šansu k wurunanju, ale po 0:2 (44.) bě hra poprawom rozsudźena.

Wuslědki (24.11.16)

štwórtk, 24. nowembera 2016 spisane wot:

Regionalna koparska liga

Schönberg – Budissa Budyšin 2:0 (1:0)

Choćebuz – Babelsberg  3:0 (1:0)

RB Lipsk II – Jena3:0 (2:0)

1. Jena 14 27  :  4 35

2. Berlinski AK 14 23  :  14 30

3. Energija Choćebuz 14 22  :  7 28

4. BFC Dynamo 14 27  :  12 26

5. RB Lipsk II 14 19  :  13 25

6. Hertha BSC II 14 19  :  18 24

7. FC Viktoria 14 26  :  18 21

8. Nordhausen 14 23  :  22 21

9. Neugersdorf 14 20  :  12 20

10. Lok Lipsk 14 19  :  17 20

11. Babelsberg 03 14 23  :  23 19

12. Schönberg 14 20  :  28 16

13. Auerbach 14 13  :  24 14

14. Meuselwitz 14 9  :  13 12

15. Fürstenwalde 14 12  :  25 11

16. Luckenwalde 14 11  :  25 11

17. Budissa Budyšin 14 12  :  21 8

18. Neustrelitz 14 10  :  39 1

krajna liga

Grimma – Rapid Kamjenica 2:1 (2:0)

Zwenkau II – Kamjenc 2:4 (1:1)

1. Kamjenc 13 34  :  13 31

2. Eilenburg 12 31  :  9 30

3. Grimma 11 24  :  12 26

4. Pirna-Copitz 12 24  :  14 23

5. Wocl Riesa 12 26  :  20 22

6. Rapid Kamjenica 13 26  :  22 18

7. Hohenst.-Ernstthal 12 26  :  20 17

8. Markkleeberg 11 19  :  24 14

9. Niska 11 15  :  16 13

10. Glauchau 12 23  :  27 13

11. Taucha 12 15  :  27 9

12. Reichenbach 12 8  :  20 9

Hakle druhi połčas rozsudźił

srjeda, 23. nowembera 2016 spisane wot:

LSV Nowe Město nad Sprjewju II

– ST Radwor 0:3 (0:0)

Zestawa hosći: Wróbl – Henke, Šram, Šěrak, Zimmermann, Nuk, Bejmak, Hančik (46. Omran), von Karwin, Winar, Buša (46. Schulze)

Byrnjež Radworscy koparjo duel wot spočatka dominowali, so jim njeporadźi kapital z toho sćahnyć. Nico Buša a Křesćan Bejmak so jako prěnjej pospytaštaj (6., 9.). Najlěpšu móžnosć měješe Bejmak we 18. min. po róžku. Jeho hłójčkowany bul domjacy škitar runje hišće tak z linije škrabny. Poněčim so tež hosćićeljo woćoplichu a do hry wojowachu. Přez wólny kop na prawej kromje šěsnatki poskići so jim w 32. min. prěnja dobra móžnosć. Strašnu nisku třělwu Fabian Wróbl z refleksom wotwobara. W 42. min. třělwa Bejmaka ze 16 metrow wrota snadnje wrota misny. Zmylk nasta na to w srjedźnym polu hosći a zmóžni Nowoměšćanam wulku šansu. Jich hrajer móžeše swobodnje přeběžeć, Wróbl w Radworskej klětce pak pokaza swoju klasu a třělwu wotwobara.

Wupisanje za 35. sokołski volleyballowy turněr

srjeda, 23. nowembera 2016 spisane wot:

termin turněra: 1. apryla 2017

městnosć:  sportowa hala na Budy-    skim Třělnišću

čas:   8 do 16 hodź.

zarjadowar:  Serbski Sokoł z.t.

wuhotowar:  Sokoł Budyšin z.t.,

  Škit Budyšin,

  Mustwo 1296

kontakt:  

zaměr turněra: Pod sokołskim hesłom „Sportej a narodej – zdar!“ chcemy so zetkać k lóštnemu sportowanju a zabawje. Zdobom chcemy styki mjeze serbskimi volleyballistkami/volleyballistami a dalšimi sportowčemi/sportowcami skrućić a k popularizowanju Serbskeho Sokoła přinošować.

přeprošene mustwa: Witane su mustwa dotalnych turněrow a nowačcy. Cyłki z wukraja njepřeprosymy. Wšitcy, kotřiž so do jednoho mustwa zarjaduja, njech so w swójbje volleyballistow derje čuja.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND