Slěbro za Ryćerja

póndźela, 25. januara 2016 spisane wot:
16lětny Šunowčan Marko Ryćer je sej sobotu na krajnych halowych mišterstwach lochkoatletiki w Kamjenicy slěbornu medalju w běhu na 400 metrow w starobnej skupinje U 20 wubědźił. Ryćer startuje za Drježdźanski SC 98 a je tučasnje jenički serbski šuler na Drježdźanskim sportowym gymnaziju. Foto: Alfons Ryćer

Njetrjebawša wysoka poražka

póndźela, 25. januara 2016 spisane wot:

ST Jednota Kamjenc

– Sokoł Ralbicy/Hórki 9:2 (6:2)

Za hosći zasadźeni běchu: Gloxyn – Matka, B. Bjeńš, von Köding, Korjeńk, S. Bjeńš, Šołta, Wałda, Bejma, G. Kurjat, Domaška, Šewc, Bejmak, M. Kurjat.

W dalšim tesće wuspěšni

póndźela, 25. januara 2016 spisane wot:

Sokoł Ralbicy/Hórki

– Čerwjeno-běli Mužakow 1:0 (0:0)

Za Ralbicy zasadźeni běchu: Gloxyn – M. Matka, B. Bjeńš, Schultz, K. Matka, Wałda, Šołta, S. Bjeńš, Bejmak, Domaška, G. Kurjat, Šewc, M. Kurjat, Bejma.

Po jasnej poražce přećiwo krajnemu ligistej Jednota Kamjenc testowachu Ralbičanscy koparjo znowa na kumštnym trawniku w Kamjencu. Přećiwnik rěkaše Mužakow, kotryž steji na druhim městnje krajneje klasy. Wuměnjenja běchu wulkotne a hosćo mějachu hrajnu přewahu, byrnjež defensiwa Sokołow wěsće stała. Po štwórć hodźinje poradźi so hosćom prěni poradźeny nadběh, ale Gloxyn běše na městnje. Tež wólny kop a dalša třělwa do šěsnatki ničo ličomneho za koparjow z Pückleroweho města njewunjeseštej. Po poł hodźinje měješe Wałda šansu, jako Bejmak bul z hłowu prěki połoži. Wrotar pak jeho pospyt znješkódni. Na to Gabriel Kurjat wuspěšnje hrajny natwar Mužakowa myleše a přihra bul Domašce, kiž škitarja wuhra. Wrotar pak ze sylnej paradu wuspěchej zadźěwa.

Widźał, słyšał, napisał (25.01.16)

póndźela, 25. januara 2016 spisane wot:

Awtor dźensa

Jan Hrjehor

Sport (22.01.16)

pjatk, 22. januara 2016 spisane wot:

Terminy zdźěla jasne

Zhromadnje z telewizijnym sćelakom MDR su so zamołwići koparskich mustwow regionalneje ligi-sewjerowuchod na prěnje terminy hrow druheje połse­rije dojednali. Prěnje pjeć smědźa sej přiwisnicy Budissy Budyšin hižo do kalendra zapisać.

05.02. 19.00 Budissa

  – Hornja Łužica Neugersdorf

12.02. 19.00 Babelsberg 03 – Budissa

21.02. 13.30 Budissa – Zwickau

27.02. 13.30 Germ. Halberstadt – Budissa

06.03. 13.30 Budissa – Carl Zeiss Jena

Přeprošeja na koparski turněr

Sobotu, 27. februara, přeproša Marja Michałkowa (CDU), Frank Hirche (CDU) a Alojs Mikławšk (CDU) zhromadnje z Młodej uniju Budyšin na 7. halowy koparski turněr za młodźinske mustwa. Přeprošene su cyłki ze stareho wokrjesa Kamjenc a města Wojerec. Turněr budźe we Worklečanskej ćěłozwučowarni wot 10 do 16 hodź. Hrać budźe so z wrotarjom a třomi pólnymi hrajerjemi. Zajimcy njech so prošu hač do 5. februara pod telefonowym čisłom 03578-305383 abo z mejlku pod přizjewja.

Přihotowanske koparske hry

22.01. 18.30 Jednota Kamjenc – Ralbicy

23.01. 11:00 Jednota Kamjenc

  – ST Budestecy/Korzym

23.01. 14:00 Budissa U 23 – SJ Chrósćicy

24.01. 14:00 Sokoł Ralbicy – Mužakow

24.01. 14:00 ST Trjebin – Rakečanske KT

Kickerowy turněr

štwórtk, 21. januara 2016 spisane wot:
Sobotu, 12. měrca wotměje so na Wotrowskej starej šuli zaso kickerowy turněr. Na Facebooku smědźa so zajimcy hižo nětko za njón přizjewić. Turněr započnje so w 16 hodź. Hrajerjo, kotřiž so w tym času hakle ze 34. sokołskeho volleyballoweho turněra wo pokal Domowiny wróća, započnu pozdźišo hrać. Startowy pjenjez za kickerowy turněr je pjeć eurow na jednotliwca. SN

W treningowym lěhwje byli

štwórtk, 21. januara 2016 spisane wot:

Po tym zo běchu so koparjo Njebjelčanskeje SJ na druhu połseriju wokrjes­neje ligi z prěnim treningom pod hołym njebjom­ hižo přihotowali, podachu so woni do kónctydźenskeho treningo­weho lěhwa w lěsnym parku Grünheide pola Auerbacha we Vogtlandźe. 16 hra­jerjow a třo přewodnicy nastajichu so na puć. Jich prěnje wubědźowanje bě bowling.

Za pjatk rano běše běh po lěsnym arealu postajeny a snědani přizamkny so dwójna treningowa jednotka na kumštnym trawniku. Popołdnju trenowachu we wulkej sportowej hali pod nawodom­ Njebjelčanskeje trenarskeje dwójki Detlef Panic/Handrij Krawčik a po krótkim wočerstwjenju dale pod hołym njebjom.

Dokelž bě so sněžiło, ale nic dosć wokoło treningoweho areala, rozsudźištaj trenarjej, sobotu sej dojěć do zymskosportoweho centruma Klingenthal/Mühlleiten. Z wupožčenymi sněhakami podachu so Njebjelčanscy koparjo do dźesaćkilometrowskeje lojpy hač k ho­rje Aschberg. To bě dobra wotměna k ćělnemu napinanju a zdobom skrućenje cyle hinašich skupin myškow.

Hwězdźički hraja we Wojerecach

štwórtk, 21. januara 2016 spisane wot:
Ralf Wachsmann, trenar prěnjeho volleyballoweho mustwa Marijinych hwězdźičkow, měješe zašły hrajny dźeń ze zaměnjenjom hrajerki Madleny Bartec „prawy nós“. Wona wopokaza so jako joker. Sobotu hraje klóšterski cyłk we Wojerecach přećiwo holčemu mustwu z Kupoje/Noweje Łuki. Hač Madlena Bartec potom znowa bój wo dobyće rozsudźi? Foto: Pětr Bart

Wuslědki (21.01.16)

štwórtk, 21. januara 2016 spisane wot:

Volleyball wobwodna liga – mužojo

1. ST Kupoj/Nowa Łuka 10 28 : 11 25

2. Viktoria Worklecy 92 9 23 : 10 21

3. TSV Kundraćicy 9 17 : 16 14

4. VfB Zhorjelc 10 21 : 22 14

5. Módro-běli Wojerecy II 9 17 : 17 12

6. TuS Niska 7 14 : 14 11

7. OSC Lubij I 9 15 : 19 10

8. TSG Hamor Běła Woda 8 9 : 21 6

9. Tr. Mittelherwigsdorf 7 5 : 19 4

Volleyball wobwodna liga – žony

1. VV Schönbach 10 23 : 13 21

2. ST Chróstawa 10 25 : 16 19

3. TSV Kundraćicy 9 20 : 14 18

4. OSC Lubij I 9 20 : 12 17

5. ST Kupoj/Nowa Łuka 9 19 : 16 15

6. VfB Zhorjelc 9 16 : 16 13

7. MSV Budyšin 04 9 17 : 21 12

8. ST Marijina hwězda 9 14 : 21 10

9. VV Žitawa 09 II 10 5 : 30 1

Volleyball sakska liga – mužojo

1. SSV Drježdźan  11 33 : 7 31

2. USV TU Drježdźany II 10 25 : 8 24

3. TSV Lipsk 76  11 22 : 21 19

4. ST Schneeberg  11 21 : 20 18

5. ST Kamjenica-Harthau 11 20 : 21 15

6. SV Krostitz  11 17 : 26 11

7. Póst Drježdźany 11 18 : 28 11

8. Křižna šula Drježdźany 10 13 : 26 8

9. MSV Budyšin 04 10 15 : 27 7

Přizjewić so za treningowe lěhwo

srjeda, 20. januara 2016 spisane wot:
Tež lětsa přewjedźe motocrossowy klub MC Jawora, sobustaw ADAC, tradicionalne treningowe lěhwo za dźěći. Termin je zaso 1. meja. Wobdźělić smědźa so dźěći, kotrež su potom znajmjeńša pjeć a nic starše hač 14 lět. Tež wěste nazhonjenja dyrbjeli wone hižo měć. Za nowačkow chce MC Jawora w běhu lěta hišće zakładny kurs poskićić. Za treningowe lěhwo 1. meje 2016 maja zajimcy na internetnej stronje Jaworskich motocrosspilotow přizjewjenski formular wupjelnić. Nimo toho je tam tež formular za staršich. Za wudawki zběraja potom wot kóždeho wobdźělnika dźesać eurow.SN

nawěšk

nowostki LND