Skónčnje zaso dobyli

štwórtk, 15. decembera 2016 spisane wot:

TSG Hamor Běła Woda

– Viktoria Worklecy 0:3

(23:25, 19:25, 20:25)

Znowa bě so jeno sydom Worklečanskich volleyballistow na wonkownu hru do Běłeje­ Wody podało, hdźež chychu seriju zašłych třoch poražkow zakónčić. Pra­šenje pak rěkaše, hač dyrbjeli znowa z abo­ bjez libera hrać. Marko Brězan, poprawny­ libero, bě mjenujcy w tre­ningowych jednotkach jara dobre wu­kony pokazał a so za poziciju nadbě­howarja poskićił. Mustwo rozsudźi so za libera, štož bě ćežki, ale prawy rozsud.

Volleyballowy turněr w Ralbicach

štwórtk, 15. decembera 2016 spisane wot:
W Ralbičanskej sportowni su šulerjo 10. lětnika tradicionelny adwentny volleyballowy tuněr přewjedli. Šěsć mustwow wojowaše na dwěmaj polomaj wo prěnje městno, kotrež wudoby sej mustwo Ralbičanskich wólnočasnych volleyballistow. Wobdźělene cyłki běchu 8. lětnik, 9. lětnik, 10. lětnik, něhdyše 10tki a wučerjo Ralbičanskeje wyšeje šule. Foto: Melanie Hajnkec

Špatny wukon pokazali

srjeda, 14. decembera 2016 spisane wot:

Budissa Budyšin

– ZFC Meuselwitz 0:1 (0:1)

Zestawa domjacych: Wohlfeld – Kolan, Patka, Klippel, Heppner, Hoßmang, Pfanne (70. Baudis), Barth (79. Šisler), Müller, Hänsch (46. Hermann), Němec

Najebać zestupny bój a z nim zwisowacu wažnosć hry bě jenož 267 přihladowarjow na domjacu partiju koparjow Budissy Budyšin přećiwo ZFC Meuselwitzej přišło.

Domjacy so dobyća wosebje nadźijachu. Bohužel pak njemějachu tón dźeń niwow regionalneje ligi. Wot prima wustupa tydźenja w Berlinje ničo spóznajomne njebě. Hóstne mustwo trenarja Heika Webera pak móžeše to, štož bě sej za duel předewzało, přesadźić. Wrota Renéja Weinerta (20.) tomu polěkowachu. Budissa dyrbješe so nětko ćim bóle prócować. Jako prěni wotući Josef Němec, jeho třělwu pak wrotar Steven Braunsdorf bjez ćežow popadny (27.). Na to pruwowaše jeho Daniel Hänsch z kopom ze 14 metrow. Tu pak wrotar ZFC wyše łaty zwjertny (32.). Hač do přestawki so słabym hosćićelam ničo wjace njeporadźi.

18. Mikławšowy koparski turněr

srjeda, 14. decembera 2016 spisane wot:
Wólnočasne koparske mustwo chóra Meja je doma w Radworju 18. Mikławšowy koparski turněr dobyło. Na wobrazu widźimy dobyćerjow. Mjez žonami přesadźichu so koparki z Hnašec-Dobruše, pola kotrychž hraješe tež Serbowka Bernadet Brězanec z Prawoćic. We woběmaj wubědźowanjomaj startowaše stajnje šěsć cyłkow. Foto: Werner Lindner

Serbske koparki wuspěšne

wutora, 13. decembera 2016 spisane wot:

Z Marie-Luisu Pjetašec (Chrósćicy), Sofiju Bejmakec (Stare Ratarjecy), Annu Richterec (Budyšin), Leju Krječmarjec (Wulki Wjelkow), Nadju Zamora-Gonzales (Budyšin), Laru Brücknerec (Kulowc) a Claru Hellerec (Praskow) mamy na kopanišćach Sakskeje tuchwilu tójšto serbskich hrajerkow, kotrež móhli přichodne lěta krute žro Serbskeje koparskeje wubranki tworić. Wone wšitke w Biskopičanskim KT 08 za bulom honja, a to na krajnej runinje. Marie-Luise a Sofija stej w kadrje krajneho ligista stajnej hrajerce. Anna a Lea dóstaštej w aktualnej sezonje tež hižo wjacore zasadźenske mjeńšiny w sakskej lize, hdźež stej swoju klasu pokazałoj. W minjenej hrě přećiwo cyłkej Lipšćanskich wobchadnych zawodow je Wulkowjelkowčanka samo swoje prěnje wrota na tutej runinje docpěła. Chróšćanka ma jako srjedźopólna hrajerka a přihotowarka tuchwilu dwoje wrota na konće a škitarka Sofija Bejmakec jedne.

Druhe koparske mustwo Chróšćanskeje SJ muži ma tučasnje wšu přičinu k wje­selu. Po prěnjej połseriji hrajneje doby 2016/2017 přezymuje wone na prěnim městnje tabulki we wokrjesnej klasy, stafla II. Fabian Pöpel je składnosć wužił­ a so z Michałom Wowčerjom, jednym­ z třoch trenarjow rezerwy SJC, rozmołwjał.

Wutrobnu gratulaciju k nazymskemu mištrej wokrjesneje klasy. To je super wukon.

M. Wowčer: Smy jako trenarjo na kóždy pad jara spokojom z mustwom a docpětym. Sprěnja chcu na kóždy pad wu­zběhnyć wulkotnu atmosferu w mustwje kaž tež jara dobre wobdźělenje hrajerjow na treningu. Smy pak tež rozsudne wokomiki wužiwali, jako to druzy činili njejsu. Dobra pomoc z prěnjeho mustwa ma so tohorunja naspomnić. Hižo wjacori hrajerjo su nam wupomhali, wrota třělili resp. jim zadźěwali. Wulki plus je wotrěčenje mjez nami a prěnim mustwom SJC pjatk po treningu.

Sće trenarska trójka, štož je njewšědne.

Wuslědki (13.12.16)

wutora, 13. decembera 2016 spisane wot:

Krajna koparska liga žonow

Heidenau – Thum-Herold 1:1 (0:0)

Zhorjelc – Johannstadt 5:2 (3:1)

Zwickau – Drježdźany II 4:0 (2:0)

Wacker Lipsk – Spitzkunnersdorf 1:1 (0:0)

Biskopicy – Lipšć. wobch. zaw.  6:0 (2:0)

RB Lipsk – Lipsk-juh5:0 (2:0)

1. RB Lipsk 12 56  :  5 34

2. FC Silesia Zhorjelc 13 42  :  23 26

3. Biskopičanske KT 08 13 39  :  20 26

4. 1. FFC Wacker Lipsk 14 27  :  20 21

5. Heidenauske ST 13 26  :  29 18

6. Přezjed. Lipsk-juh 11 23  :  17 17

7. Lipšć. wobch. zawody  13 28  : 27 17

8. SV Johannstadt 12 28  :  38 17

9. Kamjeničanski FC 12 24  :  27 15

10. Přezjed. Thum-Herold 13 19  :  35 11

11. TSV Spitzkunnersdorf 11 19  :  24 8

12. Fortuna Drježdźany II 15 16  :  50 7

13. Zap. Sakska Zwickau 14 20  :  52 5

14. FSV Lok Drježdźany 8 0  :  0 0

krajna koparska liga muži

Markkleeberg – Niska 4:1 (2:1)

Grimma – Zwenkau II 5:0 (1:0)

1. FC Eilenburg 14 39  :  10 36

2. FC Grimma 14 32  :  14 33

3. Jednota Kamjenc 14 34  :  13 32

4. Wocl Riesa 14 30  :  25 25

5. Hohenstein-Ernstthal 14 33  :  21 23

6. Pirna-Copitz 13 25  :  18 23

7. Rapid Kamjenica 14 26  :  26 18

8. Markkleeberg 13 25  :  28 17

9. Přezjednota Niska 14 19  :  21 16

10. Empor Glauchau 14 25  :  30 14

11. FC Reichenbach 14 13  :  21 13

12. FC Lößnitz 14 12  :  25 13

13. SG Taucha 14 16  :  33 9

14. Freiberg 14 22  :  44 9

15. Zwenkau II 14 14  :  36 6

16. Žołto-běli Zhorjelc 0 0  :  0 0

wokrjesna wyša liga

Kulow – Ramnow6:2 (3:1)

Wojerecy – Rakecy1:4 (0:2)

Ralbicy/Hórki – Hnašecy-Dobruša 2:2 (0:1)

1. ST Ćisk  14 51  :  7 40

2. Rakečanske ST 15 43  :  23 31

3. SC Großröhrsdorf 15 20  :  12 25

4. Sokoł Ralbicy/Hórki 15 37  :  23 24

5. Módro-běli Kulow 15 32  :  28 22

6. Póst German. Budyšin 14 24  :  24 22

7. ST Kinspork/Łužnica 15 28  :  23 21

8. ST Hnašecy-Dobruša 14 27  :  28 20

9. Motor Kumwałd 15 24  :  32 20

10. LSV Hory  14 37  :  25 18

11. Wojerowski FC 15 27  :  34 16

12. Drohotka Ramnow 15 25  :  34 16

Remis zasłuženy był

póndźela, 12. decembera 2016 spisane wot:

Sokoł Ralbicy/Hórki

– ST Hnašecy-Dobruša 2:2 (0:1)

Zestawa domjacych: Ch. Gloxyn – Bejma, Matka, B. Bjeńš, Schultz, D. Gloxyn, Korjeńk, S. Bjeńš, Wałda, Kurjat (66. Zynda), Domaška

„To bě něšto wosebiteho“

póndźela, 12. decembera 2016 spisane wot:

Wosebje w prěnim połčasu partije FC Energija přećiwo FC Hornjej Łužicy (FCO) bě wón najnapadniši akter hóstnych koparjow z Neugersdorfa. Před hłownej tribunu staraše so Denny Kral přeco zaso z dalokimi zamjetami wo njeměr w šěsnatce domjacych. Po par­tiji je Georg Zielonkowski z koparjom porěčał, kiž bě za FCO na lěwym křidle zasadźeny.

Dennyjo, z kotrymi zaćišćemi dźensa Choćebuz wopušćiće?

D. Kral: Bohužel smy hru 1:3 přěhrali. Za mnje bě to přiwšěm cyle wosebite začuće, w tajkej wulkotnej atmosferje před 4 000 ludźimi hrać. Do našeho stadiona wšak přińdźe jeničce 600 hosći. Dźensa bě to něšto wosebiteho.

Sće tu w Stadionje přećelstwa prěni raz na trawniku stał. Do toho, tak zhonich, sće tu přihladowar był?

D. Kral: To trjechi. Běch tu hižo dwójce, trójce přihladowar. Hdyž mam w našim regionje móžnosć, sej wyšoklasowu kopańcu wobhladać, na hry tež jědu. Wobkedźbuju Energiju a so za nju tež wosebje zajimuju.

Kak je so Wam FCE dźensa lubił? Hdyž móžeće to docyła sami hódnoćić, wšako sće sobu hrał?

Widźał,słyšał, napisał (12.12.16)

póndźela, 12. decembera 2016 spisane wot:
Awtor dźensa Tomaš Faska

Bě to 11. decembra 1981. Na wonym dnju sta so legendarna „drama na Bahamach“, na kotrež chcu tule dźensa spominać.

Bahamy su kupowy kraj w Atlantiku a dźěl zapadoindiskich kupow. Wone leža juhowuchodnje USA, hdźež by so mjenowany podawk poprawom wotměć dyrbjał. Čehodla so to njesta, k tomu pozdźišo.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND