Widźał, słyšał, napisał (21.11.16)

póndźela, 21. nowembera 2016 spisane wot:
Awtor dźensa Clemens Šmit

Pismikaj RB stejitej aktualnje za njepřestajnu debatu w koparskim swěće. Wšudźe so wo tym w němskich medijach rozprawja a tež na kromje serbskich sportnišćow so mócnje diskutuje. Kawsa RB Lipsk dźěli, kaž to tydźenja w nowinje LVZ čitach, přiwisnikow kopańcy kaž něhdy profet Mójzes Čerwjene morjo. Po kóncu tydźenja dóstanje tale tematika zawěsće přidatny pohon, dokelž je mustwo RB Lipsk po dobyću přećiwo Leverku­senej a po poražce Bayerow w Dortmundźe načolnistwo prěnjeje koparskeje zwjazkoweje ligi přewzało. Z tym do sezony zawěsće nichtó ličił njebě! Za někotrych woznamjenja to dotalny wjeršk dospołneho wutupjenja koparskeje kultury. Tamni widźa w tym skónčnje zaso šansu, zo bój wo němske mišterstwo na napjatosći dobywa.

Fakt je: W běhu jeno sydom lět poradźi so konstruktej RB Lipsk razantny postup z pjateje ligi na čoło tabulki prěnjeje koparskeje ligi. Prěni raz po 14 měsacach njesteja nětko Bayerojo na prěnim městnje, ale nowačk z Lipska.

Wuslědki (21.11.16)

póndźela, 21. nowembera 2016 spisane wot:

Wokrjesna koparska liga, stafla III

Großröhrsdorf II – Wachau 0:2 (0:0)

Hermsdorf – Frankenthal 2:1 (2:1)

Liegau-Augustusbad – Arnsdorf  0:2 (0:1)

Němske Pazlicy – Drjewnica 3:1 (1:1)

Sepicy – Wóslink/Skaskow 1:0 (1:0)

Njebjelčicy – Großnaundorf 2:2 (0:0)

Marijina hwězda – Haselbachtal 1:2 (0:1)

1. SG Großnaundorf 13 46  :  15 30

2. TSV Wachau 13 44  :  19 29

3. Natw. Němske Pazlicy 13 35  :  16 29

4. SJ Njebjelčicy 13 22  :  15 24

5. SV Haselbachtal 13 27  :  16 22

6. Zeleno-běli Sepicy 13 35  :  27 20

7. SG Frankenthal 13 31  :  23 20

8. ST Marijina hwězda 13 22  :  20 18

9. Arnsdorfske KT 13 20  :  21 18

10. SC Großröhrsdorf II 13 25  :  28 15

11. SV Hermsdorf 13 18  :  34 13

12. SZ Wóslink/Skaskow 13 14  :  40 7

13. ST Drjewnica 13 10  :  45 6

14. Liegau-Augustusbad 13 15  :  45 5

Sport (18.11.16)

pjatk, 18. nowembera 2016 spisane wot:

Volleyball w Pančicach

Klóšterske volleyballistki prěnjeho mustwa Marijineje hwězdy hraja sobotu dwójce doma w Pančicach. Wot 14 hodź. přećiwo cyłkej MSV Budyšin 04 a po tym přećiwo holcam SZ Kupoj Nowa Łuka.

Dźiwje micki w Ralbicach

Volleyballistki Viktorije Worklecy budu sobotu wot 14 hodź. hosćićelki, a to w Ralbicach. Tam wočakuja we wobwodnej klasy holcy MSV Budyšin II.

Serbski derby w Chróstawje

W Chróstawje wuhraja srjedu we wokrjesnej klasy serbski volleyballowy derby mjez cyłkom Sokoła Budyšin a mustwom Marijineje hwězdy. Započatk hrajneho dnja, na kotrymž hraje tež cyłk ST Chróstawa, budźe 19.45 hodź.

Přednošuje wo turje po Americe

Serbski krosnowar a kolesowar Ronny Liebal ze Smjerdźaceje přednošuje dźensa wječor w Rehnsdorfje w hosćencu „K lipje“ wo kolesowarskej turje po Južnej Americe. Přednošk započnje so 19 hodź.

Geyer dźensa w Budyšinje

Eduard Geyer, posledni trenar narodneho koparskeho mustwa NDR, je dźensa wječor hósć w Budyskim dźiwadle na hrodźe. Dwuhodźinski přednošk zahaji so w 19.30 hodź. Zastupne lisćiki předawaja při wječornej kasy.

Žana překwapjenka

štwórtk, 17. nowembera 2016 spisane wot:

SZ Großnaundorf

– ST Marijina hwězda 3:0 (2:0)

Zestawa hosći: O. Schmidt – Wróbl, Rab, T. Jurš, Lipič, Smoła, Hawš, Bělk, P. Schmidt (60. Vacek), D. Jurš (46. Pěčka), Pakoßnick

Partiju jasnje dominowali

štwórtk, 17. nowembera 2016 spisane wot:

ST Wóslink/Skaskow

– SJ Njebjelčicy 0:2 (0:1)

Zestawa hosći: Hahn – Zeller, Hommel, Pawlik, Šołta (79. Janca), Kral, Haška, Cyž, Hrjehor (71. Čornak), Hoelzel (46. Korjeńk), Lejnart

Na trawniku w Skaskowje dominowachu chowancy trenarskeje dwójki Detlef Panic/Handrij Krawčik partiju wot wšeho spočatka. W pjatej mjeńšinje přesadźi so Robert Lejnart derje, trjechi pak jenož žerdź. Wotskočeny bul sadźi tež Leopold Hoelzel nimo klětki. Dźesać mjeńšin po tym přeběža Jakub Šołta hač do šěsnatki přećiwnika a smokny kulojtu kožu k 0:1 do syće. Dalše derje wuhrate nadběhi sćěhowachu, nažel pak bjez dalšich wrotow. Wužiće dobrych šansow w tutym hrajnym lěće wostanje dale problem w rjadach Njebjelčanow.

W druhim wotrězku bě hrajna situacija podobna. We 58. min. pak so Lejnartej poradźi z wysokej třělwu ze zdalenosće bul w hornim třiróžku k 0:2 zaměstnić. Njebjelčenjo wuwojowachu sej w naslědnym času někotre šansy, ale wrota no­chcychu žane padnyć.

Nětko wočakuja Njebjelčenjo w poslednjej hrě prěnjeje serije doma načolnika tabulki z Großnaundorfa. To budźe wulke wužadanje za młody cyłk.

Po sylnej hrajnej dobje 2015/2016 ze staflowym dobyćom a kónčnym štwórtym městnom we wokrjesu witachu volleyballisća ST Marijina hwězda kónc oktobra mustwje MSV Budyšin IV a ST Sokolnik­ Wjazońca w swójskej hali. W kadrje nichtó wulce njepobracho­waše, tuž běše nadźija na dobyći wulka.

ST Marijina hwězda – MSV Budyšin IV 2:0 (25:14; 25:20)

Prěnja sadźba započa so furioznje. Domjacy njemějachu žane zmylki w hrajnym natwarje, přistajerjej Benedikt Smoła a Pedro Libš swojich nadběhowarjow derje posłužowaštaj. Tak so jedyn bul po druhim do saka Budyšanow smokny. Chětro zahe steješe 9:2 za Ma­rijinu hwězdu. Dodać pak so dyrbi, zo bě kontrahent słaby, tak zo měješe hižo při přijimowanju wulke ćeže. Tón abo tamny zmylk zworachu domjacy na to tež, sadźba pak so na kóncu jasnje z 25:14 na dobro serbskich hrajerjow skónči.

Faworita jasnje porazyli

wutora, 15. nowembera 2016 spisane wot:

Sokoł Ralbicy/Hórki II – ST Ćisk II 3:0 (1:0)

Zestawa domjacych: Cyž – Materna, Šnajder, Bogusz, Šołta, Młynk, Čórlich, Kobalc, Matka, M. Kurjat, G. Kurjat

Dokelž běše trawnik chětro hłuboki, hrajachu koparjo Sokoła II na twjerdym hrajnišću, štož wukopa so jako wulki plus. Faworit z Ćiska, kiž hraje dotal wuspěšnu sezonu, bě tuž hižo do zahwizdanja tróšku zludany, dokelž chcyše Ralbičanow na trawniku z kombinacijemi wuhrać­. Wot prěnjeje do poslednjeje mjeńšiny pak mějachu Sokoljo wotežki w rukomaj. Přez bojowniske dwuboje a z tójšto dźěłom bjez bula hosćom hru natwarić dać njedachu. Nawopak spytaštej škit a srjedźne polo stajnje swojej nadběhowarjej – Kurjatec bratraj namakać. Wonaj dźeržeštaj stajnje zaso bule kruće a postaraštaj so wo njeměr w přećiwniskej šěsnatce. Jedyn z tajkich bulow docpě po dźesać mjeńšinach Ga­briela Kurjata, kiž z distancy zymnokrejnje k nawjedowanju přetwori. Hosćo njenamakachu dale swoju hrajnu nitku a Ralbičenjo wěsće stejachu.

Wuslědki (15.11.16)

wutora, 15. nowembera 2016 spisane wot:

Wokrjesna koparska liga stafla I

ST Budyšin – TSV 90 Wjazońca 8:1 (4:0)

ST Kubšicy – ST Wjelećin II 7:1 (3:1)

Hodźij 04 – Wjernarjecy 4:2 (2:2)

Porchow – Wul. Dubr./Minakał3:1 (1:1)

1. ST Horni kraj-Sprjewja II 11 49 : 17 28

2. Traktor Malešecy 11 40 :12  26

3. FV Concordia Załom 11 38 : 17 22

4. TSV 1859 Wjernarjecy 12 30 :22  21

5. ST Budyšin 12 33 : 14 19

6. ST Porchow 11 19 : 14 19

7. Germania Budyšin II 11 28 : 27 17

8. Wulka Dubr./Minakał 12 23 : 27 16

9. ST Hodźij 04 11 22 : 29 16

10. Postup Großharthau 12 32 : 30 13

11. ST Kubšicy 11 20 : 23 12

12. TSV 90 Wjazońca 12 17 : 49 10

13. ST Wjelećin II 12 19 : 47 7

14. HZ Wóspork/Hbjelsk II 11 11 : 53 1

wokrjesna liga stafla II

1. ST 1922 Radwor 12 44 : 17 28

2. HZ Wulke Ždźary 11 31 : 17 26

3. HZ Łaz/Běły Chołmc 12 31 : 12 25

4. ST Ćisk 1993 II 12 22 : 14 22

5. Rakečanske ST II 12 18 : 22 20

6. ST Lubuš 12 22 : 16 18

7. FSV Łuty 12 22 : 18 17

8. Wojerowski FC II 12 20 : 30 16

9. Módro-běli Njeswačidło 12 24 : 24 14

10. LSV Hory 1990 II 12 20 : 23 14

11. ST Nadrózna Hrabowka 12 20 : 29 13

12. Nowe M. n. Sprjewju  12 9 : 30 11

13. LSV Bluń 74 11 16 : 29 8

14. Sokoł Ralbicy/Hórki II 12 17 : 35 7

Hru w šěsć mjeńšinach rozsudźili

póndźela, 14. nowembera 2016 spisane wot:

Sokoł Ralbicy/Hórki – ST Póst Germania Budyšin 3:1 (3:0)

Zestawa domjacych: K. Gloxyn – Matka, B. Bjeńš, von Köding, Rawš – Šewc, St. Bjeńš, Wałda (70. T. Bejma), D. Gloxyn, Korjeńk – Domaška (60. B. Bejma)

Kermušne dobyće w Radworju

póndźela, 14. nowembera 2016 spisane wot:

ST 1922 Radwor – LSV Bluń 8:1 (3:0)

Zestawa domjacych: Wróbl – Šram, Šěrak, Omran, Zimmermann, Bejmak, von Karwin, Nuk, Hančik (65. Buša), Mark (46. Schulze), Winar

Cyle hinak hač zašły tydźeń, prezentowaše so Radwor zaso jako mustwowy cyłk. Při najrjeńšim wjedrje poskićichu domjacy koparjo hru z mnoho rjenje wuhratymi wrotami. Wot wšeho spočatka dominowachu Radworčenjo hru a njedachu Blunjanam žanu móžnosć.

Prěnje składnosće Phillipa Marka, Paula­ Zimmermanna, Křesćana Bejmaka a Franca Winarja hišće k wuspěchej njewjedźechu­ (11., 14., 16., 22., 23.).

We 28. min. pak so Winar prěni króć do lisćiny třělcow zapisa. Daniel Nuk bě jeho z rjanej dołhej třělwu posłužił. Z nimale dźesać metrow zběhny wón bul wyše­ wrotarja do syće. Krótko po tym bu Winar wot Zimmermanna posłuženy. Swobodnje před wrotarjom stejo zymnokrejnje na 2:0 zwyši (30.). W 32. min. zdokonja znowa Winar přez krasnu kombinaciju Zimmermanna a Paula Hančika ryzy hattrik.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND