Widźał, słyšał, napisał (04.11.19)
Awtor dźensa
Toni Ryćer
„Nimam chwile!“ To často słyšu, hdyž rěčimy mjez kolegami, znatymi abo tež swójbnymi wo terminach. Ale lepju so tež sam hustodosć z tajkej wotmołwu.
Wězo je žiwjenje połne dźěła, zawjazanosćow abo aktiwitow w swobodnym času. Runje tu pak mamy hoberske mnóstwo móžnosćow, wobmjezowane zdźěla jenož financielnych wuměnjenjow dla. Druhdy pak dyrbimy so tež z njeluboznym a dlěje trajacym dźěłom zaběrać. Posledni raz sym lětsa trawu sykł, a hižo čaka spadane lisćo na zrumowanje. Tajke dźěła bych sej rady zalutował, dokelž za nje poprawom woprawdźe chwile nimam. Najskerje pak njejsym jenički, kiž kóžde lěto nazymu tak mysli, tež hdyž pohib na čerstwym powětře nikomu nješkodźi. Nimo toho móžeš při tajkich stupidnych zaběrach wo tym abo tamnym rozmyslować, na přikład wo zańdźenym lěće.
Wuslědki (04.11.19)
Kopańca,
tabulka wokrjesneje wyšeje ligi
1. Drohotka Ramnow 11 34 : 14 28
2. Módro-běli Kulow 11 27 : 11 27
3. Póst Germania Budyšin 11 27 : 11 26
4. LSV Hory 11 25 : 16 22
5. Sokoł Ralbicy/Hórki 11 24 : 16 20
6. ST Horni kraj-Sprjewja 11 28 : 18 19
7. ST Hnašecy-Dobruša 11 21 : 22 16
8. TSV Wachau 12 27 : 26 15
9. SG Großnaundorf 12 22 : 25 14
9. ST Marijina hwězda 11 22 : 25 14
11. TSV Połčnica 11 20 : 36 12
12. Wojerowski FC 11 27 : 27 11
13. ST Kinspork/Łužnica 11 10 : 20 8
14. Natwar Němske Pazlicy 11 13 : 25 7
15. Motor Kumwałd 11 21 : 33 6
16. ST Porchow 11 9 : 32 6
Sport (01.11.19)
Honja za celuloidowym bulikom
Lubowarjo blidotenisa maja dźensa kaž tež jutře hnydom dwójce składnosć sej domjacej hrě we Worklecach a Konjecach wobhladać. W Delanach hraje dźensa wot 19 hodź. prěnje blidotenisowe mustwo DJK Konjecy přećiwo Módro-běłym z Njeswačidła, we Worklečanskej ćěłozwučowarni jutře wot 14 hodź. prěnje zastupnistwo tamnišeje Viktorije přećiwo rezerwje blidotenistow MSV Budyšin 04.
Prěni Hornjołužiski trail
Sportowe towarstwo Huska zarjaduje jutře, sobotu, 1. hornjołužiski trail. Start a cil wobeju distancow stej při sportowni w Husce. W 7 hodź. startuja wulke běhanske wurisanje na distancy 48 km z 1 330 wysokostnymi metrami. Tři hodźiny pozdźišo započnje so „Mały Hornjołužičan“ na 16 km ze 400 wysokostnymi metrami. Dalše informacije pod www.oberlausitztrail.de.
Kónctydźenska kopańca
Prěni tabulki krajneje koparskeje ligi, Jednota Kamjenc, wočakuje jutře druheho, FSV 1990 Nowosólc-Hródk. Hosćićeljo maja z jeno štworymi přećiwniskimi wrotami najlěpšu defensiwu ligi a hosćo z 22 třělenymi wrotami najlěpšu ofensiwu.
01.11. 19:00 Budissa Budyšin
Tabulkowy susod wuspěšny
ST Wóslink/Skaskow
– SJ Njebjelčicy 1:0 (1:0)
Zestawa hosći: Hahn – Kral, Hanuza, Gödig, Čornak (46. Hölzel), Pawlik, O. Domš, Plaettner, Haška, Šołta (61. Schulze), Wagner (61. Lejnart)
Hosćo derje do partije startowachu, tak zo běchu Wóslinčenjo w defensiwnje hnydom žadani. W 5. min. Wiliam Plaettner bul po róžku z pjeć metrow na wrota zhłójčkowa, hrajer domjacych pak zamó jón hišće na łatu wotfalšować. W 13. min. přesadźi so Oliver Domš po diagonalnej přihrawce w běhanskim duelu z poslednim škitarjom hosćićela. Z praweje strony na wrota měrjo so trjechi pak jenož wonkowny sak. Přez kontery wukonješe přećiwnik ćišć na defensiwu Njebjelčanow. W 30. min. wuskoči z tajkeho róžk. Wótry bul Kevin Kuschel na krótku žerdź zhłójčkowa. Wrotar Nico Hahn bě runje hišće w prawym času na městnje. W 42. min. kuli so bul na wonkownej čarje přećiwniskemu hrajerjej před noze. Z toho slědowacy nahle hraty bul přiwza Tom Franke samostejacy před wrotami a třěli jón do klětki. Wrotar a defensiwa běštaj bjez šansy.
Robert Lejnart trójce trjechił
SJ Njebjelčicy
– HZ Hórnikečanski jězor 4:0 (1:0)
Zestawa domjacych: Hahn – Kral, Hanuza, Gödig, Haška (76. Čornak), Pawlik, O. Domš, Hoelzel, Lejnart, Schulze (73. Šołta), Korjeńk (73. Wagner)
Dalši duel tabulkoweju susodow bě minjenu njedźelu w Njebjelčanskim stadionje při Jaworskej rěčce. Dypkowa flawta do toho we Wóslinku pohnu trenarja hosćićela Handrija Krawčika do hry razniši ton wolić. Hižo w 3. min. poradźi so domjacym wuspěšna ofensiwna akcija, po tym zo běchu woni porjadny ćišć wukonjeli a skomoleny pas do nohow Roberta Lejnarta prowokowali. Rodźeny Worklečan njeda so dwójce prosyć a sam na wrota běžo k 1:0 wotzamkny. W přichodnej akciji pósła Leopold Hoelzel ze srjedźneho pola Sandra Schulzu do běha, kiž bul Handrijej Korjeńkej wotpołoži. Škitar dalše wrota runje hišće tak wotwobara. Po dobrej spočatnej fazy pak Njebjelčenjo bjez spóznajomneje přičiny měr w swojich akcijach zhubichu. Dołhe třělwy a skomolene přihrawki zmóžnjachu hosćom wjacore dobre ofensiwne akcije. Tak tež we 38. min., jako lećeše po róžku do směra na wrota hłójčkowany bul jeno snadnje nimo žerdźe.
Historiski sportowy podawk
Serbski Sokoł wosebity camp za koparski dorost přewjedł
17 serbskich koparjow, tři serbske koparki, štyri serbske swójby z Wěteńcy, Koćiny, Pančic-Kukowa a Budyšina, dwě čěskej hrajerce, dźewjeć čěskich hrajerjow a starši koparjow domoródneho dorostoweho mustwa SK Janské Lázně su minjenu srjedu w stadionje čěskeho kuroweho městačka tři historiske koparske hry w sportowych stawiznach Serbskeho a Čěskeho Sokoła dožiwili. Prěni raz nastupi serbski koparski dorost na mjezynarodnej runinje, a to we wobłuku serbskorěčneho campa w Janskich Láznjach, kotryž bu we wobłuku wubědźowanja Sakskeho fondsa „Čiń sobu!“ mytowany.
Sokoł w cuzbje dale z běłym lacom
Natwar Němske Pazlicy
– Sokoł Ralbicy/Hórki 0:2 (0:0)
Zestawa hosći: Schöne – Lešawa, Schultz, Wałda, Bjeńš, Gloxyn, Rawš, Šiman (74. Šewc), M. Kurjat (65. Janca), G. Kurjat (77. Materna), Domaška
W minjenej sezonje hrajachu koparjo Sokoła Ralbicy/Hórki dwójce přećiwo Němskim Pazlicam a wopušćichu trawnik stajnje jako dobyćer. Byrnjež přećiwnik we woběmaj hromaj dobru kopańcu pokazał, běše wón před wrotami prosće přesłaby. Podobnje wupadaše tež předwčerawšim, njedźelu, zaso w stadionje při Němskopazličanskim wulkim haće.
Hosćo z Ralbic w prěnich dźesać mjeńšinach dominowachu, po tym pak mějachu domjacy hač do połčasa ceptar w rukomaj. Před wrotami Willija Schöny so přiwšěm jenož dwójce jara strašnje jewjachu. Wobaj razaj Schöne swoje kmanosće pokaza a třělwje wulkotnje wotwobara. Na tamnym boku skićeše so Měrćinej Kurjatej dobra składnosć ze šěsnaće metrow, ale wón njebě wuspěšny.
Serbja w krajnej stolicy startowali
Serb krajny mišter w poolbillardźe
Wuslědki (29.10.19)
Kopańca
tabulka wokrjesneje wyšeje ligi
1. Drohotka Ramnow 10 30 : 11 25
2. Póst Germania Budyšin 10 27 : 11 25
3. Módro-běli Kulow 10 24 : 11 24
4. LSV Hory 10 23 : 14 21
5. ST Horni kraj-Sprjewja 10 28 : 16 19
6. Sokoł Ralbicy/Hórki 9 23 : 13 19
7. ST Marijina hwězda 10 20 : 22 14
8. ST Hnašecy-Dobruša 10 18 : 20 13
9. TSV Wachau 11 25 : 26 12
10. TSV Połčnica 10 19 : 34 12
11. SG Großnaundorf 10 18 : 21 11
12. Wojerowski FC 10 24 : 26 8
13. Natwar Němske Pazlicy 10 13 : 22 7
14. ST Kinspork/Łužnica 10 8 : 18 7
15. Motor Kumwałd 10 18 : 29 6
16. ST Porchow 10 7 : 31 3
wokrjesna liga, stafla 2
Łaz/Běły Chołmc – Radwor 1:0 (1:0)
Malešecy – Wóslink/Skaskow 4:0 (3:0)
Łuty – Wulka Dubrawa 3:0 (2:0)
Rakecy II/Šćeńca – Haselbachtal 0:5 (0:4)
Chrósćicy II – Wojerowski FC II 2:1 (1:0)
Njebjelčicy – Hórnikečanski jězor 4:0 (1:0)
Hlinowc – Nadrózna Hrabowka 3:1 (1:1)
Minakał – Lubuš/Bluń 1:3 (1:1)
