Wuslědki (15.03.16)

wutora, 15. měrca 2016 spisane wot:

Wokrjesna koparska liga, stafla I

Hnašecy II – Wulka Dubrawa/M. 1:3 (0:0)

HZ Budestecy – Póst Budyšin II 4:1 (1:1)

Wóspork – ST Budyšin 0:6 (0:2)

Malešecy – Porchow2:1 (1:1)

Wjazońca – Kubšicy0:8 (0:3)

Radwor – Mały Wjelkow 8:1 (1:1)

1. ST Budyšin 17 57  : 21 44

2. Malešecy 17 50  : 23 37

3. HZ Budestecy 18 56  : 34 36

4. Załom 17 46  : 24 30

5. Kubšicy 16 37  : 21 30

6. Radwor 18 46  : 24 28

7. Wjazońca  18 33  : 45 25

8. Wóspork 18 28  : 45 24

9. Porchow 18 43  : 54 22

10. Wulka Dubrawa/Min.  18 32  : 36 19

11. Póst Budyšin II  17 37  : 45 19

12. Wernarjecy 18 30  : 34 18

13. Hodźij 17 21  : 37 15

14. Hnašecy II 17 25  : 52 14

15. Mały Wjelkow 18 26  : 72 10

Wo 34. sokołskim volleyballowym turněrje wo pokal Domowiny

Wot ranja napoł dźewjećich wojowachu sobotu 19 ryzy serbskich a zdźěla serbsko-němskich cyłkow kaž tež wulki faworit na pokal, team z pólskeje Tokarnje, wo krónu najlěpšeho wólnočasneho volleyballoweho teama w Serbach. Po zazběhowych słowach čłonow Serbskeho Sokoła wuhrachu hač do připołdnja w štyrjoch staflach předkoło, tak zo slědowachu po krótkej přestawce zaměstnjenske hry. Hižo­ zahe bě spóznajomne, zo budźe team z Tokarnje tež lětsa zaso dobyćer.

Basketballisća Serbskeho gymnazija Budyšin (SGB) docpěchu na sakskim finalu­ starobneje klasy II – 8. do 11. lětnik – wurisanja „Młodźina trenuje za olym­piju“ minjeny štwórtk w Ka­mje­nicy­ 6. městno. Tak postarachu so woni w sportowych stawiznach serbskeho­ kubłanišća wo wosebity wjeršk.

Optimistiscy běchu sej basketballisća SGB do Kamjenicy dojěli. Před tydźenjomaj dobychu hrajerjo wokoło kapitana Pětra Dźisławka w Lauchhammeru předkoło šulskeho Vattenfalloweho cupa a kwalifikowachu so tak za finale najlěpšich štyrjoch mustwow we Łužicy.

W Kamjenicy wšak hwizdaše nětko cyle hinaši wětřik, wšako bě hrajny niwow wo wjele wyši. Mjez prěnimi štyrjomi zaměstnjenymi­ šulemi běchu hólcy zasadźeni, kotřiž hewak w swojich zjedno­ćenstwach za němsku zwjaz­kowu ligu w swojej starobnej klasy wo dypki wojuja. Tak hrajachu pola pozdźi­šeho dobyćerja, Sportoweho gymnazija Kamjenica aktiwni basketballisća mustwa Niners Academy, aktualneho dru­heho zwjazkoweje ligi­-wuchod.

Sokołski volleyballowy turněr

póndźela, 14. měrca 2016 spisane wot:
Akcija z kónčneje hry 34. sokołskeho volleyballoweho turněra wo pokal Domowiny: Naprawo wot saka widźimy mustwo Škit Budyšin a nalěwo dobyćerja, Přećelow z pólskeje Tokarnje. Hłowny sudnik finalneje hry bě znowa Měrko Korjeńk, sportowy wučer na Serbskim gymnaziju Budyšin. Wjace wo turněrje čitajće na 3. stronje. Foto: Tomaš Šołta

Widźał, słyšał, napisał (14.03.16)

póndźela, 14. měrca 2016 spisane wot:

Awtor dźensa

Jan Hrjehor

Što činić z mustwom Přećeljo z pólskeje Tokarnje, kotrehož hrajny niwow je dwě klasy přewysoki? Hižo do 34. sokołskeho volleyballoweho turněra wo pokal Domowiny bě wobdźělnikow tele prašenje zaběrało. Tež wčera zaso so mje sportowcy na kromje kopanišćow prašachu, hač njehodźi so přisłušnosć pólskich hrajerjow we volleyballowych klasach susodneho kraja přepruwować. Ně! Kak dyrbi to hić? Nimo toho by to po mojim měnjenju njezmysł był. Hrajnu klasu a wo­spjetne dobyće akceptować a hotowe ...

Loni mějach z dr. Peterom-Paulom Straubu ze Smochčanskeho Doma biskopa Bena, dlěšu rozmołwu, w kotrejž sym jemu problem ze superniwowom pólskich volleyballistow rozłožił. Woni, kotřiž běchu wot pjatka do njedźele zaso hosćo w Smochćicach, su 2009 pokal prěni raz dobyli a po tym tež w lětach 2011, 2012, 2014, 2015 a 2016. Z rjadow našich serbskich cyłkow bě so jeničce Přećelam Smječkecy w lětomaj 2010 a 2013 poradźiło njewšědnu dominancu přetorhnyć.

Wuslědki (14.03.16)

póndźela, 14. měrca 2016 spisane wot:

Krajna koparska klasa

Budissa II – Nowosólc-Hródk 0:0 (0:0)

Laubegast – Radebeul 1:1 (1:1)

Mužakow – Drježdźanski SC 2:3 (1:0)

Nowe Město – Póst Drježdźany 1:1 (0:1)

Trjebin – Biskopicy II 2:3 (1:3)

1. Niska 15 36  : 14 33

2. Mužakow 15 44  : 26 29

3. Radebeul 15 22  : 13 28

4. Laubegast 15 34  : 17 26

5. Budissa Budyšin II 15 27  : 20 26

6. Zschachwitz 14 31  : 23 25

7. Biskopicy II 15 31  : 28 20

8. Nowe Město 15 25  : 27 20

9. Trjebin 15 30  : 38 18

10. Drježdźanski SC 15 23  : 29 16

11. Nowosólc-Hródk 15 22  : 28 16

12. Budestecy 14 21  : 37 13

13. Drježdźany-Strěžin 15 15  : 33 9

14. Póst Drježdźany 15 17  : 45 8

Sport (11.03.16)

pjatk, 11. měrca 2016 spisane wot:

Přeprošeja na „hłownej“

SJ Chrósćicy přewjedźe swoju hłownu a wólbnu zhromadźiznu dźensa wot 20 hodź. w Chróšćanskej wjacezaměrowej hali „Jednota“. Dźens za tydźeń, 18. měrca, přeproša ST Marijina hwězda w Pančicach-Kukowje na hłownu zhromadźiznu. Wona budźe we wjace­zaměrowym kompleksu na tamnišim sportnišću. Předsydstwo wočakuje mnohich wobdźělnikow.

Hraja wo pokal Domowiny

Loni bě jich 18 cyłkow, lětsa je so 20 přizjewiło. Mjeztym 34. raz hraja jutře, sobotu, w Budyšinje wo pokal Domowiny při wysokim saku. Zarjadowar a wuhotowar turněra je Serbski Sokoł zhromadnje z volleyballowymi cyłkami Sokoła Budyšin, Škita Budyšin a mustwa abiturneho lětnika 1996. Sportowcy zetkaja so w hali na Třělnišću we 8 hodź., turněr započnje so napoł dźewjećich. Hač do 13 hodź. poskića Sokołki a Sokoljo w małej sportowni dźěćacu zaběru.

Kickerowy turněr

Dźesać hrow pospochibjez dobyća

štwórtk, 10. měrca 2016 spisane wot:

Zašłu njedźelu su koparjo Budissy Budyšin­ doma FC Carl Zeiss Jenje 0:2 podleželi. Wo jich napjatym połoženju w pincy tabulki je Hanspeter Benad za Serbske­ Nowiny z kapitanom mustwa­ Martinom Kolanom­ porěčał.

Knježe Kolano! Nětko sće tež přećiwo Carl Zeiss Jenje přěhrali. Je alarmowy zwónčk hižo zašaltowany?

M. Kolan: Wědźachmy hižo do hry, zo smy znowa w zestupnym boju. Kóždy z tabulki 3. ligi wučita, zo móže z njeje hač do pjeć cyłkow zestupić.

Přichodnu hru wotmějeće w Schönbergu pola tabulkoweho susoda. Kajke su tam šansy dypk docpěć?

M. Kolan: Přećiwnik hraje někak na našej runinje. Mamy wojować a hač k swo­jim hranicam běhać. Nimo toho dyrbimy před wrotami strašnišo agěrować. Potom móžemy tež FC Schönberg porazyć.

W najhóršim padźe zestupi pjeć mustwow z třećeje do regionalneje ligi. Je wam to znate?

M. Kolan: To wěmy hižo wo spočatka hrajneje doby 2015/2016.

Na čim klaca w Budissy porno prěnjej połseriji?­

Zaso njewuspěšni

štwórtk, 10. měrca 2016 spisane wot:

FSV Budissa Budyšin – FC Carl Zeiss Jena 0:2 (0:0)

Zestawa domjacych: J. Jakubov – Kolan, Patka,­ Pfanne, Kral, Hoßmang, Hansch, Rosendo (80. Heppner), Hausdorf, Sa­lewski, Reher

Hósć na Budyskej Młynkec łuce běchu minjenu njedźelu koparjo Carl Zeiss Jeny. Wobaj cyłkaj chcyštej porjadnu kopańcu poskićić, dokelž běštej naposledk přěhrałoj. Budissa bě w Halberstadće špatnu hru pokazała a Carl Zeiss bě zašłe štyri partije přěhrał. Z dobyćom chcyštej so mu­stwje zaso na puć wuspěcha podać a přiwabištej 750 přihladowarjow. Mjez nimi bě tójšto z Jeny. Tomaš Henčl tónkróć schorjenja dla pódla njebě. Jeho zastupowaše kotrenar Reimund Linkert. Nimo Klippela, kiž bě zranjeny, pobrachowaše Walther, a to pja­teje žołteje karty dla. To njeběchu wězo dobre wuměnjenja. Budissa pak so prócowaše, pokaza porjadnu partiju a w prěnim połčasu duel postajowaše. Nje­zbožo měješe w 27. min., jako sudnik w šěsnatce hosći hraće z ruku přewidźa. Krótko po tym ležeše bul w přećiwniskich wrotach (28.). Reher, třělc wrotow, pak bě w nimohrě stał.

Wuslědki (10.03.16)

štwórtk, 10. měrca 2016 spisane wot:

Regionalna liga

Nordhausen – Babelsberg 03 2:0 (2:0)

FC Viktoria – BFC Dynamo 3:2 (2:0)

Rathenow – Halberstadt 0:3 (0:1)

Hertha BSC II – RB Lipsk II 1:1 (1:1)

Auerbach – Berlinski AK wotprajena

Meuselwitz – Schönberg 1:0 (0:0)

Luckenwalde – Zwickau 0:5 (0:4)

Neustrelitz – Neugersdorf 0:2 (0:2)

Budissa Budyšin – Jena 0:2 (0:0)

1. Zwickau   22 50:14  52

2. Nordhausen   23 44:22  47

3. Neugersdorf   22 37:22  42

4. BFC Dynamo   22 49:34  41

5. Berlinski AK   21 33:14  40

6. Babelsberg 03   23 33:15  38

7. Jena   22 26:14  38

8. Auerbach   22 39:30  34

9. Hertha BSC II   23 35:42  33

10. RB Lipsk II   23 35:35  28

11. Neustrelitz   22 31:31  28

12. Meuselwitz   23 26:41  28

13. Budissa Budyšin   23 29:22  25

14. Schönberg   23 27:33  25

15. FC Viktoria   22 26:40  20

16. Halberstadt   23 27:52  16

17. Luckenwalde   22 16:63  10

18. Rathenow   23 17:50  9

nawěšk

SERBSKE NOWINY podpěruja:

Novi Sad – kulturna stolica Europy

nowostki LND