Krajny pokal dźe do Łužicy
Při dešćikojtym nazymskim wjedrje wobdźěli so holča dorostowa wubranka Zapadołužiskeho koparskeho zwjazka (WFV) na wubědźowanju wo krajny pokal Sakskeho koparskeho zwjazka w Šwikawje (Zwickau). Wona nastupi pod mjenom Biskopičanskeho KT 08 přećiwo wubrankam Kamjeničanskeho FC, HZ Eiche Reichenbrand/FFC Kamjenica, FC Rudne horiny Aue, DFC Zapadna Sakska Šwikawa a ST Přezjednota Lipsk-juh.
Hrali su wubranki po modusu kóžda přećiwo kóždej, a to stajnje 20 mjeńšin. A wubranka WFV je z pjeć štyri partije dobyła a jónu njerozsudnje hrała. Tak wobsadźi na kóncu 1. městno turněra a zawěsći sej sakski krajny pokal. Druhi bě Kamjeničanski FC a třeće HZ Eiche Reichenbrand/ FFC Kamjenica.
Z běłym lacom na čoło tabulki
Po suwerenym wonkownym dobyću pola TSV Niederoderwitz čakachu Worklečanscy wolejbulisća hižo njesćerpnje na prěni domjacy hrajny dźeń we wobwodnej lize.
Za Worklecy zasadźeni: Marko Brězan, Jan Bětnar, Clemens a Ludwig Eckert, Stefan Gedik, Jurij Lipič, Marcel Rjelka, Józef Šnajder, Matti Šěn, Rene Šuster, Daniel Wałda a Stepha Wjeńka
Viktoria Worklecy – TSV Kundraćicy 3:0 (25:22, 25:15, 25:16)
Wuslědki (16.10.19)
Wolejbul, wobwodna liga muži
1. ST Viktoria Worklecy 3 9 :0 9
2. MB Wojerecy II 3 9 :2 9
3. CVJM Zhorjelc 2 6 :1 6
4. TSV Kundraćicy 4 6 :6 6
5. ST Kupoj-Nowa Łuka 1 3 :0 3
6. ST Wulka Dubrawa 4 4 :9 3
7. MSV Budyšin 04 II 2 1 :6 0
8. TSV Niederoderwitz 3 1 :9 0
9. OC Lubij 2 0 :6 0
Přichodne hry Viktorije
09.11. 14.00 Viktoria Worklecy –
OSC Lubij
09.11. 16.00 Viktoria Worklecy –
MB Wojerecy II
16.11. 14.00 MSV Budyšin 04 II –
Viktoria Worklecy
30.11. 14.00 CVJM Zhorjelc –
Viktoria Worklecy
07.12. 14.00 Kupoj-Nowa Łuka –
Viktoria Worklecy
18.01. 14:00 TSV Kundraćicy –
ST Viktoria Worklecy
01.02. 14:00 ST Wulka Dubrawa –
ST Viktoria Worklecy
29.02. 14:00 ST Viktoria Worklecy –
Kupoj-Nowa Łuka
29.02. 14:00 ST Viktoria Worklecy –
TSV Niederoderwitz
Wuspěšny kónc tydźenja při wysokim saku
Aktualna tabulka wobwodneje klasy – wolejbul, žony:
1. Schönbachske VV 3 9 :2 8
2. VV Žitawa 09 III 2 6 :0 6
3. MB Wojerecy II 3 5 :7 4
4. VV Žitawa 09 II 1 3 :0 3
5. HZ Pančicy-Worklecy II 1 3 :0 3
6. MSV Budyšin 04 III 3 4 :6 3
7. ST Viktoria Worklecy 4 3 :9 3
8. Nysa Wolejs II 3 0 :9 0
Wulkotny pokalny bój
Módro-běli Kulow II
– Sokoł Ralbicy/Hórki 0:3 po podl. (0:0, 0:0)
Zestawa domjacych: Paulick – Hantschke, Lohan, Katzer (61. Šěn), Bialas, Modsching (46. Popjela), Bělk (78. Kisch), Woko, Piatza, Nicolaides, Korch
zestawa hosći: Schöne – Kobalc (56. Materna), Budar, Wałda, Schultz, Janca (58. Wowčerk), Gloxyn, Lešawa, Šiman, M. Kurjat (68. M. Matka), G. Kurjat
W druhim wokrjesnym pokalnym kole podachu so faworića z Ralbic do Kulowa, zo bychu přećiwo módro-běłej rezerwje nastupili. Ralbičanski trenar Chrystof Gloxyn da někotrym hrajerjam šansu, kiž hewak tak husto njehraja. Tak widźachu hosćo w prěnim połčasu poměrnje wurunany duel. Po pjeć mjeńšinach měještej wobě mustwje hižo składnosć nawjedowanje docpěć, tola stajnje dźěše bul nimo klětki. Sokoljo mějachu na to drje časćišo bul w swójskich rjadach, tola hač na šansu Gabriela Kurjata so ničo naspomnjenjahódneho njesta.
Wuhódnoćenje a mytowanje dobyćerjow ENSO cupa běharjow
Lětušu prěnju rjadnu lisćinu ENSO-cupa (do toho Wopačanski cup) běharjow su kónc septembra w rjenje wupyšenej Biskopičanskej sportowej hali wuhódnoćili. Najlěpšich třoch kóždeje lisćiny počesćichu. Mytowanje a počesćenje su tež młodźi wuměłcy rejwanskeje šule a spěwarjo kulturnje wobrubili. Wšitko wotmě so na dostojne wašnje. Wšitcy dóstachu jako pokal z drjewa rězbarjeny wudźěłk kaž tež wotpowědne wopismo z ličbu realizowanych wubědźowanjow a docpětych dypkow.
Wuslědki (15.10.19)
Kopańca
wokrjesna liga muži, stafla 2
Hórnik. jězor – Łaz/Běły Chołmc 3:5 (3:3)
Haselbachtal – Łuty2:5 (1:1)
1. ST Hlinowc 8 32 : 13 19
2. FSV Łuty 8 33 : 21 19
3. HZ Łaz/Běły Chołmc 7 23 : 9 18
4. HZ Lubuš/Bluń 7 20 : 7 16
5. Traktor Malešecy 8 26 : 14 14
6. HZ Wojerowski FC II 7 17 : 12 13
7. ST Radwor 8 13 : 13 13
8. SJ Njebjelčicy 8 17 : 14 10
9. SJ Chrósćicy II 7 16 : 19 10
10. ST 1896 Wulka Dubrawa 7 14 : 14 9
11. HZ Hórnikečanski jězor 7 21 : 22 8
12. SZ Wóslink/Skaskow 8 15 : 18 7
13. SV Haselbachtal 8 17 : 27 6
14. Módro-běli Minakał 8 19 : 25 5
15. ST Nadrózna Hrabowka 8 7 : 28 3
16. HZ Rakecy II / Šćeńca 8 7 : 41 1
wokrjesna klasa, stafla 3
Arnsdorf II – Frankenthal II 2:1 (0:1)
Großharthau – HZ Germania Biskopicy/Biskopičanske KT III8:0 (4:0)
1. ST Drjewnica 5 22 : 5 15
2. TSV Wachau II 6 19 : 5 13
3. ST Kinspork/Łužnica II 6 18 : 5 12
4. SV Liegau-Augustusbad 5 16 : 8 12
5. SV Großharthau 5 20 : 6 9
6. Arnsdorfske KT II 6 14 : 15 9
7. HZ Biskopicy/Biskop. III 6 13 : 22 7
8. TSV Połčnica II 5 9 : 18 4
9. Hermsdorf/Ottendorf II 5 7 : 25 3
10. SG Frankenthal II 5 4 : 22 3
11. HZ Bretnig II/Ramnow II 6 6 : 17 1
tabulka regionalneje ligi žonow
1. RB Lipsk 7 30 : 2 19
2. FC Phoenix Lipsk 7 26 : 12 18
3. Magdeburgski FFC 7 25 : 12 16
4. FC Viktoria Berlin 7 18 : 7 13
5. Union Berlin 7 14 : 4 13
6. Steglitzski FC Stern 7 13 : 17 9
7. USV Jena II 6 9 : 9 8
8. Biskopičanske KT 6 6 : 17 4
9. 1. FFV Erfurt 6 10 : 23 4
10. FC Rudne horiny Aue 7 7 : 29 4
11. Hohen Neuendorf 6 7 : 14 3
12. Přezjednota Lipsk-juh 7 6 : 25 1
Běh z brawuru zmištrowali
Prěnje wosebite wubědźowanje pod hesłom „Schiebock běha ekstremnje“ w lěće 2014 było
Njeposrědnje po wuhódnoćenju ENSO-cupa běharjow 2019 startowachu wot připołdnja na běžni Biskopičanskeho stadiona při přijomnym wjedrje entuziasća wosebiteho běha ze zadźěwkami pod hesłom „Schiebock běha ekstremnje“ lětsa hižo šesty króć po 4 km dołhim kołokursu Biskopičanskeho měšćanskeho parka podłu rěki Wjazońcy (Wesenitz). Na kołokursu z tójšto dalšimi nowymi zadźěwkami dyrbjachu atleća, mjez nimi tež horstka serbskich starterow, swoju spěšnosć a wutrajnosć, wosebje pak tež wušiknosć na štyrjoch abo wosom kilometrach dopokazać.
Młódši šulerjo wubědźowachu so na wosebitym kole 444 metrow. Mjez 56 šulerkami wobsadźištej serbskej z Budyšina prima městnje w U 10: Milena Bergerec 9. městno (3:49 min) a Madlena Kralec 25. městno (4:51 min).
Cyłkownje je na Biskopičanskim wosebitym wubědźowanju 944 atletow (rekordne wobdźělenje) cil docpěło. Cyłkownaj dobyćerjej a najspěšnišej na 4 km (635 w cilu, z nich 354 žónskich) běštaj Kito Domke z Zschachwitza (17:01 min) a Laura Robel z Derbna (22:19 min).
Perfektny zazběh do sezony
TSV Niederoderwitz – Viktoria Worklecy 0:3 (16:25, 15:25, 15:25)
Za Worklecy hrajachu: Jan Bětnar, Clemens Eckert, Pawl Hančik, Jurij Lipič, Marcel Rjelka, Józef Šnajder, René Šuster a Stephan Wjeńka. Trenar w Niederoderwitzu bě Ludwig Eckert.
Jědna wěc je lětsa hinaša pola Worklečanskich wolejbulistow. Byrnjež třo stajni hrajerjo wotprajili, poda so sobotu tydźenja sylny cyłk dźesać „młodych dźiwich“ do Žitawskich horin na prěnju wonkownu hru noweje sezony we wobwodnej lize. Cil, tři dypki docpěć, bě jasny. Kapitan Ludwig Eckert bě hišće lochko zranjeny a přewza rólu trenarja. Měješe wulki luksus, wšako móžeše kóždu poziciju sylnje wobsadźić. Tak měješe Pawl Hančik jako libero swój debit w trikoće Viktorije a pokaza jara dobry wukon.
Mustwo z Niederoderwitza hraješe chětro přestarjeny system z dwěmaj přistajerjomaj. Tak běše za hosći lochko nadběhi přećiwnika spóznać a je přeco zaso blokować. W prěnjej sadźbje wuhrachu Worklečenjo swoje wulkotne kmanosće a praskachu bul po bulu na polo hosćićela. Njetraješe dołho, a prěnja sadźba bě z 25:16 dobyta.
Widźał, słyšał, napisał (14.10.19)
Awtor dźensa
Jan Hrjehor
