Wuspěšnaj konjacaj sportowcaj

póndźela, 24. julija 2017 spisane wot:
Tři złote sekle staj sej wčera Chróšćanskaj konjacaj sportowcaj Křesćan Zahrodnik a Lukas Wenderoth zawěsćiłoj. Křesćan Zahrodnik bě z pjećlětnej kobłu Ria Rocca w durinskim Crawinkelu a doby z njej titul Sakskeje a Durinskeje w přezpólnym jěchanju za młode konje. Chróšćanska trójka – Lukas Wenderoth, pjećlětny walach Elbfürst a nazhonity walach Goldstern – startowaše wčera w Beusteru pola Magdeburga. Dwójka Wenderoth/Elbfürst doby přezpólne jězdźenje klasy A, dwójka Wenderoth/Goldstern přezpólne jězdźenje klasy M. Jurij Bjeńš

Wuslědki testowych hrow:

póndźela, 24. julija 2017 spisane wot:

Jednota Kamjenc

– FC Hornja Łužica Neugersdorf 5:0

Jednota Kamjenc

– LSV Nowe Město 5:0

FC Energija Choćebuz

– FC Slovan Liberec0:1

Budissa Budyšin – Wismut Gera 0:0

BSV Sebnitz – SJ Chrósćicy5:1

Rakečanske ST

– Čerwjeno-běli Mužakow 0:2

Módro-běli Kulow – Zel.-běli Sepicy 3:1

SJ Chrósćicy II – Wóslink/Skaskow 0:1

SN

Vragel da Silva, trenar regionalneho koparskeho ligista FC Hornja Łužica Neugersdorf zhladuje optimistisce na nowu hrajnu dobu, kotraž započnje so přichodny kónc tydźenja z domjacej dypkowej hru přećiwo Budissy Budyšin. Wo aktualnym stawje je so Georg Zielonkowski z da Silvu rozmołwjał.

Byrnjež w lětnjej přestawce tójšto wotchadow měła, je FC Hornja Łužica kader wjac hač wurunała!

V. da Silva: Mi bě wažne, zo mam wulki kader. Nimo nazhoniteho něhdyšeho narodneho hrajerja Stephana Vachoušeka su to wosebje młodźi koparjo, kotřiž su k tomu přišli. Woni zmóžnjeja nam tak wariabelnu zestawu. Hdyž wšěch nowych derje integrujemy, móžemy wupady lěpje wotpopadnyć a niwow dźeržeć.

Tež porjadne wukubłanje w dorosće twori dobry zakład.

Wuslědki (24.07.17)

póndźela, 24. julija 2017 spisane wot:

Wokrjesna koparska klasa, stafla IV

1. Bretnig-Hauswalde 22 73  : 25 51

2. TSV Połčnica II 22 66  : 39 46

3. SV Haselbachtal II 22 44  : 44 37

4. TSV Wachau II 22 70  : 35 36

5. Lomn.-Großnaundorf II 22 50  : 20 36

6. Arnsdorfske KT II 22 43  : 41 35

7. ST Kinspork/Łužnica II 22 30  : 33 34

Sport (21.07.17)

pjatk, 21. julija 2017 spisane wot:

Prěni serbski supercup

SJ Njebjelčicy swjeći 60 lět wobstaća. Składnostnje jubileja wuhotuje wona njedźelu, 23. julija, wot 14.30 hodź. prěni koparski turněr z mjenom serbski supercup. Za njón je sćěhowace cyłki zdobyła: SJ Chrósćicy (krajna klasa), Sokoł Ralbicy/Hórki (wokrjesna wyša liga), ST Marijinu hwězdu (wokrjesna liga) a swójske mustwo (wo­krjesna liga). Po wulosowanju budu semifinalej, hra wo třeće městno a finale. Kóžda partija ma 45 mjeńšin trać. Zastup je darmotny.

Po Kulowcu nětko Pančicy

4. beachvolleyballowa tura Radija Satkula je na cilowej čarje a wuhraje póndźelu dalši turněr, a to w Pančicach. Potom sćěhujetej hišće wurisani w Radworju (31. julija) a w Budyšinje (7. awgusta). Finale budźe 28. awgusta w Miłoćicach.

Talk z „Ede“ a „Zimmijom“

W Kamjenskim měšćanskim dźiwadle wotměje so 7. septembra koparski talk z Eduardom „Ede“ Geyerom a Gertom „Zimmijom“ Zimmermannom. Započatk budźe w 19 hodź. Zastupne lisćiki za 10 eurow předawaja w sportowym wobchodźe na Pfortenstraße 3 w Kamjencu.

Testowe koparske hry

21.7. 19:00 ST Radwor – FSV Łuty

22.7. 11:00 Jednota Kamjenc

  – LSV Nowe Město

22.7. 14:00 BSV Sebnitz

  – SJ Chrósćicy

Bul je jich najlěpši přećel

pjatk, 21. julija 2017 spisane wot:

250 aktiwnych dorostowych koparjow wjeseli so na wulki swjedźeń

Budyšin (SN/mwe). 26 mustwow z 250 koparjemi młodźiny F z kónčin wokoło Niskeje, Lubija, Kamjenca, Budyšina, Biskopic a Drježdźan je so za inoficialne swětowe mišterstwa 13. awgusta w Hnašecach/Dobruši přizjewiło. Je to wulki nadregionalny dźěćacy a swójbny swjedźeń. Na zarjadowanje witani su fanajo tohole sporta a wšitcy, kotřiž rady při prawym hołku a tołku swjeća. „Koparski turněr móže kóždy organizować. Ja steju za wosebite a tróšku kołwrótne eventy. Za to trjebaš tež wotpowědnu zmužitosć“, praji Serbskim Nowinam organizator Ronny Mollinger. Je wo tym rozmyslował, što móhło wosebje wabić, a zrodźi swětowe mišterstwa. Tak su wčera w Budyskim sportowym domje Timm wulosowali, kotre mustwo kotry kraj zastupuje. K tomu wudźělichu chorhoje.

Proša na prěni serbski supercup

štwórtk, 20. julija 2017 spisane wot:

Sportowa jednotka Njebjelčicy přeproša na prěni serbski supercup. Što za tym tči a na kotre wosebitostki móža so přihladowarjo wjeselić, chcyše Stefan Möller wot hrajerja hosćićelskeho teama a sobu­organizatora koparskeho turněra, Ta­deja Cyža, wědźeć.

Njedźelu wuhotuje SJ Njebjelčicy tak mjenowany serbski supercup. Što móža sej fanojo kopańcy pod tym předstajić?

T. Cyž: Hinak hač znajemy to wot wšelakorych profijowych ligow, njeje to jednotliwa hra mištra přećiwo pokalnemu dobyćerjej. Jedna so tu wo mały turněr serbskich koparskich towarstwow – a to budu Sokoł Ralbicy-Hórki, ST Marijna hwězda, SJ Chrósćicy a SJ Njebjelčicy.

Kajki je modus premjerneho turněra? Na čo móža so přihladowarjo wjeselić?

Druhe městno ze staflu

štwórtk, 20. julija 2017 spisane wot:
Marko Ryćer (prěni wotlěwa), 18lětny serbski lochkoatlet ze Šunowa, je sej ze staflu­ Drježdźanskeho SC na 117. němskich lochkoatletiskich mišterstwach w Erfurće 2. městno w starobnej klasy U 20 w běhu na 4x400 m zawěsćił. Foto: Alfons Ryćer

Módro-běli Kulow maja jasne zaměry

srjeda, 19. julija 2017 spisane wot:

Sportowy reporter Werner Müller je so za Serbske Nowiny w lětnjej přestawce z předsydu Módro-běłych Kulow Alexanderom Dolezychom rozmołwjał. Mjez druhim rěčeše z nim wo hrajnej dobje 2016/2017, ale tež wo přihotach na nowu sezonu.

Kajka bě minjena hrajna doba za Módro-běłych Kulow?

A. Dolezych: Smy so na spočatku sezony chětro kopolili. Wjacore razy smy njerozsudnje hrali a stajnje jenož dypk domchowali. To je so hač do oktobra ćahnyło. Hakle w Ralbicach dobychmy z wulkim bojowniskim wukonom 2:1 přećiwo Sokołej. Na to je horu horje šło. K zymskej přestawce stejachmy na sedmym městnje. Z dobrym wobdźělenjom na tre­ningach je so tež kondicija mustwa polěpšiła.

Buchu přeća mustwa spjelnjene?

A. Dolezych: Naš zaměr, 10. městno w tabulce, njejsmy spjelnili. Zakónčichmy sezonu­ na 13. městnje z 32 dypkami a z wrotowym poměrom 47:57.

Kak je kołowokoło změny trenarjow wotběžało?

SJC hotuje so na nowu sezonu

srjeda, 19. julija 2017 spisane wot:

Nowa hrajna doba w kopańcy so bórze započnje, a tak je so tež přihotowanska faza za 1. mustwo SJ Chrósćicy zahajiła. Minjenu wutoru započa wone oficialnje trenować. Na to slědowaštej hnydom přećelskej hrě. Přećiwo Großröhrsdorfej přesadźichu so Chróšćenjo 4:0. Wrota třělili su Matti Bětnar a Radim Věchet (troje). We Wesenitztalu pak přěhrachu chowancy trenarja Pavela Runta 0:3. Sobotu změja dalšu přećelsku partiju. W 14 hodź. je zakop w Sebnitzu. Njedźelu wobdźěla so na turněrje w Njebjelčicach, wot 14 hodź. móža tam potom přihladowarjo lute serbske derbyje dožiwić.

W přihotowanskej fazy wězo treningowe lěhwo pobrachować njesmě. 27. julija poda so 1. koparske mustwo SJC štyri dny do pólskeje Leśnicy. Lěhwo zakónča z hru přećiwo cyłkej NKS Namysłów. W awgusće slědujetej potom dalšej přećelskej hrě přećiwo teamomaj z Hradeka nad Nisou a ST Radworja.

Prěnja dypkowa hra za SJC w sezonje 2017/2018 budźe njedźelu, 13. awgusta, wot 15 hodź. w Trjebinje. Feliks Cyž

nawěšk

nowostki LND