Sport (16.06.17)

pjatk, 16. junija 2017 spisane wot:

Motocross na Kaponicy

Jutře a njedźelu zarjaduje MC Jawora 40. ADAC motocross, a to na Jaworskej motocrossowej čarje Kaponica. Sobotu započnje so swobodny trening we 8 hodź. a časowe treningi w 9.50 hodź. Prěnje běhi budu w 12.35 hodź., we 18 hodź. dobyćerjow mytuja. Njedźelny wotběh budźe podobny: swobodny trening wot 8.45 hodź., běhi na čas wot 10 hodź. a prěnje hódnoćenske běhi wot 12.40 hodź.

Ministrantski turněr

Ministranća ze serbskich wosadow su na koparski turněr prošeni a to jutře, sobotu, 17. junija, w Pěskecach. Započatk budźe w 9 hodź. z Božej mšu we wjesnej kapałce.

Kónctydźenska kopańca

We wutornym wudaću smy hižo pokalne koparske hry w Rakecach připowědźili. Dypkowu partiju změja jenož w Husce. Tam nastupi we wokrjesnej klasy, stafli I ST Huska přećiwo ST Hnašecam-Dobruša II.

Triatlon za dźěći

Narodnaj hrajerjej za Energiju

štwórtk, 15. junija 2017 spisane wot:

Za nowu hrajnu dobu w regionalnej lize je FC Energija Choćebuz dalšeju koparjow angažowała. Ze swójskeho dorosta přińdźe 18lětny Max Grundmann. Wón je minjenu hrajnu dobu w 23 hrach w młodźinje A w zwjazkowej lize zasadźeny był a tam pjeć wrotow třělił. Swoje zamóžnosće smědźeše pola muži w druhej połseriji hižo pokazać směł, jako trenowaše wjacore razy w prěnim mustwje. Nimo toho su jeho hižo štyri razy w narodnym mustwje U 19 zasadźili.

Na tři zasadźenja w narodnym mu­stwje U 21 Kazachskeje zhladuje dalši nowačk Andrej Stračew. Tež wón je z Energiju zrěčenje hač do kónca junija 2018 podpisał. Stračew přińdźe wot regionalneho ligista TSV Havelse pola Hannovera, za kotrehož bě škitar minjenu sezonu 26 hrow wotměł. Wukubłany bu 23lětny w dorosće koparskeho kluba St. Pauli Hamburg, hdźež je w druhej zwjazkowej lize wosom partijow absolwował.

Sezonu wuspěšnje zakónčili

štwórtk, 15. junija 2017 spisane wot:
Prěnje koparske mustwo Jednoty Kamjenc je ze swojim trenarjom Frankom Ričlom (naprawo) po hrajnej dobje 2016/2017 w najwyšej lize Sakskeje wicemišter a smě­ so přiwšěm hišće­ postupa do wyšeje ligi nadźijeć. Poslednju dypkowu hru nětčišeje se­zony dobychu koparjo z Lessingoweho města pola FC Grimmy 4:2. W mustwje Jednoty hrajetaj tež koparjej Serbskeje koparskeje wubranki Feliks Hrjehor ze Serbskich Pazlic a Patrick Woko ze Šunowa. Foto: Frank Terks

Wuslědki (15.06.17)

štwórtk, 15. junija 2017 spisane wot:

Krajna koparska liga

Markkleeberg – Riesa 1:1 (1:1)

Freiberg – Rychbach0:4 (0:1)

Grimma – Kamjenc2:4 (1:3)

1. FC Eilenburg 27 73  : 24 68

2. Jednota Kamjenc 28 69  : 27 66

3. FC Grimma 27 52  : 34 50

4. Hohenstein-Ernstthal 27 63  : 46 43

5. Wocl Riesa 27 57  : 49 42

6. VfL Pirna-Copitz 27 51  : 40 41

7. Glauchau 27 51  : 49 35

8. Přezjednota Niska 27 44  : 44 35

Jěchanske turněry

srjeda, 14. junija 2017 spisane wot:

Nimo jěchanskeho a skakanskeho turněra w Holešowskej Dubrawce změjemy přichodne tydźenje a měsacy tójšto dalšich zarjadowanjow, na kotrychž so konjacy sportowcy ze swojimi štyrinohačemi wubědźuja. Wosebje na turněrje w Hórkach móžemy wo­spjet z tójšto serbskimi wobdźělnikami ličić, wšako je to domjacy turněr Konjaceho sportoweho towarstwa při Klóšterskej wodźe Pančicy-Kukow.

24. – 25.06. w Kulowje: skakanje a dresura

21. – 23.07. w Zhorjelcu: jenož skakanje

28. – 30.07. w Bošecach: skakanje

  a dresura

15. – 17.09. w Hórkach: mnohostronske   jěchanje

20. – 22.10. w Kamjencu-Jěžowje:

  skakanje a dresura SN

Mišterstwa jěchanskeho dorosta Sakskeje wot 15. do 18. junija w Holešowskej Dubrawce su prěni raz wotewrjene mišterstwa za młode jěcharki a młodych jěcharjow z nowych zwjazkowych krajow kaž tež z Pólskeje a Čěskeje. Mjezynarodnu barbu dóstanje turněr dźakowano podpěrje Swobodneho stata Sakskeje, Horsta Gebersoweje załožby, krajneho zwjazka konjacy sport a kmótřistwa ministerskeho prezidenta Sakskeje Stanisława Tilicha.

1 000 startowych městnow je rezerwowanych. Přez jednore přizjewjenske modality maja nimo młodych jěcharkow a jěcharjow do 21 lět tež dorosćeni z cyłeje Němskeje dowolnosć startować. Wjac hač 140 boksow za přenocowanje hóstnych koni w modernych stanach-konjen­cach je zarjadowar spřihotował. Při zhromadnym měrjenju mocow chcedźa wot jutřišeho dobyćerjow hač do skakanja klasy S z hwězdźičku zwěsćić.

štwórtk, 15. junija – wot 10.30 do 20 hodź. skakanje a dresura

pjatk, 16. junija – wot 8 do 18.40 hodź. skakanje a dresura

wot 20 hodź. party w jěchanskej hali

sobotu, 17. junija – wot 8 do 19.30 hodź. skakanje a dresura

wot 20 hodź. krajowy wječor w jěchanskej hali

Wuslědki (14.06.17)

srjeda, 14. junija 2017 spisane wot:

Wokrjesna wyša koparska liga

Kulow – Ćisk0:3 (0:2)

Póst Budyšin – Hory1:4 (0:1)

Ralbicy/Hórki – Rakecy 3:3 (1:2)

1. ST Ćisk 29  100 : 23 71

2. Sokoł Ralbicy/Hórki 29 76  : 38 56

3. Rakečanske ST 29 73  : 52 53

4. ST Hnašecy-Dobruša 29 65  : 55 51

5. LSV Hory 29 72  : 46 47

6. SC Großröhrsdorf 29 48  : 36 45

7. ST Kinspork/Łužnica 29 57  : 46 38

8. Motor Kumwałd 29 53  : 68 38

9. Póst Germ. Budyšin 29 51  : 61 37

10. Wojerowski FC 29 60  : 54 34

11. Módro-běli Kulow 29 47  : 55 32

12. Drohotka Ramnow 29 41  : 60 32

13. Zeleno-běli Bukecy 29 53  : 83 30

14. ST Wjelećin 29 59  : 10428

15. TSV Połčnica  29 49  : 75 27

16. FV Ottendorf-Okrilla 29 36  : 84 21

wokrjesna klasa, stafla II

Kulow II – Šćeńca1:2 (0:1)

SJ Njebjelčicy II – FSV Łuty II 0:6 (0:3)

SJ Chrósćicy II – ST Hlinowc 0:2 (0:1)

1. ST Hlinowc 21 64  : 22 47

2. SJ Chrósćicy II 21 55  : 29 46

3. FSV Šćeńca 21 63  : 42 41

4. HZ Łaz/Běły Chołmc II 21 61  : 38 40

Najstarši kopar rozsudne wrota spřihotował

Zeleno-běłym Hórki a zamołwitym towarstwa Serbski Sokoł je so znowa bjezporočne přewjedźenje dalšeho koparskeho turněra starych knjezow wo pokal Serbskeho Sokoła poradźił. Lětsa dyrbjachu nowu trofeju wobstarać, dokelž smědźachu sej Ralbičenjo po třoch triumfach dotalny pokal zdźeržeć.

Do turněra bě mustwo z Radworja wospjet mało hrajerjow dla wotprajiło a sydom Chróšćanskich koparjow čakaše podarmo na zbytnych štyrjoch, zo by kompletne mustwo nastupić směło. Turněrowy nawoda Jan Hrjehor a pisar Józef Šwon rozsudźištaj so z kapitanami mustwow, podlěšić hrajny čas na 15 mjeńšin. Wostachu pak při hrajnym modusu kóždy přećiwo kóždemu. Dokelž je hrajny čas chětro krótki, třěleja po kóždym njerozsudnym wuslědku jědnatki a dobyćer dóstanje přidatny dypk kaž tež wrota přetworjenych jědnatkow zapisane.

Znowa snadnje podleželi

wutora, 13. junija 2017 spisane wot:

ST Ćisk II

– Sokoł Ralbicy/Hórki II 2:1 (2:1)

Zestawa hosći: Bjeńš – Dinar, Bogusz, Gerlich, Kobalc, Šnajder, Materna, Matka, Čórlich, Cyž, Jakubaš

Běh z nowym rekordom

wutora, 13. junija 2017 spisane wot:
121 atletow je so na wosmym 24hodźinskim běhu po 925 metrow dołhej čarje wokoło Wojerowskeje Łužiskeje kupjele wobdźěliło. Absolwowali su tam wšelake distancy. Dźewjeć muži a dwě žonje běchu samo cyłe 24 hodźin po puću. Gerd Teichert, dobyćer 24hodźinskeho běha, bě 185 kilometrow na nohomaj. Foto: Werner Müller

nawěšk

nowostki LND