W treningowym lěhwje byli

štwórtk, 21. januara 2016 spisane wot:

Po tym zo běchu so koparjo Njebjelčanskeje SJ na druhu połseriju wokrjes­neje ligi z prěnim treningom pod hołym njebjom­ hižo přihotowali, podachu so woni do kónctydźenskeho treningo­weho lěhwa w lěsnym parku Grünheide pola Auerbacha we Vogtlandźe. 16 hra­jerjow a třo přewodnicy nastajichu so na puć. Jich prěnje wubědźowanje bě bowling.

Za pjatk rano běše běh po lěsnym arealu postajeny a snědani přizamkny so dwójna treningowa jednotka na kumštnym trawniku. Popołdnju trenowachu we wulkej sportowej hali pod nawodom­ Njebjelčanskeje trenarskeje dwójki Detlef Panic/Handrij Krawčik a po krótkim wočerstwjenju dale pod hołym njebjom.

Dokelž bě so sněžiło, ale nic dosć wokoło treningoweho areala, rozsudźištaj trenarjej, sobotu sej dojěć do zymskosportoweho centruma Klingenthal/Mühlleiten. Z wupožčenymi sněhakami podachu so Njebjelčanscy koparjo do dźesaćkilometrowskeje lojpy hač k ho­rje Aschberg. To bě dobra wotměna k ćělnemu napinanju a zdobom skrućenje cyle hinašich skupin myškow.

Hwězdźički hraja we Wojerecach

štwórtk, 21. januara 2016 spisane wot:
Ralf Wachsmann, trenar prěnjeho volleyballoweho mustwa Marijinych hwězdźičkow, měješe zašły hrajny dźeń ze zaměnjenjom hrajerki Madleny Bartec „prawy nós“. Wona wopokaza so jako joker. Sobotu hraje klóšterski cyłk we Wojerecach přećiwo holčemu mustwu z Kupoje/Noweje Łuki. Hač Madlena Bartec potom znowa bój wo dobyće rozsudźi? Foto: Pětr Bart

Wuslědki (21.01.16)

štwórtk, 21. januara 2016 spisane wot:

Volleyball wobwodna liga – mužojo

1. ST Kupoj/Nowa Łuka 10 28 : 11 25

2. Viktoria Worklecy 92 9 23 : 10 21

3. TSV Kundraćicy 9 17 : 16 14

4. VfB Zhorjelc 10 21 : 22 14

5. Módro-běli Wojerecy II 9 17 : 17 12

6. TuS Niska 7 14 : 14 11

7. OSC Lubij I 9 15 : 19 10

8. TSG Hamor Běła Woda 8 9 : 21 6

9. Tr. Mittelherwigsdorf 7 5 : 19 4

Volleyball wobwodna liga – žony

1. VV Schönbach 10 23 : 13 21

2. ST Chróstawa 10 25 : 16 19

3. TSV Kundraćicy 9 20 : 14 18

4. OSC Lubij I 9 20 : 12 17

5. ST Kupoj/Nowa Łuka 9 19 : 16 15

6. VfB Zhorjelc 9 16 : 16 13

7. MSV Budyšin 04 9 17 : 21 12

8. ST Marijina hwězda 9 14 : 21 10

9. VV Žitawa 09 II 10 5 : 30 1

Volleyball sakska liga – mužojo

1. SSV Drježdźan  11 33 : 7 31

2. USV TU Drježdźany II 10 25 : 8 24

3. TSV Lipsk 76  11 22 : 21 19

4. ST Schneeberg  11 21 : 20 18

5. ST Kamjenica-Harthau 11 20 : 21 15

6. SV Krostitz  11 17 : 26 11

7. Póst Drježdźany 11 18 : 28 11

8. Křižna šula Drježdźany 10 13 : 26 8

9. MSV Budyšin 04 10 15 : 27 7

Přizjewić so za treningowe lěhwo

srjeda, 20. januara 2016 spisane wot:
Tež lětsa přewjedźe motocrossowy klub MC Jawora, sobustaw ADAC, tradicionalne treningowe lěhwo za dźěći. Termin je zaso 1. meja. Wobdźělić smědźa so dźěći, kotrež su potom znajmjeńša pjeć a nic starše hač 14 lět. Tež wěste nazhonjenja dyrbjeli wone hižo měć. Za nowačkow chce MC Jawora w běhu lěta hišće zakładny kurs poskićić. Za treningowe lěhwo 1. meje 2016 maja zajimcy na internetnej stronje Jaworskich motocrosspilotow přizjewjenski formular wupjelnić. Nimo toho je tam tež formular za staršich. Za wudawki zběraja potom wot kóždeho wobdźělnika dźesać eurow.SN

Přewjedu 13. bulowu nóc w Kamjencu

srjeda, 20. januara 2016 spisane wot:

Sportowe towarstwo Natwar Němske Pazlicy přeproša na mjeztym 13. bulowu nóc za koparjow nad 35 lětami. Turněr přewjedu Němskopazličenjo 29. januara w sportowej hali při Kamjenskim lětanišću. Mustwa zetkaja so we 18 hodź., po wulosowanju so turněr we 18.45 hodź. zahaji.

Tele mustwa su přizjewjene: Jednota Radeberg, Statistika Němske Pazlicy, HZ Halštrow/Hlinowc, Přećelski kruh Němske Pazlicy (zakitowar pokala), Lok Kamjenc, ST Marijina hwězda, SJ Njebjelčicy, Piwarnja Radeberg, ST Běła/Cunnersdorf, Natwar Němske Pazlicy a Natwar Němske Pazlicy II.SN

Tradicionalny halowy koparski turněr Hórčanskeho sportoweho towarstwa Zeleno-běli za hrajerjow staršich hač 35 lět je so lětsa znowa we Worklečanskej hali wotměł.

Šěsć přeprošenych mustwow hraješe po modusu kóždy přećiwo kóždemu. Zakitowar trofeje a zdobom faworit na pokal Zeleno-běłych běše kaž hižo minjenej lěće­ mustwo Sokoła Ralbicy/Hórki. Štóž chcyše potajkim delanskim koparjam trofeju wotewzać, njesmědźeše sej žanu poražku přećiwo nim dowolić. Sudnikaj René Čornak a Michał Nowak staraštaj so w napjatych hrach wo wobstajnu fairnosć.

Wosebje napadnył je wrotar Njebjelčanow, znaty lěkar Hubert Mička. Wón měješe podobnje čěskemu narodnemu wrotarjej Peterej Čechej škitny nahłownik. Kaž Čech je tež Mička na te wašnje koparjam wokoło trenarja Wolfganga Reine­cki trěbne zbožo přinjesł, kotrež lětsa Ralbičanam popřate njebě. Tak dyrbješe faworit swój són wo titulowym hattricku po třoch njerozsudnych hrach pochować. Njebjelčenjo mějachu porno tomu po třoch partijach nimo dweju dobyteju hišće njerozsudnu na konće.

Na wrota bohata testowa hra

wutora, 19. januara 2016 spisane wot:

Biskopičanske KT 08

– Budissa Budyšin 4:4 (2:2)

Zestawa Budissy w prěnim połčasu: J. Jakubov – Kolan, Klippel, Pfanne, Čermák, Reher, Fröhlich, Heppner, Hansch, Heineccius, A. Jakubov;

w druhim połčasu: Große – Kolan, Klippel, Patka, Kral, Rosendo, Hoßmang, Hausdorf, Salewski, Walther, Hansch

Regionalny koparski ligist Budissa Bu­dyšin je dalši test přewjedł, a to pola wyšeho ligista Biskopičanske KT 08. Hra wotmě so na kumštnym trawniku w Bis­kopicach. Něhdźe 50 ludźi dožiwi tam na wrota bohatu hru.

Trenar Budissy Tomaš Henčl měješe hač na Kunerta wšitkich koparjow k dispoziciji a da wšitkim šansu so prezentować. Hosćićelej drje poradźi so lěpši start. Frank Zille docpě 1:0 (8.), Chris Reher a Philip­ Heineccius pak namakaštaj z 1:1 (21.) a 1:2 (25.) prawu wotmołwu. Krótko po nawjedowanju hosća pak Beno Töppel za Biskopicy wuruna (29.).

Znowa Kulowminati wuspěšny

wutora, 19. januara 2016 spisane wot:

Wuhotowar a zarjadowar 3. koparskeho turněra Kulow-cup w zymje bě zdobom dobyćer lětnjeho turněra.

Na třećim turněrje Kulow-cup starto­waše w Kulowskej wjacezaměrowej hali wosom koparskich cyłkow. Małe finale wuhraštej Company of Kulow a mustwo z mjenom Söffner. Třeće městno wob­sadźi po dobyću 4:2 mustwo Söffner, štwórte Company of Kulow.

Tajka prawa napjatosć knježeše w kónčnej hrě mjez teamomaj DSF (Němsko-serbska frakcija) a Kulowminati. Tajny faworit Kulowminati, wobstejacy z młodych, 16lětnych karnewalistow, doby z 2:1. Wrota w finalu třělichu Johannes­ Wehlan, Jan Pfennig a Lukaš Koplanski.

K zakónčenju dnja přeprosychu sej dobyćerjo­ wšitkich koparjow turněra a dalšich hosći do rockoweje bróžnje na après-ski-party. Kulowminatije dźakuja so wšitkim pomocnikam a sponsoram za podpěru a za poradźeny 3. Kulow-cup.Werner Müller

Koparski turněr wo pokal TCM

wutora, 19. januara 2016 spisane wot:

Halowy koparski turněr wo pokal Towarstwa Cyrila a Metoda, kotryž wotmě so minjenu sobotu w Chrósćicach, je prěnje mustwo z Wotrowa dobyło.

Halowy koparski turněr wo pokal TCM je Wotrowske prěnje mustwo dobyło. W finalu přesadźi so wone 3:1 přećiwo Lacio Chrósćicam, kotrež mějachu z Janom Boguszom najlěpšeho hrajerja w swojich rjadach. Jako najwustojniši třělc wrotow bu Chróšćan Filip Šołta počesćeny, najlěpši wrotar bě Oliver Schmidt, kiž škitaše Wotrowske wrota. Małe finale doby Puklot Chrósćicy 3:2 přećiwo Chrósćicam II a duel wo 5. městno Viktoria Worklecy přećiwo Wotrowej II z 1:0.

W skupinje I hrajachu Wotrow – Lacio Chrósćicy 2:1, Wotrow – Viktoria Worklecy 2:0 a Lacio Chrósćicy – Viktoria Worklecy 5:0. Dalše tři cyłki wubědźowachu so w skupinje II: Wotrow II – Puklot Chrósćicy 0:5, Wotrow II – Chrósćicy II 0:3 a Puklot Chrósćicy – Chrósćicy II 1:1.

Hłownaj sudnikaj turněra běštaj Guido Zahrodnik a Chrystof Zahrodnik. Wubědźowanje­ zarjadowało a přewjedło běše Towarstwo Cyrila a Metoda zhromadnje ze Sportowej jednotku Chrósćicy. Jan Hrjehor

Mustwo ST Ćisk RB-cup dobyło

wutora, 19. januara 2016 spisane wot:

Pjaty raz bě třeću sobotu januara do­byćer koparskeho turněra wo pokal firmy­ Richter twarske elementy,

RB-cup, pytany.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND