Spěchowanske myto firmy ENSO

srjeda, 02. septembera 2015 spisane wot:
ST 1922 Radwor dósta wčera wječor za wuběrne koparske dorostowe dźěło spěchowanske myto firmy ENSO. 67 towarstwow z wuchodneje Sakskeje bě so lětsa požadało. Radworčenjo dobychu a dóstachu pjenježne myto. Mjez mytowanymi běštej tež ST Porchow na wosmym a ST Bart 90 na 10. městnje. Foto: Werner Müller

Wuslědki (02.09.15)

srjeda, 02. septembera 2015 spisane wot:

Wokrjesna koparska liga, stafla I

1. Wjazońca 2 5  :  3 6

2. Wóspork 2 2  :  0 6

3. ST Budyšin 1 5  :  0 3

4. Hnašecy II 2 6  :  4 3

5. Malešecy 2 3  :  1 3

6. Póst G. Budyšin II  2 4  :  3 3

6. Wulka Dubrawa/Min. 2 4  :  3 3

8. Mały Wjelkow 2 6  :  7 3

9. Porchow 2 5  :  6 3

10. Radwor 2 1  :  2 3

11. HZ Budestecy 2 4  :  6 3

wokrjesna liga, stafla II

1. N. Hrabowka 2 5  :  1 6

2. Hory II 2 10  :  3 4

3. Wojerecy 1919 2 5  :  4 4

4. Rakecy II 2 3  :  2 4

5. Hórnikecy 2 6  :  3 3

6. Wětnica/Hola 2 7  :  6 3

7. Lubuš 1 3  :  2 3

8. FC Łužica 2 3  :  3 3

9. Nowe Město II 2 4  :  7 3

10. Šćeńca 2 3  :  9 3

11. Ćisk II 2 7  :  9 1

12. HZ Łaz 1 1  :  2 0

13. LSV Bluń 74 1 0  :  1 0

14. Njeswačidło 1 2  :  4 0

15. Ralbicy/Hórki II 2 2  :  5 0

Jörg Stephan

wutora, 01. septembera 2015 spisane wot:
Nukec „hólcy“ w hódnoćenju starobnych klasow w top-five! Takle bychmy wobrazy, kotrež su w Połčnicy we wobłuku 6. tamnišich strowotniskich běhow nastali, mjenować móhli. Juraj Nuk (naprawo) je na distancy 800 m 4. městno wobsadźił, Janoš Nuk (nalěwo) na čarje 2 000 m pjate a nan Michał Nuk na 5 km 2. městno.Jörg Stephan

Škit domjacych njepřewinyli

wutora, 01. septembera 2015 spisane wot:

Nadrózna Hrabowka – Sokoł Ralbi­cy/Hórki II 2:0 (1:0)

Zestawa hosći: J. Matka – Mě. Matka, Bernard (68. Mět), Zynda, Mi. Matka (55. Šnajder), Kobalc, Materna, Šěn (68. Šołta), Rawš, Šmit, Kurjat

­Robustnje wustupujo spytachu koparjo Nadrózneje Hrabowki swojeho třělca wrotow Wendta z dołhimi třělwami po­sł­užić­, kiž je spěšny. Sokoljo derje sobu hrajachu a mějachu tež móžnosće. Tak Šmit w 35. min. bul do pře­ćiwniskich wrotow kopny. Pobóčny sudnik­ pak spó­zna nimohru. Pjeć mjeńšin do połčasa docpě Wendt nawjedowanje.

Tež po přestawce nochcychu so Sokołej wrota zešlachćić, byrnjež ze zaměnjenym Šołtu a Mětom ofensiwniši byli. W podlěšenju trjechichu domjacy 2:0.

Hósć z wothwizdom wurunał

wutora, 01. septembera 2015 spisane wot:

SJ Chrósćicy – LSV Hory 2:2 (1:0)

Zestawa domjacych: Králíček – Pöpel, Runt, Šafář, Šiman, F. Zahrodnik, Domaška, M. Zahrodnik, Młynk (72. Šmit), Žur (90. Budar), Věchet

Nadpismo móhło tež rěkać: ,,W poslednjej sekundźe dobyće z ruki dali.“ Štóž pak je hru widźał, tón zawěsće praji, zo móža Chróšćanscy koparjo z remisom spokojom być. Wosebje w prěnim połčasu woni chětro strachoćiwje wustupowachu. Přećiwnik z Horow móžeše swoju hru woměrje natwarjeć a sej bul derje přisuwać. Domjacy jeho hrajerjow dosć njemylachu. A dobre wudobyte bule běchu njekoncentracije a lochkomyslnosće dla hnydom zaso zhubjene. Kaž z ničeho pak padny za SJ Chrósćicy nawjedowanje. Wysoka diagonala Pöpela bu hišće wotpopadnjena, Młynk pak dósta druhi bul a pósła Věcheta hnydom do běha. Zymnokrejnje wuhra wón wrotarja, da hišće škitarjej do prózdneho běžeć a suny kulowatu kožu k 1:0 do praweho kuta (38.). Z přichodnym nadběhom potorhny Feliks Zahrodnik Horjanskeho nadběhowarja w šěsnatce, a sudnik postaji jědnatku. Králíček pak ju wotwobara.

Zapadołužiski koparski zwjazk (WFV) je mjez­ druhim tež za to zamołwity, zo žada­ sej kóžda winowatostna kaž tež přihotowanska hra wukubłaneho koparskeho sudnika a dweju asistentow. Loni je sudnistwo WFV mjez druhim Chróšćanskej SJ šěsć dypkow a ST 1922 Ra­dworjej tři dypki wotćahnyło, dokelž njejstej­ sportowej jednotce trěbnu ličbu sudnikow stajiłoj. Sudnicy na łužiskich kopanišćach su nuznje trěbni! Wukubłanje koparskeho sudnika poskići WFV lětsa­ wot 12. septembra w Pančicach­Kukowje. Kilian Hrjehor, 13lětny sudnik Sokoła Ralbicy/ Hórki, je loni pruwowanje wuspěšnje wobstał a za wšitkich zajimcow najwažniše dypki zestajał, kotrež su we wobłuku wukubłanja a pozdźišo trěbne.

Prašej so najlěpje zamołwiteho za sudnikow w sportowym zjednoćenstwje. Na internetnych stronach WFV móžeš so tohorunja wobhonić.

Prěnje dobyće a tři wažne dypki za Budissu

póndźela, 31. awgusta 2015 spisane wot:

Budissa Budyšin

– Germania Halberstadt 3:0 (2:0)

Zestawa Budissy: J. Jakubov – Kolan, Klippel, Pfanne, Kral, Rosendo, Hoßmang, Čermák (83. Heppner), Reher, A. Jakubov (68. Hansch), Salewski (88. Walther)

Na planje steješe hižo 5. hrajny dźeń. Wobaj cyłkaj pak njeměještej přeco hišće dobyće na swojim dypkowym konće. Budissa kaž Germania Halberstadt chcyštej to nětko wězo změnić.

Bohužel bě jeno 475 přihladowarjow na Budysku Młynkec łuku přichwatało. Prěnju šansu měješe Germania, Jakub Jakubov pak steješe prawje (2.). Na tamnym boku wotwobara přećiwniski wrotar třělwu Rosenda na liniji z nohu (3.). Z dalšej paradu škitaše wrotar domjacych před wrotami přećiwnika. Róžk Rosenda w 15. min. wuži Alexander Jakubov k nawjedowanju. Wosom mjeńšin po tym poradźi so jemu samo 2:0. Hosćo derje wustupowachu, Budissa pak jim wjele njedowoli. Šansu Teixeiry znješkódni Jakub­ Jakubov (35.). Hoßmang (37.) a Reher­ (42.) móhłoj wuslědk k połčasej hišće zwyšić.

Wubědźowanje KnappenMan lětušu sezonu zakónčiło

K poslednjemu wubědźowanju lětušeje triatlonoweje sezony wobdźělichu so serbscy sportowcy na 27. knappenManje we Łazu. Hižo wjacore lěta přewjeduja jón we a wokoło tamnišeho Třižonjanskeho jězora. Sobotu startowachu, při horcych temperaturach, atleća na dlěšich distancach. Po nimale dźewjeć hodźinach doběža Christian Schröter z Bamberga jako prěni „železny muž“ do cila (3,8 km płuwać – 180 km kolesować – 42,2 km běžeć/40 muži a štyri žony běchu­ startowali). Poslednjeho w cilu witachu přihladowarjo něhdźe sěsć hodźin pozdźišo. Tež za poł distancy (1,9 km płuwać – 90 km kolesować – 21 km běžeć) knježeše wulki zajim. Organizatorojo zwěsćichu rekordnu ličbu wobdźělnikow (27 žonow a 237 muži). Zwjeselace zdobom běše, zo bě tež při čarach lětsa wočiwidnje wjace přihladowarjow.

SC 1911 Großröhrsdorf

– Sokoł Ralbicy/Hórki 2:1 (2:0)

Zestawa hosći: Gloxyn – von Köding, Korjeńk, F. Bejma, Lulak (68. T. Bejma), Bjeńš, Šołta, Wałda, Kurjat (28. Matka), Domaška, B. Bejma

Widźał, słyšał, napisał (31.08.15)

póndźela, 31. awgusta 2015 spisane wot:

Awtor dźensa

Mikławš Krawc

Wo serbskej koparskej wubrance lětsa přewjele słyšeli njejsmy. Zo pak přihoty na klětuše zetkanje mustwow narodnych mjeńšin w Južnym Tirolu běža, je mi njedawno Józef Šwon na přikładźe skazanja wjacorych busow za fanow rysował. W dorosće wutwori Serbski Sokoł lětsa hnydom tři wubranki w starobnych klasach młodźina C, D a E – prawje tak! Loni mějachmy jenož wubranku D.

nawěšk

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.

nowostki LND