Lětsa prěnju poražku poćerpjeli

wutora, 09. meje 2017 spisane wot:

TSV Połčnica

– Sokoł Ralbicy/Hórki 1:0 (1:0)

Zestawa hosći: Ch. Gloxyn – Rawš, Zynda, Korjeńk, Lulak (55. Šěn), D. Gloxyn, S. Bjeńš, Wowčerk, B. Bjeńš, Kurjat (71. J. Bjeńš), Bejma

Zo so koparjo Sokoła Ralbicy/Hórki z Połčnicy bjez dypkow nawróća, z tym fachowcy zawěsće ličili njejsu. Znowa falowaše trenarjej Tomašej Henčlej kopica stajnych hrajerjow. Nimo toho bě trawnik jara špatny, a sudnik njeměješe swój najlěpši dźeń. Najwjetši problem pak bě, zo njemějachu Sokoljo před wrotami domjacych tónkróć trěbne zbožo. Při natwarje hry zhubichu woni njetrjebawši bul, a nadobo běžachu třo přećiwniscy hrajerjo na wrota. Fabian Korjeńk njezamó jich w tym wokomiku jako jenički defensiwny hrajer dodźeržeć a hižo steješe 1:0 za Połčnicu. Pomału so delanscy koparjo zhrabachu a přez křidle strašnje do šěsnatki flankowachu. Přeco pak běchu­ škitarjo hosćićela krok spěšniši a hdys­ a hdys­ jich wrotar derje wotwobara. Najčasćišo pak dźěchu pospyty pódla abo wyše wrotow.

Z wjeselom při wysokim saku

wutora, 09. meje 2017 spisane wot:

Składnostnje wobnowjenja a dotwara sportoweje hale we Worklecach přeprosychu sej pedagogojo tamnišeje šule „Michał Hórnik“ wučerjow dalšich serbskich kubłanišćow na zhromadny volleyballowy turněr.

Wučer Křesćan Bejmak wotewrě turněr serbskich pedagogow-volleyballistow 26. apryla w rjanej Worklečanskej sportowni. Štyri mustwa běchu přitomne, a kóžde hraješe přećiwo kóždemu dwě sadźbje hač do 15 dypkow. Po skoro dwuhodźinskim boju přesadźichu so wučerjo Budyskeho Serbskeho gymnazija, kotřiž běchu wšitke partije z 2:0 dobyli. Volleyballisća z Pančic-Kukowa, z Ralbic a z Worklec prezentowachu so na hrajnym polu jara wurunani. Wšitke duele při wysokim saku skónčichu so njerozsudnje 1:1. Dobyli­ su na kóncu wšitcy, dokelž mějachu, pohibujo so při wysokim saku, wjele wjesela. Turněrej přizamkny so lóštna zabawa při kołbasce a napoju. Dźak słuša Worklečanskej šuli „Michał Hórnik“, kotraž je pora­dźeny wječor wuhotowała a sponserowała. Měrko Korjeńk

Próca so zaso raz njewudaniła

wutora, 09. meje 2017 spisane wot:

Sokoł Ralbicy/Hórki II

– Wojerowski FC II 0:3 (0:2)

Zestawa domjacych: Cyž – M. Matka, T. Matka, Schneider, Čornak, Jakubaš, Šěn, Kobalc, Serbin, Gerlich, J. Matka

Po lětach we wokrjesnej lize póńdźe za koparsku rezerwu Sokoła Ralbicy/Hórki lětsa zaso dele do wokrjesneje klasy. Po dypkach drje dotal zestupiła njeje­, realistisku šansu, so hišće raz wuswobodźić, pak wjac nima. Z jenož jěd­naćomi su Sokoljo tež tónkróć nastupili. Zranjenja, dźěła, dowola a wotchadow dla njeje so personalne prašenje dotal hišće rozrisać dało. Tuž chwalba wšitkim, kotřiž na­jebać ćežke połoženje dale za mustwo wojuja­.

Šansow su sej Sokoljo tež tónraz dosć nadźěłali, bul pak nochcyše prosće do wrotow. Na tamnym boku pak worachu přewjele zmylkow a škit je so přelochce wuhrać dał. Tak tež při zastatku w 21. min., jako přećiwniski hrajer k 0:1 trjechi. Jednora flanka w 42. min. bu do wrotow domjacych zhłójčkowana. Rozsudne třeće wrota hnydom po połčasu běchu rjany wuspěch Wojerowčanow.

W zbywacych hrach sezony póńdźe dale wo to, sej snano hišće tón abo tamny dypk wuwojować a so hłowu wěšejo z ligu njerozžohnować. Jurij Bjeńš

Wuslědki (09.05.17)

wutora, 09. meje 2017 spisane wot:

Wokrjesna wyša koparska liga

Połčnica – Ralbicy/Hórki 1:0 (1:0)

Ćisk – Bukecy1:0 (1:0)

Kulow – Hory 0:1 (0:0)

Wojerecy – Kinspork/Łužnica 0:0 (0:0)

Wjelećin – Kumwałd3:0 (0:0)

1. ST Ćisk 25 87  : 18 61

2. Rakečanske ST 25 66  : 41 51

3. Sokoł Ralbicy/Hórki 25 63  : 31 49

4. ST Hnašecy-Dobruša 25 49  : 39 45

5. SC Großröhrsdorf 25 36  : 29 38

6. LSV Hory  25 56  : 44 35

7. Póst Germ. Budyšin 25 44  : 50 34

8. ST Kinspork/Łužnica 25 44  : 39 32

9. Motor Kumwałd 25 44  : 60 31

10. Wojerowski FC 25 50  : 47 29

11. Módro-běli Kulow 25 40  : 47 26

12. Drohotka Ramnow 25 35  : 52 26

13. ST Wjelećin 25 48  : 81 25

14. TSV Połčnica  25 42  : 61 24

15. Zeleno-běli Bukecy 25 40  : 74 22

16. FV Ottendorf-Okrilla  25 35  : 66 21

krajna liga – žony

1. RB Lipsk 22  115 : 10 64

2. FC Silesia Zhorjelc 22 78  : 33 50

3. Biskopičanske KT 23 54  : 32 45

4. Kamjeničanski FC 23 54  : 45 36

5. 1. FFC Wacker Lipsk 23 40  : 43 36

6. TSV Spitzkunnersdorf 23 51  : 45 30

7. Přezjednota Lipsk-juh 22 39  : 35 29

Viktoria Worklecy w top 16 Sakskeje

póndźela, 08. meje 2017 spisane wot:

Benjamin Grutka ze sportoweho towarstwa Viktoria Worklecy wobdźěli so srjedź měrca w Döbelnje na tak mjenowanym dypkowym hódnoćenskim turněrje, na kotrymž startowaše 16 najlěpšich blidotenistow starobneje klasy U11 Sakskeje. Po dźewjeć napjatych a napinacych hrach wobsadźi młody Sernjančan wulkotne 11. městno a je najsylniši hrajer swojeje starobneje klasy w sewjerowuchodnej Sakskej. Kedźbyhódny talent pokaza wón hižo w minjenej hrajnej dobje, jako zamó so samo přećiwo jasnje staršim přećiwnikam přesadźić. Za Viktoriju Worklecy je tónle wuspěch zasłužba intensiwneho dorostoweho dźěła. Wokomiknje nastupi towarstwo ze šěsć hrajerjemi w dorostowej klasy; jich načolny hrajer je, njehladajo na swoju młodosć, Benjamin Grutka.

Kónc zašłeje sezony su štyrjo młodostni wot dorosta k mužam Viktorije přešli a žnějachu hižo tón abo tamny naspomnjenjahódny wuspěch. Nimo toho trenuje tučasnje hišće dźesać dalšich dźěći z celuloidowym bulikom, zo bychu so prjedy abo pozdźišo tež z druhimi w dypkowych hrach měrić móhli.

Věchet štwore wrota třělił

póndźela, 08. meje 2017 spisane wot:

SJ Chrósćicy

– Čerwjeno-běli Mužakow 4:1 (1:0)

Lubi čitarjo a lube čitarki, kajka bě to hra wčera na Chróšćanskim kopanišću? Přećiwnik z Mužakowa bě jako faworit přijěł a wotjědźe bjez jeničkeho dypka. Při tym wupadaše do zahwizdanja wšitko za tym, zo budźe to skerje šěre hač słónčne popoł­dnjo za domjacych. Wosom hrow bjez poražki, 22 dobytych (!) z dohromady 24 móžnych dypkow – statistika přećiwnika čitaše so nimale kaž smjertny wukaz. Štož pak so na to w přichodnych 90 mjeńšinach sta, je woprawdźe wozjewjenja hódne. Přetož štyri razy Radim Věchet do wrotow trjechi a tuž zaso jónu dopokaza, čehodla jeho w Chrósćicach tak lubuja.

26. awgusta 1977 přeskoči Rosemarie Wićazec-Ackermannowa z Choćebuza, rodźena we Łazu, jako prěnja žona swěta dwaj metraj w Berlinskim olympiskim stadionje ze staddlowym skokom (Wälzsprung). Łužičanka běše tehdy jedna z najpopularnišich lochkoatletow swěta. Nimale 40 lět po swojim wulkim wuspěchu je bywša sportowča 4. apryla 65ćiny woswjećiła.

Jako šulerka na Łazowskej šule je so Rosemarie Wićazec tež na wučbje serbšćiny wobdźěliła. Kak pak bu wona tajka wuspěšna wysokoskakarka? Jeje něhdyši trenar Ehrhard Miek k tomu praješe, zo bě jemu 1966 na spartakiadźe we Wojerecach jeje eksploziwny wotskok při wysokoskoku napadnył, štož jeho předstawam wotpowědowaše. Tak při­wza ju do sportoweho kluba w Choćebuzu, hdźež zamó ju na zakładźe talenta a wulkeje pilnosće k wysokoskakarce wukubłać.

Widźał, słyšał, napisał (08.05.17)

póndźela, 08. meje 2017 spisane wot:

Awtor dźensa

Michał Nuk

Budyska Młynkec łuka je w prěnim rjedźe znata jako domicil koparjow Budissy Budyšin. Tuchwilu wšak so z mało wuspěchom přećiwo zestupej ze štwórteje najwyšej koparskej lize wobara, tuž drje so tak spěšnje njestanje, zo tu raz němska koparska elita na wopyty přijědźe. Trochu hinak je to w druhej sportowej družinje, w kotrejž ma Budyšin tohorunja dołhu tradiciju. Lochokoatleća dweju towarstwow tu na tartanowym kole nimale wšědnje zwučuja, tež wubědźowanja za dorost tam prawidłownje přewjeduja. W zašłych pjeć lětach móžeše Wuchodosakske lochkoatletiske towarstwo (OSLV) Budyšin dwójce k sakskim mišterstwam w crossowym běhanju přeprosyć, hdźež tón abo tamny atlet wukony pokaza, kotrež móža so tež na narodnym niwowje widźeć dać.

Wuslědki (08.05.17)

póndźela, 08. meje 2017 spisane wot:

Krajna koparska klasa

Trjebin – Radebeul2:5 (1:3)

Biskopicy II – Nowe Město  1:4 (0:1)

Chrósćicy – Mužakow 4:1 (1:0)

1. Radebeulski BC 20 49  : 16 52

2. Laubegast 20 56  : 26 42

3. Čerwj.-běli Mužakow 20 47  : 29 42

4. FC Neugersdorf II 20 51  : 26 34

5. FSV Nowosólc-Hródk 21 45  : 37 33

6. Nowe Město  19 36  : 34 28

7. SJ Chrósćicy 21 33  : 35 28

8. SZ Horni kraj-Sprjewja 20 45  : 46 27

9. Drježdźanski SC 20 34  : 41 25

10. SG Weixdorf 20 34  : 46 23

11. ST Trjebin 21 32  : 57 20

12. Zschachwitz 20 36  : 63 16

13. Biskopičanske KT II 20 16  : 58 0

wokrjesna klasa, stafla III

Njeswačidło II – Mały Wosyk  0:4 (0:1)

Radwor II – Porchow II 4:2 (1:0)

1. ST Huska 16 69  :  9 48

2. Biskopičanske KT III 15 83  : 27 35

3. ST Bart  14 46  : 14 34

4. Mały Wosyk  16 58  : 27 34

5. ST Hnašecy-Dobruša II 13 38  : 27 23

6. ST Radwor II 16 27  : 48 17

Sport (05.05.17)

pjatk, 05. meje 2017 spisane wot:

Kćenjowy běh a kolesowanje

W Kamjencu přewjedu njedźelu, 7. meje, wot 10 hodź. 19. łužiski kćenjowy běh, kolesowarskej wubědźowani a wodźene kolesowanje. Start kolesowarskeju wubědźowanjow budźe w 10 hodź. (80 km) a w 10.10 hodź. (50 km). Wot 11 hodź. změja na Kamjenskim torhošću dohromady dźesać běhanskich wurisanjow, mjez nimi tež dua­tlon (běh – kolesowanje – běh).

Jěchanske a skakanske turněry

Po zazběhowym jěchanskim turněrje lěta 2017 w Kulowje změjemy znowa rjad dalšich sportowych wubědźowanjow z konjemi. Tole su někotre terminy:

9. – 11.06.  skakanje a dresura

  w Kamjencu-Jěžowje

15. – 18.06.  skakanje a dresura

  w Holešowskej Dubrawce

24. – 25.06.  skakanje a dresura

  w Kulowje

28. – 30.07.  skakanje a dresura

  w Bošecach

15. – 17.09.  mnohostronske jěchanje    w Hórkach

20. – 22.10. skakanje a dresura

  w Kamjencu-Jěžowje

Dumperowe mišterstwa 2017

W Adelsdorfje bě zašłu sobotu prěni běh wo němske dumperowe mišterstwa 2017 z 35 wobdźělnikami. Dobył je André Grafe z Adelsdorfa před Marcusom Donatom z Baćonja. Amtěrowacy němski mišter Filip Kral bu štwórty, něhdyši němski mišter Frank Domš wubědźi sej šeste městno. Tu dalše terminy:

11.06.  Bad Freienwalde

02.07.  Mildenberg

nawěšk

nowostki LND