Dwójce za sobu poraženi
SV Meppen
– FC Energija Choćebuz 3:0 (2:0)
Zestawa hosći: Spahić – Hemmerich, Knechtel (46. Weidlich), Müller, Schlüter, Gjasula, Bohl (63. Viteritti), Marcelo, Holthaus, Mamba, Rangelow (68. Broschinski)
Po zazběhu druheje połserije doma a wonka dobyli
SJ Njebjelčicy
– HZ Hórnikečanski jězor 2:0 (0:0)
Zestawa domjacych: Hahn – Kral, Gödig, Haška, Wagner (64. Čornak), Hanuza, Šołta, Plaettner, Korjeńk (90. Matješk), Pawlik, Ričel (64. Lejnart)
W prěnjej dypkowej hrě po zymskej přestawce poradźi so chowancam koparskeho trenarja Handrija Krawčika při najlěpšim wjedrje hnydom jasne dobyće. Wšitcy aktiwni běchu po treningowych jednotkach a třoch přihotowanskich partijach w dobrym ćělnym stawje. Hižo we 8. min. wotwobara wrotar Nico Hahn po strašnym konteru hosći z prima refleksom wótru třělwu. Po spěšnym nadběhu z Njebjelčanskeho srjedźneho pola třěli pak Dennis Wagner bul snadnje nimo (17.). Na to zjewi so přećiwniski nadběhowar cyle samlutki před Hahnom, tón swój nadawk na wrotowej liniji stejo znowa zmištrowa (18.). W dalšim wotběhu wosta partija wurunana, doniž Franc Gödig, na prawej stronje derje zasadźeny, kulowatu kožu wótrje před klětku hosći njesadźi. Třělwu přiwza Wagner, ale znowa do wrotow njetrjechi (43.).
Stafle hišće raz wulosowali
W Šunowskej Fabrikskej hospodźe su zamołwići Serbskeho Sokoła wčera stafle za 37. sokołski wolejbulowy turněr wo pokal Domowiny hišće raz wulosować dyrbjeli. To měješe dwě přičinje. Zašły tydźeń je město Budyšin Serbskemu Sokołej sportowu halu na Budyskim Třělnišću wotprajiło, dokelž njejsu tam twarske dźěła hišće zakónčene. Runočasnje stej so dwě dalšej mustwje přizjewiłoj. Tak přewjedu turněr přichodnu sobotu w Radworskej „Slaviji“ na třoch hrajnišćach z pjatnaće cyłkami w třoch staflach.
Stafla A
Škit Budyšin, Mixery, SGB-12. lětnik, Micki, MSV Budyšin 04
Stafla B
Bratrowstwo Róžant, SJ Chrósćicy, Sokoł Budyšin, SGB-wučerjo, Rapaki
Stafla C
Serbski dom Budyšin, Skupina brodatych, Mustwo 1296, Dwójna nula, Mustwo z Radworja Tomaš Šołta
Šef sudnikow přednošował
Widźał, słyšał, napisał (25.02.19)
Jako z dźensnišej rubriku WSN započach, dyrbjach na to myslić, kelko drje sym jich w běhu minjenych lětdźesatkow napisał. W NDRskim času běchu to w Nowej dobje dlěši čas zjimanja kónctydźenskeho sporta, předewšěm kopańcy we Łužicy a we wyšej lize NDR. Tež ličba komentatorow je wot tehdy přerěznje šesćoch na dźensa 13 rozrostła. A kóždy z nich ma swoju wosebitosć. Ći jedni wěnuja so přewažnje kopańcy, ći tamni volleyballej, dalši blidotenisej, konjacemu abo motorskemu sportej. Tajki miks stara so wo wotměnu a tak wo zajimawosć komentarow.
Wuslědki (25.02.19)
Kopańca, wokrjesna wyša liga
Bukecy – Großnaundorf wupad
Hnašecy-Dobruša – Porchow 4:0 (1:0)
Kumwałd – Germania Budyšin 3:4 (2:2)
Ramnow – Hory7:1 (2:1)
Ralbicy/Hórki – Połčnica 1:1 (0:0)
Němske Pazlicy – Wojerowski FC 3:5 (1:4)
Radwor – Kulow1:7 (1:4)
Kinspork/Łužnica – Rakecy 1:9 (0:3)
Sport (22.02.19)
Wokrjesne mišterstwa Ü35
Sobotu přewjedźe Zapadołužiski koparski zwjazk (WFV) w sportowej hali Powołanskošulskeho centruma Konrada Zusy Wojerecy wot 9 hodź. halowe wokrjesne mišterstwa starobneje skupiny Ü35. Nimo zakitowarja titula HFC Natwar Wětnica wočakuja tam LSV Hory, HZ Hórnikečanski jězor, Sokoł Ralbicy, HZ Lok Wojerecy, Módro-běłych Kulow, Wojerowski FC a HZ Rakecy/Šćeńca. Hrać budu w dwěmaj skupinomaj, a to stajnje 12 mjeńšin. W běhu turněra maja zamołwići WFV planowane prěnje pokalne koło wólnočasneje ligi wulosować.
Tež holcy a žony w hali
Po turněrje muži zarjaduje jutře we Wojerecach wot 15 do 19 hodź. Wojerowski FC halowy koparski turněr žonow. Za wurisanje přizjewili su so mustwa Wojerowskeho FC (Team A), TSV 1861 Spitzkunnersdorf, ST Hochoza 1913, FSV „Wam k zbožu“ Brjazki/Zły Komorow, ST Wacker 09 Choćebuz-Strobice, HZ Drježdźany-Lubitow (Löbtau), Lok Drježdźany a Přezjednota Wótrań (Ortrand).
Kónctydźenska kopańca
23.02. 14:00 FC Energija Choćebuz –
TSV 1860 Mnichow
23.02. 14:00 FSV Łuty –
SJ Njebjelčicy
24.02. 13:00 Sokoł Ralbicy/Hórki –
TSV Połčnica
24.02. 14:00 Jednota Kamjenc –
FSV Nowosólc-Hródk
24.02. 14:00 ST Radwor –
Z dobyćom startowali
Za běh přez zadźěwki so přizjewić
Přizjewjenja za Blackbirdrun – běh přez zadźěwki – 8. septembra w Hózku su móžne. Zapisać smědźa so pod www.baer-service.de zajimcy, kotřiž su 18 lět a starši. Start je za 14 hodź. planowany, kónc za něhdźe 17 hodź. Startowy pjenjez wučinja 25 eurow na wobdźělnika.
Dotal najlěpši čas muži je 1:18:15 hodź. a žonow 1:42:40 hodź.
Wuměnjenja hubjene byli
Zestawa Sokoła Budyšin: Stefan Cuška, Florian Kaulfürst, Tomaš Suchy, Maćij Meixner, Jan Kanngießer, Gabriel Hollmann, Mario Walter
Po prěnim dobyću zhladowachu wolejbulisća Sokoła Budyšin optimistisce na pjaty hrajny dźeń wokrjesneje klasy, stafle wuchod. Zalodźeanych dróhow dla pak je sej hóstne mustwo z Wjazońcy wuprosyło, jón wo tydźeń přesunyć. Tomu Sokoł wězo přihłosowaše. Nažel pak w běhu tydźenja hrajerjej Budyskeho cyłka schorištaj, dalši so w dowolu ćežko zrani. Tak nastupi strowotnje, ale tež personelnje wosłabjene mustwo k hromaj přećiwo doma hrajacemu MSV Budyšinej IV a Sokolnikej z Wjazońcy. Prěnju partiju doby MSV Budyšin přećiwo Wjazońcy z 2:0 (26:24, 25:22).
Započatk swojeho prěnjeho duela dnja přećiwo mustwu ze zapada města Sokoł dospołnje zaspa. Sadźba skónči so 25:10 za MSV. Po změnje stron dóńdźe k napjatemu dwubojej z dołhimi hrajnymi pasažemi. Přiwšěm Sokoljo přechod ze 26:28 a hru 0:2 přěhrachu. To bě mjerzace.
