Wažne dobyće

póndźela, 18. meje 2015 spisane wot:

SJ Chrósćicy –

Wojerecy 1919 3:0 (2:0)

Zestawa domjacych: Teschner – Pöpel, Schulze, Pohling, Bětnar, Zahrodnik (81. Dehn), Runt, Domaška (65. Hawš), Šafář, Šmit (65. Šiman), Žur

Pjatk popołdnju su so serbske ministrantki a serbscy ministranća w Pěskecach wubědźowali a tam zhromadnje kopańcu hrali. Pola­ staršich ministrantow bě so šěsć cyłkow wobdźěliło, pola młódšich samsna ličba. Finale ministrantow 6. do 8. lětnika doby klóšterski cyłk z 1:0 přećiwo Njebjelčanskemu. Złote wrota bě Krystof Cyž docpěł. Pola mjeńšich dyrbješe třělenje ze zdalenosće dźewjeć metrow rozsudźić. Tu mějachu Radworscy wjace zboža. Klemens Buša bě rozsudny kop přećiwo cyłkej z Pančic pře­tworił a so wo njewočakowany triumf Radworskeho mustwa postarał. Tule widźimy scenu z hry Radwor – Pančicy. Foto: Jakub Ledźbor

Serbja wuspěšni po Krakečanskich wyšinach

póndźela, 18. meje 2015 spisane wot:
Minjenu srjedu je zaso wšo Krakecam jěło. Znate kusk hinak drje pisane přisłowo pak tu měnjene njeje, wšako přichadźeja běharjo, mjez nimi tójšto Serbow, lěto wob lěto rady do wsy za Budyšinom. 28. raz bě tudyše sportowe towarstwo MSV Módro-běli přeprosyło na swój tra­dicionalny wječorny běh a wjace hač 400 běharjow je so při słónčnym wjedrje wobdźělił­o. Kaž přeco zahajichu dźěći wubědźowanje. Mjez cyle małymi pod šěsć lětami doběža Jarek Schade z Bu­dyskeje Serbskeje pěstowarnje na 350­m-skim kole na 3. městno. Krótko po tym podachu so starše dźěći a młodostni na běh přez trochu skrótšene 2,1 km, při čimž bu serbska gymnaziastka Larissa Měrćinkec w swojej starobje WU14 prěnja, mjeztym zo Janoš Nuk (MU12) w kónčnym spurće podest snadnje misny. Tež w běhomaj za dorosćenych wojowachu Serbja wuspěšnje wo prědnje městna. Na čarje 5,1 km doby Jurij Nuk (BLV „Čerwjeno-běli 90“) swoju starobnu klasu M80+ we 38:40 min., runje tak kaž Michał Nuk (OSLV Budyšin,­ 20:09 min.) pola 35–40lětnych. Za SJ Chrósćicy startowa Anja Roharkec na samsnej čarje a wubědźi sej slěborne městno w starobje 20–29lětnych žonow (25:20 min.).

Jednota prosće sylniša była

póndźela, 18. meje 2015 spisane wot:

Jednota Kamjenc II –

Sokoł Ralbicy/Hórki II 3:0 (1:0)

Zestawa hosći: Měškank – T. Matka, Róbl, Wowčerk, Budar, Šwejda (56. Mět), Cyž (70. Šnajder), Markus Serbin, Jakubaš, Kobalc, Šěn (86. Michał Serbin)

We wonkownej hrě pobrachowaše Młynk žołto/čerwjeneje karty dla, ale tež defensiwne stołpy Měrćin Matka, Robert Statnik, Syman Bogusz a Tobias Woko dyrbjachu so narunać. Potajkim žane optimalne wuměnjenja. W prěnjej štwórć hodźinje chcyše so Ralbičanska defen­siwa namakać. Hra běše wurunana. Mjerzace­ běše, zo wjedźeše we 18. min. wólny kop k nawjedowanju. Z poł lěweje strony zwjertny Kloss z prawej nohu bul do dołheho třiróžka. Měškank bě bjezmócny. Ralbičenjo mějachu kaž cyłu sezonu­ problemy w nadběhu. Jónu Šwejda­ ze 16 metrow wotćahny. We wrotarju pak namaka swojeho mištra.

Pjeć Matkow w zestawje Sokoła II

póndźela, 18. meje 2015 spisane wot:

Sokoł Ralbicy/Hórki II

– HZ Łaz/Běły Chołmc 2:2 (2:2)

Zestawa Sokoła: Měškank – Měrćin Matka­, Křesćan Matka (59. Šwejda), Wowčerk, Kobalc, Michał Matka (46. Šěn), Serbin, Bogusz, Młynk, Jurij Matka (80. Tomaš Matka), M. Kurjat

Po wuwojowanym dypku pola HZ Hór­nikecy/Wulke Ždźary chcychu Ralbičenjo doma połnje dypkować, wšako bě sej Kulowska rezerwa dźeń do toho dypk wubědźiła. Mustwo zesylnichu Michał Matka, Křesćan Matka, Patrik Wowčerk, a Měrćin Kurjat. Kuriozne na zestawje běše, zo bu w běhu hry hnydom pjeć hraje­rjow ze swójbnym mjenom Matka zasadźenych.

Domjacy startowachu optimalnje. Serbi­n doběža sej dołhi bul a jón wušiknje wyše wrotarja zběhny a sej sam najrjeńš­i dar k 30. narodninam wobradźi (2.). Dźesać mjeńšin pozdźišo bu Jurij Matka na hrajnišćo pósłany a běše spěšniši hač škitar a přetwori k 2:0 (12.).

Wuslědki (18.05.15)

póndźela, 18. meje 2015 spisane wot:

Kopańca, regionalna liga

1. FC Union II – Nordhausen   0:1 (0:1)

Plauen – Auerbach  0:1 (0:1)

Jena – Budissa Budyšin   2:1 (0:1)

BFC Dynamo – Neustrelitz  4:2 (1:1)

Hertha BSC II – Magdeburg  1:4 (1:2)

FC Viktoria – Berlinski AK  0:2 (0:1)

Halberstadt – Zwickau  3:1 (2:1)

Babelsberg 03 – Meuselwitz   3:0 (2:0)

1. Magdeburg 29 60 : 20 60

2. Zwickau 29 44 : 20 56

3. Nordhausen 29 41 : 38 45

4. Hertha BSC II 29 48 : 37 42

5. BFC Dynamo 29 32 : 26 42

6. Jena 29 42 : 37 42

7. Berlinski AK 29 34 : 35 39

8. Halberstadt 29 43 : 42 37

9. 1. FC Union II 29 49 : 47 36

10. Neustrelitz 29 42 : 39 35

11. Auerbach 29 27 : 52 31

12. Babelsberg 03 29 31 : 33 30

13. Budissa Budyšin 29 23 : 38 27

14. Meuselwitz 29 27 : 52 22

15. FC Viktoria 29 23 : 50 17

16. Plauen 29 0 : 0 0

krajna liga

FC Eilenburg – Biskopicy 0:0 (0:0)

Kamjenc – Döbeln 2:0 (0:0)

BSC Freiberg – Hohenstein-E. 6:1 (3:1)

FC Grimma – FC International 2:2 (0:1)

BSG Chemija – Markkleeberg 2:2 (0:2)

Heidenau – Glauchau 3:2 (1:1)

Widźał, słyšał, napisał (18.05.15)

póndźela, 18. meje 2015 spisane wot:
Awtor dźensa Mikławš Krawc

Jan Wornar je wo tym pisał,­ tež Jurij Koch w swojej knize „Zabych ći něšto rjec“: Kak smy jako šulerjo Serbskeho gymnazija w čěskich Warnoćicach swětowe mišterstwa 1949 w lodohokeju dožiwili. W nócnych koš­lach sedźachmy wječor před radijom a słuchachmy na reportaže ze Šwedskeje. Wjeselo bě wosebje wulke, jako doby Čěskosłowakska kónčnu hru přećiwo Kanadźe z 3:2. To bě scyła prěni wuspěch Čechow a Słowakow nad mustwom ze Sewjerneje Ameriki. Składnostnje lětušich mišterstwow w Praze a Ostravje dyrbjach časćišo na wone dny myslić. Čěska (hač do 1992 přeco zhromadnje ze Słowakami) doby dotal dwanaće króć titul, ale nětko doma bě bjez šansy. Hižo w předkole chowancy trenarja Růžički njepřeswědčichu. Sobotu přećiwo Kanadźe rěkaše 0:2, wčera w hrě wo třeće městno přećiwo USA bě poražka z 0:3 hišće jasniša. Wot dotal jědnaće mišterstwow doma hakle druhi raz ani podestowe městno njewuskoči. Jaromír Jágr pokaza ze swojimi 43 lětami dosć dobry wukon a bu jako najdrohotniši akter cyłeho turněra wu­znamjenjeny.

Sport (15.05.15)

pjatk, 15. meje 2015 spisane wot:

Dalše pokalne koło

W dalšim volleyballowym pokalnym kole zetkatej so póndźelu wječor w sportowej hali na Kamjentnej w Budyšinje volleyballisća Sokoła Budyšin a ST Marijina hwězda. Wot 19 hodź. hraje Sokoł Budyšin přećiwo VV Biskopicy, po tym VV Biskopicy přećiwo ST Marijina hwězda a naposledk Sokoł Budyšin přećiwo Marijinej hwězdźe.

Wo pokal Serbskeho Sokoła

Sportowe towarstwo Viktoria Worklecy budźe jutře, sobotu, zarjadowar a wuhotowar volleyballoweho turněra žonow a holcow. Hrać budźe so wot 10 hodź. we Worklečanskej ćěłozwučowarni. Mustwa njech so pola Marcela Rjelki pod přizjewja. Hrać bu­dźe so wo pokal Serbskeho Sokoła.

Treningowe lěhwo

Tež lětsa přewjedźe motosportowe towarstwo MC Jawora zaso treningowe lěhwo za dźěći. Lětsa pak bu wone wot spočatka meje na 6. junij přepołožene. Wobdźělić móža so dźěći w starobje 5 do 14 lět. Přizjewjenja su jenož z online-formularom na homepage MC Jawory móžne.

Jěchanske turněry

Skónčnje zaso połny wuspěch

srjeda, 13. meje 2015 spisane wot:

SJ Njebjelčicy

– Natwar Němske Pazlicy 2:1 (1:0)

Zestawa domjacych: D. Ričel – Hrjehor, Haška, Hoier, Pawlik, Dubaw, Kral, Cyž (58. Hommel), Hanuza, Lejnart (64. Čornak), T. Ričel (85. Janca)

Po sydom partijach bjez dobyća a jeno dwěmaj dobytymaj dypkomaj poradźi so koparjam Sportoweje jednotki Njebjelčicy w domjacym derbyju přećiwo koparjam z Němskich Pazlic skónčnje połnje zasłuženy wuspěch. Hač na Šołtu steješe trenarjej Handrijej Krawčikej wšón kader k dispoziciji. Nimo toho postara so trenar Detlef Panic ze swojej přitomnosću zawěsće wo motiwaciju pola hrajerjow. Wón bě mjenujcy před štyrjomi ty­dźenjemi nahle ćežko schorjeł a je nětko na najlěpšim puću wustrowjenja.

W prěnim połčasu bě na stronje ho­sćićela wurjadna kopańca widźeć. Nadběh po nadběhu so z rjanymi a spěšnymi kombinacijemi wuhra. Tola jeničke wrota do přestawki docpě Rony Hanuza w 34. min. po rjanej kombinaciji přez Pawlika a Tobiasa Ričela.

Taktika wuspěšna

srjeda, 13. meje 2015 spisane wot:

ST Budyšin

– ST 1922 Radwor 0:0 (0:0)

Zestawa hosći: Wróbl – Šěrak, Zähr, Urban, Henke, Bauer, Karwinski, Šram, Nuk, Mark, Wjeńka (66. Kubitz)

nawěšk

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.

nowostki LND