Póst Germanija Budyšin –

Sokoł Ralbicy/Hórki 6:1 (1:1)

Zestawa hosći: Schöne – B. Heidorn, Wałda, P. Šołta, N. Šnajder, Korjeńk, Mikławšk (81. Kunze), Woko (79. J. Šołta), Hicka, Bejmak, R. Šnajder (68. L. Heidorn)

Sobotu stej w měsće w načolnej hrě druhi přećiwo třećemu tabulki hrałoj. Sokoł bě dotal jeničke mustwo, kiž bě w aktualnej sezonje přećiwo hosćićelam dobyło. Zo budźe to tónraz wo wjele ćešo, pokazowaše so hižo w zestawje. Kopica nazhonitych hrajerjow Ralbičanskemu cyłkej nažel pobrachowaše.

Kopańca; 3. liga

Wehen Wiesbaden –

Hansa Rostock0:1 (0:1)

Waldhof Mannheim –

FC Rudne horiny Aue 2:1 (0:1)

FC Ingolstadt 04 –

TSV Alemannia Aachen 1:2 (1:1)

FC Energija Choćebuz –

SSV Ulm 18461:1 (0:1)

Jahn Regensburg – TSV Havelse 5:2 (2:0)

1. FC Schweinfurt –

VfB Stuttgart II3:1 (0:0)

SC Verl – 1. FC Saarbrücken 3:0 (0:0)

TSG Hoffenheim II –

VfL Osnabrück0:1 (0:1)

MSV Duisburg –

TSV 1860 Mnichow2:1 (0:0)

Viktoria Köln –

Čerwjeno-běli Essen1:2 (0:2)

1. VfL Osnabrück 30 50  : 26 61

2. Čerwjeno-běli Essen 30 61  : 49 55

3. SC Verl 30 70  : 41 54

4. MSV Duisburg 30 54  : 41 54

5. FC Energija Choćebuz 30 55  : 44 54

6. Hansa Rostock 30 53  : 32 53

7. TSV 1860 Mnichow 30 46  : 39 49

8. Wehen Wiesbaden 30 42  : 33 48

9. Waldhof Mannheim 30 49  : 54 45

10. TSV Alemannia Aachen 30 53  : 51 44

11. FC Ingolstadt 04 30 50  : 41 40

12. Jahn Regensburg 30 42  : 45 39

13. Viktoria Köln 30 41  : 41 38

14. VfB Stuttgart II 30 36  : 49 38

15. TSG Hoffenheim II 30 53  : 54 35

16. 1. FC Saarbrücken 30 40  : 46 33

17. SSV Ulm 1846 30 39  : 62 25

18. FC Rudne horiny Aue 30 34  : 54 24

19. TSV Havelse 30 43  : 69 23

20. 1. FC Schweinfurt 30 29  : 69 17

Na štwórtym domjacym hrajnym dnju w sakskej klasy wuchod witachu Worklečanscy wolejbulisća hosći ze Seifersdorfa. To je jeničke mustwo, přećiwo kotremuž dotal hišće dobyli njejsu. Jenički­ dypk předskoka zawěsći domjacym druhe městno w tabulce před cyłkom ze Seifersdorfa.

ST Viktoria Worklecy –

TSV Seifersdorf 3:1

(25:17; 25:23; 15:25; 26:24)

Spočatk prěnjeje sadźby wuhra so na wočakowanym wysokim niwowje. Dypki wotměnjejo wobě mustwje zběraštej. Při stawje 9:11 měješe Beno Bobka nadaće. Tutón wuži słabosć w přiwzaću hosći a hnydom sydom preciznych bulow na samsne městno hraješe. Předskok sej Worklečenjo hižo z rukow wzać njedachu a sadźbu jasnje 25:17 dobychu.

Tež w druhim přechodźe hosćo na Ralbičanskej tribunje wobhladanja hódny wolejbul dožiwichu. Sylne nadběhi, runje tak sylne wotwobaranja a wuwojowane bule na woběmaj bokomaj běchu prawy přikusk. Byrnjež wotstawk maksimalnje dwaj dypkaj wučinjał, njenasta zaćišć, zo móhli Worklečenjo sadźbu přěhrać a tak skónči wona ze zasłuženym 25:23.

W prěnjej blidotenisowej wokrjesnej lize hrajachu pjatk wječor DJK Konjecy – TTC Wojerecy III 10:5 a TTV Hózk/Kulow II – Viktoria Worklecy 3:12. W rjadach Konječanow doby Julian Hrjehor wšitke partije, za Worklečanow běchu Roman Straube, Stephan Mět a Markus Bulank wuspěšni.

We wolejbulowej wobwodnej lize wuchodna Sakska je prěnje wolejbulowe mustwo žonow Viktorije Worklecy sobotu w domjacej sportowni přećiwo tabulkowemu susodej ze Žitawy (23:25, 19:25, 21:25) a načolnikej z Ochranowa (20:25, 19:25. 23:25) stajnje 0:3 přěhrało.

W sakskej klasy stafla wuchod wróćichu so Worklečanscy wolejbulisća z dobyćom 3:2 (25:22, 22:25, 18:25, 31:29. 17:15) z Drježdźan-Coschütz. Trenar Šćěpan Wjeńka praji po hrě: „Tuta sezona so ze snadnymi sadźbowymi wuslědkami a rozsudnymi pjatymi sadźbami ćehnje. Myslu sej, zo to na tym zaleži, zo mamy tajke młode mustwo. Tam čuwy hišće wulku rólu hraja. Prěnju sadźbu nimale přeco wysoko dobudźemy a potom druhu a třeću sadźbu přěhrajemy. A naposledk tola dobudźemy.“

Wčera je so mustwo U18 Viktorije na sakskm mišterstwje w Lipsku wobdźěliło. Hólcy wokoło kapitana Jurja Bobki a trenarja Aleksandera Cyža wobsadźichu na kóncu šeste městno.