Volleyballisća koło dale
Z minimalnej, za to pak sylnej zestawu zabsolwowachu volleyballisća Marijineje hwězdy prěnje koło wokrjesneho pokala. Hosćićel a zdobom prěni přećiwnik bě mustwo ST Budyšin. Druhi přećiwnik bě – kak móhło to hinak być při zbožu Marijineje hwězdy w tutej hrajnej dobje – Budyšin-sewjer.
ST Marijina hwězda – ST Budyšin 2:0 (25:8, 25:5)
Hrajerjo z Pančic podachu so z połnej paru do hry. To njebě wězo ćežko, wšako běše mustwo z Budyšina zastupjer z hobbyjoweje ligi. Mužojo wokoło kapitana Marka Kowarja wužichu hru tuž jako intensiwne sćoplenje za slědowacu hru.
ST Marijina hwězda – Budyšin-sewjer 1:2 (25:20, 15:25, 13:15)
Dobry domjacy wuslědk
Sokoł Ralbicy/Hórki – TSV Połčnica 4:1 (0:0)
Zestawa domjacych: Gloxyn – von Köding, B. Bjeńš, Korjeńk, Schultz, Čórlich, S. Bjeńš, Domaška, Lulak, Šołta (69. M. Kurjat), G. Kurjat
Rjanu njedźelu dožiwi něhdźe wosomdźesat přihladowarjow w Stadionje přećelstwa w Ralbicach. Na kóncu přesadźi so domjace mustwo přećiwo Połčnicy jasnje z 4:1. Hačrunjež w prěnim połčasu ani jeničke wrota njepadnyli, postajowachu hru hosćićeljo. Partija běše hra na jedne wrota. Škitar Korjeńk měješe dwójce składnosć, nawjedowanje docpěć. Najprjedy bu z flanku Bosćija Bjeńša nahraty. Direktny bul pak wrota jenož wo centimetry misny. Po Lulakowym wólnym kopje so tón znowa pospyta. Tónkróć prasny bul bohužel jenož do wonkowneje žerdźe a skoči wottam wróćo na hrajnišćo.
Wuslědki (12.05.15)
Kopańca, krajna klasa
Cossebaude – Laubegast 2:3 (0:1)
Niska – Zschachwitz 0:2 (0:0)
Radebeul – Rakecy 6:1 (1:1)
Budestecy – Nowe Město 0:1 (0:1)
SC Borea – Budissa Budyšin II 1:2 (1:1)
Weixdorf – Nowosólc-Hródk 0:1 (0:0)
1. Mužakow 21 50 : 29 43
2. Budissa Budyšin II 21 44 : 30 41
3. Laubegast 21 36 : 35 38
4. Radebeul 21 49 : 34 34
5. Nowosólc-Hródk 21 35 : 32 34
6. Budestecy 21 33 : 33 34
7. Zschachwitz 21 44 : 33 33
8. Niska 21 38 : 29 31
9. Nowe Město 21 24 : 24 30
10. Weixdorf 21 33 : 36 20
11. SC Borea 21 34 : 38 19
12. Rakecy 21 19 : 41 19
13. Drježdźanski SC 21 28 : 33 18
14. Cossebaude 21 17 : 57 14
Budissa II nochce postupić
Budyšin. U 23 Budissy Budyšin nochce do krajneje ligi postupić. Sportowy nawoda Budissy Tomaš Henčl rjekny mjez druhim: „Chcemy w druhim mustwje wosebje starši lětnik juniorow zasadźić. Tuž sej myslimy, zo je krajna klasa ta prawa za naš kader druheho mustwa.“
Duatlon w Błótach
Triatlonowa sezona 2015 započnje so za sportowcow Triteama Serbja hakle něhdźe za měsac z hrodowym triatlonom w Moritzburgu, někotři z nich přihotuja pak so hižo nětko z běhami resp. duatlonami na sportowy třibój. Kónc tydźenja wobdźělištaj so Marian Žur z Lejna a Stephan Möller ze Šunowa na duatlonje w Błótach. Poprawom běchu so hišće třo dalši serbscy triatleća do startowych lisćin zapisali. Ze wšelakich přičin pak so woni starta wzdachu. Kak serbska triatlonowa dwójka swójski wukon sobotu posudźi a kotre cile mataj serbskaj triatletaj za sezonu 2015, wučitaće z jeju měnjenjow.
Na wokrjesnym wubědźowanju dźěći a młodostnych w Zhorjelcu so ...
Zasłužene dobyće
Zeleno-běli Sepicy – SJ Chrósćicy 2:4 (1:1)
Zestawa hosći: Teschner – Dehn (69. Hawš), Šiman (60. Pöpel), Pohling, Šafář, Dórnik, Runt, Domaška, Zahrodnik, Šmit, Žur
Dobru hru z wulkotnym wuslědkom pokazachu Chróšćenjo njedźelu w Sepicach. Hačrunjež znowa dwójce w zastatku leželi, su stajnje zaso moralku pokazali a na kóncu hru na swójske dobro zwjertnyli. Hižo po 20 sekundach prěnja dobra třělwa hosći. Runt sflankowa na Dórnika, tón wotpołoži Zahrodnikej, a jeho direktna třělwa wrota snadnje misny. Po 13 min. padny njejapcy nawjedowanje za domjacych. Bul so w rjadach Chróšćanow w srjedźnym polu přelochce přěhra. Bürger połoži kulowatu kožu před wrota, a Pohlingej njezwosta ničo druhe hač do nadběhowarja storčić. Tuž bě jědnatka woprawnjena, kotruž Zschiesche wěsće přetwori. Chróšćenjo pak so podwolić njedachu a mějachu hru jasnje dale pod kontrolu. Třělwa Runta bu hišće na liniji wotpopadnjena. Potom pak skónčnje dawno zasłužene wurunanje (37.). Nisku třělwu Domaški wotplacny wrotar doprědka, a Pohling najspěšnišo reagowaše a so z wrotami podźakowa.
16. nócny hašenski nadběh
Widźał, słyšał, napisał (11.05.15)
Awtor dźensa
Achim Kowar
Lubi čitarjo, dowolće mi, dźensa hišće raz spomnić na wólbnu zhromadźiznu Serbskeho Sokoła z.t. srjedu w Kozarcach. Tam sym so po wjace hač 20 lětach skutkowanja jako městostarosta a starosta z předsydstwa rozžohnował. Sym to činił rady a njerady. Rady, dokelž mamy a mějachmy dobrych ludźi w nowym a starym předsydstwje a dokelž je so radźiło dobre womłodźenje. Měnju, zo lubi dobra měšeńca staršich hižo nazhonitych a nowych z dobrymi idejemi dalši rozmach w dźěle. Nowemu starosće a jeho mustwu přeju wutrajnosć a wuspěch, strowotu a wosebje wuspěšne prócowanje wo sylne nałožowanje serbskeje rěče na wšěch našich zarjadowanjach a wubědźowanjach. Luby Milanje, njech so ći z twojimi ludźimi kóžde předewzaće derje radźi!
Wuslědki (11.05.15)
Kopańca, regionalna liga
Meuselwitz – Halberstadt 1:5 (1:1)
Budissa Budyšin – Auerbach 2:1 (0:0)
Zwickau – 1. FC Union II 0:3 (0:2)
Plauen – Babelsberg 03 0:2 (0:0)
Nordhausen – FC Viktoria 3:2 (2:1)
Berlinski AK – Hertha BSC II 0:3 (0:2)
Neustrelitz – Jena 1:3 (0:3)
Magdeburg – BFC Dynamo 1:1 (1:0)
1. Magdeburg 28 56 : 19 57
2. Zwickau 28 43 : 17 56
3. Hertha BSC II 28 47 : 33 42
4. Nordhausen 28 40 : 38 42
5. Jena 28 40 : 36 39
6. BFC Dynamo 28 28 : 24 39
7. Berlinski AK 28 32 : 35 36
8. Neustrelitz 28 40 : 35 35
9. Halberstadt 28 40 : 41 34
10. 1. FC Union II 27 48 : 46 33
11. Auerbach 27 27 : 51 31
12. Babelsberg 03 28 28 : 33 27
13. Budissa Budyšin 28 22 : 36 27
14. Meuselwitz 28 27 : 49 22
15. FC Viktoria 28 23 : 48 17
16. Plauen 28 0 : 0 0
krajna liga
Biskopicy – FC Grimma 3:3 (2:3)
FC International – Zhorjelc 2:4 (2:2)
Döbeln – Wocl Riesa 2:3 (1:2)
Kamjenc – BSC Freiberg 3:0 (1:0)
Hohenstein-E. – Heidenau 2:1 (1:0)
Markkleeberg – Póst Drježdźany 4:1 (2:0)
Glauchau – BSG Chemija 1:3 (0:0)
FSV Zwickau II – FC Eilenburg 1:0 (0:0)
wokrjesna wyša liga
Hnašecy – Biskopicy II 3:2 (1:1)
Sport (08.05.15)
Poswjeća sportowy park
We wobłuku poswjećenja Biskopičanskeho parka „Wesenitz-Sportpark“ přewjedu tam njedźelu krajne pokalne finale koparkow starobneju klasow młodźina C a młodźina B. W 10 hodź. nastupi Biskopičanska C-młodźina přećiwo 1. FFC Fortunje Drježdźany a w 12 hodź. FFV Lipsk B přećiwo 1. FFC Fortunje Drježdźany B. Po tym chcedźa tež wjacore serbske koparki k dypkowej hrě w rjadach Biskopičanskeho KT z 1. FFC Wackerom Lipsk mocy měrić. Prěnju partiju w Lipsku běchu Biskopičanki 1:0, přez wrota Sofije Bejmakec ze Sćijec, dobyli. Zakop njedźelneje hry je w 14.30 hodź.
Běhanske zarjadowanje
Srjedu, 13. meje, wuhotuje sportowe towarstwo Módro-běli Krakecy běhanske zarjadowanje. W poskitku změja naročne hórske běhi, kotrež powjedu zdźěla po lěsnych a pólnych pućikach. Jednotliwe starty budu w sćěhowacych časach: 17.30 hodź./300 m, 17.40 hodź./ 700 m, 18.00 hodź./2 km a 18.30 hodź./ 5,1 km a 10,2 km. Přizjewjenja su móžne w interneće.
Ministrantska kopańca
