Stefan Zarjeńk „běh swojeho žiwjenja“ zdokonjał
Sněhakowy centrum Sugarloaf Mountain w sewjernych Apalachach USA sta so minjenu njedźelu z pupkom swěta trailowych běharjow. Serija XTERRA w trailowym marathonje a połmarathonje zwjedźe tu sportowcow ze wšitkich kontinentow swěta hromadźe, zo by swojich lětušich swětowych mištrow namakała. Tež Stefan Zarjeńk z Drježdźan bě po lońšej kwalifikaciji na XTERRA-wubědźowanju w Žitawskich horach přeprošenju do něhdźe 6 000 km zdaleneho Carrabasset Valley w US-staće Maine slědował. Sportowče a sportowcy z wjace hač 30 krajow so tam wubědźowachu. Trailowy marathon wotměwa so po njeasfaltowanych šćežkach w přirodźe.
Wuslědki (04.09.24)
Kopańca, wokrjesna liga stafla I
Rakečanske ST II – Hlinowski SK 1:6 (0:2)
Chrósćicy II – Steinigtwolmsdorf 2:4 (1:2)
ST Porchow – Wjernarjecy 6:2 (3:0)
Marijina hwězda – Kumwałd 1:2 (1:0)
ST Wjelećin – TSV Wjazońca 3:5 (1:3)
1. Hlinowski SK 1931 3 12 : 4 9
2. TSV Wjazońca 3 9 : 6 7
3. ST Marijina hwězda 3 12 : 4 6
4. Motor Kumwałd 3 8 : 5 6
5. Arnsdorfske KT 3 7 : 4 6
6. HZ Frankenthal 3 5 : 4 5
7. ST Porchow 3 9 : 7 4
8. SZ Steinigtwolmsdorf 3 7 : 6 4
9. HZ Huska/Hodźij 3 6 : 5 4
10. TSV Wjernarjecy 3 9 : 10 4
11. Bretnig-Hauswalde 3 3 : 4 2
12. SJ Chrósćicy II 3 6 : 10 1
13. ST Wjelećin 3 6 : 14 0
14. Rakečanske ST II 3 3 : 19 0
Tójšto medaljow za mustwo Němskeje – ale žana złota
Triatlet Max Gelhaar je při swojim prěnim paralympiskim wubědźowanju slěbro dobył. Kaž na swětowych mišterstwach dyrbješe Lipšćan w swojej startowej klasy jenož Španičanej Danielej Molinje předstup dać. A němske mustwo móžeše so krótki čas pozdźišo w běhu někotrych mjeńšin hišće dwójce wjeselić. Najprjedy běštej slepa Anja Renner a jeje guide Maria Paulig z němskej chorhoju jako třećej do cila přišłoj. Krótko po tym zawěsći sej Martin Schulz tohorunja bronzu. To bě dla rozdźělnych startowych klasow móžno. Gelhaarowy treningowy partner Schulz bě po swojich dobyćach w Rio a Tokiju jako faworit do wubědźowanja šoł. W cilu wyskaše němski chorhojnik wotewrjenskeje swjatočnosće pak tež nad bronzu a wojowaše ze sylzami.
Dźeń po triumfje přez 150 metrow w disciplinje wjacorych stilow je němski płuwar Josia Topf přez 50 metrow na chribjeće slěbro dobył. Topf dyrbješe w 47,06 sekundach jenož Ukrainjanej Denysej Ostapchenkej (45,16) předstup dać.
W prěnim wuchodoněmskim mišterstwje w mnohostronskim jěchanju je ...
Dwójce zastatk wurunali
Rakečanske ST –
Sokoł Ralbicy/Hórki 2:2 (1:0)
Zestawa hosći: Schöne – Lešawa, Šołta, B. Heidorn, Wałda (18. L. Heidorn), Mjechela (72. Šiman), Korjenk, Mikławšk (63. Woko), Gloxyn, Bejmak, Domaška
Na mały derby dojědźechu sebi Ralbičenjo do Rakec. Mustwo bě z krajneje klasy zestupiło. Poprawom wuhladaš tam tež wjacorych serbskich hrajerjow, tola tutón raz jenož Nica Kocora. Dirk Šołta kaž tež Maik Janca běštaj so ćežko na kolenje zraniłoj a Patrik Woko njesteješe w kadrje Rakečanow.
Domjacy startowachu lěpje do hry a hrajachu bul často na swojich wonkownych hrajerjow. W 9. min. smaleše Fabian Wróbl do šěsnatki a padny přez nohu Ralbičan škitarja. Sudnik dołho přemyslowaše, rozsudźi so potom za jědnatku. Tutón Toni Barnickel wěsće přetwori. Po tym so wjace wjele njesta. Wobě mustwje hraještej husto dołhe bule, kotrež pak škitarjo derje wotwobarachu. Krótko do połčasa kombinowachu so Rakečenjo jara derje před wrota Ralbičanow, ale wrotar Willi Schöne móžeše swoje kmanosće pokazać. Šansy za Ralbičanow žane njewuskočichu.
Chróšćenjo doma jasnje dobyli
SJ Chrósćicy –
SJ Großnaundorf 3:0 (1:0)
Zestawa domjacych: Škoda – Rätze (79. Wencel), F. Cyž, Zynda, B. Cyž, Graf, Hawš (79. Wornar), M. Zahrodnik, Matik (84. Donat), G. Zahrodnik (89. Bjeńš), Bogusz (84. Młynk)
Njedźelu čakaše na Chróšćanow ćežki nadawk přećiwo Großnaundorfej. Hosćo běchu dotal wobě hrě jasnje za sebje rozsudźili. Tola koparjo SJC běchu sej w tutej hrě wjele předewzali. To wot spočatka tež na hrajnišću pokazachu.
Woni spytachu hosći zahe pod ćišć stajeć a jich tak k dołhim bulam a zmylkam nuzować. To so jim přez cyłu hru derje poradźi. Tak měješe Jan Bogusz prěnju móžnosć, jako so po zdobytym bulu před šěsnatku přesadźi. Jeho třělwa pak wrota misny.
ADAC MX Masters w Jaworje na Kaponicy
Max Nagl (Němska/KMP-Honda-Racing powered by Krettek) je sej z druhim městnom w druhim wubědźowanju w Jaworje dočasnje swój pjaty titul jako ADAC MX Masters champion zawěsćił. Při lěćnych temperaturach dožiwichu fanojo prěnje cyłkowne dobyće Corneliusa Töndela (Norwegska/Schmicker Racing), kotryž wobě wubědźowani njedźelu doby, před Naglom a Henryjom Jacobijom (Němska/KTM Sarholz Racing Team). Jacobi bě sobotu prěnje wubědźowanje dobył.
Po jara sylnej prěnjej połojcy sezony bě to jenož hišće prašenje časa, hdy Max Nagl swój titul zakituje. W Jaworje wotmołwi wón na prašenje z druhim městnom w druhim wubědźowanju a daše so jako stary a nowy ADAC MX Masters Champion 2024 swjećić. Ze swojim pjatym cyłkownym triumfom wuruna wón ličbu dobyćow z dotalnym rekordnym mištrom Dennisom Ullrichom (Němska /KTM Sarholz Racing Team). Nimo toho zapisa so wón, jako prěni jězdźer do lisćiny rekordow, kiž doby tři titule zasobu. To steji nětko w němskich motocrossowych stawiznach.
Wuslědki (03.09.24)
Kopańca, krajna klasa
1. FSV Nowosólc-Hródk 3 8 : 1 9
2. ST Wesenitzal 3 8 : 5 9
3. SC Freital II 3 7 : 1 7
4. Heidenawske ST 3 6 : 5 6
5.Chemie Dohna 3 7 : 7 6
6. Biskopičanske KT II 3 7 : 5 4
7. Póst Drježdźany 2 4 : 3 4
8. Rotacija Drježdźany 3 5 : 5 4
9. SZ Drježdźany Strěžin 2 4 : 4 3
10. FSC Wódrjeńca 3 4 : 5 3
11. SG Weixdorf 3 2 : 4 3
12. Radebergerske ST 3 6 : 9 3
13. TSV Cossebaud 3 4 : 7 3
14. Wojerowski FC 3 2 : 6 3
15. Přezjednota Niska 3 4 : 7 0
16. Hartmannsdorfske ST 3 2 : 6 0
Wokrjesna wyša liga
Rakečanske ST – Ralbicy/Hórki 2:2 (1:0)
SJ Chrósćicy – SG Großnaundorf 3:0 (1:0)
1. ST Hnašecy-Dobruša 3 10 : 3 9
2. Natwar Němske Pazlicy 3 8 : 4 9
3. SJ Chrósćicy 3 5 : 1 7
4. SG Großnaundorf 3 7 : 3 6
5. SC 1911 Großröhrsdorf 3 4 : 3 6
6. Sokoł Ralbicy/Hórki 3 6 : 4 4
7. HZ Łaz/Běły Chołmc 3 3 : 3 3
8. Módro-běli Kulow 3 2 : 4 3
9. TSV Wachau 2 3 : 7 3
10. Rakečanske ST 3 4 : 5 2
10. Zeleno-běli Bukecy 3 4 : 5 2
12. Póst Germania Budyšin 2 5 : 6 1
13. Drohotka Ramnow 2 2 : 3 1
14. ST Horni kraj-Sprjewja 3 3 : 6 1
15. TSV Połčnica 2 2 : 5 1
16. FV Ottendorf-Okrilla 3 4 : 10 1
Dźewjeć medaljow za mustwo Němskeje kónc tydźenja
Płuwarka Tanja Scholz je njedźelu wječor prěnju złotu medalju za němske mustwo při paralympiskich hrach 2024 dobyła. Wona přesadźi so štwórty wubědźowanski dźeń w finalu přez 150 metrow w disciplinje wjacorych stilow. Jenož mjeńšiny pozdźišo triumfowaše w Parisu tež mustwowy kolega Josia Topf na samsnej čarje.
Tež tandem-koleso muži docpě njedźelu, w časowym jězdźenju přez 1000 metrow w startowej klasy B medalju. Thomas Ulbricht a Robert Förstemann buštaj třećej. W 59,862 sekundach dyrbještaj Němcaj jenož Britiskim sportowcam Jamesej Ballej a Steffanej Lloydej, kaž tež Neilej Fachie a Matthewej Rotherhamej předstup dać.
Štwórtu němsku medalju njedźelu zdobyštej sej Hermine Krumbein a Jan Helmich. Wonaj staj při wjesłowanju bronzowu medalju w měšanej dwójce dobyłoj. W cilowym sprinće na slěbornym kursu jeju hišće britiski čołm přesćahny. Złoto dźěše na Awstralsku. Němske měšane mustwo z štyrjomi wjesłowarjemi skomdźi bronzu wo šěsć stoćinowych sekundow.
Strašne wuwiće
Münster (B/SN). Profesorka Regina Elsner kritizuje ukrainski zakoń přećiwo nabožnym organizacijam a cyrkwjam, kotrež styki z Ruskej wudźeržuja. „Zakoń dopušća ranjenja nabožneje swobody a pačenje Ukrainy. Hida a namóc přećiwo wěriwym ukrainskeje ortodoksneje cyrkwje so legitimujetej, stigmatizujetej rusku cyrkej a wobmjezujetej mjezynarodne ekumeniske poćahi“, pisa Katolska powěsćernja. Bamž Franciskus so „direktnemu abo indirektnemu zakazej křesćanskich cyrkwjow“ raznje wobara. „Wone su njedótkliwe!“
Škit židow
Mnichow (B/SN). Bayerski zamołwity za antisemitizm Ludwig Spaenle chce škit židow do Zakładneho zakonja a do wustawy krajow zapisać dać. Po nadpadźe teroristiskeje organizacije Hamas na Israel kopja so antisemitiske zjawy. Za změnu Zakładneho zakonja stej dwě třećinje hłosow w zwjazkowym sejmje trěbnej. W lisće zapósłancam skedźbnja Spaenle na pozitiwne nazhonjenja po změnje wustawow w Braniborskej, Bremenje, Hamburgu a Saksko-Anhaltskej.
Za njewotwisnosć cyrkwje
