FC Energija Choćebuz
– Chemija Lipsk 2:1 (0:0)
Hosćićelscy koparjo Energije Choćebuz dyrbjachu so chětro prócować, zo bychu duel přećiwo postupnikej z Lipska dobyli. Chemija bě derje nastajena a swoje wrota agresiwnje zakitowaše. Tak zwostachu domjacym wosebje w prěnim połčasu jeno přihrawki prěki město direktnych pasow do hłubokosće.
Trochu lěpje pokaza so FC Energija w druhim přechodźe, dokelž wožiwi Orhan Yildirim hru na lěwym křidle z technisce dobrymi akcijemi. 1:0 (55.) nasta přez prawe křidło, jako Moritz Broschinski wonkowneho škitarja Jonasa Zickerta posłuži. Tón na to ze zdalenosće 20 metrow wrota trjechi. Hósć pak bě lědma šokowany a we 68. min. wuruna. Direktnje přetworjeny wólny kop Berkana Taza (75.) dopomha FC Energiji Choćebuz tola hišće k 2:1. Taz bě so w aktualnej sezonje hižo sedmy raz do lisćiny třělcow zapisał. Swoje prěnje zasadźenje w regionalnej lize-sewjerowuchod měješe wrotar FCE Toni Stahl, kiž je w Lutolu (Leuthen) njedaloko Choćebuza wotrostł. A Stahl při swojej premjerje přeswědči.
SV Babelsberg 03
– FC Energija Choćebuz 0:1 (0:1)
SJ Chrósćicy
– SZ Drježdźany-Strěžin 2:2 (0:1)
Zestawa domjacych: Králíček – L. Zahrodnik, Sentivan, Cyž, Henzl, G. Zahrodnik, Špitank, Mark, M. Zahrodnik, F. Zahrodnik (68. Donat), Žur
Po dwěmaj wonkownymaj hromaj móžeše prěnje koparske mustwo SJ Chrósćicy zaso raz na domjacym trawniku wo dypki wojować. Z hosćom běše cyłk z Drježdźan-Strěžina, jedyn z wulkich faworitow na postup do krajneje ligi. Chróšćanam pobrachowaše hnydom šěsć hrajerjow chorosće a zranjenja dla. Přiwšěm móžachu woni po dobrych zašłych wuslědkach bjez ćišća do hry hić. Ale start so jim jasnje nimokuli. Prěnju šansu w 2. min. hosćo hnydom k 0:1 přetworichu. Po flance z praweje strony steješe Maximilian Dietze swobodny a zhłójčkowa bul do wrotow. Drježdźanjenjo tež dale hač do přestawki dominowachu. Woni wužiwachu swoje techniske lěpšiny, wěstotu při bulu a wosebje tež spěšnosć w nadběhu. Hosćićel so popadny a spyta sobu dźeržeć, štož pak so jemu spočatnje njeporadźi.
Wolejbul, wobwodna liga žonow-wuchodna Sakska
1. JTVG Koblicy 4 12 : 3 11
2. HZ Pančicy-Worklecy I 4 11 : 5 10
3. Doprědka Rózbork 3 9 : 5 7
4. OSC Lubij 4 9 : 8 6
5. TSV Kundraćicy 4 7 : 9 5
6. Ochranowske wolejfantki 4 6 : 9 3
7. Nysa Wolejs 3 3 : 6 3
8. MSV Budyšin 04 II 4 3 : 11 2
9. ST Kupoj-Nowa Łuka 2 2 : 6 1
ASV Doprědka Rózbork
– HZ Pančicy-Worklecy 3:2
(25:17, 25:7, 22:25, 23:25, 13:15)
Kopańca, krajna klasa
Drježdźanski SC – Běła Woda 2:0 (1:0)
Rakečanske ST – Oderwitz 4:4 (2:3)
Rěčicy – Drježdźany Laubegast 0:7 (0:3)
Rotacija Drježdźany – Ćisk 6:0 (3:0)
Chrósćicy – Drježdźany-Strěžin 2:2 (0:1)
Weixdorf – Borea Drježdźany 3:1 (3:1)
Trjebin – Großröhrsdorf 0:0 (0:0)
1. Drježdźany-Laubegast 10 39 : 14 23
2. TSV Rotacija Drježdź. 10 26 : 11 20
3. SZ Drježdźany-Strěžin 9 21 : 11 18
4. SC Großröhrsdorf 10 13 : 12 17
5. SC Borea Drježdźany 9 23 : 19 16
6. ST Trjebin 10 14 : 20 14
7. VfB Běła Woda 1909 10 15 : 17 13
8. Rakečanske ST 10 23 : 21 12
9. Drježdźanski SC 1898 10 12 : 14 11
10. SG Weixdorf 9 18 : 23 11
11. SJ Chrósćicy 10 17 : 21 10
12. FSV Wódrjeńca 02 9 17 : 24 9
13. FC Wocl Rěčicy 9 17 : 27 8
14. ST Ćisk 9 9 : 30 2
ST Großnaundorf
– Sokoł Ralbicy/Hórki 3:1 (2:1)
Zestawa hosći: Schöne – Lešawa (53. M. Kurjat), Schultz, Wałda, Bjeńš, Matka, Šewc, Rawš, Janca (34. Domaška), Šiman, G. Kurjat (77. Materna)
Po wuspěchu w Němskich Pazlicach podachu so koparjo trenarja Sokoła Ralbicy/Hórki Chrystofa Gloxyna štwórtk, 31. oktobra na nachwatansku hru do Großnaundorfa. Z dobyćom bychu so na třeće městno tabulki polěpšić móhli, hłowu wěšejo pak so zaso nawróćichu, dokelž běchu njewočakowano 1:3 přěhrali. Běše to snano najšpatniši wukon aktualneje sezony, dokelž Sokoljo w ofensiwje ničo na nohi njestajichu. Domjacy team tež runje najlěpšu kopańcu njehraješe, łakaše pak na zmylki a je pochłosta. W 26. min. wotpopadny přećiwniski kopar špatnu diagonalnu přihrawku praweho škitarja Nicka Lešawy a běžeše runu smuhu na wrota Willija Schöny. Bjez problemow wón bul k nawjedowanju do saka suny. Jenož pjeć mjeńšin po tym steješe hižo 2:0. Tónkróć Bosćij Bjeńš kop prawje njewobliči, štož je hrajer z Großnaundorfa wušiknje wužił. Bjeńš pak na to swój zmylk zaso zwuporjedźa, jako po róžku z lěwej nohu na 1:2 skrótši (41.).
HZ Łaz/Běły Chołmc
– ST 1922 Radwor 1:0 (1:0)
Zestawa hosći: Grenzemann – Reineke (46. Buša), Kral, Měrćink, Wjacławk, Nuk, Glücklich, Zähr, Pječak (81. A. Schulze), Rachela, T. Schulze
Po tym zo bě 1. koparske mustwo ST Radworja Malešecam, Marijinej hwězdźe a rezerwje Chróšćanskeje SJ podležało, dojědźechu sej chowancy trenarja Andija Schultza do Łaza. Tam čakaše jedne z najsylnišich cyłkow wokrjesneje ligi na nich.
Awtor dźensa
Toni Ryćer
„Nimam chwile!“ To často słyšu, hdyž rěčimy mjez kolegami, znatymi abo tež swójbnymi wo terminach. Ale lepju so tež sam hustodosć z tajkej wotmołwu.
Wězo je žiwjenje połne dźěła, zawjazanosćow abo aktiwitow w swobodnym času. Runje tu pak mamy hoberske mnóstwo móžnosćow, wobmjezowane zdźěla jenož financielnych wuměnjenjow dla. Druhdy pak dyrbimy so tež z njeluboznym a dlěje trajacym dźěłom zaběrać. Posledni raz sym lětsa trawu sykł, a hižo čaka spadane lisćo na zrumowanje. Tajke dźěła bych sej rady zalutował, dokelž za nje poprawom woprawdźe chwile nimam. Najskerje pak njejsym jenički, kiž kóžde lěto nazymu tak mysli, tež hdyž pohib na čerstwym powětře nikomu nješkodźi. Nimo toho móžeš při tajkich stupidnych zaběrach wo tym abo tamnym rozmyslować, na přikład wo zańdźenym lěće.
Kopańca,
tabulka wokrjesneje wyšeje ligi
1. Drohotka Ramnow 11 34 : 14 28
2. Módro-běli Kulow 11 27 : 11 27
3. Póst Germania Budyšin 11 27 : 11 26
4. LSV Hory 11 25 : 16 22
5. Sokoł Ralbicy/Hórki 11 24 : 16 20
6. ST Horni kraj-Sprjewja 11 28 : 18 19
7. ST Hnašecy-Dobruša 11 21 : 22 16
8. TSV Wachau 12 27 : 26 15
9. SG Großnaundorf 12 22 : 25 14
9. ST Marijina hwězda 11 22 : 25 14
11. TSV Połčnica 11 20 : 36 12
12. Wojerowski FC 11 27 : 27 11
13. ST Kinspork/Łužnica 11 10 : 20 8
14. Natwar Němske Pazlicy 11 13 : 25 7
15. Motor Kumwałd 11 21 : 33 6
16. ST Porchow 11 9 : 32 6
Honja za celuloidowym bulikom
Lubowarjo blidotenisa maja dźensa kaž tež jutře hnydom dwójce składnosć sej domjacej hrě we Worklecach a Konjecach wobhladać. W Delanach hraje dźensa wot 19 hodź. prěnje blidotenisowe mustwo DJK Konjecy přećiwo Módro-běłym z Njeswačidła, we Worklečanskej ćěłozwučowarni jutře wot 14 hodź. prěnje zastupnistwo tamnišeje Viktorije přećiwo rezerwje blidotenistow MSV Budyšin 04.
Prěni Hornjołužiski trail
Sportowe towarstwo Huska zarjaduje jutře, sobotu, 1. hornjołužiski trail. Start a cil wobeju distancow stej při sportowni w Husce. W 7 hodź. startuja wulke běhanske wurisanje na distancy 48 km z 1 330 wysokostnymi metrami. Tři hodźiny pozdźišo započnje so „Mały Hornjołužičan“ na 16 km ze 400 wysokostnymi metrami. Dalše informacije pod www.oberlausitztrail.de.
Kónctydźenska kopańca
Prěni tabulki krajneje koparskeje ligi, Jednota Kamjenc, wočakuje jutře druheho, FSV 1990 Nowosólc-Hródk. Hosćićeljo maja z jeno štworymi přećiwniskimi wrotami najlěpšu defensiwu ligi a hosćo z 22 třělenymi wrotami najlěpšu ofensiwu.
01.11. 19:00 Budissa Budyšin