Słabu hru pokazali a přiwšěm dobyli
ST Nadrózna Hrabowka
– ST Marijina hwězda 0:2 (0:1)
Zestawa hosći: Matik – Wróbl, Šołta, Rab, Hawš, Peschmann (75. Melnyk), Eldor (67. Winkler), Pjetaš, Cyž, Pakoßnick, Schmidt (75. Čornak)
Dołha a wosebje wuspěšna sezona so tež za Pančičanskich koparjow pomału nachila. Na předposlednim hrajnym dnju steješe partija w Nadróznej Hrabowce na programje. Dobyće ST Marijineje hwězdy bě zasłužene, ale tež zbožowne. W prěnich mjeńšinach so wjele naspomnjenjahódneho njesta. Po 20 hratych mjeńšinach posłuži Christoph Cyž něhdźe 18 metrow před wrotami Feliksa Pjetaša, kiž bul hišće raz prěki połoži, město toho zo by sam wotzamknył. Eric Schwabe chcyše tomu zadźěwać a kopny sej hrajny nastroj k 0:1 njezbožownje do swójskich wrotow. Spěšny konter domjacych wujasni wrotar Dawid Matik z jara dobrej akciju. Nimale z wothwizdanjom prěnjeho połčasa móhł Ali Eldor za Pančicy zwyšić. Po přihrawce Jakoba Pakoßnicka pak kopny wón kulowatu kožu ze zdalenosće třoch metrow nimo wrotow.
Młodźina E Sportoweje jednotki Njebjelčicy je w mišterskim kole ...
Kuriozna hra poražku wunjesła
SJ Chrósćicy – FSV Oderwitz 0:1 (0:1)
Zestawa domjacych: T. Cyž (20. Püschel) – F. Cyž, B. Cyž, Sentivan, L. Zahrodnik, M. Zahrodnik, G. Zahrodnik, Henčl, Runt (42. Špitank), Henzl, Młynk (69. Bogusz)
Na spartakiadźe wuspěch žnjeli
Tež horstka serbskich běharjow so w Ramnowje wubědźowała
Dwaj dnjej po lětušim 32. běhu po Krakečanskich hórkach slědowaše 31. róžownika dalše wurisanje za rjadnu lisćinu, Wopačanski cup běharjow. Při přijomnym wjedrje wotmě so 8. Ramnowski Fichtowy běh w idyliskej krajinje. Wubědźowało je so tam nimale 200 atletow. Jednotliwe distancy běchu 0,8, 2,2 a 7,5 km. Aktiwni běchu hłownje z Hornjeje a srjedźneje Łužicy, Drježdźan, Radeburga a Wehlena a mjez nimi tež zaso horstka serbskich lubowarjow běhanja a walkinga.
Na distancy 0,8 km za młódšich šulerjow rěkaštaj dobyćerjej z Biskopic Richard Marschner (2:33 min) a Theresa Hesse (2:31 min), wobaj skupina U 10. Franc Žur z Budyšina wobsadźi w U 8 dobre 8. městno (3:55 min).
Na 2,2 km za staršich šulerjow a młódšich młodostnych (62 w cilu) běštaj dobyćerjej Sebastian Böhme z Drježdźan (U 16/6:25 min) a Laura Robel z Döberna (U 16/6:50 min).
Wuslědki (18.06.19)
Koparska tabulka krajneje klasy
1. LSV Nowe Město 25 77 : 22 58
2. SZ Drježdźany-Strěžin 25 55 : 26 53
3. Laubegast 25 70 : 34 51
4. FC Neugersdorf II 25 48 : 37 38
5. FSV Oderwitz II 25 44 : 39 37
6. VfB Běła Woda 1909 25 57 : 49 33
7. SG Weixdorf 25 51 : 52 33
8. SJ Chrósćicy 25 52 : 59 30
9. Rotacija Drježdźany 25 51 : 56 29
10. SC Großröhrsdorf 25 38 : 46 27
11. SC Borea Drježdźany 25 39 : 56 27
12. ST Ćisk 25 38 : 59 27
13. ST Horni kraj-Sprjewja 25 49 : 89 25
14. ST Trjebin 25 30 : 75 13
wokrjesna liga, stafla 2
Wojerecy II – Ćisk II4:0 (1:0)
Malešecy – Łuty3:0 (2:0)
Łaz/Běły Chołmc – Lubuš 1:2 (0:2)
Njebjelčicy – Rakecy II/Šćeńca 2:0 (1:0)
Haselbachtal – Mały Wosyk 8:0 (3:0)
1. ST Marijina hwězda 27 84 : 14 70
2. HZ Łaz/Běły Chołmc 27 81 : 25 60
3. Traktor Malešecy 27 69 : 30 57
4. SV Haselbachtal 27 61 : 34 49
5. ST Ćisk II 27 41 : 51 41
6. SJ Njebjelčicy 27 42 : 35 38
7. HZ Hórnikečanski jězor 27 42 : 51 37
8. Wojerowski FC II 27 44 : 46 35
9. ST Wulka Dubrawa 27 46 : 64 33
10. Nadrózna Hrabowka 27 43 : 54 32
11. SJ Chrósćicy II 27 44 : 47 30
12. FSV Łuty 26 38 : 50 30
13. ST Lubuš 27 30 : 46 29
14. HZ Rakecy II/Šćeńca 27 27 : 74 18
15. ST Mały Wosyk 27 23 : 93 15
W Moritzburgu přewjedźechu sobotu a njedźelu 18. hrodowy triatlon. ...
Chróšćanska SJ ze zastupowacymaj předsydomaj
Zamołwići Sportoweje jednotki Chrósćicy přewjedźechu njedawno swoju lětnu hłownu zhromadźiznu. Zwjazali su ju tónkróć z nowowólbami předsydstwa.
Prezident Jurij Kokla witaše tójšto sobustawow do „Jednoty“. Po tym bilancowaše jednaćel Tadej Cyž dźěło minjenych třoch lět a pokaza na spomóžne dalewuwiće towarstwa.
Zwjeselace je, zo móže so SJC ze swojimi 150 čłonami po wukonach z tamnymi jednotkami w Zapadołužiskim koparskim zwjazku měrić. Prěnje koparske mustwo hižo tři lěta w krajnej klasy hraje, druhe mustwo je wokrjesnu ligu dźeržało a pola koparskeho dorosta je widźomne stopnjowanje spóznajomne. W sekciji lochkoatletika stej to žonje Klawdija Hejdušcyna a Marija Škodźina, kotrejž docpěštej jako běharce na dalokich distancach wurjadne zaměstnjenja. Tež wolejbulisća SJC pilnje trenuja a so na turněrach w blišej wokolinje wobdźěleja. Tak na přikład dźensa wječor we Worklecach.
Špatny je staw trawnika na małym pódlanskim hrajnišću. Tu pak planuja dalši projekt popryskanja z wodu.
Stafloweho dobyćerja porazyli
Rakečanske ST – Sokoł Ralbicy/Hórki 0:2 (0:1)
Zestawa hosći: Schöne – K. Matka (46. M. Matka), Schultz, Šewc (72. M. Kurjat), Budar, Gloxyn, Šołta, Korjeńk, Bejmak, Rawš, Kurjat (60. Domaška)
Widźał, słyšał, napisał (17.06.19)
Awtor dźensa
Jurij Bjeńš
