Z dypkom spokojom

srjeda, 06. měrca 2019 spisane wot:

Wojerowski FC

– Sokoł Ralbicy/Hórki 1:1 (0:1)

Zestawa hosći: Schöne – Hilbich (72. Bjeńš), Schultz, Šewc, Budar (38. Kurjat), Rawš, M. Matka (82. K. Matka), Korjeńk­, Šołta, Rawš, Domaška

Byrnjež so koparjo Sokoła Ralbicy/Hórki njerozsudneho 1:1 doma přećiwo Połčnicy chětro mjerzali, běchu woni nětko we Wojerecach po samsnym wuslědku zbožowni. Žonjacych póstnic dla bu duel na pjatk přesunjeny – wobě mustwje běštej sej přezjednej, zo chcetej sobotu radšo do Kulowa jěć. Prěni raz w sezonje tuž rěkaše pod swětłomjeta­kami na kumštnym trawniku hrać.

Koparjo SJC hotuja so na horcu fazu

srjeda, 06. měrca 2019 spisane wot:

Koparjo 1. mustwa SJ Chrósćicy hotuja so na druhu połojcu hrajneje doby­ 2018/2019, a to wot januara. Jich trenar Detlef Panic kładźe wot wšeho spočatka wažnosć na to, zo Chróšćenjo kondiciju a atletiku wotpowědnje trenu­ja.

Nimale kóždy kónc tydźenja w přihotowanskej fazy steješe testowa hra na programje. Tak nastupichu Chróšćanscy ko­­parjo spočatnje přećiwo Porchowej. Z jara młodej zestawu, w kotrejž stejachu wjacori hrajerjo młodźiny A, rěkaše kónčny wuslědk 1:1. Na kumštnym trawniku w Kamjencu, hdźež su Chróšćenjo wulki dźěl přihotow přewjedli, njeza­móchu woni jasne šansy wužiwać, mjez druhim přetřělichu jědnatku. Trenar Panic­­ chcyše pak, hladajo na wažne dypkowe hry, tež někotre nowe wěcy wu­spytać, tak zo njeměješe wuslědk žadyn wuznam.

Tež w druhej přećelskej hrě falowachu wažni hrajerjo. Najwuspěšniši třělc a nadběhowar SJC Jakub Beneš a dalši čěski hrajer Filip Henzl wupadnyštaj zranje­nja dla. Tak falowaštej SJC tež přećiwo Hnašecam-Dobruši poslednja konsekwenca a kreatiwita w ofensiwje. Jeničce Tom Henčl postara so při poražce 1:2 z direktnym wólnym kopom wo wrota.

Zapadołužiski koparski zwjazk (WFV) je na halowe mišterstwa we Wojerecach přeprosył. Wosom mustwow wobdźěli so na turněrje w Powołanskošulskim centrumje Konrada Zusy, mjez nimi zakito­war pokala Natwar Wojerecy/Wětnica, DJK Módro-běli Kulow kaž tež Sokoljo z Ralbic. Cyłki hrajachu stajnje­ dźesać minutow, a to w dwěmaj staflomaj.

Sokoljo startowachu w skupinje B a nastupichu najprjedy přećiwo Jednoće Wojerecy. Wuhrachu sej tři stoprocentne šansy, bul pak nochcyše do saka. Samsny wobraz skićeše so w druhej partiji, w kotrejž su přećiwo zakitowarjej pokala Natwar Wojerecy/Wětnica znowa jenož 0:0 hrali, dobre móžnosće bohužel wospjet njewužiwajo.

Wolejbulowa hra ze swětłom a sćinom

wutora, 05. měrca 2019 spisane wot:

Tabulka – wobwodna liga – mužojo

1. Volleys Koblicy 12 36 : 5 36

2. CVJM Zhorjelc 12 33 : 15 30

3. Viktoria Worklecy  12 31 : 15 27

4. MSV Budyšin 04 II  12 21 : 25 14

5. Módro-běli Wojerecy II  12 19 : 24 13

6. ST Wulka Dubrawa 12 17 : 27 13

7. TSV Niederoderwitz  12 16 : 29 12

8. TSV Kundraćicy 12 19 : 30 12

9. OSSV Kamjenc 12 11 : 33 5


OSSV Kamjenc

– Viktoria Worklecy 92 1:3 (15:25, 25:16, 11:25, 22:25)

Hdyž nalětnje słónco na zemju swěći, nastawaja zdobom dołhe sćiny. Tak bě tomu tež njedawno w přirodźe wokoło Lessingoweho města a při sportowej hali při Kamjenskim lětanišću. Tam zetka so domjacy wolejbulowy cyłk OSSV ze šestku Viktorije Worklecy. Za nju bě to duel ze swětłom a sćinom.

W prěnjej sadźbje pokazachu hosćo jara­ dobry wolejbul. Koncentrowani a z wot­powědnej lochkosću woni sadźbu do­minowachu a nadźěłachu sej spěšnje kom­fortabelny předskok. Po 21 mjeń­­šinach a dźesać dypkach diferency bě prěni přechod dobyty. Wšitko wupadaše za winowatostnym nadawkom, kotryž móhli „młodźi dźiwi“ z lochkosću sobu wzać.

Serbski derby doma přěhrali

wutora, 05. měrca 2019 spisane wot:

SJ Njebjelčicy – ST Marijina hwězda 0:2 (0:2)

Zestawa domjacych: Hahn – Kral, Wagner (46. Korjeńk), Hanuza, Šołta, Čornak (45. Hrjehor), Plaettner (72. Gödig), Pawlik, Ričel, Lejnart, Domš

zestawa hosći: Matik – Ch. Cyž (72. Bělk), Škoda, Hawš, Raab, Pakoßnick (46. Eldor), Pjetaš, Šmit, R. Cyž, Peschmann (62. Kuring)

Koparjo Njebjelčanskeje SJ wočako­wachu na lětušu třeću dypkowu hru jasneho načolnika wokrjesneje ligi, stafle 2 k serbskemu derbyjej. Z wulkim wotstawkom nawjeduje ST Marijina hwězda tabulku a ma zdobom tež najlěpši škit. Jeje wrotowy poměr po nětko 16 partijach je 47:4.

Najlěpši sudnik

wutora, 05. měrca 2019 spisane wot:
Daniela Gradera wot Wojerowskeho FC su jako najlěpšeho sudnika Zapadołu­žiskeho koparskeho zwjazka wu­znamje­nili. Grader je jako sudnik we wo­krjesnej wyšej lize zasadźeny a je w krajnej klasy jako pobóčny sudnik zasadźomny.

Wuslědki (05.03.19)

wutora, 05. měrca 2019 spisane wot:

Wolejbul, wobwodna liga – mužojo

1. Volleys Koblicy 12 36 : 5 36

2. CVJM Zhorjelc 12 33 : 15 30

3. Viktoria Worklecy  12 31 : 15 27

4. MSV Budyšin 04 II  12 21 : 25 14

5. Módro-běli Wojerecy II  12 19 : 24 13

6. ST Wulka Dubrawa 12 17 : 27 13

7. TSV Niederoderwitz  12 16 : 29 12

8. TSV Kundraćicy 12 19 : 30 12

9. OSSV Kamjenc 12 11 : 33 5

kopańca, wokrjesna liga, stafla 2

Wojerecy II – Wulka Dubrawa 2:2 (1:0)

Lubuš – Rakecy II/Šćeńca 0:2 (0:0)

Chrósćicy II – Malešecy 2:2 (2:0)

1. ST Marijina hwězda 16 47 : 4 45

2. HZ Łaz/Běły Chołmc 15 45 : 13 35

3. Traktor Malešecy 17 43 : 20 34

4. ST Ćisk II 16 30 : 19 33

5. ST Lubuš 17 24 : 16 26

6. Wojerowski FC II 17 26 : 25 26

7. HZ Wulke Ždźary 16 20 : 22 24

8. SJ Njebjelčicy 17 26 : 23 22

9. SV Haselbachtal 16 27 : 24 21

10. FSV Łuty 15 24 : 26 17

11. SJ Chrósćicy II 17 22 : 31 17

12. Nadrózna Hrabowka 16 24 : 37 15

13. ST Wulka Dubrawa 17 23 : 48 15

14. HZ Rakecy II/Šćeńca 17 17 : 45 11

15. ST Mały Wosyk 15 14 : 59 6

wokrjesna liga, stafla 1

Großröhrsdorf II – Huska/Hodźij 3:0 (2:0)

Lomnitz-Großn. II – Arnsdorf 1:1 (0:0)

Frankenthal – Bretn.-Hauswalde 1:2 (1:2)

ST Budyšin – ST Horni kraj II 2:2 (1:1)

Wachau – Wjernarjecy 6:0 (2:0)

Kubšicy – Wjelećin2:1 (2:1)

Bart – Biskopičanske KT II 0:6 (0:1)

Ottendorf-O. – Germ. Budyšin II 4:0 (2:0)

čoło tabulki

1. TSV Wachau 17 83 : 28 38

2. Horni kraj-Sprjewja II 17 52 : 22 33

3. Biskopičanske KT II 18 58 : 38 33

Zakitowar snadnje zwrěšćił

póndźela, 04. měrca 2019 spisane wot:

37. sokołski wolejbulowy turněr wo pokal Domowiny

Dokelž bě město Budyšin tydźenjej do najwjetšeho serbskeho wolejbuloweho turněra Serbskemu Sokołej sportowu halu­ na Budyskim Třělnišću wotprajiło, podachu so mustwa sobotu do Radworskeje „Slavije“. Krótko do napoł dźewjećich zahajichu zamołwići Serbskeho Sokoła mjeztym hižo 37. turněr wo pokal Domowiny a běchu zawěsće trochu wolóženi, zo bě wšitke 15 cyłkow do Radworja přijěło. Tak zahaji so woblubowany turněr najprjedy w třoch staflach ze stajnje pjeć teamami.

Serbski dom Budyšin pokal dobył

póndźela, 04. měrca 2019 spisane wot:
Při wysokim saku je so sobotu w Radworskej „Slaviji“ 15 mustwow wo 37. pokal Domo­winy wubědźowało. Na foće widźimy hru wučerjow Serbskeho gymnazija pře­ći­wo mustwu z Radworja. Do finalneho koła dóstachu so dobyćerske cyłki staflow­ MSV Budyšin, Bratrowstwo Róžant a Serbski dom Budyšin. Tak su sej delanscy wolej­bulisća najprjedy šansu wobchowali, swój lońši pokalny wuspěch zakitować. To pak so jim na kóncu njeporadźi. Z třomi dobytymi sadźbami měješe cyłk Serbski dom Budyšin nós prědku a sej pokal zawěsći. Bratrowstwo Róžant bě dwě sadźbje dobyło, MSV Budyšin jednu. (Čitaće tež na stronje 3.) Foto: Tomaš Šołta

Awtor dźensa

Křesćan Korjeńk

„Póstnicam sym klawn so přehot’wał a wšě mje spóznaja ...“ Takle spěwaja Lózy hólcy, poća­hujo so na pjaty počas a wosebity fluidum w Kulowje. Haj, dźensa mamy róžowu pón­dźelu a cyle wěsće knježi w Kulowje wulkotna atmosfera. Wo tajkej rozprawjeć je stajnje rjana wěc, to cyle wěsće kóždy redaktor rady čini.

Jako dóstach kónc zašłeho lěta plan pisa­nja, přemyslowach, wo čim drje budu móc čitarjam rozprawjeć. Dźensa tu sedźu a myslu na słowa soburedaktora: „Temow­­ je wjele: karusel trenarjow so wjerći, koparjo su dale a bóle dźiwadźelnicy a diskutowarjo, widejowy dopokaz, doping w zymskim sporće je mjeztym tež Němsku docpěł, wulkotne wuspěchi našich skakarjow, impozantna serija Łu­žiskich liškow, Sokołski turněr wo pokal Domowiny a politiske nastajenje sponsorow někotrych łužiskich mustwow.“

nawěšk

nowostki LND