Korutanscy Słowjency – Serbske mustwo 1:0 (0:0)

Zestawa Serbskeho mustwa: Boese – G. Zahrodnik, Wałda (80. Lobeda), Woko, L. Zahrodnik (87. Domaška), Hrjehor, Kral, Šuliš (51. Kobelt), Krawčik, Šołta (44. Brühl), Rinza (70. Bogusz)

Něhdźe 40 mjeńšin wot swojeho kwartěra při Klopinjskim jězora (Klopeiner See) zdalene wočakowaše Serbske mustwo w Sele (Zele) połfinalnu hru přećiwo domoródnym Korutanskim Słowjencam. Wotpowědnje wjele fanow pjelnješe tribunu stadiona pod Košuto (Koschutastadion). Tak bě sej horcy bój na hrajnišću w dole Karawankowych horin něhdźe 650 přihladowarjow wobhladało.

Fenomenalna podpěra

póndźela, 04. julija 2022 spisane wot:
Po dołhej busowej jězbje so nawróćiwši mnohich fanow w serbskich trikotach w Njebjelčicach wuhladać a zasłyšeć spěwanje přiwisnikow bě fenomenalne. Jako hrajer serbskeho mustwa podźakuju so tuž hišće raz za wašu sylnu podpěru přez cyły turněr. Hač wot doma abo w Korutanskej na městnje, zhromadnje z WAMI smy sebi tute do toho lědma předstajomne třeće městno ­wudobyli. Wulki dźak tohorunja wšitkim organizatoram, kotřiž běchu wot spo­čatka hač do kónca profesionalnje agě­rowali a so wo najlěpše wuměnjenja postarali. Wjeselimy so runočasnje nad tym, kotru euforiju a zdobom tež zajim za­móžachmy w běhu tutoho krótkeho časa za naš lud w tu- a wukraju wubudźić. Čim rjeńšo, zo nastupichmy tu jako mustwo z hornjo- kaž tež delnjoserbskimi hrajerjemi a zamołwitymi. Nadźijam so tuž, zo so potom za dwě lěće zaso wi­dźimy a znowa swjećimy: „Serbske ­mustwo, serbske mustwo, hej, hej“! Jan Bogusz

Widźał, słyšał, napisał (04.07.22)

póndźela, 04. julija 2022 spisane wot:

Awtor dźensa

Jurij Bjeńš

Po sezonje je do sezony a tohodla pobych w minjenych tydźenjach na tej abo tamnej zhromadźiznje, zo bychmy zaso nowu hrajnu dobu planowali.

Jězba njech dale dźe

pjatk, 01. julija 2022 spisane wot:
Serbske mustwo, olé! Tole bě wčera w Korutanskim Šmihelu a w hotelu łužiskich koparjow stajnje zaso słyšeć. Ale tež we Łužicy su přiwisnicy wulkotny wukon swojeho serbskeho mustwa swjećili a so njesměrnje radowali: Prěni raz w stawiznach wubědźowanja steji serbske mustwo w poł­finalu europeady! Wuběrny tole wukon. Tuž sym wjacorym koparjam a zamołwitym mustwa wosobinsce k docpěću połfinala gratulował. Přispomnju pak, zo njejstej wuspěchej jenož widejowej powěsći wobeju ministerskeju prezidentow Sakskeje a Braniborskeje Michaela Kretsch­mera a Dietmara Woidki a fanojo na kromje trawnika přinošowali, ale po mojim měnjenju předewšěm derje zestajane mustwo z koparjow z Hornjeje kaž tež z Delnjeje Łužicy. A tale z wobeju Łužicow zestajana wubranka so lětsa prěni raz na europeadźe wobdźěli a je hnydom chětro wuspěšna. Tuž mam tele hromadu zrosćene mustwo za woprawdźity recept wuspěcha a njech za nje jězba dale dźe! Janek Wowčer

Sport (01.07.22)

pjatk, 01. julija 2022 spisane wot:

Jubilejna hra w Radworju

Prěnje koparske mustwo ST 1922 Radwor hraje jutře wot popołdnja štyrjoch přećiwo regionalnemu koparskemu ligistej BSG Chemiji Lipsk. Budźe to koparski duel we wobłuku swjedźenskeho lěta. Dalše koparske hry:

02.07.  16:00  ST 1922 Radwor –

  BSH Chemija Lipsk

02.07.  17:00  Biskopičanske KT –

  Slovan Liberec

03.07.  12:30  Biskopičanske KT –

  BSG Chemija Lipsk

08.07.  18:30  Biskopičanske KT –

  Radebeulski BC

08.07.  19:00  FC Energija Choćebuz –

  Hertha BSC

Satkulabičtura startuje

Lětušu bičwolejbulowu turu serbskeho młodźinskeho sćelaka Radija Satkula zahaja póndźelu we Worklecach. Mustwa zetkaja so w 17.30 hodź., hrać budźe so na dwěmaj hrajnišćomaj wot 18 hodź. Mustwa, kotrež chcedźa so na wulkim finalu kónc awgusta w Miłoćicach wobdźělić, dyrbja znajmjeńša na jednej ze šěsć stacijow do kónčneho wurisanja sobu hrać.

04.07.22 Worklecy / 1. stacija

11.07.22 Budyšin / 2. stacija

18.07.22 Kulow / 3. stacija

25.07.22 Hórki / 4. stacija

01.08.22 Konjecy / 5. stacija

08.08.22 Pančicy / 6. stacija

15.08.22 Róžant / 7. stacija

22.08.22 Miłoćicy / finale

Přihoty za běh zaběželi

Plijberg. Po tym zo běchu předwče­rawšim, wutoru, poslednje skupinske hry na tuchwilu so wotměwacej europeadźe w Korutanskej wuhrali, móžachu sej koparske mustwa wčera mału přestawku popřeć. Srjeda, pjaty oficialny dźeń lětušeho koparskeho turněra europskich narodnych mjeńšin, steješe cyle w znamjenju mjezsobneje wuměny.

Tak wotmě so wčera na hłownym torhošću w Plijbergu (Bleiburg) kulturny dźeń, na kotrymž předstaji wšitke 19 mustwow swoju rěč a kulturu bliže. Program zahajichu Korutanscy Słowjency z wustupom dźěći domoródneje ludoweje šule, kiž zanošowachu słowjenske kaž tež němske pěsnje. Na to slědowace kulturne přinoški wopřijimachu wideja, wšelke spěwy abo reje jednotliwych narodnych mjeńšin. Předewšěm stawizny w tym zwisku bliže wobswětlichu. Najmjeńša ludowa skupina na lětušej europeadźe su Cymbrojo z Italskeje. Jich rěč wobknježi jenož hišće něhdźe 400 do 1 000 ludźi. Najwjetšu ličbu přisłušnikow maja Němcy z Južneho Tirola. Po oficialnych datach je jich něhdźe 350 000.

Hotuja sona wulku jubilejnu hru

štwórtk, 30. junija 2022 spisane wot:

Hdyž swjeća spočatk septembra w Ra­dworju 100 lět ST 1922 Radwor, potom budźe jubilejna hra Radworskich koparjow přećiwo BSG Chemiji Lipsk hižo w młódšich sportowych stawiznach zapisana. Što maja nimo toho w Radworju hišće planowane, wo tym je so Julien Glücklich z dołholětnym čłonom towarstwa ST 1922 Radwor Nicom Bušu rozmołwjał. Hižo styri lěta dźěła Ra­dworčan w předsydstwje, na dalše styri lěta je wón woleny.

Hdy sće započinali stolětny jubilej planować, kak a z kim?

N. Buša: Wězo smy hižo dołho wo tutym jubileju rěčeli, to pak we wěstych skupinach a tam jenož z wěstymi ludźimi. Konkretne plany nastachu w septembru 2021. Tam bu organizaciski komitej z pjeć čłonami wutworjeny. Mjeztym smy šesćo. Zetkamy so we wěstych wotstawkach. Tam potom wo aktualnych wěckach rěčimy, kiž dyrbimy runje organizować.

Kotre zarjadowanja su planowane a hdy budu so wone wotměć?

Serbja hraja pola Retoromanow

štwórtk, 30. junija 2022 spisane wot:
Při europskich koparskich mišterstwach narodnych mjeńšin je Serbski rozhłós spočatk tydźenja wo tym rozprawjał, zo wupomha koparskemu mustwu Retoromanow ze Šwicarskeje serbski wrotar David Matik (srjedźa, Nowoslicy). Matik, kotryž je hewak wrotar w sportowym towarstwje Marijina hwězda, bě jako turist do Awstriskeje přijěł a nětko hižo tři razy we wrotach Šwicarjow stał. Wutoru staj so potom dalšej serbskej koparjej mustwu Retoromanow přidružiłoj, zo byštaj jim wupomhałoj. Staj to Bosćan Donat (nalěwo, Chrósćicy) a Klemens Mark (naprawo, Łušć). Wobaj hrajetaj hewak za prěnje a druhe mustwo Sportoweje jednotki Chrósćicy. Foto: Beno Šołta

Serbscy koparjo su we wčerawšej poslednjej hrě skupinskeje fazy na europeadźe pola Korutanskich Słowjencow sylny wukon pokazali a so wěsće za štwórtkowne štwórćfinale kwalifikowali.

Zestawa: Boese – Bossens (77. G. Zahrodnik), Wałda, Woko, L. Zahrodnik (58. M. Zahrodnik). Hrjehor (64. Domaška), Krahl, Šuliš, Krawčik (59. Brühl), Kobelt, Bogusz (59. Rinca)

W Žitarej vsy (Sittersdorf) wotmě so za serbskich koparjow wčera popołdnju poslednja skupinska hra. Za serbsku wubranku bě to zdobom wažna hra wo kwalifikaciju za štwórćfinale, a to přećiwo mustwu Romow z Madźarskeje, kiž tworja zdobom najwjetšu etnisku skupinu w swojim kraju, něhdźe 200 000 přisłušnikow tam maja. Romojo běchu tohorunja, kaž łužiscy koparjo, wobě skupinskej hrě dobyli.

Wobaj cyłkaj startowaštej angažowanej do hry. Ta pak bě dominowana wot tójšto dwubojow a tež foulow, kotrež sudnik w hrě z někotrymi žołtymi kartami pochłosta. Trenar mustwa Romow dósta samo žołto-čerwjenu kartu.

Serbske mustwo koło dale

srjeda, 29. junija 2022 spisane wot:
Radosć knježeše wčera mjez čłonami a koparjemi serbskeho mustwa kaž tež serbskimi fanami na europeadźe w Awstriskej w Sportowym parku w Žitarej vsy (Sittersdorf), kotryž bě po informacijach Serbow na městnje kruće w serbskej ruce. Jako načolnik skupiny D je serbska wubranka wěsće štwórćfinale docpěła. Za to dosahaše wubrance z Łužicy njerozsudne 1:1 přećiwo mustwu Romow z Madźarskeje. Wšitcy serbscy koparjo pokazachu na trawniku wuběrne zasadźenje a bojownosć, kaž tule Jan Bogusz (nalěwo) přećiwo tohorunja sylnym Romam. Skónčnje buchu łužiscy koparjo za jich wukon mytowani. Wjace wo hrě čitaće na 3. stronje. Foto: Jörg Stephan

nawěšk

  • SERBSKE NOWINY – Wědźeć, što so stawa! –

Ze swjedźenskim kóncom tydźenja su njedawno w Slepom 9. mjezynarodny festiwal dudakow a zdobom 750. róčnicu wobstaća wsy hódnje woswjećili. Jako mały přikusk k rozprawnistwu podawamy zajimowanym čitarjam SN-o

nowostki LND