Lange fyzioterapeut pola Dynama

štwórtk, 03. februara 2022 spisane wot:
Njedawno bě na wobrazu w zwisku z interviewom ze serbskim lěkarjom Mattijom Bětnarjom a tež fyzioterapeut Tobias Lange (naprawo) ze swojim dźěłom pola Dynama Drježdźany widźeć. Lange je rodźeny Budyšan. W dorosće kopaše wón za Budissu Budyšin, pozdźišo pola muži potom za Traktor Malešecy. Do Malešec bě Langu jeho wuj Wolfgang Keck, znaty trenar w Budyšinje, wabił. Staršej Tobiasa Langi dźěłaštaj w serbskej ćišćerni Nowa Doba, zemrěštaj pak wobaj po ćežkej chorosći. Lange je hižo­ wot lěta 2011 fyzioterapeut Dynama Drježdźany. Foto: Jürgen Männel/jmfoto

Dokal sej dojěć sněhakować?

srjeda, 02. februara 2022 spisane wot:

We Łužicy tučasnje sněhakować abo sankować njemóžeš, sněh prosće faluje. Tuž dyrbiš znajmjeńša hodźinu jězby z awtom na so wzać, zo by so raz ­prawje w sněze wucychnować móhł. Jurij Bjeńš­ je k tomu małe naprašowanje zestajał.

Sabina Hejdušcyna z Nowoslic: Njedawno pobych ze swójbu w Geisingu pola­ Altenberga. Tam smy cyły dźeń sanko­wali. Wosebje našej wnučce je so to jara lubiło. Lift drje tam žadyn njeje, spěšnje pak sej stajnje zaso na horu doběžachmy. Běše to woprawdźe lóštny dnjowy wulět.

Stanisław Šewc z Róžanta: Podach so z ćahom do Awstriskeje, hdźež přebywachmy z přećelemi w rjanej hěće. Dyrbju přiznać, zo koronapandemije dla trochu dwělowach, hač sej tam dojědu. Běše pak to prawy rozsud, dokelž dožiwich tam jedyn ze swojich najrjeńšich dowolow. Pisty běchu wulkotnje preparowane, a słónco nam rjenje swěćeše. Koronowych postajenjow dla su zawěsće mnozy doma wostali, a tuž njeběchu pisty ko­pate połne, kaž to hewak ze zymskich dowolow znaju.

Wuslědki (02.02.22)

srjeda, 02. februara 2022 spisane wot:

Lodohokej DEL 2, 39. hrajny dźeń

LL Drježdźany – Łužiske liški  3:4

Lawy Frankfurt – EHC Freiburg  6:0

EC Bad Nauheim – EV Landshut 3:6

Selbske wjelki – Bayreuthske tigry 0:7

Ravensburg Towerstars – Kaufbeuren 2:5

Crimmitschau – Heilbronnske sokoły 6:1

DEL 2, 40. hrajny dźeń

ESV Kaufbeuren – Selbske wjelki 8:0

Heilbronnske sokoły – Frankfurt 3:5

EV Landshut – Tölzske lawy 6:2

Łužiske liški – Ravensburg Towerstars 2:5

Bayreuthske tigry – LP Crimmitschau 4:2

EHC Freiburg – EC Bad Nauheim 2:1

Aktualna lodohokejowa tabulka DEL 2

1. Lodowe lawy Drježdźany     39 86

2. Ravensburg Towerstars    38 84

3. Lawy Frankfurt     38 80

4. EC Bad Nauheim 40 72

5. Lodowi piraća Crimmitschau 40 67

6. EC Kassel Huskies 35 60

7. ESV Kaufbeuren 40 54

8. EV Landshut 38 51

9. EHC Freiburg 36 51

10. Heilbronnske sokoły 38 50

11. Tölzske lawy 40 48

12. Bayreuthske tigry 37 40

13. Łužiske liški 37 39

14. Selbske wjelki 38 19

Garlent hrajer dnja był

Łužiske lodohokejowe liški – Bayreuthske tigry 5:3 (2:1, 1:1, 2:1)

Duel mjez susodomaj w tabulce 2. lodohokejoweje ligi bě spočatnje wurunany. Móžnosće běchu na woběmaj bokomaj, preciznosć při třělwach pak hišće falo­waše. Tajku pokaza skónčnje Frédérik Caba­na. Wón měješe přewjele městna k dispoziciji a k 0:1 za Tigry přetwori. Dołho pak njetraješe, a Hunter Garlent wuwojowa sej puk a suny jón do syće. Hosćo njemějachu na to žanu wotmołwu. Za to zwyši Clarke Breitkreuz po přihrawce Petera Quennevilla w poslednjej sekundźe prěnjeje třećiny na 2:1.

Budyšan Jurij Nuk je čas spočatk lěta, kotryž je nimale bjez sportowych wuslědkow, wužił, zo by wo stawiznach swětowych lochkoatletiskich mišterstwow rozprawjał. Nuk bě a je sam zahority lochkoatlet. We wysokej starobje wobdźěla so wón přeco hišće na běhanskich wubědźowanjach we Łužicy.

1983 Helsinki

W tutym skandinawiskim kraju Europy wubědźowaše so 1 572 atletow ze 153 kra­jow swěta prěni króć wo titule swětowych mišterstwow w jednotliwych di­sciplinach lochkoatletiki. Mjena tajkich sportowcow kaž Carl Lewis, Sergej Bubka a Heike Daute, lěpje znateje pod jeje pozdźišim mjenom Drechsler, dóstanu so na zakładźe swojich wukonow do cyłeho swěta. Lewis (USA) dobudźe běh na 100 m (10,07 sek) a dalokoskok (8,55 m) a je čłon dobyćerskeje stafle na 4 x 100 m (37,86 sek). Tale polěpši samo swětowy rekord. Sergej Bubka (Sowjetski zwjazk) wubědźi sej dobyće w skakanju z tyčku (5,70 m). To bě za njeho spočatk wurjadneje dobyćerskeje serije, dokelž dobudźe wón na přichodnych dalšich pjeć swě­towych mišterstwach stajnje zaso złotu medalju.

Zazběh do přihotow startował

póndźela, 31. januara 2022 spisane wot:

FSV Budissa Budyšin młodźina A – SJ Chrósćicy 1:2 (0:1)

Za Budissu zasadźeni: Dorka – Kittan, Larisch, Mjechela, Günther, Hentsch, Schiller, Gerhardi, Preusche, Gehricke, Launer, Götze, Biesterfeld, Pech, Rätze

za SJ Chrósćicy zasadźeni: Králíček, Škoda, Mützner, L. Zahrodnik, Zynda, F. Cyž, Runt, G. Zahrodnik, Bogusz, Młynk, F. Zahrodnik, M. Zahrodnik, Paška, Wornar, Handrik, Hawš

Wrotar Łužiskich lodohokejowych liškow Leon Hungerecker bu w druhej Němskej lodohokejowej lize DEL 2 k hrajerjej měsaca­ december 2021 woleny. Hungerecker přesadźi so z 35 procentami hłosow přećiwo Jonasej Langmannej wot Ravensburg Towerstars (30 procentow wšěch wotedatych hłosow). Foto: Thomas Heide

Energija ze špatnym startom

póndźela, 31. januara 2022 spisane wot:

FC Energija Choćebuz – FC Carl Zeiss Jena 0:1 (0:1)

Zestawa domjacych: Stahl – Hasse (84. Böhmert), Eisenhuth, Hildebrandt, Borgmann, Kujovć (60. Putze), Erlbeck, Proničew, Schulz (60. Kremer), Engelhardt, Zografakis

wrota: 0:1 Fabian Eisele (38.)

Nic jenož wuslědk, tež wukon hosćićela na hrajnišću bě za 1 000 dowolenych přihla­dowarjow přesłapjacy. FC Energija njeje so ženje do hry namakała. Hosćo pak pokazachu wokřewjacu hru w ofensiwje. Tak so rumy za hraće za FCE přeco zaso pomjeńšichu. K tomu přidružichu so špatne přihrawki a domjacym hrajerjam pobrachowaše trěbna wola za do­byće. Tajku pak mějachu na hrajnišću hosćo z Durinskeje. W Choćebuzu poradźi so jim rewanša za poražku 0:1 doma w Jenje a wuslědk by hišće jasnišo wupadnyć móhł. Toni Stahl we wrotach Energije pak wysokej poražce zadźěwa, jako wón štyri do šěsć tak mjenowanych „stoprocentnych“ šansow wotwobara.

Awtor dźensa Tomaš Faska

Přichodny kónc tydźenja zahaja so XXIV. olym­piske hry w Pekingu. Mnozy přiwisnicy sporta a dru­zy wobkedźbowarjo wšeho dokoła wokoło po cyłym swěće maja tohodla mócne brjušebolenje. Přičiny za to su najwšelakorišeho razu. Tak je to na přikład prěni króć, zo wotměje so wony wusahowacy sportowy podawk dwaj razaj zasobu na aziskim kontinenće, 2018 wšak běchu hry w Južnej Koreji. Nimo toho je chinska stolica prěnje město, kotremuž prawo, wuhotować lěćne a zdobom zymske olympiske hry, spožčichu. Najwótrišu kritiku ze wšěch stron pak žněje kraj, kiž so Ludowa republika China mjenuje, za to, zo najzasadniše čłowječe prawa ze wšěmi móžnymi srědkami potłóčuje. Chłostanje ze smjerću, čwělowa­nje a dračowanje ludźi, lěhwa, w kotrychž maja so hinak myslacy „překubłać“ a po­dušowanje swobodneho měnjenja, to wšo a wjele wjace steji na dnjowym porjedźe w kraju z wjace hač jednej miliardu a 400 milionami wobydlerjow.

Wuslědki (31.01.22)

póndźela, 31. januara 2022 spisane wot:

Kopańca, regionalna liga muži

Halberstadt – BFC Dynamo 0:2 (0:1)

Meuselwitz – Luckenwalde 0:2 (0:0)

Lok Lipsk – Auerbach 1:0 (1:0)

Eilenburg – Rathenow 4:0 (2:0)

Kamjeničanski FC – Lichtenberg  0:0 (0:0)

Tasmania Berlin – Chemija Lipsk  0:1 (0:1)

Babelsberg – Hertha BSC II 3:0 (1:0)

Berlinski AK – Fürstenwalde 2:1 (2:1)

Altglienicke – Borussia Berlin 0:2 (0:1)

čoło tabulki

1. BFC Dynamo 23 56 : 20 52

2. Berlinski AK 22 38 : 24 47

3. FC Energija Choćebuz 23 53 : 20 45

4. Lok Lipsk 21 45 : 19 45

5. FC Carl Zeiss Jena 22 42 : 22 43

6. SV Babelsberg 23 33 : 22 41

7. Kamjeničanski FC 23 37 : 22 39

8. VSG Altglienicke 21 37 : 26 38

nawěšk

nowostki LND