Awtor dźensa Jurij Bjeńš

Pjatk wječor pobychmy po dołhim času zaso raz w Běłej Wodźe, zo bychmy sej Łužiske lodohokejowe liški wobhladali. Lodohokejowa sezona je wšak so před třomi tydźenjemi zaso zahajiła a tuž tłóčachmy druhemu zwjazkowemu ligistej z Łužicy w lodowym stadionje palcy, zo domjacu hru přećiwo Bad Nauheimej dobudźe. Tola hosćo z Hessenskeje běchu na kóncu zbožowniše mustwo a duel z 1:0 za sebje rozsudźichu. Byrnjež jenož jedne wrota padnyli, běše duel na lodźe chětro horcy, emocionalny a hač do poslednjeje sekundy napjaty. Tójšto sylnych čekow při bandźe, mnoho šansow na woběmaj stronomaj a tři mjeńše rozestajenja mjez hrajerjemi běchu přičina, zo so tež w fanowym bloku Łužiskich liš­kow chětro warješe. Tón wšak je tak a tak jedyn z najwótřišich cyłeje ligi. A to bě pjatk wječor zaso raz pytnyć. Tež 10 hóstnych fanow, kiž stejachu pódla nas, přeco zaso swoje šmóratko ze zaka wućahnychu a łužiski fanowy blok filmowachu. Móžu kóždemu doporučić, sej tež raz do Běłeje Wody dojěć a tónle sportowy event live dožiwić. Domjace hry su tam stajnje pjatk abo njedźelu wječor.

Awtor dźensa Michał Nuk

Quo vadis, łužiski triatlonje? Znajerjam sceny je zawěsće napadnyło, zo na wšelakich blakach runje klaca. So wě, wčera wotmě so prěni raz Ironman 70.3 Drježdźany. Ale tajku premjeru sej organizatorojo zawěsće přeli njeběchu. Prěnjotnje wšitko derje wupadaše, polo bě z 2 700 startowymi městnami wuknihowane za wubědźowanje srjedź julija. Tola potom stajichu so hamty na prěki a so na kolesowej čarje postorkowachu. Po wjacorych pospytach změnow dyrbješe so wubědźowanje najprjedy wotprajić. Po chwilce drje so poradźi z 18. septembrom nowy termin namakać, ale mjeztym běchu mnozy sportowcy swoju sezonu přeplanowali. Tak dźeše wčera jenož hišće něhdźe tysac wobdźělnikow do wubědźowanja, kotrež smědźeše Budyšan Maik Petzold jako wosebity hósć startować. A jako njeby to dosahało, činješe zymne, pancate wjedro sportowcam sylnje klubu, samo płuwanska čara dyrbjachu wo skoro połojcu skrótšić. Wuslědki běchu tuž jenož druhorjadne. W socialnych medijach wuprajichu so mnozy, zo ma Drježdźanski ironman najebać wšě ćežew wulki potencial.

Widźał, słyšał, napisał (12.09.22)

póndźela, 12. septembera 2022 spisane wot:

Awtor dźensa

Andre Strelow

Widźał, słyšał, napisał (05.09.22)

póndźela, 05. septembera 2022 spisane wot:

Awtor dźensa

Tadej Cyž

Widźał, słyšał, napisał (29.08.22)

póndźela, 29. awgusta 2022 spisane wot:

Awtor dźensa

Beno Šołta

Awtor dźensa

Tomaš Faska

Lěćo je „čas kisałych kórkow“, žurnalisća husto praja. Wšak so wjele mjenje stawa. Tole wobkedź­buju tuchwilu tež zaso na polu sporta. Wusahowacych sportowych podawkow wšak runje přewjele njeje. Žónske europske mišterstwa w kopańcy, kiž tež mje woprawdźe zahorichu, běchu w zańdźenym času nimale jenički wusahowacy mjezynaro­dny sportowy wjeršk. A tak pytaja nowiny a sćelaki wočiwidnje trochu zadwělowane za woprawdźe kedźbyhódnymi podawkami, kotrež wužadaja sej wjac, hač stróz­b­ne rozprawnistwo. Němskej telewiziji k zbožu honja tu a druhdźe zaso koparjo za bulom a hdyž najpozdźišo potom, zjawno-prawniska telewizija zdźěla samo dypkowe hry 3. ligi w cyłej dołhosći wusywa, je skromnosć při rozprawnistwje wočiwidna.

Awtor dźensa Pětr Šołta

Lube čitarki a lubi čitarjo sportoweje kolumny, snano sće so runje z dowola nawróćili abo so hišće na njón wjeseliće. Sam sym runje wosrjedź swojeho dowola, čehoždla sym tute linki hižo před tydźenjomaj napisał. Tónraz w stilu telegrama, tak móžu so krótko a słódko najwšelakorišim temam wěnować.

- - -

Stanley Cup w lodohokeju je mustwo z Colorado dobyło. Z tym njeje sej Tampa Bay Lightning hattrick wudobyła. To by něšto było! Wjetša škoda pak je, zo su nadběhowarja Tampy Ondřeja Paláta do New Jerseya wuměnili. Čech je njesprócniwy dźěłaćer před wrotami přećiwnika a je wosebje w playoff-hrach swoju kwalitu jako lodohokejist-nadběhowar přeco zaso wobkrućił. W nowym mustwje ma wón rólu nawjedowarja přewzać. Widźimy, hač móže na swoje dobre wukony nawjazać.

- - -

Widźał, słyšał, napisał (01.08.22)

póndźela, 01. awgusta 2022 spisane wot:
Awtor dźensa Měrko Korjeńk

Rekordy maja w sporće wosebity wuznam, wšojedne hač su to swětowe, europske, němske abo cyle jednorje hobbyjowe. Wone su wusko zwjazane z docpěćom najlěpšeho wukona. Jako 10lětny hólčec widźach w telewiziji, tehdy čorno-běły wobraz, grandiozny nowy swětowy rekord w dalokoskoku. Bob Beamen z USA bě 18. oktobra 1968 w měsće Mexiku na XIX. olympiskich lěćnych hrach hnydom w prěnim pospyće njewšědne 8,90 m skočił. Rozbudźenje nasta mjez funkcionarami blisko jamy za dalokoskok. Měritko za tajku dalokosć njemějachu, a wobstaranje traješe dźesać mjeńšinow. Hakle nětko zhoni swět, zo je Bob Beamen stary swětowy rekord wo 55 centimetrow polěpšił. Dalši wosebity swětowy rekord sćěhowach 20. julija 1984 w telewiziji při lochkoatletiskim wubědźowanju „Olympiski dźeń“ w Berlinje. 22lětny modelowy atlet Uwe Hohn z ASK Do­prědka Podstupim ćisny hlebiju na njezapřijomne 104,80 metrow, skoro přez cyłe koparske polo. Tróšku kuriozne bě při­powědźenje noweho swětoweho rekorda z 04,80 m na pokazowanskej tafli. Tale njebě na pjeć ličbow wusměrjena, a tak falowaše jedynka.

Awtorka dźensa

Tereza Wićazowa

Při tučasnych europskich mišterstwach w žónskej kopańcy by tójšto naležnosćow wobrěčeć móhli. Tola sćelaki kaž ARD, kiž hry wusyłaja, wzdawaja so zwjetša přihotowanskeje rozrěče do a wuhódnoćenju resp. rozmołwy po hrě.

Widźał, słyšał, napisał (04.07.22)

póndźela, 04. julija 2022 spisane wot:

Awtor dźensa

Jurij Bjeńš

Po sezonje je do sezony a tohodla pobych w minjenych tydźenjach na tej abo tamnej zhromadźiznje, zo bychmy zaso nowu hrajnu dobu planowali.

Serbska debata

nowostki LND