Wotměnjawa hra a wažne dypki

srjeda, 16. septembera 2015
artikl hódnoćić
(0 )

SJ Njebjelčicy

– SV Haselbachtal 5:4 (1:2)

Zestawa domjacych: Hahn – Hrjehor (46. Kral), Haška, Šołta, Dubaw, Hoier, Hanuza, Lejnart (87. Ričel), Cyž, Hoelzel, Čornak (77. Mjechela)

Přihladowarjo, kotřiž su sej minjenu njedźelu w Njebjelčicach koparsku hru wobhladali, rozsud zawěsće njewobžaruja. Wot spočatka­ bě wona wotměnjawa a dosć atraktiwna. Hłowne přičiny toho běchu hrube zmylki na woběmaj bokomaj, ale tež sylne­ nadběhi a krasnje wuhrate wrota.

Wosebje w 1. połčasu njenamakachu domjacy­ prawy taktiski recept. Haselbachtalčenjo strašnje nadběhowachu. Jich wonkowni škitarjo starachu so tak přeco zaso wo wjetšu ličbu hrajerjow na kř­idłomaj. A Njebjelčenjo mějachu z tym wulke problemy. Hižo po 11 mjeńšinach hosćo z dwojimi wrotami na­wjedowachu. Wo 0:1 postara so Rauprich, wo 0:2 Frenzel. Po krótkim šoku pak Njebjelčanscy hrajerjo wotućichu. Po staci­jach Dubaw – Lejnart – Hanuza docpě bul Čornaka­, kiž z niskej třělwu na 1:2 skrótši­.

wozjewjene w: Sport
Prošu přizjewće so, chceće-li komentar podać

Serbska debata

nowostki LND