Sport (27.07.18)

pjatk, 27. julija 2018 spisane wot:

Start do noweje hrajneje doby

FC Energija Choćebuz, postupnik do třećeje koparskeje ligi Němskeje, a re­gionalny koparski ligist Budissa Budyšin startujetej jutře a njedźelu do hrajneje doby 2018/2019. Budissa wočakuje jutře, sobotu, wot 13.30 hodź. FC Vikto­riju 1889 Berlin a FC Energija Choćebuz njedźelu wot 13 hodź. FC Hansu ­Rostock.

Přihotowanske koparske hry

28.07. 11:00  SJ Chrósćicy –

  Jednota Kamjenc

28.07. 14:00  Rakečanske ST –

  Fortuna Trjebin

28.07. 15:00 Módro-běli Minakał –

  Módro-běli Kulow

29.07. 12:30 SJ Chrósćicy II –

  FSV Bretnig-Hauswalde

29.07. 14:00  FSV Wopaka –

  Sokoł Ralbicy/Hórki

03.08. 18:30  SJ Njebjelčicy –

  ST Großnaundorf

03.08. 19:00  Sokoł Ralbicy/Hórki –

  VfB Hellerau-Klotzsche

04.08. 14:00  SJ Njebjelčicy II –

  Módro-běli Kulow II

Wulki jěchanski turněr

W Bošecach pola Kubšic přewjedu Budyscy jěcharjo na tamnišim jěchanišću wot pjatka hač do njedźele 12. wulki Budyski jěchanski turněr. Nimo skakanja budu so jěcharki a jěcharjo tež w dresurje wubědźować. Pjatk a sobotu započnu so wurisanja rano we wosmich, njedźelu hodźinu pozdźišo.

Sport na wjesnym swjedźenju

Mustwa 3. ligi 2018/2019

1. FC Kaiserslautern

Eintracht Braunschweig

F.C. Hansa Rostock

FC Carl Zeiss Jena

FC Energija Choćebuz

FC Würzburger Kickers

FSV Zwickau

Hallescher FC

Karlsruher SC

KFC Uerdingen 05

SC Fortuna Köln

SC Preußen Münster

SG Sonnenhof Großaspach

SpVgg Unterhaching

SV Meppen

SV Wehen Wiesbaden

TSV 1860 Mnichow

VfL Osnabrück

VfL Sportowi přećeljo Lotte

VfR Aalen

29.07. 13:00 Choćebuz – Hansa Rostock

05.08. 13:00 Wehen Wiesbaden –

Choćebuz

08.08. 19:00 Choćebuz – Unterhaching

Nowopřichad za ofensiwu

štwórtk, 26. julija 2018 spisane wot:
Regionalny koparski ligist Budissa Budyšin je so w ofensiwje z 21lětnym Niclasom Treuom z Hildesheima zesylnił. Wobě stronje stej zrěčenje na jedne lěto podpisałoj. Pola Lüneburgskeho SK Hansa je Niclas Treu hižo w regionalnej lize sewjer hrał a tam w 23 hrach dwoje wrota docpěł. Před tym kopaše Treu pola Eintracht Braunschweig U 19 (zwjazkowa liga sewjero­wuchod, 22 zasadźenjow/6 wrotow), VfL Wolfsburg (zwjazkowa liga sewjerowuchod, 22/3) a VfL Wolfsburg U 17 (zwjazkowa liga sewjerowuchod, 21/3). Na foće je widźeć nowopřichad Budissy Niclas Treu (nalě­wo) ze swojim nowym trenarjom Tostenom Gütschowom. Foto: Torsten Zettl

W testowej partiji podleželi

srjeda, 25. julija 2018 spisane wot:

SJ Njebjelčicy – Lok Slepo 2:4 (0:1)

Zestawa domjacych: Matješk – Ričel, Kral, Gödig, Hanuza, Plaettner, Haška, Šołta, Čornak (46. Lejnart), Domš, Korjeńk

Po dwójnym treningu měrjachu zašłu sobotu Njebjelčenjo w prěnjej přihotowanskej hrě swoje mocy ze Slepjanskim koparskim mustwom. Mnohe lěta stej so cyłkaj prawidłownje w dypkowych partijach wubědźowałoj. Njebjelčanski trenar Handrij Krawčik nastaji poměrnje młode mustwo, a to hnydom ze štyrjomi nowačkami. To běchu Józef Matješk, kotryž je so zaso wot SJ Chrósćicy nawróćił, ­a Oliver Domš, kiž je w Njebjelčanskim dorosće hrał a so w Kamjencu pola Jednoty dale wukmanił. Nimo toho hrajetaj za mustwo SJN nětko Wiliam Plaettner z Kamjenca a Franc Gödig z Njeswačidła.

Partija běše ze wšeho spočatka poměrnje spěšna a bojowniska. Handrij Korjeńk zjewi so w spočatnej štwórć ho­dźinje dwójce před wrotami hosći, ale njezamó do wrotow trjechić. W 25. min. zadyri bul po wótrje třělenym róžku w krótkim kuće do Matješkowych wrotow k 0:1. Dalšu šansu přez Plaettnera wrotar wotpopadny.

Serbaj w Lipsku startowałoj

srjeda, 25. julija 2018 spisane wot:

Marian Žur z Lejna (nalěwo) a Beno Šołta z Miłoćic (naprawo) – triatletaj tri-teama-Serbja – staj so njedźelu w Lipsku na 35. Lipšćanskim triatlonje wobdźěliłoj. Žur bu na­ olympiskej distancy 98. a Šołta wobsadźi 128. městno. Interne serbske mocy­měrjenje Lejnjan potajkim znowa doby. Na wobrazu steja hišće Tilo Mayer a Sandro Besold (wobaj BLV čerwjeno-běli 90 Budyšin) a Torsten Müller (OSSV Kamjenc).

Foto: Marian Žur

Napjaty sportowy podawk z 28 cyłkami

wutora, 24. julija 2018 spisane wot:

5. turněr w třělenju jědnatkow w Sulšecach

„Jako tu 2014 prěni raz stejachmy, bě Němska čerstwy swětowy mišter a my witachmy na prěni turněr 14 mustwow. Nětko, štyri lěta pozdźišo, su Němcy drje blamabelnje zwrěšćili, za to pak sće so wy z dohromady 28 přizjewje­njemi wo to postarali, zo přewjedźemy tu dźensa jedyn z najwjetšich turněrow Sakskeje w třělenju jědnatkow – wutrobny dźak wam!“, tak powita sobotu popołdnju hłowny organizator Stephan Prucha wšěch wobdźělnikow w delnich Sulšecach. W dohromady sydom staflach wojowachu tam cyłki ze susodnych wjeskow wo zaćah do wosmifinala. Cyłkaj z Hermsdorfa abo Choćebuza měještaj najdlěši přijězd.

Wuspěšnje do přihotow startowali

wutora, 24. julija 2018 spisane wot:

ST Kinspork/Łužnica

– SJ Chrósćicy 2:3 (1:3)

Zestawa hosći: Králíček – Dehn, Püschel, Sentivan, Lešawa, Špitank, G. Zahrodnik, Henzel, Beneš, Baldeh, Młynk

Prěnje mustwo Chróšćanskeje SJ nastu­pi minjeny pjatk w prěnjej testowej hrě noweje hrajneje doby we Łužnicy. Mustwo hraje we wokrjesnej wyšej lize a bě w zašłej hrajnej dobje 12. městno wobsadźiło. Chróšćenjo nastupichu ze ze­stawu, kajkaž dotal tak hišće dawała njeje. Nowi hrajerjo ze swójskeje młodźiny běchu­ sobu, kaž na přikład Nick Lešawa, kotryž hraješe wot započatka sem. Tež Tadej Špitank steješe po nimale dwěmaj lětomaj zaso raz na hrajnišću, po tym zo bě so ćežko při kolenu zranił. W ofensiwje stejachu z Filipom Henzelom a Jakubom Benešom tež nowi koparjo na hrajnišću.

Europeada-termin postajeny

wutora, 24. julija 2018 spisane wot:
Termin za štwórtu Europeadu – koparske mišterstwa awtochtonych narodnych mjeńšin Europy – je postajeny. Planowane je, hrać w tydźenju wot 20. junija 2020 w Awstriskej pola Korutanskich Słowjencow. Znowa z cyłkomaj muži a žonow chce so Serbska koparska wubranka wob­dźělić. Problematiski pak budźe termin za tójšto młodych hrajerkow a hra­jerjow kaž tež přiwisnikow a swójby wubran­kow, dokelž započnu so wulke prózdniny hakle měsac pozdźišo. Nimo toho budźe w času Europeady 2020 tež pruwowanski čas. Jurij Bjeńš

Koparski camp

wutora, 24. julija 2018 spisane wot:
56 dźěći z 19 sportowych towarstwow je so­ minjeny tydźeń na 8. prózdninskim ko­parskim campje ewag, kotryž orga­nizuje a přewjedźe Zapadołužiski koparski zwjazk (WFV) při Baltiskim morju njedaloko połkupy Darß w Fuhlendorfje wobdźěliło. Mjez 15 pomocnikami a trenarjemi bě tež Józef Šwon, čłon před­sydstwa Serbskeho Sokoła. Klětu camp za dźěći w starobje 10 do 14 lět w prózdninskim arealu Seeigel posledni raz přewjedu, dokelž póńdźe mějićel za dwě lěće do­ renty. Zamołwići Zapadołužiskeho koparskeho zwjazka pak pytaja hižo za nowym domicilom. Jurij Bjeńš

Přichady a wotchady Budissy Budyšin

wutora, 24. julija 2018 spisane wot:

Regionalny koparski ligist Budissa Budy­šin je w zašłych tydźenjach tójšto nowopřichadow za hrajnu dobu 2018/2019 prezentował a na tamnym boku hnydom wjacorych hrajerjow rozžohnował. Nowinarski rěčnik Budissy Torsten Zettl je raz přehlad zestajał.

přichady: Alexander Schidun (škit/Jednota Kamjenc), Marcel Bär (škit/ Dyna­mo Drježdźany U 19), Eric Merkel (škit/Biskopičanske KT 08), Stefan Richter (trenar za wrotarjow), Philipp Dartsch (škit/SpVgg Bayern Hof), Marek Langr (nadběh/Jednota Kamjenc), Christopher Schulz (wrotar/SpVgg Bayern Hof), Mateusz Ciapa (srjedźne polo/U 19 1. FC Magdeburg), Michael Schlicht (srjedźne polo/1. FC Schweinfurt 05), Niclas Treu (nadběh/Lüneburger SK Hansa)

wotchady: Franz Pfanne (srjedźne polo/SV Rödinghausen), Paul Milde (nadběh/Kamjeničanski FC), Max Gehrmann (nadběh/njeznate), Ezequiel Rosendo (srjedźne polo/kónc karjery), Jan Schulz (wrotar/Kaiserslautern II), Toni Barnickel (srjedźne polo/Jednota Kamjenc), Norman Kloß (srjedźne polo/Biskopičanske KT 08), Tobias Heppner (škit/Biskopi­čanske KT 08) Torsten Zettl

nawěšk

nowostki LND