Sport (30.10.15)

pjatk, 30. oktobera 2015 spisane wot:

Volleyball a blidotenis

We Worklečanskej ćěłozwučowarni hraja jutře wot 13 hodź. volleyballisća tamnišeje Viktorije přećiwo cyłkej z Hamora/Běłeje Wody a wot 15 hodź. přećiwo načolnikej, Kupoji-Nowej Łuce. We 18 hodź. přizamknje so na samsnym městnje blidotenis. Potom wočakuja Worklečanscy blidotenisća sportowcow prěnjeho mustwa z Korzymja.

Prěni domjacy hrajny dźeń

Hnydom dwě premjerje změja jutře wot 14 hodź. w Pančičanskej sportowej hali Marijine hwězdźički. Wone hraja we wobwodnej volleyballowej lize prěni raz doma. Nimo toho je to za nje prěni domjacy hrajny dźeń sezony 2015/2016. jich prěni přećiwnik je Kupoj-Nowa Łuka, w 16 hodź. wočakuja VV Žitawu 09 II.

Kawasakije testować

Firma Zweirad Pfeil z Durinskeje poskići jutře, sobotu, zaso móžnosć, nowe Kawasakijowe­ modele testować, a to wot 10 do 16 hodź. na motocrossowej čarje w Jaworje. Tele modele su pódla: KX 85, KX 250 F a KX 450 F.

Wokrjesne pokalne koło

Dobyće sej zasłužili

štwórtk, 29. oktobera 2015 spisane wot:

ST Ćisk II

– Sokoł Ralbicy/Hórki II 1:3 (0:1)

Zestawa hosći: Cyž – Bogusz, Zynda, Róbl, Bejmak, Kobalc, Kř. Matka, Serbin, M. Matka, Kurjat (64. Bernard), Šmit

Ćišćanska koparska rezerwa steji lětsa tež w pincy tabulki a je zdobom direktny susod­ Sokoła Ralbicy/Hórki II. Wona wuži­ swobodny hrajny dźeń prěnjeho mustwa a zesylni so ze štyrjomi jeho hrajerjemi. Mjez nimi bě wrotowy garant Rostam Geso. Tež mustwo Sokoła běše derje nastajene. Z Křesćanom Bejmakom, Křesćanom a Michałom Matku běchu to tónraz třo z nazhonjenjom we wokrjesnej wyšej lize.

Hra so derje započa. W 11. min. přesadźi so spěšny Michał Matka na lěwej stronje. Tam nahra Róbla, kiž preciznje dosrjedźa sflankowa, a Šmit direktnje přetwori. Tež přećiwnik pak běše přeco zaso strašny, a to wosebje z dołhimi třělwami k spěšnym nadběhowarjam. Tomu polěkowaše, zo stejachu Ralbičenjo tróšku přewysoko. Tak wuskoči wjele róžkow, a tuž so w šěsnatce stajnje paleše. Dwě dobrej móžnosći Bejmak­ njewuži. Dwójce so přesadźi, před wrotami pak zaprajichu jemu čuwy. Krótko do połčasa posłuži Michał Matka ze zakładneje linije Šmita, tola tež wón njetrjechi.

Za 300. hru wuznamjenjeny

štwórtk, 29. oktobera 2015 spisane wot:
Tomaš Domaška (nalěwo) bu minjenu njedźelu do domjaceje hry přećiwo Póstej Germania Budyšin wot wjednistwa SJ Chrósćicy za 300. hru w trikoće Chróšćanskeje sportoweje jednotki wuznamjenjeny. Kapitana počesćištaj wotrjadnik za kopańcu Jan Macka (naprawo) a pokładnik Rony Škoda. Foto: Clemens Šmit

Wuslědki (29.10.15)

štwórtk, 29. oktobera 2015 spisane wot:

Wokrjesna koparska liga, stafla II

Bluń – Nowe Město II 0:2 (0:2)

Lubuš – HZ Łaz1:1 (1:0)

Wětnica/Hola – Hory II 2:2 (1:0)

Ćisk II – Ralbicy/Hórki II 1:3 (0:1)

Rakecy II – Hórnikecy 6:0 (4:0)

Wojerecy 1919 – N. Hrabowka 2:0 (1:0)

1. Wojerecy 1919 8 22  :  8 19

2. FC Łužica 8 17  :  10 18

3. Rakecy II 8 22  :  5 17

4. Hory II 8 21  :  14 14

5. Nowe Město II 8 26  :  15 13

6. Bluń 8 16  :  11 12

7. HZ Łaz 7 10  :  5 12

8. Lubuš 8 12  :  19 11

9. Ralbicy/Hórki II 9 15  :  20 10

10. Njeswačidło 6 17  :  14 9

11. N. Hrabowka 8 17  :  15 9

12. Hórnikecy 9 14  :  23 8

13. Wětnica/Hola 9 15  :  35 8

14. Ćisk II 9 18  :  30 7

15. Šćeńca 7 12  :  30 4

„Templ“ Dynamowcow wopytali

srjeda, 28. oktobera 2015 spisane wot:
Wulke wjeselo měješe 1. koparske mustwo Chróšćanskeje SJ wčera, wutoru, w stadionje Dynama Drjezdźany. Město treninga dyrbjachu swoje kmanosće při warjenju słódneje wječerje dopokazać. Na to přizamkny so wodźenje po „templu“ Dynamowcow. Chróšćansy koparjo su wšitkim, kotřiž běchu jim njezapomnite dožiwjenje zmóžnili, za wulkotny wječor jara dźakowni, kaž zwuraznichu. Foto: Fabian Pöpel

Dobyće droho zapłaćili

srjeda, 28. oktobera 2015 spisane wot:

SJ Chrósćicy

– Póst Germania Budyšin 3:0 (3:0)

Zestawa hosći: Králíček – Pöpel, Schulze, Cyž, Dórnik, Runt, Domaška, F. Zahrodnik (50. Bogusz), Młynk (46. M. Zahrodnik), Věchet (30. Šmit), Žur

Wuslědki (28.10.15)

srjeda, 28. oktobera 2015 spisane wot:

Regionalna koparska liga

BFC Dynamo – Neustrelitz 3:1 (1:0)

Jena – Berlinski AK3:1 (1:1)

Halberstadt – RB Lipsk II 0:2 (0:1)

Zwickau – Neugersdorf 3:1 (1:1)

Babelsberg 03 – Auerbach 1:0 (0:0)

Budissa Budyšin – Rathenow 2:0 (0:0)

Meuselwitz – Luckenwalde 3:0 (2:0)

FC Viktoria – Nordhausen 0:2 (0:1)

Schönberg – Hertha BSC II 1:1 (0:0)

1. Nordhausen 12 20  :  7 27

2. Zwickau 12 24  :  9 26

3. Jena 12 18  :  5 25

4. BFC Dynamo 12 29  :  18 24

5. Neugersdorf 12 20  :  11 24

6. Berlinski AK 12 15  :  6 22

7. Babelsberg 03 12 13  :  7 21

8. Budissa Budyšin 12 17  :  10 18

9. Auerbach 13 17  :  20 18

10. Neustrelitz 13 20  :  19 17

11. Schönberg 12 15  :  12 15

12. Hertha BSC II 12 15  :  19 15

13. Meuselwitz 12 14  :  21 13

14. RB Lipsk II 12 12  :  20 11

15. Rathenow 12 9  :  22 7

Njekedźbliwosć k remisej wjedła

wutora, 27. oktobera 2015 spisane wot:

ST Marijina hwězda

– SV Großröhrsdorf II 3:3 (2:0)

Zestawa domjacych: O. Schmidt – Wróbl, Sbjeznie, Škoda, Lipič, Rab, Pakoßnick (61. Langer), T. Jurš, P. Schmidt, Winkler (78. Peschmann), D. Jurš

Zo njebychu Pančičanscy koparjo kontakt k hornjej třećinje tabulki zhubili, dyrbjachu zaso raz dobyć. Hrajachu tuž z wulkim ćišćom doprědka. Prěnjej móžnosći měješe Jakub Pakoßnick. Přećiw­nik měješe w prěnim połčasu jeničku naspomnjenjahódnu šansu, kotruž pak wrotar Oliver Schmidt wotwobara. Po tym hrajachu jenož hišće domjacy. Tež Alex Winkler a Dawid Jurš pak wostaš­taj bjez wuspěcha. 1:0, kotrež bě dawno hižo na rjedźe, třělichu w 27. min. Pas Pakoßnicka bě Tomaš Jurš přiwzał a z mjerwjeńcy trjechił. Tři mjeńšiny do pře­stawki bu Dawid Jurš w šěsnatce z njefairnymi srědkami zadźeržany, a sudnik pokaza­ na ominozny dypk. Foulowany kopar sam třěli a trjechi k 2:0 (42.).

Wrota hakle w druhim połčasu

wutora, 27. oktobera 2015 spisane wot:

Budissa Budyšin

– FSV Optik Rathenow 2:0 (0:0)

Zestawa domjacych: J. Jakubov – Kolan, Klippel, Patka, Čermák, Hoßmang (87. Fröhlich), Reher (76. Heppner), Rosendo (85. Pfanne), Kral, Salewski, Walther

Po někotrych wuspěšnych hrach chcyše Budissa Budyšin w regionalnej koparskej lize tež přećiwo postupnikej FSV Optik­ Rathenow na kóždy pad dobyć a tři dypki na swoje konto knihować. Z ćiš­ćom zahaji hosćićel hru přez křidle. Jeničce wužiwanje šansow bě chětro špatne. Najwjetše móžnosće za njeho mějachu Hoßmang (15.), Walther (20., 32.) a Čermák (35., 39.). Z 0:0 pak podaštej so mustwje do kabiny.

Pokal steji we Worklecach

wutora, 27. oktobera 2015 spisane wot:

W sportowej hali Wojerowskeho Leo­na Foucaultoweho gymnazija wotmě so lětuše finalne koło wo wuchodosakski volleyballowy pokal. W třoch předskupinach kwalifikowachu so za kónčne duele tři mustwa z wobwodneje ligi: Hamor/Běła Woda, Viktoria Worklecy a Módro-běli Woje­recy II.

Za Viktoriju Worklecy zasadźeni běchu: Marko Brězan, Milan Budar, Jan Bětnar, Clemens a Ludwig Eckert, Stefan Gedik, Jurij Lipič, Marcel Rjelka a Marko Smoła; trenar: Mato Eckert.

Módro-běli Wojerecy II – Hamor/Běła Woda 2:0 (30:28, 25:17)

Rezerwa Módro-běłych měješe samo domjacu lěpšinu. W prěnjej hrě přewi­ny wona Hamor/Běłu Wodu z 2:0, při čimž bě wuslědk prěnjeje sadźby chětro snadny.

Módro-běli Wojerecy II – Viktoria Worklecy 1:2 (25:12, 23:25, 9:15)

nawěšk

SERBSKE NOWINY podpěruja:

Novi Sad – kulturna stolica Europy

nowostki LND