Awtor dźensa

Jan Hrjehor

Minjene dny dóstawaše Serbski Sokoł kóždy dźeń znajmjeńša dwě mejlce, w kotrychž zwjetša steješe, „zo je so naš syn njesměrnje nad nominowanjom wjeselił, a zo je wězo přiwozmje“. Třěšny zwjazk serbskich sportowych zjednoćenstwow a jednotkow bě mjenujcy z pomocu zamołwitych koparskich towarstwow wjacorym hrajerjam nominowanje za dorostowe koparske wubranki pósłał. A wšitcy su je přiwzali.

Před lětomaj bě so sportowy přećel Hanspeter Benad z Budyšina pola za­moł­witych Serbskeho Sokoła naprašo­wał, hač njeby móžno było, zo nastupja młodźi serbscy koparjo w Bukecach we wobłuku turněra młodźiny D ze Serbskej koparskej wubranku (SKW). Z Tobiasom Škodu z Wotrowa a Křesćanom Bejmakom z Miłoćic su Sokoljo hnydom angažowaneju SKW-muži namakali, kotrajž běštaj zwólniwaj najlěpšich dorostowych koparjow w starobje jědnaće a dwanaće lět do cyłka zwjesć a so z nimi prěni raz w serbskich sportowych stawi­znach na turněrje wobdźělić.

Wuslědki (29.06.15)

póndźela, 29. junija 2015 spisane wot:

Kónčnej koparskej tabulce

wokrjesna klasa, stafla I

1. ST Mały Wjelkow 28 105 : 29 64

2. ST Budyšin II 28 102 : 32 63

3. ST Huska 28 85 : 22 62

4. Budissa 08 Budyšink 28 72 : 33 56

5. SZ Wjelećin II 28 68 : 37 56

6. Zeleno-běli Bukecy II 28 81 : 53 51

7. TSV 90 Wjazońca II 27 80 : 70 48

8. Čerwj.-běli Šěrachow 28 65 : 67 39

9. Concordia Załom II 28 53 : 65 34

10. ST Kubšicy II 28 45 : 73 29

11. TSV Wjernarjecy II 28 39 : 89 22

12. ST Bart 90 II 28 29 : 90 22

13. ST 1922 Radwor II 28 38 : 73 21

14. SZ Steinigtwolmsdorf 28 36 : 81 18

15. Módro-běli Minakał 28 29 : 113 14

wokrjesna klasa, stafla III

1. LSV Hory 1990 II 28 114 : 20 76

2. ST Wóslink/Skaskow 28 94 : 25 62

3. FSV Šćeńca 28 99 : 40 55

4. FSV Łuty II 28 70 : 46 50

5. FC Łužica Wojerecy II 28 91 : 45 49

6. SJ Njebjelčicy II 28 65 : 49 47

7. SJ Chrósćicy 1981 II 28 57 : 45 45

8. ST Lubuš II 28 47 : 42 41

9. Natwar Něm. Pazlicy II 28 52 : 54 37

10. Marijina hwězda II 28 62 : 95 33

11. Hórnikecy II 28 74 : 70 32

12. HZ Łaz/Běły Chołmc II 28 53 : 62 29

13. ST Wětnica/Hola II 28 39 : 126 18

14. Zeleno-běli Sepicy III 28 16 : 107 17

15. FSV Łuty III 28 32 : 139 10

Sport (26.06.15)

pjatk, 26. junija 2015 spisane wot:

Wočakuja wopyt z Čěskeje

SJ Njebjelčicy wočakuje jutře, 27. junija, wjelelětnych sportowych přećelow mustwa Sokol Roztoky z Čěskeje. Wot připoł­dnja wotměja na Njebjelčanskim sport­ni­šću mały sportowy swjedźeń. W 13 hodź. započnje so dorostowy koparski turněr. Wot 16 hodź. hraja mužojo – Sokol Roztoky a cyłkaj SJ Njebjelčicy. Dźěćom poskića wšelaku zabawu. Ćělne derjeměće budźe zaručene. Wječor zet­kaja so wšitcy k zhromadnej bjesadźe w stanje. Nje­dźelu wuleća sej do Ottendorfa-Okrille na tamniše koparske golfowanišćo.

Pokalne koparske hry

Dwě hrě a štyri dypki

štwórtk, 25. junija 2015 spisane wot:

Hermsdorfske ST

– SJ Njebjelčicy 1:2 (1:1)


SJ Njebjelčicy

– Arnsdorfski FV 1:1 (1:1)

Zestawa hosći: Hahn – Šołta, Haška, Pawlik, Hrjehor (88. Hoier), Kral, Cyž, Hommel, Dubaw, Lejnart, Čornak (53. Hanuza)

Do poslednjeje hry minjenu njedźelu nastupichu Njebjelčanscy koparjo wutoru tydźenja w Hermsdorfje k nachwa­tanskej partiji, kotruž njeběchu sobotu do toho njewjedra dla přewjedli. Bjez­mała bychu Njebjelčenjo w 7. min. nawjedowali, ale třělwa Čornaka bu na wrotowej liniji wotwobarana. Přez wótry kop do hornjeho třiróžka pak poradźi so Lejnartej we 28. min. 0:1. Krótko do přestawki domjacy přez konter z niskej třělwu wurunachu.

W 2. połčasu hosćo wuhrate šansy k dalšim wrotam njewužichu. Hakle w 83. min. trjechi Cyž z wólnym kopom nisko do delnjeho kuta dobyćerske 1:2.

Zestawa domjacych: Hahn – Šołta, Haška, Pawlik, Hrjehor (71. Čornak), Hanuza, Hommel, Kral (46. Dubaw), Cyž, Lejnart, Ričel (71. Hoier)

Minjenu njedźelu, w poslednjej partiji hrajneho lěta 2014/2015, bě wotpohlad Njebjelčanskeju trenarjow Handrija Kraw­čika a Detlefa Panica, sej tři dypki doma zdźeržeć.

Dobru sezonu na 5. městnje skónčili

štwórtk, 25. junija 2015 spisane wot:

Sokoł Ralbicy/Hórki

– Drohotka Ramnow 4:2 (1:1)

Zestawa domjacych: Gloxyn – Matka, von Köding, Schultz, Bjeńš, Wowčerk, Korjeńk Šołta, Čórlich, Rawš (43. Wałda), Domaška

K poslednjej dypkowej hrě witachu Sokoljo koparjow z Ramnowa. Wobě mu­stwje so w tabulce wjace wulce polěpšić njemóžeštej a chcy­štej tuž ofensiwnje wustupować. Domjacym pobrachowaše pjeć hrajerjow, hosćom sydom. Domaška měješe prěnju móžnosć za Sokoł. Jeho kop pak dźěše snadnje wyše wrotow. Po tym­ mějachu Ramnowčenjo hnydom tři dobre składnosće nawjedowanja. Stajnje pak běše Gloxyn na městnje a za­statkej za­dźě­wa. Trenar Thomas Schultz po­­zbu­dźi swojich hrajerjow, skónčnje wotućić a dwuboje přiwzać. W 20. min. hrajachu hosćo wróćo k wrotarjej. Tón pak bul za­šmjata, Domaška sej jón hrabny a docpě 1:0. Tři mjeńšiny na to móhł Domaška druhe wrota třělić, dokelž bě po přihrawce Korjeńka nadobo sam před wrotarjom. Krótko do přestawki pak Grohmann za hosći wuruna.

Tójšto organizatoriskich problemow dyrbješe so rozrisać, zo by docyła k volley­ballowemu pokalnemu finalu žonow­ w Budyšinje přišło. Dźakowano angažementej stafloweje wjednicy Susi Glücklichoweje pak je so poradźiło, štyri­ mustwa na jednym wječoru w jednej hali zhromadźić. Spočatnje wulosowachu, štó ma přećiwo komu nastupić. Marijine hwězdźički wućahnychu sej los najćešeho kontrahenta, wokrjesneho wicemištra MSV Budyšin 04 II.

ST Marijina hwězda – MSV Budyšin 04 II 2:0 (25:18, 25:17)

Hosćo z Pančic běchu drje z minimalnej wobsadku přijěli, za to pak so zmužiće a z bojownosću do hry dachu. Přećiwnik, kotryž bě dotal wšitke hry přećiwo Marijinym hwězdźičkam bjez wulkeje prócy dobył, bě partiju tónkróć po wšěm zdaću na lochke ramjo wzał. Tak poradźi so serb­skim žonam hnydom w prěnjej sadźbje překwapjenka. A dokelž bě tak rjenje, wone tež druhi přechod a hru dobychu. To knježeštej wysk a jusk. Wšako to rěkaše, zo stejachu w finalu.

Wuslědki (24.06.15)

srjeda, 24. junija 2015 spisane wot:

Kopańca, wokrjesna liga, stafla II

1. Łuty 26 63 : 24 64

2. Rakecy II 26 59 : 29 50

3. Kamjenc II 26 55 : 35 42

4. Lubuš 26 55 : 44 42

5. Nadrózna Hrabowka 26 48 : 36 40

6. FC Łužica 26 54 : 46 39

7. Bluń 26 57 : 62 35

8. Ćisk II 26 47 : 62 33

9. Hórnikecy 26 59 : 58 32

10. Nowe Město II 26 44 : 53 32

11. HZ Łaz 26 42 : 44 28

12. Ralbicy/Hórki II 26 24 : 47 21

13. Wětnica/Hola 26 46 : 80 18

14. Kulow II 26 31 : 64 17

wokrjesna liga, stafla III

1. Kinspork 26 83 : 20 64

2. Großnaundorf 26 50 : 31 50

3. Frankenthal 26 62 : 42 46

4. Ottendorf-Okrilla 26 54 : 30 45

5. Marijina hwězda 26 47 : 46 40

6. Großröhrsdorf II 26 44 : 49 37

7. Liegau-Augustusbad 26 55 : 47 33

8. Njebjelčicy 26 54 : 54 33

9. Haselbachtal 26 41 : 52 32

10. Arnsdorf 26 44 : 41 29

11. Němske Pazlicy 26 33 : 54 27

12. Großharthau 26 40 : 62 27

13. Porchow 26 37 : 53 26

14. Hermsdorf 26 26 : 89 14

Ralbičenjo znowa dobyli

wutora, 23. junija 2015 spisane wot:

19. koparski turněr starych knjezow wo pokal Serbskeho Sokoła

Hižo loni w Chrósćicach bychu klóšterscy kopa­rjo pokal Serbskeho Sokoła dobyć móhli. We wšo rozsudźacej hrě pak njemóžachu ST 1922 Radwor přewinyć. Tež lětsa tomu tak bě, a Ralbičenjo běchu ći zbožowniši. Sokoł Ralbicy a ST Marijina hwězda měještej z dźewjeć dypkami samsnu ličbu ličakow, za to pak rozdźělny wrotowy poměr.

Přeprosyło bě předsydstwo Serbskeho Sokoła šěsć cyłkow, přijěło bě pjeć. Kóždy hraješe přećiwo kóždemu, a to stajnje 12 mjeńšin. Pod nawodom sudnika Matijasa Krala ze Smjerdźaceje běchu hry fairne. Negatiwne pak bě, štož turněrowemu nawodźe Janej Hrjehorjej po wurisanju napadny, zo je so tójšto koparjow zraniło.

Slěbro za beachvolleyballistow SGB

wutora, 23. junija 2015 spisane wot:

Na wuchodosakskim finalu we wubědźowanju „Młodźina trenuje za olympiju“ rjany wuspěch žnjeli

Po wurjadnych wuslědkach w předkołach dojědźechu sej volleyballisća 9. a 10. lětnika Serbskeho gymnazija Budyšin (SGB) k Olbersdorfskemu jězorej pola Žita­wy, zo bychu nětko w pěsku swoje kmanosće dopokazali. Turněr wotmě so po systemje „best of three“, tak zo so jednotliwe rozestajenja 3:0 abo 2:1 skónčichu. Mustwa wobstejachu stajnje z hól­čeje a holčeje dwójki kaž tež z měšaneho porika, kotrež hrajachu po dwěmaj sadźbomaj hač do 21 dypkow.

Wonkowne wuměnjenja běchu z 20 stopnjemi dobre. Sylny wětřik pak načini beachvolleyballistam problemy. Druha partija SGB přećiwo Gymnazijej Christiana Weisy Žitawa bě předrozsudźaca. Dwójka Józef Hantuš z Radworja / Matej Cyž z Chrósćic přesadźi so w prěnjej sadź­­bje z 21:14 a nawjedowaše druhu hižo­ z 20:19. Je­nički dypk jimaj falowaše, krótko po tym pak juskaštaj Žitawčanaj nad snadnym 20:22. Rozsudny třeći přechod bě znowa dramatiski. Při stawje 13:13 njekiwaše serbskej dwójce trěbne zbožo, wona přěhra sadźbu z 13:15.

Přez lěta hižo zetkawaja so młodźi sportowcy w juniju na Budyskej Młynkec łuce, zo bychu so na wokrjesnej spartakiadźe wo medalje w lochko­atletiskich disciplinach wubědźowali. Stajnje su tež serbske dźěći a młodostni pódla, najwjace z nich za hosćićelske Wuchodosakske lochkoatletiske towarstwo Budyšin, kotrež wubědźowanje z wulkej prócu organizuje.

W starobnej klasy W 14 wusahowaše Tere­za Pöpelec (SJ Chrósćicy). W sprinće na 100 m bě wona z 13,35 sek. najspěš­niša, tež w kulostorku (9,10 m) ju nichtó njedosćahny. K tomu skoči w daloko­skoku ze 4,59 m na slěborne městno. Wusahowace wukony pokaza tež za Jednotu Kamjenc startowacy Marko Ryćer (MU18) na 200metrowskej čarje (23,56 sek.) a w dalokoskoku (5,49 m), štož wunjese jemu złoto a slěbro.

nawěšk

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.

nowostki LND