Skónčnje tež doma dobyli

štwórtk, 29. nowembera 2018 spisane wot:

SJ Chrósćicy

– SG Weixdorf 3:2 (2:2)

Zestawa domjacych: Králíček – L. Zahrodnik, Sentivan, Cyž, Püschel, M. Zahrodnik (89. Lešawa), G. Zahrodnik, Henzl, Kral (68. Henčl), Młynk (91. Špitank), Beneš

Minjenu njedźelu nastupichu koparjo Chróšćanskeje SJ doma přećiwo SG Weixdorfej. Woni njeběchu tři hry za sobu přěhrali a chcychu po dobrych wukonach skónčnje tež na domjacym traw­niku połnje dypkować. Přećiwnik pak bě jim­ dotal přeco ćeže načinjał. W druhej seriji minjeneje sezony podležachu jemu Chróšćenjo jasnje z 1:6. Z Pavelom Runtom, Feliksom Cyžom a dalšimi falowachu jim tež hrajerjo, tak zo dyrbješe trenar Detlef Panic tróšku přestajić.

W 1. połčasu hra rozsudźena była

štwórtk, 29. nowembera 2018 spisane wot:

ST Hnašecy-Dobruša

– ST 1922 Radwor 2:0 (2:0)

Zestawa hosći: Jendrewski – Šěrak, Henka, Reinecke, Bauer, Schulze, Wjeńka, Omran, Amar, Kral (64. Wjacławk), Hančik

Po druhim dypku kermušnu njedźelu chcychu so Radworscy koparjo na 13. hrajnym dnju skónčnje z prěnim do­byćom stopnjować. Bohužel pak skónči so hra kaž hižo lětsa tak husto bjez dypkow­ za nich.

Basketballisća Serbskeho gymnazija Budyšin (SGB) su regionalne finale starobneje skupiny I – 11. a 12. lětnik – wurisanja „Młodźina trenuje za olympiju“ w Radworju sensacionelnje dobyli.

Kajki to minimalny, ale jara zwjeselacy wukónc za basketballistow SGB na regionalnym finalu w Radworju? Do tamnišeje sportoweje hale „Slavia“ dojědźechu sej hrajerjo třoch gymnazijow wuchodneje Sakskeje, zo bychu swojeho mištra w starobnej skupinje hólcow 11. a 12. lětnika postajili. A dokelž je kóžde mustwo jednu partiju dobyło a jednu přěhrało, by wo kónčnym zaměstnjenju najprjedy diferenca docpětych košow rozsudźiła. Wona bě pak pola našich hólcow (49:42) a šulerjow Zhorjelskeho gymnazija Augustum-Annen (51:44) ze sydom dyp­kami jenaka. Jako dalši kriterij wužiwa so w tutej bulosportowej družinje matematiska formula diferency wšěch wuhratych dypkow. Dokelž wučinješe to pola SGB 1,17 a pola Zhorjelca 1,16, dosahaše tutón mólički předskok jedneje dźesaćiny hólcam SGB za złoto. A woni so njesměrnje radowachu.

Wuslědki (28.11.18)

srjeda, 28. nowembera 2018 spisane wot:

Kopańca, 3. liga

Halleski FC – SG Großaspach 2:0 (1:0)

Osnabrück – Energija Choćebuz 3:1 (1:0)

Carl Zeiss Jena – Unterhaching 4:5 (2:2)

Zwickau – Meppen1:1 (0:1)

NOFV-krajna liga

Markranstädt – Taucha  1:0 (1:0)

Wocl Riesa – Pirna-Copitz  0:2 (0:2)

Radebeul – Grimma3:1 (1:1)

Kamjenc – Olbernhau 4:1 (2:0)

Niska – Großenhain2:0 (1:0)

Glauchau – Lößnitz0:0 (0:0)

Kamjenica – Mittweida 2:0 (0:0)

Nowosólc-Hródk – Markkleeberg 5:1 (2:1)

1. Jednota Kamjenc 13 32 : 11 31

2. FC Grimma 13 31 : 11 29

3. FC 1910 Lößnitz 13 25 : 15 23

4. Großenhainski FV 90 13 25 : 16 21

5. FSV Nowosólc-Hrodk 13 26 : 17 20

6. FV Přezjednota Niska 13 16 : 20 20

7. VfL Pirna-Copitz 07 13 23 : 18 19

8. BSG Wocl Riesa 13 22 : 24 19

9. Kickers Markkleeberg 13 18 : 20 19

10. Radebeulski BC 08 13 18 : 17 18

11. SSV Markranstädt 13 14 : 13 17

12. BSC Rapid Kamjenica 13 21 : 32 15

13. Germania Mittweida 13 14 : 28 14

14. SV Olbernhau 13 16 : 29 13

15. SG Taucha 99 13 18 : 25 11

16. VfB Empor Glauchau 13 12 : 35 5

Dramatiski a přiwšěm wuspěšny hrajny dźeń

wutora, 27. nowembera 2018 spisane wot:

Po dwěmaj njezbožownymaj poražkomaj w cuzymaj halomaj pola prěnjeho a druheho wobwodneje ligi chcychu wolejbulisća Viktorije Worklecy posledni­ hrajny dźeń prěnjeje połserije doma na kóždy pad dypkować, zo bychu­ třeće městno w tabulce skrućili a z wul­kim předskokom do adwentneje a hodowneje přestawki hić móhli.

Znowa pak běchu předznamjenja špatne. Swójbnych přičin dla pobrachowaštaj wobaj hłownaj nadběhowarjej. Po krótkej mustwowej rozrěči rozsudźichu so hosćićeljo na połne riziko, a to w zestawje z youngsterom Renéjom Schusterom. Tón bě mjenujcy naposledk solidne treningowe wukony pokazał. Kapitan Ludwig Eckert přewza poziciju wonkowneho nadběhowarja. W tej zestawje mustwo hišće ženje hromadźe hrało njeje, štož bě wězo zwažliwe předewzaće. Kak pak Worklečenjo situaciju zmištrowachu, bě sensacionelne.

Viktoria Worklecy 92 – MSV Budyšin II 3:1 (25:15, 23:25, 25:20, 25:18)

Z dypkom dyrbja spokojom być

wutora, 27. nowembera 2018 spisane wot:

ST Hnašecy/Dobruša

– Sokoł Ralbicy/Hórki 3:3 (0:1)

Zestawa hosći: Schöne – Matka, Schultz, Šewc, Budar (50. Materna), M. Kurjat (62. Strelow), Šołta, Korjeńk, Rawš, G. Kurjat, Domaška

Horce duele ze snadnym wukóncom běchu w minjenych lětach stajnje date, jako so koparjo Hnašec/Dobruše a Sokoła Ralbicy/Hórki na hrajnym polu zetkachu. Tak tež minjenu srjedu, jako zahwizda sudnik nachwatansku hru na kumštnym trawniku w Dobruši. Před tydźenjomaj dyrbjachu partiju wotprajić, dokelž njemějachu w Dobruši milinu. Trenarjej Chrystofej Gloxynej znowa někotři chowancy chorosće dla pobrachowachu. Za to wupomhaštaj staraj zajacaj André Strelow a Heiko Zynda – prěni mjenowany hraješe w 2. połčasu wažnu rólu.

Kopicu móžnosćow njewužiwali

wutora, 27. nowembera 2018 spisane wot:

SJ Chrósćicy II

– ST Wulka Dubrawa 0:1 (0:0)

Zestawa domjacych: Hejduška – Dórnik, Mark, Bětnar, Wowčer, Šołta, Šmit (88. Klimant), Žur, Lešawa, Liznar, Donat (58. Jakubaš)

Po wuspěchomaj minjeneju dypko­weju hrow podachu so koparjo rezerwy Sportoweje jednotki Chrósćicy nadźijepołni na dalše dobyće přećiwo cyłkej z Wulkeje Dubrawy.

ST Radwor – ST Kinspork/Łužnica 1:1 (1:0)

Zestawa domjacych: Jendrewski – Šěrak, Omran, Bauer, Zähr (44. Wjeńka), Nuk, Henka, Mark, Amar (82. Glücklich), Schulze, Reinecke

Swoju kermušu dyrbjachu so Radworscy koparjo z Kinsporkom/Łužnicu měrić, kotryž ma w swojich rjadach z Ro­bertom Rüthrichom najlěpšeho třělca (13 wrotow) we wokrjesnej wyšej lize. Při zymnym wjedrje bě duel wot spočatka na jednej runinje. Hra drje njeběše dobra, ale kóžde mustwo měješe swoje šansy­. K zbožu Radworčanow měješe Julius Jendrewski we wrotach znowa dobry dźeń a někotre dobre składnosće hosći jara derje wotwobara. Na tamnym boku pak hosćićeljo wjacore stoprocentowske šansy přetworić njemóžachu, tak zo zwosta na kóncu při sprawnym wuslědku 1:1. Nawjedowanje za Radwor nasta po dobrym nadběhu přez prawy bok. Nadběhowar Amar Dawe bu w šěsnatce foulowany, a Fabian Šěrak jědnatku wěsće přetwori. Hosćo mějachu přeco zaso dobre šansy, ale skićachu Radworčanam wulke dźěry. Tom Schulze a Stephan Reinecke spytaštaj je přeco zaso wužiwać, zwrěšćištaj pak najpozdźišo na wrotarju. Při stawje 1:0 sudnik k přestawce wot­hwi­zda.

Wuslědki (27.11.18)

wutora, 27. nowembera 2018 spisane wot:

Kopańca, krajna klasa

Ćisk – Drježdźany-Strěžin 3:1 (1:0)

Horni kraj – Rotacija Drježdźany 1:4 (1:4)

Großröhrsdorf – Nowe Město 2:5 (1:1)

Borea Drježdźany – Trjebin 2:3 (1:1)

Laubegast – Běła Woda  2:2 (0:1)

Chrósćicy – Weixdorf 3:2 (2:2)

Neugersdorf II – Oderwitz II 0:3 (0:1)

1. LSV Nowe Město 11 33 : 12 23

2. FC Neugersdorf II 11 21 : 15 22

3. Laubegast 11 25 : 14 19

4. SZ Drježdźany-Strěžin 11 20 : 13 19

5. VfB Běła Woda 1909 11 34 : 22 16

6. SG Weixdorf 11 22 : 21 16

7. ST Ćisk 11 21 : 21 15

8. FSV Oderwitz II 11 15 : 14 14

9. SC Borea Drježdźany 11 17 : 17 14

10. SJ Chrósćicy 11 24 : 31 13

11. TSV Rotacija Drježdź. 11 19 : 27 12

12. SC Großröhrsdorf 11 18 : 18 11

13. ST Trjebin 11 12 : 28 8

14. ST Horni kraj-Sprjewja 11 14 : 42 7

16. VfB Empor Glauchau 13 12 : 35 5

regionalna liga žonow

BSC Marzahn – RB Lipsk wupad

Rudne horiny Aue – Steglitz  2:2 (0:0)

Union Berlin – Hohen Neuendorf 6:2 (4:0)

Skónčnje zaso raz wuspěšni

póndźela, 26. nowembera 2018 spisane wot:

SJ Njebjelčicy – SC Mały Wosyk 4:0 (1:0)

Zestawa domjacych: Matješk – Kral, Haška, Šołta, Hanuza, Domš, Lejnart, Čornak (75. Pawlik), Wagner (63. Plaettner) Hoelzel, Korjeńk (63. Hrjehor)

nawěšk

nowostki LND