Z tradiciju w Pančicach je, zo wuhotuja wolejbulisća tamnišeho sportoweho towar­stwa mjez hodami a silwestrom swój nowolětny turněr.

Kaž kóžde lěto su tež wosebje w gmejnje wo mustwa wabili, wšako ma wubědźowanje ludosportowy charakter a měri so přewažnje na swójbne a wjesne cyłki. Tež hdyž so termin tónkróć z koparskim tur­ně­rom Worklečanskeje skupiny CDU křižowaše, bě jědnaće wolejbulowych mustwow 30. hodownika do Pančičanskeje hale přišło.

Wot připołdnja hrajachu w Pančicach-Kukowje cyłki ze wsy, z Miłoćic, Kašec a dalšich wokolnych wsow, haj samo ze Šu­nowa, přećiwo sebi w dwěmaj staflomaj. W prěnjej stafli wopokazachu so koparjo-stari knježa spěšnje jako faworit. Tež w druhej stafli tukaše wjetšina na jasne dobyće Kukowskich hólcow a muži. Zbytk hrow pak bě jara wurunany. Kóžde zastupnistwo smědźeše so radować nad dobyćemi, ale dyrbješe tež raz poražene z pola hić. Tak njezadźiwa, zo rozsudźichu na kóncu małe dypki wo dalšim wotběhu turněra. Prěnjej mustwje wobeju staflow hraještej nětko přez křiž přećiwo sebi. Tak přewinychu Kukowčenjo mustwo z Miłoćic.

FC Energija Choćebuz – 1. FC Magde­burg 0:4 (0:2)

Kaž hižo přećiwo Halleskemu FC su Choćebuscy koparjo tež načolnikej třećeje ligi­, přećiwo 1. FC Magdeburg w swójskim stadionje z 0:4 podleželi. Tule so jim scyła ničo njeporadźi.

Hosćo z Magdeburga (FCM), kotřiž startuja hižo za tydźeń w Großaspachu do druheje połserije, započachu w prěnjej połojcy z najlěpšej formaciju. Ta běše jasnje sylniša hač prěnja zestawa ho­sćićela. Do partije běchu so zamołwići na njewšědny hrajny čas dwójce 60 mjeńšin dojednali, dokelž bě pola hosći w treningowym lěhwje přihotowanska hra wupadnyła.

Magdeburgski trenar Jens Härtel dósta tak móžnosć, spočatk druheho połčasa kompletnje nowe mustwo na hrajnišćo pósłać. Čerstwa jědnatka nuzowaše koparjow Energije k běhanju za hosćimi. Bě jasnje spóznajomne, zo mocy pola domja­cych w druhim přechodźe popušćichu. Wjacore razy dyrbješe Energija zestawu přestajić. FCM pak móžeše so wucychnować.

Přihotuja volleyballowy turněr

póndźela, 15. januara 2018 spisane wot:

Silwester wo połnocy je so přizjewjenski čas za 36. sokołski volleyballowy turněr wo pokal Domowiny skónčił. Někotre dny pozdźišo Serbski Sokoł wozjewi, zo bě so jenož dwanaće mustwow za turněr přizjewiło. Hladajo na ličby w lětach 2017 (20), 2016 (20), 2015 (20) a 2014 (22) je to chětro mało. Za sportowu redakciju Serbskich Nowin je so Jurij­ Bjeńš z městostarostu Tomašom Šołtu rozmołwjał.

Sće tež překwapjeni byli, zo je so jenož dwanaće mustwow přizjewiło?

T. Šołta: Na wězo: loni 20, lětsa dwanaće – to je jara wulki rozdźěl. Na njedawnym posedźenju předsydstwa Serbskeho Sokoła pak steješe na přizjewjenskej lisćinje hišće třinaty cyłk, kotryž bě hakle spočatk januara přizjewjenski pjenjez přepokazał.

Třinaće pak tež njeje runjewon optimalna ličba za volleyballowy turněr ...

T. Šołta: Wěm, zo so nawoda turněra Jan Hrjehor tuchwilu wo štyrnate, pjatnate a 16. mustwo prócuje a zo je so dalše hižo přizjewiło. Jedne abo dwě wjace by wězo lěpje było.

Što su přičiny snadneje ličby přizjewjenjow a hišće w januarje, byrnjež termin 31. decembra był?

Respektabelny wukon pokazali

póndźela, 15. januara 2018 spisane wot:
Prěni raz je so delnjołužiske mustwo Serbske balokoparje sobotu na lětušim 10. łužiskim brunicowym cupje w Choćebuskej Łužiskej arenje wobdźěliło a respektabelny wukon docpěło. Kaž zarjadowarjo zdźělichu, su delnjoserbscy koparjo přećiwo cyłkam krajneje ligi a krajneje klasy „derje sobu dźerželi“, skónčnje pak dosahaše jeno­ za předposlednje městno. Dobyćer turněra rěkachu Strobice, kotrež běchu so w finalu 6:1 přećiwo SC Grodkej přesadźili. Wuznamjenjenje pak Serbske balokoparje přiwšěm dósta­chu: Jako najlěpšeho wrotarja počesćichu z jich rjadow Dennisa Schreibera. Foto: Michael Helbig

Energija prěni test jasnje přěhrała

póndźela, 15. januara 2018 spisane wot:

FC Energija Choćebuz – Halleski FC­ 0:4 (0:2)

Dwoje spěšne wrota po kapitalnymaj zmylkomaj w škiće přećiwo třećemu kopar­skemu ligistej z Halle w prěnich mjeńšinach wodźachu hru spěšnje do jednoho směra. Energija sej po wrotach něhdyšeho Choćebužana Matthiasa Fetscha (4., 13.) přiwšěm wjacore dobre móžnosće nadźěła. Gabriel Boakye, Maximilian Zimmer, Kevin Weidlich a Streli Mamba pak njemóžachu je wužić. Tónle manko partiju, kotraž njebě jednostronska, naposledk rozsudźi.

Dalše wrota w druhim połčasu třěli­štaj Martin Ludwig (74.) a Hilal El-Helwe (87.). Nimo toho zastupjerjo medijow zwěsćichu, zo pobrachuje młodym akteram, kotřiž w druhim połčasu na woběmaj stronomaj hrajachu, hišće trěbna měrnosć při bulu.

Awtor dźensa

Toni Ryćer

Prěnje wuznamne motorsportowe zarjadowanje spočatk kóždeho lěta je Rallye Dakar. Tele po zdaću najnaročniše wubědźowanje je přeco njesměrnje wulke wužadanje za jězdźerjow a techniku. Prěnja „Dakar“ startowaše 1978 w Parisu. Tehdy mjenowaše so oficialnje Rallye Paris-Dakar a wjedźeše woprawdźe z francoskeje stolicy do hłowneho města Senegala na afriskim kontinenće. Z wěstotnych přičin su motorsportowe wurisanje w lěće 2008 wotprajili. Organizatoram běchu z terorowym nadpadom napřećo wobdźělenym sportowcam hrozyli. Dokelž pak so wosebje awtomobilowe twornje za dalewjedźenje jara prestižneho a lukratiwneho podawka zasadźachu, so zamołwići rozsudźichu jenož hišće jako Dakar pomjenowanu rallye w Južnej Americe přewjesć. Mnohim přiwisnikam tohole sporta so radikalna změna njelubješe, přetož bojachu so, zo so jara naročny charakter pominje. Ale hižo po prěnim lěće 2009 skeptikarjo womjelknychu. Čara přez peruske pusćiny, boliwiske wysočiny a dźiwje přestrjenje Argentinskeje wopokazachu so jako najćešo wob­knježomne wužadanja.

Sport (12.01.18)

pjatk, 12. januara 2018 spisane wot:

Koparske wokrjesne mišterstwa

Zapadołužiski koparski zwjazk zarja­duje jutře, sobotu, wot 15 do 20 hodź. w sportowni při Kamjenskim lětanišću njeoficialne halowe mišterstwa WFV. Loni je sej pokal tak mjenowaneho 6. RB-cupa cyłk LSV Hory 1990 zawěsćił, pře­winywši w finalu Wojerowski FC z 3:2. W stafli A hraja nětko ST Mały Wjelkow, SC Mały Wosyk, Arnsdorfske KT, FSV Bretnig-Hauswalde a ST Budissa 08 ­Budyšink. W stafli B nastupja mustwa Natwar Němske Pazlicy. LSV Hory 1990, Wojerowski FC, Módro-běli Njeswačidło a ST Ćisk II.

Na ptačokwasny wolejbul

Wólnočasni wolejbulisća Žołto-módrych Kulow wuhotuja póndźelu, 15. januara, „ptačokwasny turněr“ za prošene mustwa. Wot 19.15 hodź. wubědźuje so na dwěmaj hrajnišćomaj sportoweje hale šěsć cyłkow.

Běhi po hali

W Złym Komorowje budu wot 26. do 28. januara běhanske wubědźowanja. Pjatk w 11 hodź. startuja běh na sto kilometrow. Za sobotu a njedźelu su potom wjacore čary planowane. Nadrob­niše informacije pod www.hallen­marathon.de

Blidotenisowe hry

12.01. 19:00 DJK Konjecy

  – TTV 97 Kamjenc

13.01. 16:00 Viktoria Worklecy

  – TTC Nowosólc-Hródk

15.01. 19:30 ST 1922 Radwor

  – MSV Budyšin 04 VII

24.01. 19:30 SV Seeligstadt

DJK Konjecy „hłownu“ přewjedli

štwórtk, 11. januara 2018 spisane wot:

Swoju hłownu zhromadźiznu wotmě njedawno serbske blidotenisowe towarstwo DJK Konjecy. Jeho prezident Křesćan Gruhn móžeše jara pozitiwnu bilancu za lěto 2016/2017 sćahnyć.

W dypkowych hrach docpěchu wšitke tři blidotenisowe cyłki swój stajeny zaměr. Prěnje mustwo DJK Konjecy bu wicemišter wokrjesa a přetrjechi tak wšitke wočakowanja. Druhe zastupnistwo wobsadźi w 1. wokrjesnej klasy pjate městno, a třeće bu w samsnej klasy sedme tabulki.

Wotchady Konječenjo žane njemějachu. Za to mějachu z młodostnym Julianom Hrjehorjom jara talentowany nowopřichad. Julian hraješe wjele lět pola dorosta Viktorije Worklecy, hdźež bu derje wukubłany. Na tym městnje Worklečanam dźak za wuběrne dźěło.

Energija z naročnym přihotom

štwórtk, 11. januara 2018 spisane wot:

Bjez wulkich předrěčow su koparjo FC Energije Choćebuz tři tydźenje trajacy přihotowanski čas zahajili. Na Třoch kralow přewjedźechu woni dlěšu treningowu jednotku a slědowacej dnjej stajnje dwě wob dźeń. Nimo treningowych jednotkow změja chowancy trenarja Clausa-Dietera Wollitza tež někotre atraktiwne testowe partije. Wčera su přećiwo tře­će­mu ligistej z Halle hrali a 0:4 (0:2) přě­hrali. Njedźelu, 14. januara, přijědźe k nim na­čolnik třećeje ligi, 1. FC Magdeburg. „To je nam jara wažne, zo Magdeburg swój posledni test do druheje połserije pola nas w Choćebuzu absolwuje“, wje­seli so coach Energije na lukratiwneho přećiwnika. Mjenje zajimawy budźe štyri dny pozdźišo duel přećiwo Eintracht Braunschweigej, zastupjerjej druheje ligi.

Znate zawěsće hižo je, zo započnu so za FC Energiju dypkowe hry tydźeń zašo, a to 28. januara, hdyž nachwata w Lipsku w decembrje wupadnjenu partiju přećiwo Chemiji Lipsk.

Wuslědki (11.01.18)

štwórtk, 11. januara 2018 spisane wot:

Blidotenis – wuslědki a tabulki

1. wokrjesna liga-stafla 1

SC Großröhrsdorf – Rakečanske ST 11:4

SG Ullersdorf – TTC Wojerecy III 4:11

DJK Konjecy  9 89:47 16:2

TuS Gersd.-Möhrsdorf II 9 82:55 14:4

Módro-běli Njeswačidło 9 75:64 13:5

TTC Wojerecy III 10 90:65 13:7

Rakečanske ST  10 77:78 11:9

SV Seeligstadt  9 70:72 9:9

SC Großröhrsdorf 10 72:80 9:11

TTV 97 Kamjenc  9 61:78 4:14

SG Ullersdorf  10 60:91 3:17

TTV SR Wojerecy 9 45:91 2:16

2. wokrjesna klasa-stafla 1

TuS Gersd.-Möhrsdorf IV 9 103:33 18:0

TTV 97 Kamjenc II  9 93:43 16:2

Zeleno-běli Halštrow 9 86:50 14:4

SG Ullersdorf II  9 74:61 12:6

DJK Konjecy III  9 71:64 8:10

DJK Konjecy II  9 63:75 8:10

SV Seeligstadt II  9 56:81 6:12

SG Lückersdorf-Gel. V  9 56:80 4:14

TuS Gersd.-Möhrsdorf V 9 50:86 4:14

TTV 97 Kamjenc III  9 28:107 0:18

1. wobwodna liga

TTC Połčnica 69   9 96:40 17:1

TSV Wóspork/Hrodźišćo 10 89:63 15:5

TTC Nowosólc-Hródk 10 87:66 12:8

SZ Wětnica/Hola 10 79:76 12:8

ST Horken Kittlitz  9 74:62 11:7

MSV Budyšin 04 III  9 70:67 11:7

Viktoria Worklecy 10 66:87 7:13

TTF Běła Woda  10 64:89 5:15

TTSV Korzym/Załom  9 55:80 4:14

TTSV Hagenwerder 10 51:101 2:18

Kilian Hrjehor

Serbska debata

nowostki LND