Kónčna tabulka

1. SJ Chrósćicy  8 :2  10

2. Sokoł Ralbicy/Hórki  9 :6  7

3. ST Marijina hwězda  6 :5  7

4. Sokoł Ralbicy/Hórki II  2 :6  2

5. Zeleno-běli Hórki  3 :9  1


Ralbičanscy stari knježa přewjedźechu 31. januara halowy turněr za koparjow stareje serbskeje gardy. Přepro­šenje sćěhowali běchu hrajerjo ST Marijineje hwězdy, Zeleno-běłych Hórki a zakitowarja pokala SJ Chrósćicy. Njebjelčenjo dyrbjachu pobrachowacych koparjow dla wotprajić. Domjacy stajichu dwě mustwje, a w modusu kóžde­ přećiwo kóždemu so turněr wotmě­. Hrajny čas wučinješe prěni raz dwanaće mjeńšin.

Přewšo zasłužene dobyće

wutora, 04. februara 2020 spisane wot:

ST 1896 Wulka Dubrawa

– Viktoria Worklecy 92 0:3

(23:25, 20:25, 17:25)

Dyrbjało-li mišterstwo realistiske wostać, njesmědźa wolejbulisća Viktorije Worklecy pola mustwow ze zadnjeho dźěla tabulki žadyn dypk wotedać. Hra w Kundraćicach pak bě pokazała, zo runje tajke teamy mocy wuwiwaja, z kotrymiž maja faworića častodosć swoje ćeže.

Runje z teje přičiny započachu mužojo wokoło přistajerja Marcela Rjelki we Wulkej Dubrawje jara koncentrowani a nawjedo­wachu spěšnje 4:0. Přez sylne nadběhi Stephana Wjeńki a jara stabilny blok powjet­šichu předskok na 13:6 a 18:11. Z njelogiskich přičin pak so hrajna nitka torhny. Někotre wotedate na­daća, zmylki při saku a njemotiwowany nadběh dachu předskok kaž sněh w słóncu roztać. Přećiwnik spózna swoju šansu a wojo­waše hač k stawej 23:23. Z rutinu pak hosćo­ sadźbu tola hišće z 25:23 dobychu.

Druhi přechod běše wurunany, ale z jasnym předskokom za Worklečanow. Nadaća a přiwzaća běchu stabilne a tak dypkowachu woni hač do suwereneho dobyća sadźby z 25:20.

Za běhi so přizjewić

wutora, 04. februara 2020 spisane wot:

Zajimcy smědźa so za prěnje běhi při­zjewić, kotrež słušeja na přikład tež lětsa zaso do Wopačan­skeho cupa běharjow. 8. měrca wotměje so 26. raz tradicionalny Mužakowski parkowy běh, 15. měrca budu 30. cityjowe běhi w Drježdźanach.

05.04.2020 Wostrowski nalětni běh

11.04.2020 Biskopičanski běh na dołhich čarach

03.05.2020 Kćenjowe běhi w Kamjencu

09.05.2020 Běh na Sokolnik we Wjazońcy

10.05.2020 Bike & run na Sokolnik

Třeći wólnočasny wolejbulowy turněr serije „top-šěsć“ w Kulowje dobychu třeći raz za sobu wučerjo Serbskeho gymnazija Budyšin (SGB) před prěnim zastupnistwom Žołto-módrych Kulow a abiturientami lěta 1996.

Roland Stiebitz, předsyda sportoweje jednotki Žołto-módri Kulow, witaše wčera tydźenja sydom wolejbulowych wólnočasnych mustwow na 4. ptačokwasny turněr w tamnišej sportowni. Škoda, zo njemóžachu so wólnočasni sportowcy Viktorije Worklecy na wubědźowanju wobdźělić. Tak zaskoči jedne třeće mustwo Kulowskeho zjednoćenstwa.

Hórčenjo nimale połfinale docpěli

póndźela, 03. februara 2020 spisane wot:

17. bulowa nóc Natwara Němske Pazlicy w Kamjencu

Do tak mjenowaneje 17. buloweje nocy Sportoweho towarstwa Natwar Němske Pazlicy běchu koparjo Zeleno-běłych Hórki z poražku 0:1 přećiwo ST Marijinej hwězdźe startowali. Přećiwo klewernje wustupowacemu klóšterskemu cyłkej no­chcychu so chowancam trenarja Mikławša Dyrlicha žane wrota poradźić. Druha hra dnja skónči so za zeleno-běłych ze samsnym wuslědkom, tónraz pak z wulkim wjeselom, wšako bě Hórčan Daniel Matješk třělc rozsudnych wrotow. Jasnišo přewinychu serbscy koparjo na to Přećelski kruh Natwara Němske Pazlicy. Roman Mejgl bě dwójce trjechił, Matješk znowa jónu. Mustwo Natwara Němske Pazlicy, kotrež bě Hórki loni­ w finalu z 3:1 přewinyło, móžeše w štwórtej skupinskej hrě hosćom jenož dypk wotewzać. Třělc ke kónčnemu 1:1 běše Handrij Jurk. Rodźeny Hrańčan bě z wulkim zasadźenjom kulowatu kožu přez wrotowu liniju stłóčił. Zo bychu hišće­ realistiske móžnosće na zaćah do połfinala měli, dyrbjachu oldije ze skałarskeje wsy swoju pjatu a poslednju partiju w předkole z třomi dalšimi dypkami zakónčić.

Start so zapozdźi

póndźela, 03. februara 2020 spisane wot:

Móhłrjec hač do poslednjeje mjeńšiny su so zamołwići FC Energije Choćebuz nadźijeli, zo budźe so 1. februara hra přećiwo Čerwjeno-běłym Erfurt přewjesć hodźeć a budźe tak zazběh do nalětnjeho koła w regionalnej lize sewjerowuchod móžny. Bohužel pak dóstachu Choćebuženjo powěsć, zo mustwo tradiciskeho kluba z Durinskeje hižo k dypkowym hram njenastupi. Wšitke dotalne wuslědki Erfurtskeho koparskeho kluba so anuluja a z tabulki wuliča. Prěni zestupnik hrajneje doby 2019/2020 je tuž jasny.

Nowe trikoty blidotenistam

póndźela, 03. februara 2020 spisane wot:
Předsyda delanskeho sportoweho towarstwa DJK Konjecy Křesćan Gruhn (třeći wotlě­wa) přija njedawno nowe trikoty za prěnje blidotenisowe mustwo, a to hnydom wot šěsć sponsorow. Wotlěwa su to třěchikryjer Měrćin Hrjehor, dawkowy pora­dźowar Enrico Kral, Křesćan Gruhn (předsyda DJK Konjecy), Rafał Šěrak (twarski zawod­), kachlicar Šćěpan Čornak a moler Michał Cižank. Na wobrazu pobrachuje zamkar Jurij Čórlich. Hnydom prěnju hru w nowych trikotach su Konječenjo pjatk tydźenja doma přećiwo Łužnicy 10:5 dobyli. Foto: Dierk Šewc

Awtor dźensa Tomaš Faska

Hišće 171 dnjow, potom zahaja w Tokiju 32. olympiske lětnje hry. Japanska stolica wuhotuje tuž druhi raz tónle sławny sportowy po­dawk. 1964 bě město, w kotrymž nimale dźesać milionow ludźi bydli, hižo zetka­nišćo atletow z cyłeho swěta. Kak runje nětko na to přińdu? Dokelž běchu so dokładnje dźensa před 38 lětami w Japanskej tež hižo olympiske hry započeli, w tym padźe zymske. Sapporo bě 1972 wuhotowar olympiady sněhakowarjow, lodohokejistow a dalšich zymskich sportowcow.

Olympiadu zahajichu 3. februara 1972 na kupje Hokkaido, najsewjernišej ze štyrjoch hłownych japanskich kupow. Bě to prěni króć, zo wotmě so scyła zymska olympiada w měsće z wjace hač jednym milionom wobydlerjow. A nic jenož to. Hišće­ ženje do toho njejsu olympiadu zwonka někajkeho europskeho abo sewjeroameriskeho kraja přewjedli. Poprawom wšak bě Sapporo hižo 1940 wuho­towanske prawo dóstało. Wójny dla pak tehdy žane lětnje a zymske hry njewot­měchu – we wonym lěće nic a 1944 tež nic. 1972 so to potajkim zešlachći.

Sport (31.01.20)

pjatk, 31. januara 2020 spisane wot:

Přihotowanske koparske hry

01.02. 13.00 SV Liegau-Augustusbad –

  ST 1922 Radwor

01.02. 13.00 Jednota Kamjenc –

  FC Grimma

01.02. 14.00 Wojerowski FC –

  SJ Chrósćicy

02.02. 14.00 Sokoł Ralbicy/Hórki –

  FC Grimma

07.02. 18.00 ST Mały Wjelkow –

  ST 1922 Radwor

08.02. 13.00 Módro-běli Kulow –

  SC Grodk

Halowa kopańca

Jutře witataj zapósłanc krajneho sejma Alojs Mikławšk (CDU) zhromadnje z Młodej uniju Budyšin na halowy koparski turněr do Worklečanskeje ćěło­zwučowarnje. Přeprošene su wólnočasne a młodźinske koparske cyłki ze stareho wokrjesa Kamjenc. Hrać budu w zestawje 1:3, a to wot 10.30 do 16.30 hodź.

Wolejbulowy derby

We Wulkej Dubrawje je jutře wot 16 hodź. we wolejbulowej wobwodnej lize wokrjesny derby mjez domjacymi a Viktoriju Worklecy. Hosćo su jasny faworit, wšako wojuja woni wo staflowe dobyće a wobwodne mišterstwo. Prěnje mustwo holcow a žonow HZ Pančicy-Worklecy nastupi jutře w samsnym času pola Ochranowskich wolejfantkow. Hižo w 14 hodź. započnje so w Budyšinje wolejbulowy duel tamnišeho MSV 04 III přećiwo HZ Pančicam-Worklecam II (žony).

Koparske turněry w Radworju

Wobwodna wolejbulowa liga žonow wuchodneje Sakskeje

1. Doprědka Rózbork  9 27 : 8 24

2. HZ Pančicy-Worklecy 10 25 : 11 23

3. JTVG Koblicy 10 26 : 13 22

4. ST Kupoj-Nowa Łuka 10 18 : 20 15

5. TSV Kundraćicy 9 17 : 16 14

6. OSC Lubij  9 18 : 17 13

7. Ochranow. wolejfantki 9 13 : 19 9

8. Nysa Wolejs  9 6 : 24 4

9. MSV Budyšin 04 II 9 4 : 26 2


Krótko po Nowym lěće steješe tež za prě­nje wolejbulowe zastupnistwo Hrajneho zjednoćenstwa Pančicy-­Wor­klecy třeći domjacy hrajny dźeń na pla­nje. Hosćo we Worklecach běchu žony načolnika ASV Doprědka Rózbork a Nysa­ Wolejs, kotrež steja wokomiknje na 8. městnje tabulki.

HZ Pančicy-Worklecy – ASV Doprědka Rózbork 0:3 (19:25, 25:27, 19:25)

Z dobyćom přećiwo načolnikej z Róz­borka bychu sej Pančičanki-Worklečanki prěnje městno w tabulce wobwodneje ligi­ za sebje zdobyć móhli. Tola prěnja sadźba hižo pokaza, zo njebě to žadyn lochki nadawk. Přez cyłu sadźbu chwa­ta­še prěnje zastupnistwo za snadnym zastatkom. Hosćo zawěsćichu sej ju z 25:19.

nawěšk

SERBSKE NOWINY podpěruja:

Novi Sad – kulturna stolica Europy

  • Serbski komponist, hudźbnik a spěwar Měrćin Weclich je minjenu sobotu a njedźelu w Budyskim Kamjentnym domje přewšo wuspěšnje koncertował. Přeprosył bě sej za to mnohimi hosći kaž tež młodych talentow, kotřiž z nim zhromadnje na jewišću publikum zaho
  • Měrćin Weclich a Serbski młodźinski oktet - Martin Wetzlich und das Sorbische Jugendoktett
  • Měrćin Weclich a dźěćaca spěwna skupina Šumlabrum - Martin Wetzlich und die sorbischer Kindergesangsgruppe Schumlabrumm
  • Šumlabrum - Schumlabrumm
  • Šumlabrum - Schumlabrumm
  • Měrćin Weclich a młody hudźbnik Chrystof Mikławšk (wotprawa) – Martin Wetzlich und Christoph Mikwauschk (von rechts)
  • Jamila Hórnikec - Jamila Hornig
  • Matteo Hórnik - Matteo Hornig
  • Rejwarki a rejwarjo Serbskeho folklorneho ansambla Wudwor – Tänzerinnen und Tänzer des Sorbischen Folkloreensembles Wudwor
  • Live-hudźba je najlěpša - Live-Musik ist die allerbeste
  • Walentin Bjedrich při pianje - Valentin Bedrich am Piano
  • Kapała pod nawodom Malty Rogackeho (2. wotprawa) je live hudźiła - Malte Rogacki (2. von rechts) und Band spielten live
  • Měrćin Weclich a Měrko Brankačk (wotlěwa) – Martin Wetzlich und Mirko Brankatschk (von links)
  • Poradźenej kocnertaj - Zwei wirklich gelungene Konzerte

nowostki LND