Pančičenjo z mužommjenje dypkowali

póndźela, 02. meje 2022 spisane wot:

ST Marijina hwězda –

ST Natwar Němske Pazlicy 1:1 (0:0)

Zestawa domjacych: Matik – R. Cyž, R. Hawš, Kreuz, Wróbl, Ch. Cyž, P. Schmidt, D. Jurš (70. Lipič), Pjetaš (78. Lukas Hoga), F. Peschmann (46. Eldor), J. Pakoßnick (70. Pa. Lugge)

Po třoch dobyćach zasobu běše sebjedowěra přećiwo štwórtemu tabulki z Němskich Pazlic pola klóšterskich koparjow wulka. Za tři dypki pak přećiwo cyłkej wot Wulkeho hata njedosahaše. Akterojo trenarja Boda Pjetaša pak móžachu z remisom spokojom być, dokelž po žołtočerwjenej karće něhdźe štyrceći mjeńšinow z mužom mjenje hrajachu. Po mało wokomikach běše David Matik w domjacych wrotach po třělwje z distancy z nohu prěni raz na městnje. Tež na druhim boku mějachu Pančičenjo po pjeć mjeńšinach swoju prěnju šansu.

Po přihrawce Feliksa Pjetaša steješe nadobo Dawid Jurš před přećiwniskimi wrotami. Wón pak bul jenož do rukow hóstneho wrotarja třěli. Srjedź prěnjeho połčasa móžeše sej David Matik wólny kop, kotryž přez mócny wětřik tež machotaše, w druhim pospyće zawěsćić.

Dypkaj zhubili

póndźela, 02. meje 2022 spisane wot:

ST Porchow – Sokoł Ralbicy/Hórki 0:0

Zestawa hosći: Schöna, M. Matka, C. Matka, Janca (68. Hrjehor), Rachel (62. Katzer), Wałda, Lulak, Korjeńk, ­Kocor, Nuk

Awtor dźensa Pětr Šołta

Minjeny štwórtk běše wosebity dźeń za čěski lodohokej: Oceláři Třinec su lodohokejowi ­mištrojo sezony 21/22. W šestej hrě finalneho koła přesadźi so čerwjeno-běłe mustwo přećiwo Sparće z Prahi a doby seriju ze 4:2. To je wězo wuspěch. Za naspomnjeny wosebity dźeń wšak by to kusk mało było. To wurjadne na wonym 28. aprylu běše, zo je so to mustwu třeći króć zasobu poradźiło. Mišterski hattrick potajkim. A to je w lodohokeju bjezmała něšto wosebite. Třinec wšak měješe cyłu sezonu chětro stabilne wuslědki a ma wurjadne mustwo, tak zo słušachu hokejisća z industrijoweho město na kóždy pad k fawo­ritam. Hrajerjo z bliskeho Libereca po­dachu so hižo po štwórćfinalu do lěćneje přestawki. Woni podležachu pozdźišemu finalistej z Prahi. Sezona Liberečanow wšak běše porno tej trójneho mištra kaž jězba po seklojtej čarje: njewobstajne horje a dele, z někotrymi wulkimi dźěrami do hłubin tabulki. To wšak běše tež za fanow nowa situacija, wšako běše w minjenych lětach nimale „normalne“, zo so Liberec za kónčne koło kwalifikuje. Tuž damy so w přichodnej sezonje překwapić ...

Wuslědki (02.05.22)

póndźela, 02. meje 2022 spisane wot:

Kopańca, wokrjesna wyša liga

1. ST Horni kraj-Sprjewja 12 35 : 6 32

2. Wojerowski FC 12 42 : 11 31

3. Módro-běli Kulow 12 30 : 15 27

4. Póst Germ. Budyšin 13 37 : 26 22

5. ST Hnašecy-Dobruša 13 45 : 28 21

6. Natwar Němske Pazlicy 12 24 : 14 21

7. Sokoł Ralbicy/Hórki 12 28 : 15 20

8. SG Großnaundorf 12 19 : 13 18

9. Biskopičanske KT II 11 20 : 23 18

10. TSV Wachau 11 26 : 22 16

11. ST Porchow 12 15 : 32 15

12. HZ Łaz/Běły Chołmc 13 20 : 21 12

13. SC 1911 Großröhrsdorf 14 11 : 25 11

14. ST Marijina hwězda 12 14 : 32 10

Sport (29.04.22)

pjatk, 29. apryla 2022 spisane wot:

Kónctydźenska kopańca

Dźensa wječor wuhraja we wólnočasnej koparskej lize Zapadołužiskeho koparskeho zwjazka dalše pokalne koło ­stareje koparskeje gardy. Cyłkaj Sokoła Ralbicy/Hórki a Módro-běłych Kulow změjetej domjacu lěpšinu. Tež prěnjej mustwje muži z Ralbic a Radworja hrajetej jutře a njedźelu we wosmifinalu wo­krjesneho pokalneho koła.

29.04.  18:30  Sokoł Ralbicy/Hórki –

  LSV Hory

  (stari knježa, pokal)

29.04.  18:30  Módro-běli Kulow –

  Hermsdorfske ST

  (stari knježa, pokal)

30.04.  13:00  Halštrow/Hlinowc II –

  Sokoł Ralbicy/Hórki II

30.04.  14:00  An der Fahner Höhe –

  Budissa Budyšin

30.04.  15:00  Kumwałd/Schönbach –

  Sokoł Ralbicy/Hórki

  (pokal)

01.05.  13:00  FC Energija Choćebuz –

  SV Lichtenberg 47

01.05.  15:00  ST Radwor –

  TSV Wachau (pokal)

01.05.  15:00  SJ Chrósćicy –

  SV Wesenitzal

Kćenjowe běhi a kolesowanje

W Kamjencu přewjedu njedźelu 1. meje zaso Łužiske kćenjowe běhi. Přizjewjenja su hišće móžne. Sćěhowace kategorije maja. Běhanje: 1 km, 2 km, 6 km, 10 km, 15 km, walking 10 km a 6 km teamowy běh. Kolesowanje: hórski dua­tlon, 50 km, 80 km a 25 km. Wurisanja započnu so w 10.10 hodź., kónc budźe wokoło 16 hodź.

Běhi na Sokolnik we Wjazońcy

Najwyše dobyće w krajnej klasy

štwórtk, 28. apryla 2022 spisane wot:

SJ Chrósćicy –

ST Drohotka Ramnow 5:0 (2:0)

Zestawa: Králíček – F. Zahrodnik, F. Cyž, Sentivan, L. Zahrodnik (80. Mark), Młynk, Hawš (80. Wornar), M. Zahrodnik (73. Mützner), G. Zahrodnik, Krawc, Bogusz

Po jutrownej přestawce bě sej mustwo z Ramnowa do Chrósćic dojěło. Ramnow steji dypk za Chróšćanami w tabulce. Po tym, zo su sobotu nimale wšitke mustwa z delnjeho dźěla tabulki dobyli, steješe SJC tuž pod ćišćom. W předpolu hry bu Hórčan Michał Młynk za 100. hru za SJ Chrósćicy počesćeny.

Wuslědki (28.04.22)

štwórtk, 28. apryla 2022 spisane wot:

Kopańca, krajna klasa

Drježdźany – VfB Žitawa 2:1 (0:0)

Běła Woda – Wódrjeńca 02 1:2 (0:1)

Borea Drježdźany – Rakecy 4:0 (1:0)

Rotacija Drježdźany – Weixdorf 1:2 (0:1)

SJ Chrósćicy – Ramnow 5:0 (2:0)

1. FSV Wódrjeńca 02 13 51 : 13 34

2. SC Borea Drježdźany 13 47 : 8 32

3. SV Wesenitzal 13 32 : 16 32

4. BSV 68 Sebnitz 13 27 : 23 23

5. VfB Běła Woda 1909 13 20 : 10 19

6. Drježdźanski SC 1898 13 28 : 20 19

7. Rotacija Drježdźany 13 22 : 21 18

8. Rakečanske ST 13 23 : 23 17

9. SG Weixdorf 13 18 : 29 15

10. SJ Chrósćicy 13 22 : 24 14

11. VfB Žitawa 13 17 : 29 14

12. Drohotka Ramnow 13 17 : 36 10

13. Sachsenw. Drježdźany 13 9 : 36 9

14. ST Ćisk 13 9 : 54 4

15. FC Wocl Rěčicy-jězor zg. 0 0 : 0 0

15. ST Trjebin zg. 0 0 : 0 0

wokrjesna liga, stafla 2

Wulka Dubrawa – SJ Chrósćicy II 5:2 (3:1)

HZ Hórnikečanski jězor –

HZ Wóslink/Skaskow/Kulow II 4:1 (2:0)

Łuty – ST Nadrózna Hrabowka 3:1 (1:1)

Traktor Malešecy – Rakecy II 2:0 (1:0)

Wojerowski FC II – ST Radwor 0:3 (0:1)

SJ Njebjelčicy – ST Lubuš 4:0 (1:0)

Ralbičance hrajetej za Saksku wubranku

srjeda, 27. apryla 2022 spisane wot:

Wot 28. apryla hač do 1. meje wotměje so w Lindowje, sewjernje Berlina, holči koparski turněr a runočasnje tež treningowe lěhwo Sewjerowuchodneho němskeho koparskeho zwjazka, skrótka NOFV. To rěka, zo měrja tam holcy, kiž su młódše hač 14 lět z wubrankow Sakskeje, Braniborskeje, Mecklenburgsko-Předpomorskeje, Saksko-Anhaltskeje, Durinskeje a Berlina swoje mocy. Mjez 17 hrajerkami Sakskeje wubranki stej tež dwě akterce z Ralbic. Lavinia Frenclec a Stella Pilcec. Jurij Bjeńš je so z nimaj rozmołwjał.

Witajtej! Hdźe tuchwilnje za bulom honitej?

L. Frenclec: Spočatnje hrajachmoj wězo w naju domjacym towarstwje w Ralbicach kopańcu. Potom pak změnichmoj po někotrych lětach k Biskopičanskemu koparskemu towarstwu, w kotrymž wšak maja někotre holče mustwa.

A w kotrym mustwje nětko hrajetej?

S. Pilcec: Raz tu, raz tam. W młodźinje D hrajemoj z hólcami hromadźe w krajnej klasy. A potom tež hišće w ryzy holčim mustwje młodźiny D. Hdys a hdys směmoj samo pola holčeje młodźiny B wupomhać.

Błótowski marathon přewjedli

srjeda, 27. apryla 2022 spisane wot:
Tradicionalny, mjeztym 20. Błótowski marathon su minjeny kónc tydźenja po dwě lěće trajacej přestawce koronawirusa dla zaso přewjesć móhli. Wobdźělnicy startowachu ze wšelakich wjeskow ze wšelakimi srědkami: běhajo, kolesujo, na inlinerach abo deskach, kaž tule w Tšupcu (Straupitz). Čestny hósć bě spěšnosmykarka a wobdźělnica olympiskich hrow Claudia Pechstein. Kraj Braniborska zarjadowanje podpěruje, patronatstwo ma ministerski prezident Dietmar Woidke (SPD). Kak marathon w lěće 2023 wupada, njeje hišće jasne. Zarjadnistwo biosferoweho rezerwata je zdźěliło, zo sej žane zarjadowanja tajkeho razu w tutej kónčinje wjace njepřeje. Foto: Peter Becker

Tež k jutram žane tři dypki w hnězdźe

wutora, 26. apryla 2022 spisane wot:

Dynamo Drježdźany – Holstein Kiel 0:0

Zestawa domjacych: Broll – Ch. Löwe (85. Giorbelidze), Knipping, Sollbauer, Akoto, Will (67. Kade), Stark, Königsdörffer (85. Borello), Mai (73. Weihrauch), Diawusie (67. Schröter), Daferner

nawěšk

nowostki LND