Bój a wola zaručištej tři dypki

póndźela, 11. apryla 2022 spisane wot:

Sokoł Ralbicy/Hórki – TSV Wachau 2:0 (0:0)

Zestawa domjacych: Schöne – M. Matka, Domaška, Wałda, Šewc, Janca (80. Kř. Matka), Šołta (86. Materna), Gloxyn, Rachel, Nuk (89. Kocor), Korjeńk

Dołho so prěnje mustwo Sokoła Ral­bicy/Hórki na nowy start we wokrjesnej wyšej lize wjeseleše. Tola w minjenych dnjach a tydźenjach dyrbješe trenar Chrystof Gloxyn časćišo na swój telefon pohladać, dokelž so zranjenja abo cho­rosće dla tójšto hrajerjow wotzjewi. Jeno 17 akterow prěnjeho a druheho mustwa běše kmanych, njedźelu kopańcu hrać. Tohodla dyrbjachu wonkownu hru re­zerwy Sokoła, kiž by so runočasnje z domjacej hru prěnjeho mustwa wotměła, wotprajić.

Wažne wonkowne dobyće

póndźela, 11. apryla 2022 spisane wot:
Koparjo prěnjeho mustwa ST Marijina hwězda su sobotu winowatostnu koparsku hru we wokrjesnej wyšej lize w Großröhrsdorfje z 3:0 dobyli. Hosćićeljo drje lěpje do hry startowachu, wrota pak docpěchu w prěnim połčasu hosćo. Po poł hodźinje trjechi Jakob Pakoßnick z třělwu ze zdalenosće (30.). Tež 2:0 (53.) dźěše na wrotowe konto Pakoßnicka a k 3:0 (78.) trjechi Matijas Wróbl. Foto: Jörg Stephan

Awtor dźensa Jan Hrjehor

„Česćeny knježe Hrjehorjo, w běhu šulskeho programa – Nachwa­tanje po koronje – ... z lubymi postrowami z Haar pola Mnichowa, Jessica Contento.“ Contento? To je tola swójbne mjeno něhdyšeho profijoweho koparja němskeho rekordneho mištra FC Bayern Mnichow. Po krótkej rešerši wě­dźach spočatk šulskeho lěta 2021/2022, zo je mejlku do Slepoho mandźelska Diega­ Armnady Valentina Contenta napisała a tež wotpósłała. Saperlot! To bě a je tola raz zajimawe. Diego Contento je cyły prěni wotrězk swojeje karjery wot 1995 do 2014 w Mnichowje za FC Bayern hrał a po mjezystacijomaj Girondins Bordeaux a Fortuna Düsseldorf pola SV Sandhausen w druhej zwjazkowej lize za bulom honił. Wot lońšeho pak je kopar z italskimi a němskimi korjenjemi bjez mustwa. Snano je firma Jessici Contento hłowna přičina, zo Diega wčera při dobyću 2:1 (1:0) SV Sandhausen doma přećiwo Dynamo Drježdźanam na hrajnišću widźeli njejsmy.

Wuslědki (11.04.22)

póndźela, 11. apryla 2022 spisane wot:

Kopańca, krajna klasa

Žitawa – Běła Woda1:0 (1:0)

Rakečanske ST – Drježdźanski SC  1:2 (0:1)

Ćisk – Borea Drježdźany 0:9 (0:3)

Wesenitzal – Rotacija Drježdźany 3:2 (2:2)

Weixdorf – Sachsenwerk Drježdź. 5:1 (3:1)

Ramnow – Sebnitz1:2 (1:2)

wokrjesna wyša liga

Połčnica – HZ Łaz/Běły Chołmc  5:1 (2:1)

Hnašecy-Dobruša – Biskopicy II 4:2 (1:0)

Horni kraj-Sprj. – Großnaundorf 2:0 (1:0)

Großröhrsdorf – Pančicy 0:3 (0:1)

Hory – Germania Budyšin  1:5 (0:2)

Ralbicy/Hórki – Wachau  2:0 (0:0)

Wojerowski FC – Porchow  6:0 (3:0)

Něm. Pazlicy – Kinspork/Łužnica 1:0 (0:0)

1. Wojerowski FC 11 41 : 11 28

2. ST Horni kraj-Sprjewja 10 26 : 5 26

3. Módro-běli Kulow 11 28 : 14 24

4. Natwar Němske Pazlicy 11 23 : 13 20

5. Sokoł Ralbicy/Hórki 11 28 : 15 19

6. Póst Germ. Budyšin 12 33 : 24 19

7. ST Hnašecy-Dobruša 12 39 : 27 18

8. SG Großnaundorf 11 19 : 12 18

9. Biskopičanske KT II 11 20 : 23 18

10. TSV Wachau 11 26 : 22 16

11. ST Porchow 10 14 : 28 14

12. HZ Łaz/Běły Chołmc 12 19 : 19 12

13. ST Kinspork/Łužnica 11 10 : 32 10

14. ST Marijina hwězda 11 13 : 31 9

15. SC 1911 Großröhrsdorf 12 8 : 22 8

16. TSV Połčnica 12 15 : 33 6

17. LSV Hory 13 9 : 40 6

Sport (08.04.22)

pjatk, 08. apryla 2022 spisane wot:

Třeći derby za Radwor

W běhu 15 dnjow nastupja koparjo prěnjeho mustwa Sportoweho towarstwa 1922 Radwor třeći raz k derbyjej. Před tydźenjomaj su woni doma z 3:0 přećiwo rezerwje SJ Chrósćicy 1981 dobyli a tydźenja z 2:1 w Njebjelčicach. Nětko hraja wone njedźelu zaso doma, a to přećiwo Traktorej Malešecy.

09.04. 13:00 Natwar Něm. Pazlicy II –

  SJ Njebjelčicy II

09.04. 14:00 Budissa Budyšin –

  SG Union Sandersdorf

09.04. 14:00 Jednota Kamjenc –

  SV Germania Mittweida

09.04. 15:00 Rakečanske ST –

  Drježdźanski SC 1898

09.04. 15:00 SC 1911 Großröhrsdorf –

  ST Marijina hwězda

09.04. 15:00 ST Lubuš –

  SJ Chrósćicy II

10.04. 11:00 Rakečanske ST II –

  SJ Njebjelčicy

10.04. 15:00 ST Radwor –

  Traktor Malešecy

10.04. 13:00 HZ Halštrow/Hlinowc II –

  Sokoł Ralbicy/Hórki II

10.04. 14:00 Sokoł Ralbicy/Hórki –

  TSV Wachau

Slepjanki pytaja koparki

Koparki Hrajneho zjednoćenstwa Lok Slepo/Grodkowske ST 1862 pytaja nowe hrajerki. Štóž ma lóšt za bulom honić, smě rady na probowy trening přijěć. Tón so kóždu srjedu wot 18.30 do 20 hodź. na sportnišću w Slepom wotměwa.

Jutrowne jeja wotběhać

Sokoł Budyšin – ST Hnašecy/ Dobruša 1:2 (25:21, 13:25, 11:15)

Za Sokoł hrajachu: Bosćij Benada, Tomaš Suchy, Štefan Cuška, Jan Kanngießer, Robert Krawc a Florian Kaulfürst

Na šestym hrajnym dnju wokrjesneje klasy wuchod běštej so jenož dwě hrě wuhrałoj. W domjacej hali na Kamjentnej witachu hrajerjo Sokoła Budyšin wolejbulowej teamaj z Hnašec a Wjazońcy. Sokoł Budyšin duelěrowaše so ze Sportowym towarstwom Hnašecy/Dobruša.

Prěnju sadźbu hrajachu česćelakomnje z wěstosću w nadběhach a pólnym škiće. Blok steješe sylnje přećiwo młodym nadběhowarjam přećiwnika. Zjednoćenstwo z Hnašec a Dobruše pak pokaza­, zo je zahraty a derje wukubłany cyłk z młodymi a nazhonitymi hrajerjemi. Hra žołmješe so tam a sem. Na kóncu doby Sokoł prěnju sadźbu z 25:21.

W druhej sadźbje so w rjadach ho­sćićela naraz mało hromadźe hodźeše. Sokoł Budyšin na to kontrolu w hrě dospołnje zhubi. Druhu sadźbu přěhrachu z 13:25. W tiebrieku so wukon Budyskeho mustwa zaso polěpši, ale njedosahaše wjace za dobyće. Třeću sadźbu přěhrachu znowa, a to z 11:15.

Engelhardt sympatiju zdobył

štwórtk, 07. apryla 2022 spisane wot:
Jako bě Erik Engelhardt minjene lěto w hrajnej přestawce wot FC Hansy Rostock k FC Energiji změnił, njeznaješe nimale­ žadyn łužiski fan sporta 23lět­ne­ho. Štož drje na tym zaležeše, zo so nadběhowar w Rostocku měsacy dołho ze zranjenjemi bědźeše. Tola w swojej nowej domiznje so wón spěšnje zažiwi a sta so ze stajnym hrajerjom­ w nadběhu FCE. W prěnich štyrjoch dypkowych hrach docpě Engelhardt troje wrota. Tak ma hižo­ dźesać docpětych wrotow a jědnaće přihotow na swojim konće. Přez swoje sympatiske a skromne wašnje je so Erik Engelhardt do wutrobow fanow hrał. Při wólbach k „Hrajerjej lěta Energije 2021“ dósta wón 2 931 hłosow. „Ja sym woprawdźe hordy, zo mje fanojo takle widźa, a je rjane začuće, w tak krótkim času w Choćebuzu tute počesćenje dóstać. Ale nětko dyrbju kóždy tydźeń dopokazać, zo tute wuznamjenjenje podarmo njebě a dale wšitko za mustwo a zjednoćenstwo dawam“, tak słowa Engelhardta po počesćenju. Na dalšich městnach na podesće slědowachu Maksimilian Proničew z 2 008 hłosami a wrotar Toni Stahl z 1 947 hłosami. Georg Zielonkowski

Sensacija so nimale poradźiła

štwórtk, 07. apryla 2022 spisane wot:

Při Sakskich wolejbulowych mišterstwach seniorow minjeny kónc tydźenja, kotrež hódnoćachu so runočasnje jako regionalne mišterstwa, su oldije starobneje klasy Ü 64 Módro-běłych Wojerecy překwapjenku snadnje zapasli. Přećiwo amtěro­wacemu němskemu wicemištrej Kamjeničanskemu PSV so Wojerowčenjo dołho wobarachu. Hosćo móžachu hakle po 54 hratych mjeńšinach ze zbožownym 2:1 domojjězbu nastupić. Mužojo wokoło kapitana Reinharda Tessmanna su so chětro prócowali, na kóncu pak dyrbjachu so wot rutinowanych hosći porazyć dać. Přiwšěm pak su so za kónčne koło němskich mišterstwow w Rostocku kwalifikowali, dokelž Bayerska žane mustwo pósłać njebudźe.

Lipšćenjo mišter

Wolejbulisća starobneje klasy U 13 L.E. Volleys z Lipska su Sakske mišterstwa doma w Lipsku dobyli. Woni přesadźichu so přećiwo šěsć cyłkam. Na dalšich městnach sćěhowachu Kamjeničanski WSV, TSV Lipsk 76, VV Žitawa, mustwje VC Drježdźany a MSV Budyšin. Jurij Bjeńš

Tabulka po druhim hrajnym dnju

1. Pestalozzijowa WŠ Lubij  5 10  10:0

2. Serbski gymnazij Budyšin 5  8 8:3

3. Wyša šula Wjazońca  3 2 3:4

4. Serbska WŠ Workl./Ralbicy2 2 2:3

5. Wyša šula Malešecy  5 2  3:8

6. 5. SŠ-eks Bud./Gymn. Lubij2 0 0:4

7. Powoł. šulski centr. Budyšin 2 0 0:4


Pedagogojo-wolejbulisća Serbskeho gymnazija Budyšin (SGB) dobychu na druhim hrajnym dnju Budyskeje wučerskeje ligi wobě partiji w Lubiju z 2:0 a skrućichu tak druhe městno w tabulce wokrjesnych mišterstwow šulskeho lěta 2021/2022 při wysokim saku.

Šěsć wučerskich cyłkow bě sej minjenu srjedu do Lubija dojěło, zo by 2. hrajny dźeń mišterstwow pedagogow Budyskeho wokrjesa při wysokim saku wuhrało. Kolegojo z Wjazońcy chorosće dla wotprajichu. Zwjeselacy bě start kombinowaneho mustwa serbskeju wyšeju šulow Worklecy a Ralbicy z najmłódšej hrajerku tohole wječora Nadine Čižankec. Cyłkow­nje wojowachu 14 wolejbulistkow zhromadnje ze swojimi muskimi kole­gami wo kóždy dypk, štož woznamjeni nowy chwalobny rekord.

Gymnastiska skupina darowała

srjeda, 06. apryla 2022 spisane wot:
Žónska gymnastiska skupina Viktorije Worklecy je předwčerawšim ukrainskej swójbje z třomi dźěćimi 250 eurow přepodała. Po prěnim jara wutrobnym kontakće z w Smječkecach bydlacej swójbu zrodźichu w sportowej skupinje spontanje ideju, mać Irinu, jeje dźowce a syna podpěrać. Simona Eckertowa (prědku nalěwo) a Therese Handrikowa njetrjebaštej žony dołho přeswědčić. Spěšnje běchu 250 eurow nazběrali a je na spočatku póndźelneho sportowanja přepodachu. Předsyda sportoweho towarstwa Alojs Mikławšk (prědku naprawo) swójbje poskići, zo móže w towarstwje dale sportować a tak socialne kontakty nawjazać. Foto: Gernot Schweitzer

nawěšk

nowostki LND