Přizjewjenski čas dźensa wuběži
Na internetowych stronach www.baer-service.de smědźa so běharki a běharjo za 52. Budyski silwesterski běh přizjewić, a to hišće hač do dźensa w połnocy. Zarjadowar budźe Budyske lochkoatletiske sportowe towarstwo Čerwjeno-běli 90. Start a cil budźetej w stadionje Młynkec łuka, čary 2,5 km, 5,3 km a 10,6 km powjedu do Humboldtoweho haja a zaso wróćo do stadiona.
Halowa kopańca we Worklecach
K 28. razej zetkaja so njedźelu, 30. decembra, wjesne koparske mustwa we Worklečanskej sportowej hali, zo bychu wo pokal wjesneje a gmejnskeje skupiny CDU hrali. Wo trofeju kopać budźe znowa dźesać cyłkow z Pěskec, Smječkec, Noweje Wjeski, Worklec, Hórkow, Róžanta, Chrósćic a Serbskich Pazlic. Turněr započnje so připołdnju w 13 hodź. Mytowanje je wječor 17.30 hodź. planowane.
Wuhraja zymsku ediciju
Tydźeń po wuhraću wokrjesneho pokala dyrbjachu wolejbulisća z Pančic na třećim hrajnym dnju w Budyšinje nastupić. Přećiwnikaj rěkaštaj Budyšin sewjer a Sokoł Budyšin. Prěnje mjenowane mustwo běchu klóšterscy doma hižo raz přewinyli. Hra přećiwo Sokołam wuwołaše so jako serbski derby. Tutón króć pak běchu karty nowe měšane, wšako je so hrajerjam ze sprjewineho města dorost přidružił. A dalšu nowostku prezentowaše Pančan mustwo – hrajachu prěni króć w nowych dresach.
SG Budyšin sewjer – ST Marijina hwězda 2:0 (25:19, 25:16)
Awtor dźensa
Jan Hrjehor
Bratraj-lodohokejistaj hrajetaj w narodnym mustwje za Němsku, třećemu synej małeho ratarja ze Slepjanskeje kónčiny, kiž ma doma stadło wowcow, rasowe nukle a někotre wosebite kokoše, pak so skok k najlěpšim dorostowym lodohokejistam Němskeje hišće poradźił njeje. A potom je tam tež hišće sportowy wučer, kiž dyrbi chětro krutemu nanej wo zadźerženju swojeho syna rozprawjeć ...
Nócny wolejbul Pawka
Serbske młodźinske towarstwo Pawk zarjaduje jutře, sobotu, zaso swój tradicionalny wolejbulowy turněr, a to w Pančičansko-Kukowskej sportowni. Pawkojo namołwjeja serbskich a dalšich młodostnych zběhnyć so z přitulneho křesła a so na sportowe polo podać. Zo bychu sej sportowče a sportowcy hodownu pječeń bjez hubjeneho swědomja zesłodźeć dać móhli, njech so do toho hišće raz porjadnje wucychnuja. Maksimalnje dwanaće cyłkow smě sobu hrać, přizjewjenja su po Facebooku móžne. Startowy pjenjez wučinja 10 eurow, žónska kwota žana njeje, bule za zahraće maja mustwa sobu přinjesć.
Hodowna kopańca
Tež lětsa přewjedu w Budyšinje w sportowym arealu Humboldtowy haj zaso hodownu kopańcu, a to srjedu, 26. decembra, wot 9 hodź. Na jubilejne 60. bulkopanje su tež zaso serbske sportowče a serbscy sportowcy přeprošeni.
Hodownu husycu sej wotběhać
Worklečanscy koparscy přećeljo chcychu tež na druhim wólnočasnym koparskim turněrje ,,Horce-wino-cup“ na podesće stać. Loni wobsadźichu woni na kumštnym trawniku w Biskopicach třeće městno, lětsa móžachu turněr samo dobyć.
Hač k dobyćerskmu wobrazej pak běše to napinacy bój za koparjow wokoło trenarja Renéja Kaczmareka. Kaczmarek pak pokaza ze swojimi rozsudami złotu ruku.
K zazběhej turněra běchu hosćo z Worklec hnydom dwójce wuspěšni. Přećiwo Germaniji Biskopicy 92 trjechi Ronny Wünsche dwójce, a runje tak bě wón přećiwo hosćićelej, mustwu Ći Swěrni, dwójce wobdźěleny. Prěnje wrota třěli Wünsche hišće sam, pola druhich je bul njesebičnje sobu běžacemu Dawidej Matikej přihrał. Před přećiwniskej klětku stejo tón čuwy wobchowa a bjez problemow přetwori.
Winowatostne wolejbulowe hry z cyłkami Sokoła Budyšin, ST Marijineje hwězdy a Viktorije Worklecy budu hakle zaso klětu. Tu mały přehlad za januar:
07.01. 19:00 Sokoł Budyšin –
MSV Budyšin 04 IV
07.01. 20:00 Sokoł Budyšin –
TSV Wóspork
09.01. 19:00 ST Chróstawa –
ST Marijina hwězda
09.01. 20:00 ST Marijina hwězda –
Sokolnik Wjazońca
(w Chróstawje)
19.01. 10:00 Viktoria Worklecy II –
ST Kupoj-Nowa Łuka III
(we Wojerecach)
19.01. 11:00 Viktoria Worklecy II –
Módro-běli Wojerecy IV
(we Wojerecach)
19.01. 14:00 TSV Niederoderwitz –
Viktoria Worklecy
26.01. 14:00 HZ Pančicy-Worklecy –
TSV Kundraćicy
(we Worklecach)
26.01. 16:00 HZ Pančicy-Worklecy –
Módro-běli Wojerecy
(we Worklecach)
Kopańca, wokrjesna wyša liga
Hory – Kulowwupad
1. Rakečanske ST 15 55 : 7 42
2. Módro-běli Kulow 14 28 : 13 31
3. Póst Germania Budyšin 15 36 : 27 26
4. Drohotka Ramnow 15 29 : 23 25
5. Sokoł Ralbicy/Hórki 15 28 : 24 25
6. LSV Hory 14 29 : 22 24
7. Natwar Němske Pazlicy 15 26 : 23 22
8. ST Kinspork/Łužnica 15 27 : 25 22
9. Wojerowski FC 14 34 : 24 21
10. Motor Kumwałd 14 25 : 31 19
11. TSV Połčnica 15 26 : 35 19
12. ST Hnašecy-Dobruša 15 27 : 33 18
13. SG Großnaundorf 15 28 : 36 13
14. ST Porchow 15 24 : 36 12
15. Zeleno-běli Bukecy 15 18 : 53 11
16. ST Radwor 15 14 : 42 5
wokrjesna liga, stafla 1
HZ Lomnitz II – Kubšicy 2:2 (1:1)
1. TSV Wachau 15 66 : 25 32
2. ST Wjelećin 15 37 : 24 30
3. Horni kraj-Sprjewja II 14 47 : 16 29
4. SC Großröhrsdorf II 15 33 : 24 26
5. Arnsdorfske KT 14 41 : 24 25
6. FV Ottendorf-Okrilla 12 31 : 22 24
7. Biskopičanske KT II 14 39 : 36 21
8. ST Budyšin 14 22 : 23 21
9. ST Kubšicy 13 30 : 35 19
10. Bretnig-Hauswalde 15 25 : 43 19
11. SV Frankenthal 14 30 : 36 16
12. TSV Wjernarjecy 12 32 : 41 16
13. HZ Huska/Hodźij 14 15 : 38 13
14. Lomnitz-Großnaund. II 14 17 : 38 11
15. Germania Budyšin II 13 17 : 42 10
16. ST Bart 14 16 : 31 8
FC Energija Choćebuz
– Eintracht Braunschweig 0:1 (0:0)
Zestawa domjacych: Spahić – Weidlich, Stein, Matuwila, Bender (72. Zimmer), Holthaus, Gehrmann (58. Schneider), Viteritti, Geisler, Scheidhauer, Mamba (63. Rangelow)
To bě wulke přesłapjenje w adwenće 2018, kotrež dožiwichu přiwisnicy koparjow FC Energije Choćebuz posledni hrajny dźeń lěta. Do partije bu předsyda Michael Wahlich rozžohnowany, po hrě nastaji so posledni třećeje ligi Braunschweig z třomi dypkami na dompuć. A k tomu so tež hišće hodźeše, zo je José Matuwila samowrota (65.) třělił.
Do duela swjećachu fanojo frenetisce swojeho prezidenta, kiž bě sej minjene połtřeća lěta ze swojej přirodnosću a serioznosću nimale wšitke wutroby FCEludźi zdobył. Jenož w instituće za pjenjezy, na kotrymž FCE hižo wjele lět wisa, njejsu so Wahlichowe nowowusměrjenja wšitkim lubili. Hrjebje so tuž dale a powjetšowachu, tak zo dyrbješe Wahlich wótku do žita ćisnyć. Tež jednaćel Norman Kothe kónc januara 2019 sportowe towarstwo wopušći.