Serbja w čěskej telewiziji

srjeda, 25. nowembera 2015
artikl hódnoćić
(0 )

Połnu hodźinu temje „Jak přežili Lužičtí Srbové – kak su Łužiscy Serbja přežiwili“ wěnowaše zašłu sobotu čěski statny telewizijny sćelak. Za telewiziju njezwučeny wobšěrny přinošk nasta na nastork čěskeho towarstwa Společnost přátel Lužice a je zapřijaty do serije k čěskim stawiznam „historie.cs“. Třo fachowcy, čěski historikar a dobry znajer łužiskich stawiznow dr. Jan Zdychinec z Praskeje Karloweje uniwersity, sorabistka Liza Stefanova z Lipšćanskeje uniwersity a literarny stawiznar dr. Franc Šěn, nawoda biblioteki a archiwa w Serbskim instituće Budyšin, rozmołwjachu so z moderatorom serije Vladimírom Kučeru wo stawiznach Serbow wot časa zasydlenja přez reformaciju, narodne wozrodźenje, powójnske hibanje 1918 a 1945 hač k časej NDR. Wo čěskim ludowědniku a přećelu Serbow Adolfje Černym informowaše Jan Chodějovský, archiwar akademije wědomosćow w Praze. Tež wo dźensnišim žiwjenju, nałožkach a problemach móžeše přihladowar zhonić.

wozjewjene w: Druhdźe wo nas
Prošu přizjewće so, chceće-li komentar podać

nawěšk

nowostki LND