Posćić so –haj abo ně?

wutora, 16. februara 2016
artikl hódnoćić
(0 )

Štyrceći dnjow bě so Jězus w pusćinje posćił, a to je dźensa hišće z přikładom za póstny čas wot popjelneje srjedy hač do ćicheje soboty. W srjedźowěku bě jenož dowolene, jónu wob dźeń jěsć, a to wječor. Alkohol, mjaso a jejka běchu zakazane. Druhi Vatikanski koncil 1965 njeje ničo wulce na tymle principje za katolikow změnił. Ewangelscy křesćenjo wuwichu před 25 lětami akciju „7 tydźenjow bjez“ , kotraž namołwja, so woblubowanych zwučenosćow wzdawać. Smy so mjez čitarjemi SN wobhonili, kak abo hač so woni scyła posća.

Dr. Susanne Hozyna z Budyšina: Posćić so za mnje hłownje rěka, so kusk wróćo dźeržeć. Sym sej runje nětko tydźeń dowola za to wzała. Mój z mandźelskim wzdamoj so hač do jutrow słódkosćow, alkohola a kofeja. Spytamoj so bóle ze zeleninu a sadom zežiwić. To woznamjenja, zo tež mjaso a pječwo hišće tak husto kaž hewak na taler njepřińdźetej. Duchownje zaběram so bóle hač hewak z poeziju a rjanej literaturu. Wopytujemoj tež póstny seminar w Smochčanskim Domje biskopa Bena.

wozjewjene w: Měnjenja
Prošu přizjewće so, chceće-li komentar podać

nawěšk

nowostki LND