Z dźěćetko-mobilom po puću poručenje

pjatk, 23. decembera 2016
artikl hódnoćić
(0 )
Wjesołe a žohnowane hody přejetej Ludowe nakładnistwo Domowina a redakcija Serbskich Nowin wšitkim swojim čitarjam, awtoram, roznošowarjam a dopisowarjam, přećelam a dobroćelam w Hornjej, srjedźnej a Delnjej Łužicy kaž tež za jeje mjezami. Za swjate dny su wjedrarjo sylny wětřik připowědźili. Njepřestajneho dešća dla bě tež Brězowske dźěćetko z přewodźerkomaj lětsa na njezwučene wašnje w tak mjenowanym dźěćetko-mobilu po wsy po puću. Přichodne wudaće našeho wječornika dóstanjeće wutoru, 27. decembra.  Foto:  Joachim Rjela Wjesołe a žohnowane hody přejetej Ludowe nakładnistwo Domowina a redakcija Serbskich Nowin wšitkim swojim čitarjam, awtoram, roznošowarjam a dopisowarjam, přećelam a dobroćelam w Hornjej, srjedźnej a Delnjej Łužicy kaž tež za jeje mjezami. Za swjate dny su wjedrarjo sylny wětřik připowědźili. Njepřestajneho dešća dla bě tež Brězowske dźěćetko z přewodźerkomaj lětsa na njezwučene wašnje w tak mjenowanym dźěćetko-mobilu po wsy po puću. Přichodne wudaće našeho wječornika dóstanjeće wutoru, 27. decembra. Foto: Joachim Rjela

Špatne wjedro w Brězowce sej njezwučene pěstowanje nałožka žadało

Brězowka/Slepo (ML/SN). W sydom wsach Slepjanskeje wosady bě bože dźěćetko lětsa dohromady 31 razow po puću a je dźěćom trójce wobličo pomajkało a dorosćenych ze swojim žiwjenskim prutom požohnowało. Starodawny nabožny nałožk skónči so štwórty adwent, a to tradicionalnje nawječor w Brězowce. Dokelž je so tón dźeń jara dešćowało, přetworichu wjesnjenjo jězdźidło na zakryty dźěćetko-mobil, w kotrymž sedźeše serbska mystiska postawa we wosebitej swjedźenskej drasće a ze zakrytym wobličom zhromadnje z přewodnicomaj w holčej drasće. Kaž w minjenych lětach bě Domowinjanka Arita Krawcowa Brězowske dźěćetko za to kaž tež do toho za wobradźenje na adwentničce Domowinskeje skupiny, pěstowarnje a rentnarjow zhotowała.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND