Wolejbulisća 7. lětnika Serbskeho gymna­zija Budyšin (SGB) su sej w sakskim finalu wubědźowanja „Młodźina trenuje za olympiju“ w najmłódšej starobnej skupinje IV mjez šěsć startowacymi mustwami w Grimmje bronzu zawěsćili.­ Turněr dobył je cyłk Sportoweho gymnazija Lipsk.

Hižo 11. raz skwalifikowa so jedne wo­lejbulowe mustwo Budyskeho Serbskeho gymnazija za krajne finale wubědźowanja „Młodźina trenuje za olympiju“. Do Budyšina wróćichu so dotal z jednej slěbornej a pjeć bronzowymi medaljemi. W Grimmje přidruži so dalša bronza, kotruž njebě něchtó wočakował, dokelž nastupichu štyrjo aktiwni koparjo a jedyn lochkoatlet w finalu najlěpšich šěsć mustwow Sakskeje. Woni dopokazachu, zo zamóža tež wurjadnje wolejbul hrać.

Serbski gymnazij Budyšin – Sportowy gymnazij Lipsk 0:2 (9:25, 5:25)

Krótko do kónca hry hišće wurunali

wutora, 07. meje 2019 spisane wot:

Wojerowski FC II – SJ Chrósćicy II 5:5 (2:2)

Zestawa hosći: Hejduška – A. Dórnik, H. Zynda, Hojer, Dehn, J. Zynda (85. M. Dórnik), Bětnar, Zahrodnik, Mohaupt, F. Šiman, Liznar

Młode serbske koparki pódla byli

wutora, 07. meje 2019 spisane wot:
Hnydom pjeć serbskich hrajerkow je so njedźelu we wobłuku turněra Sakskeho koparskeho zwjazka na turněrje w Heidenauwje wobdźěliło a za wubranku Zapadołužiskeho koparskeho zwjazka (WFV) nastupiło. Běchu to Lena Gerlachec (stejo druha wotlěwa, SJ Njebjelčicy), Stela Pilcec (klečo srjedźa, Sokoł Ralbicy/Hórki), Lena Handrikec (klečo naprawo, SJ Chrósćicy), Sophie Matješkec (stejo naprawo, SJ Chrósćicy) a Lavinia Frenclec (stejo druha wotprawa, Sokoł Ralbicy/Hórki). Za wubranku zamołwity bě Tino Gottlöber (stejo nalěwo, Biskopičanske KT). Dwójce je wubranka WFV snadnje 1:2 přěhrała, dwójce hraješe 0:0. Foto: Gojko Sinde

Wuslědki (07.05.19)

wutora, 07. meje 2019 spisane wot:

Kopańca muži, wokrjesna liga, stafla II

1. ST Marijina hwězda 22 60 : 11 55

2. HZ Łaz/Běły Chołmc 22 63 : 19 50

3. ST Ćisk II 22 41 : 28 41

4. Traktor Malešecy 21 50 : 25 39

5. SV Haselbachtal 22 42 : 28 37

6. HZ Wulke Ždźary 23 33 : 38 34

7. Wojerowski FC II 22 36 : 34 32

8. SJ Njebjelčicy 22 30 : 28 28

9. FSV Łuty 22 37 : 42 27

10. 1896 Wulka Dubrawa 23 37 : 54 27

11. Nadrózna Hrabowka 22 36 : 45 26

12. ST Lubuš 23 28 : 38 26

13. SJ Chrósćicy II 22 29 : 39 21

14. HZ Rakecy II/Šćeńca 23 25 : 56 18

15. ST Mały Wosyk 23 19 : 81 9

Maja zaso škričku nadźije

póndźela, 06. meje 2019 spisane wot:

Sokoł Ralbicy/Hórki – ST 1922 Radwor 1:2 (1:0)

Zestawa domjacych: Schöne – K. Matka (81. Rawš), Šewc, Bjeńš, Materna, Šołta, Gloxyn, M. Matka, Korjeńk, Kurjat (81. Budar), Domaška (46. Bejmak)

Zestawa hosći: Jendrewski – Bauer, Šěrak,­ Wjacławk, Petschak, Henka, Měrćink,­ Glücklich, Nuk, Reineke, Schulze­ (90. Hettasch)

Na próstwu Radworčanow wotmě so serbski koparski derby hižo minjeny pjatk w Ralbičanskim Stadionje přećelstwa. Wšako su wčera w Radworju meju mjetali. Prjed hač pak bu horcy duel zahwizdany, spominaštej mustwje z mjeń­šinu ćišiny na hrajerja a sudnika ST Hnašec/Dobruše Hansa Pfeiffera, kiž bě w Bayerskej smjertnje znjezbožił.

Awtor dźensa Beno Šołta

Wčera wotmě so wažne wutrajnostnosportowe wubědźowanje w Kamjencu – kćenjowy běh – a to mjeztym 21. raz. Prěnje lěta wubědźowachu so běharjo hišće na Pastwinej horje tam kołowokoło Pastwineje hory, a to w awgusće, hdyž běše zwjetša chětro horco. Mjeztym su sportowcy podawk do města přepołožili, hdźež je atraktiwniši za přihladowarjow. Tež parkowanske móžnosće su za nich a sportowcow wězo lěpše. K tomu přińdźe, zo je mejske wjedro zwjetša wjele přijomniše, štož temperatury nastupa. Wčera bě tomu hinak. Wobstejnosće za běhanje běchu w porjadku, za kolesowanje pak jara zymne. Přiwšěm je runje kombinacija sportoweju družinow tak mjenowany duatlon atraktiwna. W Lessingowym měsće rěkaše to šěsć kilometrow běžeć, 24 kilometrow kolesować a hišće raz dwaj kilometraj běžeć. To sy chětro kedźbować dyrbjał. Při běhanju sy so poćił, při kolesowanju pak je zymny wětřik ćěło jara wochłódnił. A při druhim běhanju sy so zaso poćił. Za mnje je to w našej kónčinje sobu najbóle napinace wubědźowanje lěta.

Skónčnje zaso raz dobyli

póndźela, 06. meje 2019 spisane wot:

SJ Chrósćicy – FC Hornja Łužica Neugersdorf II 2:1 (2:0)

Zestawa domjacych: Králíček – Püschel, F. Cyž, Sentivan, L. Zahrodnik, M. Zahrodnik, G. Zahrodnik (83. Mark), Henzl, Henčl (90. F. Šiman), Runt (90 J. Zynda), Beneš

Koparska rezerwa FC Hornjeje Łužicy z Neugersdorfa bě do Chrósćic na nachwatansku hru přijěła. A domjacy chcychu skónčnje zaso raz dobyć. Spočatk hry pak słušeše cyle jasnje hosćom. Młode mustwo pokaza techniske lěpšiny kaž tež porjadne tempo wot spočatka. Domjacy přińdźechu w 13. min. prěni króć před wrota přećiwnika. Tom Henčl bu jasnje foulowany a dósta jědnatku. Tu móžeše Jakub Beneš k 1:0 do saka sunyć. Jeno tři mjeńšiny pozdźišo třěli Filip Henzl z praweje strony wólny kop, kotryž wrotar najprjedy wotwobara. Feliks Cyž bě na to prěni při bulu a storči jón z pjeć metrow k 2:0 do syće.

Sport (03.05.19)

pjatk, 03. meje 2019 spisane wot:

Třikrajowy jěchanski turněr

W Holešowskej Dubrawce pola Njeswačidła přewjedźe Jěchanske a jězdne towarstwo Njeswačidło wot 24. do 26. meje třikrajowy turněr z dorostowymi jěcharkami a jěcharjemi z Němskeje, Pólskeje a Čěskeje.

Wobornicy so zaso wubědźuja

Tež lětsa chcedźa so wobornicy zarjadniskeho zwjazka Při Klóšterskej wodźe a hašerjo dobrowólnych wohnjowych woborow wokoło Kulowa zaso mjez sobu wubědźować. Prěnje terminy a časy su hižo znate:

19.05.  10.30 Konjecy-Šunow

 (w Konjecach)

26.05.  14.00 Brěžki

11.08.  13.30 Smjerdźaca

25.08.  14.00 Salow

 (pokal města Kulowa)

29.06.  14.00 Mučow

Derby hižo dźensa

Serbski koparski derby mjez prěnimaj zastupnistwomaj Sokoła Ralbicy/Hórki a ST 1922 Radworja hižo dźensa w Ralbicach, a to wot 18 hodź. Sudnik duela budźe Maik Ruprecht. Hodźinu pozdźišo potom stara koparska garda Sokoła, a to pola Wojerowskeho FC Jednota za bulom honi.

Kónctydźenska kopańca

04.05. 13:00  Wojerowski FC II

  – SJ Chrósćicy II

04.05.  13:00  TSV Wachau II

  – SJ Njebjelčicy II

04.05.  15:00  TSV Połčnica

  – Rakečanske ST

04.05.  15:00  Módro-běli Njeswačidło

  – Módro-běli Kulow II

05.05.  11:00  TSV Rotacija Drježdźany   – SJ Chrósćicy

05.05.  13:30  Budissa Budyšin

  – Hertha BSC II

Poslednja hrawe wobwodnej lize 2018/2019

štwórtk, 02. meje 2019 spisane wot:

VV Žitawa 09 II – HZ Pančicy-Worklecy 3:2 (18:25, 25:21, 20:25, 26:24, 15:11)

Žony a holcy hrajneho zjednoćenstwa Pančicy-Worklecy běchu sej na swojim poslednim hrajnym dnju na poslednju hru sezony 2018/2019 do Žitawy k poslednjemu tabulki dojěli. Wosme městno bě hosćom do hry wěste, wobsteješe pak šansa, so na komfortabelne šeste sunyć. Tale móžnosć pak měješe komplikowane wuměnjenje: Hwězdźički-Micki – w tabulce z 15 dypkami – mějachu sej tři dypki w Žitawje zdobyć, OSC Lubij (17 dypkow) měješe přećiwo VF BW Wojerecy přěhrać a Ochranowske wolejfantki (tež 17 dypkow) mějachu přećiwo Žitawje přěhrać. Přećiwo poslednjemu tabulki podležeć by wulka překwapjenka była, wšako běchu Ochranowske wolejfantki na sedmym městnje zaměstnjeni. Hižo w prěnjej hrě dopokazachu pak Žitawčanki krutu wolu, dypki nic tak spěšnje wotedać. Pjećsadźbowa hra skónči so z dobyćom za Ochranowčanki. Potajkim wobsteješe za hrajne zjednoćenstwo hišće šansa na sedme městno. Prěnja sadźba započinaše so za hosći wjelelubjaca. Spěšnje zamó sej hrajne zjednoćenstwo komfortabelny předskok wutwarić.

Wulkotne zasadźenjesej z dypkom mytowali

štwórtk, 02. meje 2019 spisane wot:

SJ Chrósćicy II – HZ Łaz/Běły Chołmc 0:0

Zestawa domjacych: Hejduška – Donat, Mark, H. Zynda, Dórnik, J. Zynda, Wowčer (63. Kral), Bětnar, Mohaupt, Žur (89. Klimat), Liznar (72. Šmit)

Na koparsku rezerwu Chróšćanskeje SJ čakaše we wokrjesnej lize ćežka domjaca partija přećiwo druhemu tabulki z Łaza/Běłeho Chołmca. Hladajo na zašłe hry chcyše wona wězo dypkować, zo by wotstawk k zestupnym městnam powjetšiła, a tak wočakowachu přihladowarjo napjaty duel.

nawěšk

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.

nowostki LND