Hósć z wothwizdom wurunał

wutora, 01. septembera 2015 spisane wot:

SJ Chrósćicy – LSV Hory 2:2 (1:0)

Zestawa domjacych: Králíček – Pöpel, Runt, Šafář, Šiman, F. Zahrodnik, Domaška, M. Zahrodnik, Młynk (72. Šmit), Žur (90. Budar), Věchet

Nadpismo móhło tež rěkać: ,,W poslednjej sekundźe dobyće z ruki dali.“ Štóž pak je hru widźał, tón zawěsće praji, zo móža Chróšćanscy koparjo z remisom spokojom być. Wosebje w prěnim połčasu woni chětro strachoćiwje wustupowachu. Přećiwnik z Horow móžeše swoju hru woměrje natwarjeć a sej bul derje přisuwać. Domjacy jeho hrajerjow dosć njemylachu. A dobre wudobyte bule běchu njekoncentracije a lochkomyslnosće dla hnydom zaso zhubjene. Kaž z ničeho pak padny za SJ Chrósćicy nawjedowanje. Wysoka diagonala Pöpela bu hišće wotpopadnjena, Młynk pak dósta druhi bul a pósła Věcheta hnydom do běha. Zymnokrejnje wuhra wón wrotarja, da hišće škitarjej do prózdneho běžeć a suny kulowatu kožu k 1:0 do praweho kuta (38.). Z přichodnym nadběhom potorhny Feliks Zahrodnik Horjanskeho nadběhowarja w šěsnatce, a sudnik postaji jědnatku. Králíček pak ju wotwobara.

Zapadołužiski koparski zwjazk (WFV) je mjez­ druhim tež za to zamołwity, zo žada­ sej kóžda winowatostna kaž tež přihotowanska hra wukubłaneho koparskeho sudnika a dweju asistentow. Loni je sudnistwo WFV mjez druhim Chróšćanskej SJ šěsć dypkow a ST 1922 Ra­dworjej tři dypki wotćahnyło, dokelž njejstej­ sportowej jednotce trěbnu ličbu sudnikow stajiłoj. Sudnicy na łužiskich kopanišćach su nuznje trěbni! Wukubłanje koparskeho sudnika poskići WFV lětsa­ wot 12. septembra w Pančicach­Kukowje. Kilian Hrjehor, 13lětny sudnik Sokoła Ralbicy/ Hórki, je loni pruwowanje wuspěšnje wobstał a za wšitkich zajimcow najwažniše dypki zestajał, kotrež su we wobłuku wukubłanja a pozdźišo trěbne.

Prašej so najlěpje zamołwiteho za sudnikow w sportowym zjednoćenstwje. Na internetnych stronach WFV móžeš so tohorunja wobhonić.

Prěnje dobyće a tři wažne dypki za Budissu

póndźela, 31. awgusta 2015 spisane wot:

Budissa Budyšin

– Germania Halberstadt 3:0 (2:0)

Zestawa Budissy: J. Jakubov – Kolan, Klippel, Pfanne, Kral, Rosendo, Hoßmang, Čermák (83. Heppner), Reher, A. Jakubov (68. Hansch), Salewski (88. Walther)

Na planje steješe hižo 5. hrajny dźeń. Wobaj cyłkaj pak njeměještej přeco hišće dobyće na swojim dypkowym konće. Budissa kaž Germania Halberstadt chcyštej to nětko wězo změnić.

Bohužel bě jeno 475 přihladowarjow na Budysku Młynkec łuku přichwatało. Prěnju šansu měješe Germania, Jakub Jakubov pak steješe prawje (2.). Na tamnym boku wotwobara přećiwniski wrotar třělwu Rosenda na liniji z nohu (3.). Z dalšej paradu škitaše wrotar domjacych před wrotami přećiwnika. Róžk Rosenda w 15. min. wuži Alexander Jakubov k nawjedowanju. Wosom mjeńšin po tym poradźi so jemu samo 2:0. Hosćo derje wustupowachu, Budissa pak jim wjele njedowoli. Šansu Teixeiry znješkódni Jakub­ Jakubov (35.). Hoßmang (37.) a Reher­ (42.) móhłoj wuslědk k połčasej hišće zwyšić.

Wubědźowanje KnappenMan lětušu sezonu zakónčiło

K poslednjemu wubědźowanju lětušeje triatlonoweje sezony wobdźělichu so serbscy sportowcy na 27. knappenManje we Łazu. Hižo wjacore lěta přewjeduja jón we a wokoło tamnišeho Třižonjanskeho jězora. Sobotu startowachu, při horcych temperaturach, atleća na dlěšich distancach. Po nimale dźewjeć hodźinach doběža Christian Schröter z Bamberga jako prěni „železny muž“ do cila (3,8 km płuwać – 180 km kolesować – 42,2 km běžeć/40 muži a štyri žony běchu­ startowali). Poslednjeho w cilu witachu přihladowarjo něhdźe sěsć hodźin pozdźišo. Tež za poł distancy (1,9 km płuwać – 90 km kolesować – 21 km běžeć) knježeše wulki zajim. Organizatorojo zwěsćichu rekordnu ličbu wobdźělnikow (27 žonow a 237 muži). Zwjeselace zdobom běše, zo bě tež při čarach lětsa wočiwidnje wjace přihladowarjow.

SC 1911 Großröhrsdorf

– Sokoł Ralbicy/Hórki 2:1 (2:0)

Zestawa hosći: Gloxyn – von Köding, Korjeńk, F. Bejma, Lulak (68. T. Bejma), Bjeńš, Šołta, Wałda, Kurjat (28. Matka), Domaška, B. Bejma

Widźał, słyšał, napisał (31.08.15)

póndźela, 31. awgusta 2015 spisane wot:

Awtor dźensa

Mikławš Krawc

Wo serbskej koparskej wubrance lětsa přewjele słyšeli njejsmy. Zo pak přihoty na klětuše zetkanje mustwow narodnych mjeńšin w Južnym Tirolu běža, je mi njedawno Józef Šwon na přikładźe skazanja wjacorych busow za fanow rysował. W dorosće wutwori Serbski Sokoł lětsa hnydom tři wubranki w starobnych klasach młodźina C, D a E – prawje tak! Loni mějachmy jenož wubranku D.

Wuslědki (31.08.15)

póndźela, 31. awgusta 2015 spisane wot:

Regionalna koparska liga

Babelsberg 03 – Nordhausen 0:0 (0:0)

Halberstadt – Rathenow 4:2 (2:1)

Neugersdorf – Neustrelitz 2:1 (2:1)

Schönberg – Meuselwitz 3:0 (1:0)

Zwickau – Luckenwalde 3:0 (3:0)

RB Lipsk II – Hertha BSC II 2:3 (1:1)

Berlinski AK – Auerbach 3:0 (0:0)

BFC Dynamo – FC Viktoria 3:0 (1:0)

1. Zwickau 6 16  :  0 18

2. Berlinski AK 6 8  :  1 12

3. Nordhausen 6 9  :  5 11

4. Neugersdorf 6 10  :  7 11

5. Neustrelitz 6 10  :  5 10

6. Babelsberg 03 6 6  :  1 10

7. Jena 5 7  :  3 10

8. Schönberg 6 8  :  5 9

9. BFC Dynamo 6 14  :  13 9

10. Hertha BSC II 6 8  :  9 9

11. Auerbach 6 7  :  12 7

12. Budissa Budyšin 5 6  :  6 6

13. Meuselwitz 6 4  :  9 6

14. Rathenow 6 5  :  9 5

15. RB Lipsk II 6 7  :  13 4

16. Halberstadt 6 6  :  14 4

17. FC Viktoria 6 1  :  11 3

18. Luckenwalde 6 2  :  11 1

Wokrjesna wyša liga

Großröhrsdorf – Ralbicy/Hórki 2:1 (2:0)

Póst Budyšin – Kulow 1:0 (1:0)

Bukecy – Połčnica3:2 (1:0)

Rakecy – SJ Ćisk0:1 (0:0)

Chrósćicy – LSV Hory 2:2 (1:0)

Kinspork – Wachau3:0 (2:0)

Ramnow – Wjelećin2:2 (0:0)

Łuty – Hnašecy1:0 (1:0)

1. ST Ćisk 4 12  :  4 12

2. Chrósćicy 4 6  :  2 10

3. Kumwałd 3 10  :  1 9

4. LSV Hory 4 12  :  4 8

5. Ralbicy/Hórki 4 12  :  5 6

6. Połčnica 4 10  :  6 6

7. Hnašecy 4 7  :  5 6

8. Großröhrsdorf 4 5  :  9 6

9. Kulow 4 3  :  4 4

10. Łuty 3 5  :  8 4

10. Kinspork 4 5  :  8 4

12. Ramnow  4 7  :  11 4

13. Bukecy 3 4  :  7 3

14. Póst Budyšin 4 3  :  12 3

15. Wjelećin 3 5  :  8 2

16. Rakecy 4 6  :  10 2

17. Wachau 4 7  :  15 1

Sport (28.08.15)

pjatk, 28. awgusta 2015 spisane wot:

Strowotniske běhi

W Połčnicy su dźensa wot 17.45 hodź. wjacore tak mjenowane strowotniske běhi. Na wubědźowanskich lisćinach steja tež mjena serbskich běharjow. Na distancy 800 m startuje Juraj Nuk, na čarje 2 km Janoš Nuk a na 5 km Michał Nuk.

36. Běłobóske běhi

We Wopakej přewjedu njedźelu běhi na horu Běłobóh. Start budźe w stadionje na Lindbergowej w 10 hodź. W poskitku maja tam distancy 1,5 km/4,9 km/12 km a 20 km.

Koparske dypkowe hry

29.08. 15:00 Budissa II – Drježdźany

29.08. 15:00 Großröhrsdorf – Ralbicy

29.08. 15:00 Póst Budyšin – Kulow

29.08. 15:00 Arnsdorf – Njebjelčicy

30.08. 11:00 Rakečanske ST – ST Ćisk

30.08. 15:00 SJ Chrósćicy – LSV Hory

29.08. 13:00 Póst Budyšin II – Radwor

30.08. 15:00 N. Hrabowka – Ralbicy II

30.08. 15:00 Marijina hwězda

  – Ottendorf/Liegau

Wobornicy so wubědźuja

Pokiw wšěm tym, kotřiž maja jenož pjatkowne wudaće SN: Dźensa wot 20 hodź. wubědźuja so wohnjowi wobornicy pod swětłomjetakami na Pěskečanskim sportnišću a přichodny pjatk w samsnym času na Ralbičanskim starym sportnišću do směra na Konjecy.

Triatlon KnappenMan

FC Łužica Wojerecy reaguje

štwórtk, 27. awgusta 2015 spisane wot:

Sportowe towarstwo FC Łužica Wojerecy je wčera přez medije a po dalšich pućach list rozesłała, z pomocu kotrehož pytaja za mjenami skućićelow, kotřiž běchu kónc junija w Kulowje při pokalnej koparskej hrě antiserbske spěwy spěwali, na sudnika kurowu bombu ćisnyli a na hrajnišćo praskotaki mjetali. Wobrazy skućićelow a dalšich přiwisnikow sportowej redakciji Serbskich Nowin předleža. Za pomjenowanje wosobow z adresu přilubja FC Łužica 50 eurow, za pomjenowanje mjetarja kuroweje bomby 250 eurow. Zašły tydźeń je sudnistwo Zapadołužiskeho koparskeho zwjazka FC Łužicu Wojerecy k pokuće 1 050 eurow zasudźiło. Nimo toho dyrbi sportowe towarstwo antirasistiski trening přewjesć.

Pokiwy, kotrež budu dowěrliwje wobdźěłane, podajće prošu pod telefonowym čisłom 03571/42030 abo e-mailnje pod . Hagen Grasemann, zamołwity FC Łužicy Wojerecy, na to skedźbnja, zo njesłušeja skućićeljo-fanojo k fanowej skupinje FC Łužicy Black devils.Werner Müller

Poražka zposlednim nadběhom

štwórtk, 27. awgusta 2015 spisane wot:

SJ Njebjelčicy – FC Hornja Łužica Neugersdorf, młodźina A 0:1 (0:0)

Zestawa domjacych: Hahn – J. Šołta, Šram, Pawlik, S. Kral, Hoelzel, M. Kral, R. Šo­łta­, Hrjehor, Matka, Lejnart, Hübenthal, Matješk

nawěšk

SERBSKE NOWINY podpěruja:

Novi Sad – kulturna stolica Europy

nowostki LND